رواية عشقت ملاكي الفصل التاسع عشر 19 - بقلم اية جميل

ليلى: أنا عندي فكرة. ملاك: إيه هي؟ ليلى: (أخبرت ملاك بالخطة) ملاك: الله، حلوة أوي. بس أنا... ليلى: ملاك، إنتي هتعملي زي المرة اللي فاتت. هتعمليها غصب عنك. ملاك: حاضر، موافقة. ليلى: طب يلا جهزي، وأنا هكلم فهد يجي. ملاك: حاضر، بسرعة. وذهبت ملاك لتغيير ملابسها، واتصلت ليلى بفهد. بعد فترة... ملاك: أنا جهزت. فهد جه ولا لسه؟ ليلى: لا ل... (وقاطعها صوت فهد) فهد: أنا جيت. عايزيني في إيه بقى؟

ملاك: أنا قررت أصلح أسد، بس عايزين مساعدتك عشان أقدر أعملهاله مفاجأة. فهد بفرحة: إيه؟ أخيراً هشوفه مبسوط. ده إنتي لو شفتيه هتتصدمي من منظره. ملاك بحزن: أنا عارفة، بس مكنش بأيدي. أنا كنت غبية. ليلى: مش وقته. المهم دلوقتي الخطة. فهد: ماشي. إنتوا عايزين مني إيه؟ ملاك: عايزين نشغل أسد. فهد: ليه؟ ملاك: عشان أعمل شوية حاجات في الشقة على ما هو يروح. فهد: آه تمام. يعني أهله يرجعوا على إمتى كدا؟ ملاك: بليل. فهد: ليه كل ده؟

ملاك: عشان الشقة أكيد هتحتاج تنضيف. عشان هو مش بيخلي حد يدخلها، صح؟ فهد: صح. عندك حق. ملاك: ماشي. خليه يرجع على الساعة تسعة كدا. فهد: حاضر. حاجة تانية؟ ملاك: لا. ليلى: لو في تغيير هرن عليك وأقولك. فهد: تمام. سلام. ليلى وملاك: سلام. ملاك: يلا يا ليلى نروح نشتري الحاجات اللي هنعوزها. ليلى: يلا. وذهبت البنات يشترون الأشياء التي سيستخدمونها. بعد فترة... ملاك: إحنا اشترينا كل حاجة. ليلى: آه. صح. يلا بينا على الشقة.

ملاك: يلا. ليلى: فين المكان؟ ملاك تتذكر: ينهر أبيض! أنا نسيت الورقة اللي فيها العنوان. ليلى: طب هنعمل إيه؟ ملاك: أنا هتصل على ماما تمليني العنوان، وكمان أقولها إني مش هرجع النهاردة. ليلى: ماشي. واتصلت ملاك. سارة: الو. ملاك: أيوه يا ماما، أنا ملاك. سارة: أيوه يا بنتي. إنتي كويسة؟ ملاك: آه كويسة. بس بتصل عشان أقولك، قوليلي على عنوان شقة أسد. سارة: العنوان ******. ملاك: ماشي يا ماما. وأنا كمان مش هرجع البيت النهاردة.

سارة: ماشي يا بنتي. ربنا يوفقك وتتصالحوا يا رب. ملاك: يا رب يا ماما. سارة: ماشي يا بنتي. خدي بالك من نفسك. ملاك: حاضر. وإنتي كمان، ومتنسيش أدويتك. سارة: حاضر يا بنتي. ملاك: سلام. سارة: سلام. آه صحيح، المفتاح إنتي أخدتيه؟ ملاك: آه، أخدته. سارة: ماشي. سلام. وذهبت ملاك وليلى إلى الشقة. وعندما دخلا، صدمت ملاك. ملاك بصدمة: إيه ده! ليلى: يعيني عليه. هو كان قاعد هنا إزاي؟

ملاك: مش عارفة. بس خلاص من النهاردة مش هتبقى كدا تاني. أنا هنضف كل حاجة. ليلى: ماشي يا أختي. خلينا نبدأ. ملاك: ماشي. إنتي في الصالون، وأنا هدخل المطبخ. وبعدين ندخل نعمل أوضة النوم. ليلى: ماشي. ملاك: آه صحيح، لمي الهدوم الوسخة واغسليها. ليلى: ماشي. حاجة تاني؟ ملاك: لا. ليلى: طب يلا، إنتي هتعملي عشاء إيه؟ ملاك: اممم، مش عارفة. ليلى: اممم، أنا عندي فكرة. إحنا نطلبه جاهز.

ملاك: لا، أسد بيحب الأكل بتاعي. وأكيد كان بيشتري أكل من بره ونفسه في أكل بيتي. ليلى: عندك حق. ملاك: خلاص، أنا عرفت هعمل إيه. ليلى: ماشي. ملاك: يلا بينا على الشغل. ونظفت البنات وعملوا الأكل وجهزوا كل شيء، حتى جاءت الساعة تسعة إلا ربع. ليلى: خلاص بقى يا ملاك، أنا همشي. ملاك: ماشي. فهد هيجي ياخدك. ليلى: آه. ملاك: ماشي. استني لحد ما يوصل وانزلي. ليلى: ما هو قرب... (وقاطعها رنين هاتفها) ملاك: تلفونك بيرن، شوفي مين.

ليلى: ده فهد. أكيد وصل. أنا ماشية. سلام. ملاك: سلام. ليلى: ادخلي غيري بسرعة، زمان أسد على وصول. ملاك: حاضر. وغادرت ليلى. وغيرت ملاك ملابسها، وكانت تضع ميكب وتنظر لنفسها في المرآة. ملاك لنفسها: يارب نحل كل المشاكل اللي بينا. وفجأة سمعت صوت الباب يفتح، فعلمت أن أسد وصل. فخرجت ملاك مسرعة. وعندما فتح أسد الباب ودخل، صدم. أسد بصدمة: ملاك! ملاك: وحشتيني. أسد: هو إنتي هنا بجد ولا أنا بتخيل؟ ملاك: لا، أنا هنا بجد.

أسد وهو ينظر لها: إنتي بتعملي إيه هنا؟ ودخلتي هنا إزاي؟ وعرفتيني مكان الشقة إزاي؟ ملاك: هحكيلك كل حاجة، بس ادخل غير الأول. إنت تعبان. أسد وهو يستغرب طريقتها: حاضر. هدخل أجيب هدومي، بس الأول... ملاك بصدمة: لااااا! أسد: إيه؟ في إيه؟ ملاك: ممكن تسمحيلي أجيبهم أنا؟ أسد باستغراب: اشمعنى؟ ملاك: أنا عايزة كدا. أسد: ماشي. ودخلت ملاك وأحضرت له ملابسه. ودخل أسد، أخذ شاور وغير ملابسه، وخرج.

أسد: ممكن بقى تفهميني إنتي وصلتي هنا إزاي؟ ملاك: حاضر... (وحكت له كل شيء) أسد: طب إنتي عملتي كل ده ليه؟ إنتي مش قولتي خلاص كل اللي بينا انتهى. وكان يتركها ويدخل الغرفة. ملاك: أسد، أنا بحبك. وقف أسد مصدوماً، لا يصدق ما سمعه. ملاك: حبيتك يا أسد. كنت كل يوم بدور عليك. وحشتني أوي يا أسد. هو أنا موحشتكش؟ أسد: هااا؟ إنتي قولتي إيه؟ ملاك: قولت بحبك. أسد: وأنا بعشقك يا روح الأسد. وأخذها في حضنه. ملاك: أنا آسفة يا أسد.

أسد: على إيه؟ إنتي معاملتيش حاجة. أنا اللي آسف. أنا اللي اتجوزت غصب وزعلتك وبعدت عنك. ملاك: وأنا كمان غلطانة يا أسد. أسد: خلاص ننسى اللي فات، ومحدش يعتذر للتاني. وكمان نبدأ صفحة جديدة مع بعض. ملاك: ماشي. موافقة. أسد: طيب يلا بقى عشان أنا جعان. هطلب أكل. عايزة تاكلي إيه؟ أطلبه لك معايا. ملاك: مفيش داعي إنك تطلب. ثانية وجاية. أسد: راحة فين؟ ملاك: اصبر شوية. هغير وأجي. أسد: ماشي. ودخلت ملاك غيرت. أسد بصدمة: إيه ده!

ملاك: إيه؟ مش عاجبك يا أسد؟ أنا النهاردة ملكك. أسد: بجد؟ هو أنا بحلم؟ ملاك: لا، مش بتحلم. أنا ملكك إنت وبس من النهاردة. أسد: إنتي هتخليني أعمل حاجة وأنا جعان. وجعان أوي كمان. يعني لو مسكتك مش هسيبك. ملاك: خلاص، تعال ناكل الأول. أسد: أنا مطلبتش أكل. ملاك: أنا عملت أكل. أسد: ماشي. يلا تعالي ناكل. وعندما دخل، وجد السفرة عليها كل أنواع الأكل التي يحبها، والسفرة مزينة. أسد: إنتي عملتي ده كله؟ ملاك: آه. أسد: بحبك يا ملاك.

ملاك: وأنا بعشقك. يلا بقى ناكل عشان أنا كمان جعانة. أسد: يلا. وجلس أسد. وعندما كانت ملاك تجلس، سحبها بيده وجعلها تجلس عليه. ملاك: إيه؟ في إيه؟ أسد: خليكي قاعدة على رجلي. ملاك: مينفعش. أسد: لا ينفع. أنا جوزك، ولا نسيتي؟ ملاك: لا منستش. بس مش هتعرف تاكل كدا. أسد: أنا هاكل من إيدك. ملاك: إيه؟ أسد، بطل أغلس عليا. أسد: تؤتؤ. يلا بقى عشان أنا كمان هاكلك. ملاك: إيه؟

أسد: أيوه. عشان تقدري تتحملي العقاب. أصل العقاب شكله هيطول، وهيبقى حلو المرة دي. وغمزلها. ملاك بكسوف: أسد، بطل بقى. أسد: حاضر. يلا ناكل. وأكلوا تحت مشاكسة أسد لملاك. وعندما انتهوا ونظفت ملاك المكان، وكان أسد يعمل وهو يتابعها، لا يصدق أنها معه حتى الآن. ملاك: أنا هدخل أنام. عايزة حاجة؟ أسد: آه. ملاك: إيه هي؟ أسد: إنتي نسيتي إنك هتتعاقبي. ملاك: هعاقب على إيه؟ أسد وهو يسحبها إليه: على كل اللي عملتيه. ملاك: هو أنا...

(وقاطعها أسد في قبلة طويلة) أسد: دي عشان بعدك عني. وقبلها مرة أخرى. أسد: ودي عشان كلمتي فهد وقابلته من ورايا. وقبلها مرة أخرى. أسد: ودي عشان خرجتي من غير ما تستأذني. وظل يقبل فيها ويضع سبب لكل واحدة، حتى ابتعدت عنه ملاك وذهبت مسرعة إلى الغرفة وأغلقت الباب. أسد: ملاك، افتحي. ملاك: لا يا أسد. أسد: يا ملاك، افتحي. يا إما هدخل أنا بمزاجي. ملاك: لا. أسد: ماشي. إنتي اللي جبتيه لنفسك.

وأحضر مفتاحاً آخر للغرفة، فهو معه نسخة أخرى، وفتح الباب. ملاك بصدمة: إنت دخلت إزاي؟ أسد: معايا نسخة تانية. تعالي بقى، إنتي بتهربي مني. ونظر للغرفة، وجدها مزينة بالورود والشموع. أسد: هو إنتي اللي عملتي كل ده؟ ملاك: آه. أسد: طيب ماشي. إنتي اللي جبتيه لنفسك. ملاك: خلاص يا أسد، مش هعمل كدا تاني. دي كانت فكرة البت ليلى. أسد: والله بتفهم. ملاك: أسد، خلاص بقى. أسد: تؤتؤ. لازم أعاقبك. ملاك: يا...

(وقطعها أسد في قبلة طويلة رقيقة، يبث فيها مدى اشتياقه لها، حتى استجابت له ملاك وذهبت إلى عالمهم الخاص، يعلمها فيه قوانين العشق)