رواية عشقت ملاكي الفصل الثاني عشر 12 - بقلم اية جميل

محمد: بتتأسفي على إيه؟ لين: عشان ما وثقتش فيك، بس برضه اختك عرفت تضحك عليا. محمد: اه، وإنتي صدقتي بسرعة؟ لين: خلاص بقى والنبي، والله أنت بثق فيك أكتر من نفسي، بس لما سمعت كلمة "بيبي" وأنت في البيت وجوزي، أنا ما عدتش مصدقة نفسي، بس اختك عرفت تضحك عليا. محمد: ماشي، يلا بقى عشان أشوفها عايزة إيه. لين: ماشي، بس أنت كنت بتقول إيه قبل ما أختك تيجي؟ محمد بتذكر: لين، أنا مش هعرف أجي عندك تاني. لين: إزاي يعني؟

محمد: أنا هستقر هنا. لين بصدمة: إيه؟ محمد: معلش يا قلبي، بس والله مش هقدر، اختي خلاص في سن جواز، يعني فترة وهتسيب البيت، وأنا مش هقدر أسيب ماما عائشة لوحدها. لين بتفهم: ماشي يا محمد. محمد: أنا آسف. لين: سلام يا محمد. محمد: لين اسمعي بس. لين: خلاص يا محمد، سلام. وأغلقت دون أن تسمع رده. محمد ببكاء: آسف يا قلبي، آسف. وظل يبكي فترة، ثم تذكر أخته، فغسل وجهه وذهب إليها. محمد: ليلي.

ليلي: يا آه، أخيراً جيت، أنا فكرتك نسيتني. محمد: في حد ينسى حتة منه؟ ليلي: عندك حق. محمد: ها، كنت عايزاني في إيه؟ ليلي: تعال وأنا أقولك. محمد: أنتي فرحانة كده ليه؟ الظاهر إن في خبر حلو. ليلي: آه. محمد: قولي يا أختي. ليلي: ..... (حكت كل شيء) محمد بفرحة: يعني فهد بيحبك وإنتي بتحبيه؟ ليلي: آه. محمد: واعترفتوا لبعض؟ ليلي: آه. محمد: وحضنتوا بعض؟ ليلي: آه. محمد مسك الشبشب وضربها بيه. ليلي وهي تبعد عنه: إيه؟ في إيه؟

بتضرب ليه؟ محمد: خدي يبت، إحنا ربناكي على كده. ليلي: على إيه؟ أنا عملت إيه؟ محمد: ليلي اتعدلي. ليلي: دا كان حضن صغير. محمد: ليلي مينفعش كده. ليلي: حاضر يا محمد. محمد: ماشي. ليلي لنفسها: أما لو عرفت إننا قبلنا بعض. محمد: ملكيش، وقولي له مفيش خروج مع بعض وكده غير لما تتخطبوا. ليلي: إيه؟ محمد: ده اللي عندي. ليلي: حاضر. ونظرت إليه، وجدت عينيه مليئة بالدموع. ليلي: محمد، مالك؟ عينك فيها دموع ليه؟ محمد: ها، مفيش حاجة.

ليلي: إزاي يعني؟ أكيد فيه. محمد حضنها: أنا سبت لين. ليلي بصدمة: إيه؟ طب ليه؟ محمد: ... (حكى لها كل شيء) ليلي: اممم، إن شاء الله هترجعوا لبعض، وبعدين مين قالك إنها سابتك؟ دي زعلانة شوية بس وهتكلمك تاني. محمد: وإنتي إيش عرفك؟ ليلي: إحنا بنات شبه بعض، يعني عارفة كل الحاجات دي. محمد بضحك: ماشي، طب أعمل إيه دلوقتي؟ ليلي: ولا أي حاجة، لما تكلمها تاني كلمها عادي، ولا كأن حصل حاجة. محمد: متأكدة؟ ليلي: آه.

محمد: ماشي، أنا هسيبك أنا بقى. ليلي: ماشي. وخرج محمد. واتصلت ليلي بفهد. ليلي: الو. فهد: أيوه يا روحي. ليلي: فهد، أنا كلمت محمد. فهد: كلمتيه في إيه؟ ليلي: قلت له على كل حاجة حصلت. فهد بصدمة: بجد؟ ليلي: آه. فهد: وقالك إيه؟ ليلي: قالي إن هو مش موافق عليك. فهد: إيه؟ ليه؟ ليلي: مش عارفة. فهد بعصبية: إزاي بقى؟ ليلي: هو إيه اللي إزاي؟ فهد: طب وإنتي قرارك إيه؟ ليلي: فهد، كل شيء قسمة ونصيب.

فهد: ماشي يا ليلي، بس أنا مش هستسلم بالسهولة دي. ليلي: يعني هتعمل إيه؟ فهد: هتعرفي كل حاجة في وقتها. وفجأة ضحكت ليلي بشدة. فهد: إنتي بتضحكي على إيه؟ ليلي: عليك. فهد: ليه؟ هو أنا قولت حاجة تضحك؟ ليلي: لا. فهد: أما بتضحكي ليه؟ ليلي: فهد، إنت بتحبني ليه؟ فهد: كده، قلبي اختارك، وأنا مش بحبك، ده أنا بعشقك، أنا مقدرش أعيش من غيرك، أنا مش قادر أتخيل حياتي من غيرك هتبقى عاملة إزاي. ليلي والدموع تتجمع في عينها: أنا آسفة.

فهد: على إيه؟ إنتي ما عملتيش حاجة. ليلي: لا، أنا كدبت عليك. فهد: في إيه؟ ليلي: أم محمد رفضك. فهد بصدمة: أما هو قالك إيه؟ ليلي: قالي: "خليه يجي يتقدم". فهد بفرحة: بجد؟ ليلي: آه والله. فهد: بحبك، بحبك، بحباااااااااك. ليلي: تعرف إنك مجنون. فهد: مجنون بحبك. ليلي: ماشي، هتيجي امتى بقى؟ فهد: بكرة، ولا أقولك انهارده، بصي أنا جاي في الطريق. ليلي: اهدى يا مجنون. فهد: يبت أنا بلبس أهو وجاي. ليلي: فهد، مش انهارده، خليك بكرة.

فهد: يوووه. ليلي: معلش، عشان خاطري. فهد: حاضر، عشان خاطرك إنتي بس. ليلي: ماشي، بكرة الساعة تسعة. فهد: ماشي. ليلي: طب يلا بقى سلام عشان أقول لمحمد. فهد: ماشي، يلا سلام. وأغلق الهاتف وهو سعيد، وهو يشعر كأنه يملك سعادة العالم كله. وذهبت ليلي إلى محمد. ليلي: محمد. محمد: نعم. ليلي: فهد هييجي بكرة الساعة تسعة. محمد: ماشي، إنتي أحببت تكلميه؟ ليلي: آه، ده كان عاوز يجي انهارده. محمد بصدمة: ...... عند ملاك وأسد .....

استيقظت ملاك ولم تجد أسد في الغرفة، فظنت أنه ذهب إلى العمل، فجهزت ونزلت حتى تتناول فطورها وتذهب إلى الجامعة. ملاك: إزيك يا ماما. سارة: الحمد لله يا بنتي. ملاك: أخدتي أدويتك؟ سارة: آه الحمد لله. ملاك: هو أسد فطر قبل ما يمشي؟ سارة: أسد مرجعش من امبارح. ملاك: إيه؟ إزاي؟ سارة: هو قالي إنه هيقعد يومين لوحده. ملاك بحزن: طيب، ماشي. سارة: متخافيش يا بنتي، هيرجع. ملاك: ماشي يا ماما، أنا هروح الجامعة، عايزة حاجة أجبهالك معايا؟

سارة: لا يا بنتي، بس كملي فطارك. ملاك: أنا شبعت. سارة: بس إنتي ما أكلتيش حاجة. ملاك: لا، خلاص مش قادرة. سارة: ماشي يا بنتي. وذهبت ملاك إلى الجامعة، وذهبت إلى مكتب أسد، ولكن لم تجده. العامل: حضرتك عايزة أستاذ أسد في حاجة؟ ملاك: آه، هو فين؟ العامل: أستاذ أسد لسه موصلش. ملاك: طب تعرف هييجي امتى؟ العامل: لا والله، بس. ملاك: بس إيه؟ العامل: أنا سمعت إنه هياخد فترة إجازة. ملاك: إيه؟ يعني مش هييجي الجامعة؟ العامل: لا.

ملاك: طب إنت متأكد؟ العامل: لا، بس في ناس بيقولوا هينقل من الجامعة، وفي ناس بيقولوا واخد إجازة وفترة وهيرجع. ملاك: ماشي، أنا هروح عند العميد وأسأله. العامل: ماشي يا بنتي. ملاك: شكراً ليك. العامل: العفو. ملاك لنفسها: ياربي، هو قال إنه مش هيخليني أشوفه خالص، هو كان بيقولها بجد ولا إيه؟ أما أتصل بيه. واتصلت به، ولكن لم يرد عليها. دارين: في حاجة يا ملاك؟ يبان عليكي قلقانة. ملاك: لا، مفيش. ماكس: طب تعالي تقعدي معانا.

ملاك: لا، وأنا من امتى أصلاً بصاحبكم؟ دارين: ما إحنا بنعرض عليكي صداقتنا، إنتي أختنا برضه. ملاك: لا شكراً، وممكن تسيبوني لوحدي؟ دارين: يا أختي، غوري، إحنا غلطانين. ملاك: غوري تاخدك في داهية. دارين: ما تحترمي نفسك معانا. ملاك: شيفاني قليلة الأدب شبهك؟ دارين: أنا قليلة الأدب يا ......