رواية عشقت مغتصبه الفصل السابع والعشرون 27 - بقلم حنين هاني

ليل بفرحة. انتا عرفت منين اني بحب السوشي؟ غيث بلويه بوز. نعم يختي، سوشي؟ ده الي لفت نظرك؟ ليل. هيكون في احلا من السوشي يعني؟ غيث. بصي كويس. ليل بصدمة. واو، ده تحفة. غيث. اي رايك؟ ليل. ده حلو اوي، متعرفش انا بحب قد ايه السوشي مع الصوصات الجديده دي. غيث. حسبي الله ونعم الوكيل. ليل. اي ياغيث، في اي؟ غيث. انتي الي في اي بقا؟

انا جايبك علي يخت وجو رومانسي بقا وورد وشموع، وجايبلك بوكس كبير في هديه وكتبلك بحبك بالورد، وانتي ملفتش انتباهك غير السوشي والصوصات؟ وانا الي قولت من الرياكشن ده كلو عشان عجبها الجو والورد وكده يعني. (وراح بصلها) سوشي مفرحتيش غير بالسوشي. ليل. لا والله، كل حاجه بس انتا مش عارف انا والسوشي قصة حب من زمان. غيث. يعني بتحبي السوشي اكتر مني؟ عمري مكنت اتوقع مراتي تحب السوشي، لا وكمان قصة حب. ليل.

لا بحبك انتا اكتر علي فكره. غيث بغمزه. بجد؟ ليل. ايوه بقا هو ده الكلام الحلو. غيث بكسوف. طيب تعالي اوريكي الهديه. ومشيو وراح ادها الاول بوكيه ورد كبير مكتوب عليه "اخترتك فكنتي اجمل اختيارتي". شافت ليل البوكيه وعنيها دمعت. وفتحت البوكس لقت دريس لونو اسود. بصتلو ليل. واو، ده تحفه بجد. غيث. طيب يلا كملي، لسه في تاني. ليل مدت ايدها وطلعت علبه تانيه وفتحتها لقت خاتم وسلسله. غيث. اي رايك؟ ليل. تحفه بجد. غيث. طيب يلا كملي.

ليل. لسه في تاني. غيث. ايوه، اخر حاجه واهم حاجه. اتحمست ليل وبدات تدور في البوكس وطلعت كرت مقفول ومتغلف. ليل بفضول. ده اي؟ غيث. افتحي وشوفي. وهو مركز علي ردة فعلها. اكتر حاجه فتحت ليل التغلف ولقتو كرت وفتحت وقرت الي في واتصدمت. ليل. بتهزر صح؟ غيث. ليه؟ ليل. اي ده ياغيث؟ غيث. انتي شايفه اي؟ ليل. يعني ده صح وانا شايفه صح؟ غيث. ايوه. ليل. دي دعوة فرحنا! بتهزر صح؟ غيث بابتسامة.

لا مش بهزر، ده بجد. وشوفي في حاجه جوه الكرت. دورت ليل في الكرت لقت مفتاح. ليل. ده مفتاح؟ غيث. شقتك ياعروسه. ليل بدموع. لا متهزرش ياغيث. غيث بكل حب. لا مش بهزر، ده مفتاح شقتك ياعروسه ودي دعوة فرحك الي كمان شهر. عيطت ليل وراحت حضنتو وهو حضنها بكل حب وفرحان لفرحتها. غيث. مبسوطه وانتي معايا؟ ليل. ده احلا وقت في حياتي كلها، عدا وانا معاك. غيث.

متعرفيش انا بحبك قد اي. دخلتي حياتي فجأه بدون سابق انذار، شوفت فيك الحب والدفا والبيت وكل حاجه. واكتر حاجه ثبتلي اني اخترت صح هي وقفتك الفتره الي فاتت وانتي معايا، كنتي معايا في اكتر وقت وقعت فيه سندتيني. مع ان مكناش كلمنا حاجه مع بعض، بس فعلا وقفتك جمبي خلتني احبك اكتر ودي اقلل حاجه اقدمهالك واقدم حبي ليكي بيها. ليل.

مش عارفه ازاي وامتا، بس اكتر وقت حسيت فيه بالامان كان معاك. انتا الي مسكت ايدي وقت مكانت الدنيا جايه عليا. اتجوزتني وانتا عارف اني مش بحبك، وبعدها عرفت اني اتجوزتك عشان كنت خايفه من اهلي. ولما عرفت مضايقتش، لا ده انتا قولتلي انا احترمك عشان مكدبتش عليا. استحملت ان ديما لما كنت بتقرب كنت انا ببعد. انتا اماني وملجأي الوحيد الي ملقتش الامان غير معاه. انا بحبك اوي. غيث. وانا كمان بحبك ياعروستي. ليل.

طيب اي بقا مش هناكل السوشي عشان نكمل بقيت المفاجات؟ غيث. طيب عايز اسالك سؤال ياليل. ليل. اسال. غيث. انتي بتحبي السوشي اكتر مني صح؟ ليل. لا عيب ياراجل، لما تقارن نفسك بالسوشي. اه طبعا بحبو، هو وضحت. غيث. لا ياشيخه. ليل. لا بهزر معاك، بحبك انتا اكتر طبعا. غيث. وانا بعشقك. ليل. بقالي. غيث. ايوه بقا. ليل. طب متيلا ناكل بقا. غيث. يلا يامفجوعه بقا.

وخدها في حضنو وباس راسها وبعدين راحو واعدو ياكلو وليل مستمتعه بالاكل وغيث فرحان انو قدر يبسطها. عند عز وزينه. عز. انا مبسوط بجد انك واقفتي نتكلم واطلع الي في قلبي ليكي، بس انا عايز اسالك سؤال. زينه. اتفضل. عز. انتي موافقه اني اتقدملك عشان عريس مثلا يعني وكده، ولا عشان في اعجاب بس؟ بصراحه. زينه. لازم تعرف يعني. عز. ايوه بصراحه، هيفرق معايا اوي. زينه.

اه في اعجاب، وبصراحه انتا في نفس الصوره الي رسمتها لفتا احلامي. شخصيتك اكتر حاجه شدتني، وبصراحه دي اكتر حاجه خلتني اعجب بيك. وبردو انك ملفتش ودورت وانك اتكلمت معايا جد وعايزها تبقا رسميه. عز. عشان انا ماليش في لعب العيال، انا الحمدلله انا عارف ربنا وبيني وبين نفسي علي طول قولت اول مهلاقي بنت الحلال الي هحبها وتصوني هتقدم علي طول. وانا عاوزك تعرفي اهلك، بس ليا طلب. زينه. اتفضل. عز.

مش هقدر اجي دلوقتي غير لما سندس تتطلع من المستشفى. سندس دي اختي ولازم اطمن عليها، فا معلش هنستنا علي الاقل 10 تيام وهجي اقابلهم علي طول. زينه. حاضر. انا لازم امشي بقا. عز. طيب يلا، وانا هوصلك. زينه. لا متتعبش نفسك، انا هطلب اوبر. عز. معلش يامزه، مبحبش خطيبتي تركب مع حد غريب. زينه. مره واحده خطيبتك. عز. ايوه ان شاءلله. ويلا يابت من غير كلام كتير. زينه. بت لا، ده انتا خدت عليا خالص. عز. اعمل ايه، حبيت.

كاتكسفت زينه ودارت وشها وهو بصلها وضحك. عز. انتي بتتكسفي يابطه. ودفع الحساب وطلعو ركبو العربيه عشان يوصلها. عز فكر كده مع نفسو. طيب ليه مروحش اقابل ابوها دلوقتي. وبصلها. زينه، انا هوصلك لغايت البيت وهطلع معاكي كمان علشان اقابل ابوك. زينه. انتا مجنون؟ ازاي يعني؟ عز. لا مش مجنون، ليه اجلها؟ انا هاجي اطلبك منو دلوقتي وبعد عشر ايام او اسبوعين نعمل خطوبه. زينه. ده اي السرعه دي؟ عز.

ماهو ده المطلوب، كلميه عشان يكون عارف اني جاي. زينه. انتا بتتكلم بجد؟ انتا هتقابل بابا النهارده؟ عز. ايوه. زينه. اناا مجنون. عز. عادي، ده جزء من شخصيتي الي هتحبيها. وغمزلها وكمل طريق. وعند ليث في العياده كان بيكلم فرح وقفل معاها لقا رقم غريب بيرن باسم مصطفى. ليث. ايوه مين؟ مصطفى. حضرتك دكتور ليث؟ ليث. ايوه، مين؟ مصطفى. معاك مصطفى، مدرس رياضه بدرس لختك ريم. ليث بخضه. ريم كويسه؟ حصلها حاجه؟ مصطفى.

متقلقش يادكتور، هي كويسه. ليث. اومال خير، في اي؟ مصطفى. كنت عاوز حضرتك يعني في موضوع، واشرب قهوه معاك. ليث بتسغراب. تمام، مفيش مشكله. تحب امتى؟ مصطفى. الوقت الي تحددو، معنديش اي مانع. ليث. خلاص يبقا الاسبوع الجاي عندي في البيت يوم الجمعه بعد العشا. مصطفى. تمام، مفيش مشكله. فرصه سعيده يادكتور ليث. ليث. انا اسعد. وقفل وهو مستغرب، هو عاوز اي.