تحميل رواية «عشقت مجنونة» PDF

محمد: ماما ماما حسن فينه

هيام: سافر يابني

نور بصدمه: اا ااايه سافر يعني ايه

هيام: يمكن لو كنتي جيتي بدري شويه كان زمانه معانا

نور جريت علي أمها

نور بدموع: لو سمحت انا عايزه ادخل حسن حسن جوا عايزه اكلمه هو اكيد طايرته لسه مطلعتش

أم محمد: سافر فين

محمد: دبي

أم محمد: طياره دبي طلعت من ربع ساعه

نور: اااايه يعني انا مش هشوفه تاني سافر وسابني خلاص

محمد: اهدي يا نور هيرجع قريب

نور: امتي هيرجع

محمد: متقلقيش حسن مش بيحب الغربه كلها شهر ولا شهرين وهيرجع

نور: بجد هيرجع

محمد: متقلقيش

بعد مرور ست شهور

نورهان: يانوووووور

نور: ايه يا ماما كرهتيني في حياتي كل يوم تصحيني مخضوضه كده

نورهان: مش قولتيلي اصحيكي بدري علشان لسه هتعدي علي مامت حسن

نور: اه صحيح ولسه هروح الشغل

نورهان: قومي طيب ومتتاخريش علشان ماجد ومراته جاين

نور: بجد وحشني اوي

نورهان: علفكره كانو لسه عندنا امبارح بليل

نور: اه صحيح طيب يلا هلبس وانزل هوان

نورهان: طيب

نور بصت علي صورة حسن

نور: اخوك شكله كداب زيك قالي شهر ولا شهرين عارف انا لما اشوفك هعمل ايه ولا اي حاجه همشي واسيبك علشان زعلانه اوي منك

عند حسن

حسن: وحشتيني اوي يا نور ياترا نستيني ولا لسه فكراني انا بعدت علشان خاطرك انتي يا نور فاكره لما قولتيلي سافر وابعد عني وياريت اخرج من مصر كلها انا عملت زي ما قولتي انا جرحتك اوي ومش هسامح نفسي بس صدقيني كنت هقولك يا نور عيني

حاتم: صحيت امتي

حسن: لسه صاحي من شويه اهو

حاتم: مش بشوفك بتكلم حد من اهلك ليه يبني

حسن: هيسالوني هرجع امتي وانا مش عارف هرجع امتي

حاتم: انت بتهرب من مين

حسن: هربان من كل حاجه هربان من سؤال ابني هرجع لمامته امتي وبعدت علشان نور تبقا مرتاحه وهي قالتلي كده انها هتبقا مرتاحه انا كدبت عليها وهي حقها تكرهني يا حاتم هي معاها حق انا كداب وغشاش

حاتم: مين نور

حسن وحكاله قصته

حاتم: ارجع يا حسن لاهلك انت حته مش بتكلم حد فيهم زمانهم قلقانين ليه تعمل فيهم كده علشان حاجه هما ملهمش ذنب فيها وكمان زين ابنك ايه موحشكش انت كده رميته

حسن: لا انا مرمتوش يا حاتم انا بحبه اوي يا حاتم بحبه اوي لو كنت بكرهه كنت زماني قولتله ان امه كانت بتخوني انا مقدرش اشوف دموعه ومش عايز ارجع علشان سؤاله هرجع لامه امتي وانا معنديش اجابه للسؤال ده

حاتم: ارجعله يا حسن وارجع لاهلك

حسن بدموع: وحشوني اوي يا حاتم ووحشتني ماما وصوتها وقلقها لما برجع متاخر

حاتم: ارجع لهم يا حسن الغربه وحشه وبعدين عندك مطعمك هناك

حسن: انا انا لازم اكلمهم ازاي قعدت الفتره دي كلها من غير ما اسمع صوتهم

بعد شويه

الهام: الو

حسن: ماما

الهام بدموع: حسن حبيبي انت فين ليه يا حسن تبعد عننا الفتره دي كلها هونت عليك يابني

حسن: اهدي يا ماما متعيطيش علشان خاطري انا كويس اوي واتعرفت علي واحد هنا طيب وابن حلال ونزلت اشتغل في مطعم انا كويس يا حبيبتي

الهام: ارجع يابني ارجع علشان خاطري انت وحشتني اوي

نور: ده ده حسن

محمد: اه

نور: طب متجبش سيرتي لو سالك عليا اشطه

محمد: ليه كده يا نور ما يمكن لو قولتله ان انتي مسمحاه يمكن يرجع

نور: لااا اخوك جرحني لما سافر

محمد: يختي اقعدي انتي بتتجرحي اوي

نور: محمد عيب

الهام: محمد تعال كلم اخوك

محمد: حاضر

حسن: عامل ايه يا محمد وحشتني

محمد: اه وحشتك مهو باين بقالك ست شهور بعيد عننا حته مبترنش تسال علينا

حسن: حقك عليا يا محمد انت وحشتني اوي انت وماما وزين

محمد: انت وحشتني اكتر هترجع امتي بقه

حسن: احم متعرفش حاجه عن نور

محمد بص لنور: نور

نور بصوت واطي: اقفل الصوته

محمد: ااايه

حسن: بقولك متعرفش حاجه عنها

محمد: لا مش بكلمك انت بكلم نور

نور: يخربيتك

محمد: قصدي بكلم ماما

حسن: طيب

نور بصوت واطي: قوله نور اتجوزت وخلفت ولد اسمه حمزه

محمد: اشمعنا حمزه

حسن: حمزه مين

نور بصوت واطي: يخربيتكككك

محمد: ها حمزه مين اااه ابن نور

حسن: نور

محمد بكدب: اه نور بعد ما انت سافرت عرفنا انها اتجوزت وجابت ولد وماشاء الله عنده سنتين ونص اه

حسن: سنتين ونص ازا

محمد: اه يابني ده حته في تانيه ابتدائ

نور: غبي والله

الهام: مش قادره هههههههه

حسن: ماما بتضحك علي ايه كده

محمد: مش عارف حسن بص اقفل دلوقتي وهبقا اكلمك تاني علي نفس الرقم ده سلام

حسن وهو مش فاهم حاجه: طيب سلام

نور: محمد انت مصيبه

محمد: يستي اعمل ايه اول مره اكدب

نور: طيب هو مقلش راجع امتي

محمد: لا انا اتوترت لما كدبت

نور: اخص عليكي يا حماتي بقه كده طب والله لو مبجيش بتقلقي وترني علي ماما صح ولا هتكدبيني

الهام: ما انتي الي عودتينا نشوفك اول ما نصحا من النوم

نور: طيب يلا هروح المطعم بق

محمد: حته المطعم بتروحيه علي امل يمكن تلاقي حسن هناك ههههه

نور: اه والله انا زهقت من الشغل اصلا بس اعمل ايه في اخوك الي مش عايز يرجع ده

محمد: اده حسن بيرن

حسن بيرننور: افتح السبيكر بسرعة.

حسن: الو يا محمد، هو نور اتجوزت بجد؟

نور (بصوت واطي): هيهيهيهي.

حسن: محمد.

محمد: أيوه معاك. اتجوزت.

حسن (بغيرة وحزن): هي... هي واخده عن حب بقى؟

نور (بصوت واطي): قوله أهم.

محمد: آه، واخداه عن حب تلات سنين.

نور (بصوت واطي): يبني انت أهبل! أنا أول مرة أشوف حد أهبل مني. مهو لو أنا بحبه من تلات سنين، إزاي كنت بحب أخوك؟

حسن: محمد.

محمد: أيوه أنا معاك أهو.

حسن: هي بتحبه بقالها تلات سنين؟ إزاي؟

محمد: قصدي تلات شهور.

حسن: ممم... ومعاها ولد؟ إزاي؟

محمد: هههه، كنت بهزر. قصدي حامل في ولد.

حسن (بحزن): تمام.

محمد: خلي بالك من نفسك.

حسن: حاضر. خلي بالك من ماما وزين.

محمد: البيه نايم الساعة ستة الصبح ومش راضي يصحى.

حسن: هو زين عندك؟ ومامته سيباه عادي؟

محمد: مامته... لما انت سافرت، راحت اتجوزت وجابت زين، ومنعرفش عنها حاجة.

حسن: يعني زين عندكم؟

محمد: آه.

حسن: عايز أسمع صوته يا محمد، ونبي خليني أسمعه.

محمد: طيب، نور معلش اطلعي صحي زين.

حسن: نور.

نور (بصوت واطي): يبني انت غبي والله.

حسن: محمد، نور مين؟

محمد: أنا قولت نور، أنا مقولتش نور، انت اللي قولت نور. المهم، أنا هديك زين أهو.

حسن: طيب.

في أوضة زين...

محمد: زينو، اصحى، بابا على التليفون.

زين: بابي، بابي. هو فين؟

محمد: اهو، كلمه.

زين: يعني مجاش؟

محمد: لا مجاش، هو رن علينا.

زين: لسه فاكر. اقفل، النور يا عمو، أنا مش عايز أكلم حد.

حسن: زين حبيبي، انت وحشتني أوي.

زين (بدموع): وانت كمان وحشتني. بس انت سبتني زي مامي.

حسن (بدموع): لا يا حبيبي، أنا مسبتكش يا زين. اوعى تقول كده تاني. أنا راجع يا زين، هرجع عشانك. أنا كنت غبي لما سبتك ومفكرتش فيك، فكرت في نفسي بس وإني عايز أبعد.

زين: بجد هترجع؟

حسن: هرجع يا حبيبي، هرجعلك.

بعد شوية...

حاتم: ها، كلمتهم؟

حسن: اتجوزت.

حاتم: نوور؟

حسن: آه.

حاتم: ربنا يعوضك خير يا صاحبي، متزعلش.

حسن: أنا هنزل مصر، هنزل لابني ولاهلي، هعيش معاهم ووسطهم. أنا مش هفضل في الغربة. هي اتجوزت وشافت حالها. ربنا يسعدها. وكمان ريناد اتجوزت.

حاتم: هتوحشني.

حسن: ماتنزل يبني.

حاتم: هنزل أعمل إيه هنا؟ الشغل أحسن. وبعدين أنا مليش حد، أمي وأبويا ماتوا من سنتين.

حسن: طب ماتنزل وأنا معاك أهو. انزل اشتغل في المطعم بتاعي واجر شقة مفروشة.

حاتم: هفكر.

حسن: لا متفكرش، انت هتنزل معايا وتشتغل معايا. أنا مش هسيبك.

حاتم (بابتسامة): ربنا يخليك ليا. انت بجد صاحب وأخ جدع.

حسن: ها، ننزل مصر؟

حاتم: ننزل مصر.

عند نور...

نور (بعصبية): متجوزة من تلات سنين، مش كده؟

محمد: نور، أنا لما بكدب بتوتر.

نور: تعرف أنا غلطانة إني باجي هنا أصلاً. أنا مش جايه هنا تاني. أنا كنت باجي بس عشان خاطر ابن جوزي، أصلًا مسبهوش لوحده معاك.

زين: حبيبتي يا مرات بابي.

نور: إيه مرات بابي دي بس؟ اسكت.

محمد: يختي، امشي. كل يوم تقولي كده ونلاقيكي في وشنا الصبح.

نور: تعرف أنا مش هرد عليك، تدري ليش؟ لأنك أخو زوجي، قُرة عيني.

محمد: طب يلا على المطعم، بلا أخو جوزك. هو لسه خاطب؟

نور: ححاضر.

بعد أسبوع...

نور: أهلاً أهلاً أبو حسن، أم نور، ليكوا وحشة. واللهم...

مريم: انتي سميتي العيال قبل ما ييجوا أصلاً؟

ماجد: أصل...

نور: ادخلوا، ادخلوا. ماما لسه كانت بتجيب في سيرتك يا مريم. والله لما لقيتني بلف المحشي وحش، قالتلي: "زي مرات أخوك".

نورهان: آه منك يا فضيحة.

مريم: ماشي يا ماما، مش هزعل منك عشان أنا كده كده عارفة إن لف المحشي بتاعي مش حلو.

ماجد: انتي أي حاجة منك يا قلبي حلوة.

مريم: ربنا يخليك ليا يا قلبي.

نور: يعع، إيه التلزيق ده.

مريم: مممم، بكرة نشوفك يا يختي.

نور: لا يحبيبتي، ماليش في الجو ده، بيوجع لي بطني.

نورهان: طب ما تيجوا يلا، ساعدوني خلوني أخلص.

مريم ونور: حاضر.

في بيت حسن...

محمد: ادهه، جيتي إمتى؟

حسن: لسه جايه أهو حالا، يدوب لسه بسلم على خالتو.

محمد: مش تقوليلي إنك جاية؟ كنت هاجي آخدك من المطار.

حسن: عادي بقى، كنت عايزة أعمل لكم مفاجأة.

محمد: احم، هي مفاجأة فعلاً.

إلهام: وحشتيني أوي يا مرام. (مرام بنت خالة محمد وحسن، كانت في أمريكا، سافرت تكمل تعليمها برا بعد ما أهلها اتوفوا. عينيها عسلي، بشرتها قمحاوية، وعندها غمازتين وقمر).

مرام: وانتي أكتر يا خالتو. أومال حسن فين وريناد؟

محمد: ياااا... قصة طويلة.

حسن (وهو بيحط شنطته على الأرض): سبني أنا أحكي.

محمد (بصدمة): حسن!

إلهام (جريت عليه، حضنته): حبيبي، رجعت إمتى؟ وحشتني أوي يا حسن.

حسن (بدموع): انتي كمان يا ماما وحشتيني أوي. وانت يا محمد...

محمد: أخيراً شوفتك يا أخي. ده انت حسابك معايا بعدين، مش قدام مرام. لسه راجعة، وأكيد مش عايزة دوشة.

مرام: إزيك يا حسن؟

حسن: بخير. انتي عاملة إيه؟

مرام: كويسة.

زين: بابيييييييي.

حسن: زينوووو حبيبي.

زين: انت إزاي تسبني كل الفترة دي يا بابي؟

حسن: مش هسيبك خالص، أنا رجعت، رجعت عشانك وعشان تيتة وعمو. مش هسيبكم خالص يا زين. عمري ما هسيبك. تعرف أنا مبسوط إنك هتبقى معايا يا زين، مبسوط أوي.

زين: كان نفسي مامي تبقى معايا. هي مش بتحبني صح؟

حسن: لا يا زين، هي بتحبك.

زين: طب هي فين؟

محمد: يلا يا زين عشان أوصلك المدرسة.

زين: لا، مش هروح.

حسن: أيوه، زين مش هيروح.

محمد (بيضحك): ههههه، ماشي يا خويا، ابقى وصله انت بقى.

حسن: انهارده إجازة من كل حاجة. أنا عايز أقعد معاكم، تمام؟

محمد: والمطعم؟

حسن: ابعت وقولهم إن انهارده إجازة عادي.

محمد (بيضحك): خلاص ماشي، هبعت أهو. موحشكش المطعم بتاعك؟

حسن: وحشني، بس انتوا وحشتوني أكتر.

زين: انتي مين يا حلوة؟

حسن: زين، اسمها عمتو مرام. إيه حلوة دي؟

مرام: سيبه يا حسن.

قطع كلامهم دخول نور...

نور: ازيكم يا جماعة؟ عاملين إيه؟ جبت لكم محشي، إيه؟ هتاكلوا صوابع أديكم ورجليكم وراه... إيه ده؟ انتي مين يا جميلة؟

حسن (وهو بيبص عليها): ده بس اللي أخدتي بالك منه يا مدام نور.

نور (بصت اتجاه الصوت): آه... اده! أنا اللي شيفاه ده؟ انت؟ انت حسن؟ انت رجعت إمتى؟ وإيه مدام دي؟

حسن (بحزن وغيره): مش اتجوزتي ولا إيه؟

نور (وفهمت إنه غيران وحبت تنتقم منه عشان سابها وسافر): آه اتجوزت. واه، حمد لله على سلامتك.

حسن: الله يسلمك. أنا طالع يا ماما أرتاح شوية. هو انتي هنا ليه صحيح؟

نور: أنا... أنا...

زين: جاية عشانى.

حسن: انت تعرفها منين؟

زين: هتبقى مرات بابي.

نور (قطعته): أنا جيت عشان أسأل عن الرسالة اللي بعتها محمد، وقال إن انهارده إجازة. واه، أنا وزين صحاب. بكون صحاب بقى لابني وكده، واللي في بطني.

حسن (بحزن): مبروك على الجواز.

حسن مستحملش وطلع، وفضل باصص عليها بحب. كان نفسي يا نور أجري أقولك أنا آسف وتسامحيني ونتجوز، بس للأسف انتي اتجوزتي ونسيتي حبي ليكي بسهولة.

نور: رجع إمتى يا محمد؟ وإزاي متقوليش؟

إلهام: ممكن تفهميني إيه اللي هببتيه ده يابنتي؟ انتي عايزة توجعي قلبه وقلبك؟ مش كنتي مستنية اللحظة دي عشان ترجعوا لبعض؟

نور: كده يا حماتي، متنسيش ابنك وجعني قد إيه لما سافر، وحلفت إنه لما يرجع هنتقم بطريقتي. ولسه اللي جاي أحلى.

حسن (وكان واقف وبيسمع كل كلامها): مممم... تعلميني الأدب يا نور؟ مااااشي.

بعد شوية...

نور: محمد، خد تعال.

محمد: انتي لسه هنا؟

نور: عايزة أشوفه قبل ما أمشي، بس معرفش أشوفه إزاي. أنا وحشني أوي يا محمد، وحشني أوي.

حسن: مين اللي وحشك؟

نور: هاه...

حسن: جوزك أكيد اللي وحشك.

نور: هاه، آه. وحشني أوي، حبيبي، مبقدرش أبعد عنه.

حسن: وايه اللي جابك هنا؟ ماتروحي له.

نور: عندك حق.

حسن: طب يا نور، أنا حابب ننسى اللي فات ونبقى صحاب. وحابب أوي أتعرف على جوزك. هو اسمه إيه؟

نور (بتوتر): اسمه إيه؟

حسن: إيه؟ مش عارفة اسم جوزك؟

نور: اسمه... اسمه حسنين.

حسن (بيضحك): حسنين؟

نور: اه، اه. أنا عايزة قهوة، حاسة إني دايخة.

حسن: اعملها قهوة يا محمد.

نور: لا خلاص، مش عايزاها. أنا ماشية.

حسن: نور.

نور (وقفت لما سمعت صوته): حسبي الله ونعم الوكيل. أنا إيه اللي جابني انهارده؟ أنا لو قال نور تاني هيغمى عليا.

حسن: نور.

نور: أيوه.

حسن: أنا عازمك بكرة انتي وحسنين على الغدا. يا ريت تنورونا، لأني حابب أوي أشوف حسنين ده، بما إنك قبلتي إننا نكون أصدقاء.

نور: أصدقاء؟ آه، آه. إن شاء الله.

في الطريق...

نور: عاااا! معقول نساني؟ مبقاش يحبني؟ إيه المعاملة الدبش بتاعته دي؟ بس يا خبر! هجيب حسنين منين ده؟ آه، لقيتها. عم فرج البواب.

بعد شويلة...

نور: مساء الفل على أحلى فروج.

فرج: مساء النور يابنتي.

نور: عايزك في مصلحة كده يا راجل يا طيب.

فرج: قولي يابنتي.

نور: انت عارف طبعًا إن بعزك زي والدي بالظبط.

فرج: طبعًا يابنتي. إيه الخدمة اللي هعملهالك؟

نور: تبقى جوزي.

فرج: لا إله إلا الله. ابقى جوزك يابنتي؟ إزاي يابنتي الكلام ده؟ أنا قد والدك. عيب يابنتي، حتة انتي لسه قايلة إني زي والدك.

نور: كده وكده. مهو الصراحة مش هلاقي حد أحسن منك. وبعدين مش هقدر أخلي حد غريب يعمل المهمة دي. يا حج فرج يا عسل، هو يوم واحد بس تقول إنك جوزي. وخلاص.

فرج: طيب يابنتي. روحي أقنعي أم هبة.

نور: سيبيهالي، ده هي بتحبني وهتوافق.

تاني يوم...

نور: جاهز يا حج يا عسل؟ انت اسمك إيه؟

فرج: فرج.

نور: لا يا عم فرج، انت اسمك حسنين. ها، اسمك إيه؟

فرج: حسنين.

نور: جدع.

بعد شويلة...

محمد: اتفضلوا، اتفضلوا. اده، مين ده يا نور؟

نور (وهي ماسكة إيده وبتدور على حسن بعنيها): جوزي، قُرة عيني.

محمد: يابنتي انتي هبلة؟ ده كده حسن هيشك. انتي جايبة باباكِ معاكِ؟

نور: اسكت، الله يكرمك. يعني أجيب شاب لا أعرفه ولا يعرفني أخليه جوزي يوم؟ إيه؟ شايفني بنت مش محترمة؟

محمد: لا، عيب. مين قال كده؟ خشي، خشي. اتفضل يا حج.

فرج: شكراً يا بني.

نور: لا كده هتفضحنا. ده اسمه محمد.

محمد: طب اتفضلوا، وأنا هطلع أنادي حسن.

نور: بسرعة، الله يكرمكم.

محمد: مدلوقة أوي.

زين: نوور، عاملة إيه؟

نور: قلب نور، تعالي في حضني.

زين: عاملة إيه؟ ومين ده؟

نور: ده... ده جوزي.

زين: جوزك؟ إزاي بس؟ شكله قد باباكِ. وبعدين مش قولتي هتتجوزي بابي وتيجي تعيشي معانا لما يرجع من السفر؟

نور: آه، مهو أنا حبيته عشان شكل بابا. وابوك طلع مش شكل بابا. اسكت بقى، الله يكرمك، هتبوظ الخطط بتاعتي.

في أوضة حسن...

محمد: عارف.

حسن: آه عارف. لا ومين واقف معاها؟ مامتي وأخويا. ها.

محمد: اعمل إيه يا عم؟ أخاف تبلعني.

حسن: أنا هوريها أنا هعمل إيه.

محمد: هتعمل إيه يعني؟

مرام: أنا هقولكم.

محمد: مرام.

بعد شويلة...

حسن: إيه النور ده؟ ازيك يا حج؟ اتفضل، نورتنا.

نور: ياربي، هو باين كبير كده للدرجادي؟

فرج: كتر خيرك يا بني.

نور: ابنك إيه يا جوزي يا قُرة عيني؟ ابنك في بطني إن شاء الله ييجي وينور حياتنا.

حسن (ضحك غصب عنه عليها وعلى غبائها): احم. مرام، تعالي يا حبيبتي.

نور (في بالها): حبيبتهم.

مرام: إزيك يا عمو.

نور: حبيبتي. ده جوزي، وليه اسم واسمه حسنين.

مرام: يعني مش حسن واحد؟ هههه.

نور: إيه يا بت الاستظراف ده.

إلهام: بس يابنات، انتوا هتتخانقوا. عيب كده. بس يا مرام، نور، أنا عايزك.

نور: حاضر.

إلهام: انتي هبلة؟ جايبة حد قد أبوكي يمثل إنه جوزك؟ طب بذمتك حسن هيصدق إزاي؟

نور: قولت مجبش حد من برا، أنا غلطانة. وبعدين مين البت الصفرا دي؟ أنا شوفتها امبارح وانهارده، هي عندكم كل يوم ولا إيه؟

إلهام: بنت أختي.

نور (بغيرة): ممم... وحسن بيقولها يا حبيبتي ليه؟ حبيته برضه؟

إلهام: أنا أعرف.

حسن: ماما، يلا الغدا جهز. انتوا فين؟

إلهام: جاين أهو.

نور: اتأخرت عليك يا حبيبي.

فرج: لا يابنتي، اقعدي.

نور (بصوت واطي): تعرف، ياريتني ما جبتك والله. بنتك دي هناك، لاكن هنا أنا زوجتك، قُرة عينك، فاهمني؟

فرج: فاهم، فاهم.

حسن: ممم... وانت عندك كام سنة يا عمو حسنين؟

فرج: ماشي في الـ 50.

حسن: ممم.

نور: كح كح كح.

نور: لا، أنا بس الأكل وقف في زوري ومحتاجة حاجة تزحلقه.

إلهام: خدي يابنتي، خدي اشربي.

نور: احم، شكراً.

حسن: ممم... وشغال إيه؟

نور: هو تحقيق بقى ولا إيه؟ ما خلاص.

حسن (وهو بيبص لنور): ماما، أنا قررت أخطب.

إلهام: بجد يبني؟ مين؟

حسن (مسك إيد مرام): مرام.

نور: كح كح كح كح.

حسن: تمام ماما أنا قررت أخطب.

إلهام: بجد يا ابني؟

حسن مسك إيد مرام: مرام.

نور: كح كح كح كح.

إلهام: ألف مبروك يا حبايبي.

نور دوست على رجليها: آآآه.

نور بصوت واطي: أحسن بقالي ست شهور عمال أقولك يا حماتي يا حماتي.

إلهام: خلاص حقك عليا.

حسن: أنتي كويسة؟

إلهام: اه اه.

نور: مممم، وانتوا حبيتوا بعض فجأة كده؟

حسن: وحضرتك يخصك في حاجة؟

نور بصت على مرام: لأ، أبداً. أنا ماشية، يلا يا فرج... قصدي يا حسنين، يا حبيبي نمشي.

حسن: لسه مأكلتيش.

نور: مش عايزة. حاسة إني حرّانة أوي.

حسن: بس إحنا في الشتاء.

نور: يعم أنا واحدة بتحر في الشتا وبسقع في الصيف، عندك مانع؟ يلا يا عم فرج.

حسن: حسنين.

نور: أنا بدلع.

بعد شوية...

زين: بابي، هي فعلاً نور متجوزة؟ طب إزاي وهي دايماً بتحكيلي قد إيه بتحبك؟ ده أنا حتى بقولها يا مرات بابي.

حسن: هههههه.

زين: تعرف إني حبتها يا بابي.

حسن: والله أبوك كمان بيحبها، بس الهانم عايزاني أغير. بتعاقبني عشان سافرت، عشان كده بتقول إنها متجوزة.

زين: اممم، فهمت.

حسن في باله: يا ترى هتيجي المطعم بكرة يا نور؟

عند نور...

نورهان: يا بنتي اهدّي. خلصتي الخيار كله.

نور وهي متعصبة: بس يا ماما، بس. أنا متعصبة دلوقتي، سبيني بدل ما أقوم آكل الجزر كمان.

نورهان: طيب، في إيه؟ احكيلي.

نور حكتلها اللي حصل.

نور: عااااا، راح مني يا ماما. عااااا. خلاص خدته مني البت الصفرا.

نورهان: اهدّي يا حبيبتي، اهدّي.

نور وهي رايحة تجيب الجزر: أهدا إزاي؟

نورهان: يا بنتي، خلصتي خزين الشهر.

نور: عاااااا.

نورهان: يارب صبرني.

نور: أنا رايحة لماجد أخويا، مفيش حد هيستحملني غيره.

بعد شوية...

نور: ماجد، افتح يا ماجد، الحقني، عاااا.

ماجد: إيه؟ في إيه؟ تعالي.

نور: سابني يا ماجد.

ماجد: هو مين؟

نور: حسن.

مريم: طيب، اهدّي طيب واحكيلنا في إيه.

نور: ...

تاني يوم كانت نور في المطعم.

نور: أنتي تاني؟

مرام: وتالت يا حبيبتي، مش مطعم خطيبي ده.

نور: خطيبك في عينك. والله لو قولتي خطيبي تاني لأجيبك من شعرك اللي لونه حلو ده.

حسن: يلا يا حياتي نخرج. أنتي لسه راجعة من السفر، واكيد مخرجتيش. حابب نخرج سوا أنا وانتي بس.

نور بتريقة: أنا وانتي بس؟ نينيني.

حسن: هو حضرتك واقفة كده ليه؟ شوفي شغلك.

نور: هو انت هتخطبها بجد؟

حسن: آه.

نور بحزن: تمام.

مرام: كفاية بقى يا حسن، حرام عليك.

حسن: مش هي اللي بدأت.

مرام: هي بتحبك وانت بتحبها، خلاص بقى شغل عيال.

ماجد: أيوه يا ماما، عاملة إيه؟

نورهان: الحمد لله، أختك فين؟

ماجد: راحت شغلها. الهانم خلصتلنا خضار البيت كله، حتى مسبتش الفلفل في حاله، كملته هو كمان.

نورهان: ما انت عارف أختك لما بتضايق بتاكل.

ماجد: طيب، هي قالتلي إنها هتيجي عليك.

نورهان: طيب يا حبيبي، سلميلي على مريم، هي فين؟

ماجد: مغمي عليها من امبارح بسبب بنتكم.

نورهان: ههههههه.

ماجد: انت مشوفتهاش كانت راحة جاية على التلاجة إزاي وهي متعصبة؟ كان ناقص تبات فيها. لأ ومش مدية فرصة لحد يهدّيها.

نورهان: بلوة متحركة، ربنا يهديها.

ماجد: يارب. يلا سلام، أنزل أنا أجيب الحاجات اللي اتشفطت فجأة من البيت امبارح.

بعد شوية...

نور: ماشي، أما أوريكِ يا حسن.

أحمد: نوووور! عاملة إيه؟

نور: أحمد، إزيك؟ عامل إيه؟

أحمد: كويس الحمد لله. أنتي عاملة إيه؟ وماجد وطنط نورهان؟

نور: بخير الحمد لله. طنط أخبارها إيه؟

أحمد: الحمد لله بخير. إحنا رجعنا الشقة.

نور: آده، بجد؟ طب.

أحمد: آه والله، كنا هنطلع نسلم عليكوا بس كان الوقت متأخر.

(أحمد كان جارها وصاحب ماجد، وكانوا هما التلاتة أصحاب أوي، بس أحمد سافر هو ومامته إسكندرية ورجعوا القاهرة تاني لشقتهم القديمة).

حسن: محمد، مين اللي واقف مع نور ده؟ انت تعرفهم؟

محمد: لأ، أول مرة يجي المطعم.

حسن: مين ده يعني؟ ومالها واقفة بتضحك كده؟

محمد: أنا أعرف. روح اسألها.

أحمد: أنتي شغالة هنا بقى؟

نور: آها.

أحمد: ماجد أخباره إيه؟ طمنيني عنّه.

نور: كويس الحمد لله. اتجوز؟

أحمد: بجد؟

نور: آه والله.

أحمد: طب ألف مبروك، عقبالك.

حسن: إن شاء الله.

أحمد: مين حضرتك؟

حسن: صاحب المطعم. وبص لنور: ممكن تشوفي شغلك وتبطلي تتكلمي مع حد.

نور: وحضرتك يخصك في إيه؟ وبعدين مش كنت خارج مع خطيبتك؟

حسن بعصبية: نور، متعصبنيش وروحي شوفي شغلك دلوقتي.

نور بخوف: حااضر.

حسن لأحمد: وشك ده مش أشوفه هنا تاني. ولو اتكلمت تاني معاها هتندم. وسابه ومشي.

أحمد: ماله ده؟

حسن: ماشي يا نور، أكيد بتعاندي.

محمد: أنا معرفش، ما تروح تقولها يا ابني إنك مش هتخطب بجد، بطل شغل العيال ده.

مرام: محمد معاه حق.

حسن: فعلاً معاكوا حق، أنا هروحلها ونخلص من الهبل ده.

محمد: مش عقبالنا بقى.

مرام بتوتر: انت بتقول إيه؟

محمد: أنا مصدقت ترجعي، أنا بحبك، بحبك أوي، حتى من قبل ما تسافري.

مرام: وليه مقولتليش يا محمد؟

محمد: كنت خايف ترفضيني، لأنك دايماً كنتي تقوليلي زي أخويا، زي أخويا.

مرام: كنت بحب أستفزك، بس انت غبي، إزاي معرفتش إني أنا كمان بحبك وبحبك أوي كمان.

بعد شوية كانت نور مروحة بيتها...

نور: أينعم البت حلوة، لأ وحلوة أوي، بس أنا أحلى. أصلاً، يلا يشبعوا ببعض. عااااا... لأ، أنا بحبه.

حسن: راحة في حتة؟

نور: بسم الله، انت بتطلع منين؟

حسن: اركبي.

نور: لأ، أحسن مرام تزعل. متنساش إنها مراتي.

حسن: أنتي بتضحكي على نفسك ولا عليا؟

نور: عايز إيه يا حسن؟ ابعد عني وروح لست مرام بتاعتك.

حسن: غيرانة؟

نور: ههههه، أنا أتغير ليه يعني؟ لأ خالص، أنا ست متجوزة.

حسن: ممكن تبطلي تقولي الكلمة دي؟

نور: مالك بيا؟ كنت أخويا، أبويا.

حسن بمقاطعة: جوزك.

نور: جـ... جوزي؟ إزاي؟ ألف سلامة. ومرام اللي طلبت، دي إيه؟

حسن: ممم، كانت خطة بيني وبينها مش أكتر.

فلاش باااك...

مرام: أيوه يا حسن، عايزني؟

حسن: أنا عايز نور تغير يا مرام.

مرام: نور؟ إشمعنا؟

حسن وحكلها إنه بيحبها وحكالها على خطته.

مرام: عيوني.

حسن: ههههه، ماشي يا نور بقى بتكدبي عليا وتقوليلي إنك متجوزة؟

باااك...

نور: ولا هتتجوزها؟

حسن: تؤ.

نور: طيب، أنا ماشية.

حسن: راحة فين؟

نور: حاسة إني دوخت فجأة، همشي ونبقى نتقابل وقت تاني.

حسن: استني بس، أنا مصدقت.

نور: مصدقت إيه؟

حسن: مسامحاني يا نور؟

نور: مسامحاك. نور متقدرش تزعل من حسن، عشان انت عند نور الدنيا كلها. بحبك قد البحر وسمكاته.

تمت.