رواية عشقت ملاكي الفصل الرابع 4 - بقلم فرحه محمد

ليلي: يعني دكتور أسد بيحبك؟ ملاك: آه يا ختي ومش عارفة أعمل معاه إيه ده. ليلي: استني، أنا عندي فكرة. ملاك: فكرة إيه؟ قولي لي يا بت. ليلي: هنلعبي معاه لعبة. ملاك: لعبة إيه دي؟ ليلى: شوق ولا تدوق. ملاك: بتتلعبي إزاي دي؟ ليلى: إنك تظهري أنوثتك، خليكي بنت رقيقة وكده فاهمة. ملاك: أنا حاسة إني بتهان بس ماشي، هعديها. وهعملها إزاي دي يا شاطرة؟ ده بكره ده، أنا أول ما بشوفه بتخانق معاه. ليلى: يا بنت استحملي.

ملاك: الصراحة أنا مش هعرف أعمل كده. ليلي: مش هتعرفي ليه يا أختي؟ ده إنتي هتلبسي شوية بيجامات ضيقة شوية وحطي ميكب وادلعي قدامه. ملاك: لا يا ليلي أنا مش هقدر، ده أنا بقعد قدامه بالإسدال بالعافية. ليلي: نعم إنتي بتقولي إيه؟ ملاك: يا ليلي والله بتكسف، لا مش هعمل كده. ليلي: ملاك إنتي مراته، عادي ومش حرام ولا عيب. ملاك: والله يا بنت حساكي هتوديني في داهية.

ليلى: لا يا بنت متخافيش، طالما هو وعدك إن هو مش هيقرب منك غير بإرادتك يبقى إنتي في الأمان. ملاك: ماشي هعمل كده وأمري على الله. وبعدين إنتي بتجيبي الأفكار الغريبة دي منين؟ ليلي: من الروايات ههههههه. ملاك: من الروايات؟ يخربيت عقلك. تصدقي أنا كمان هبدا أقرا روايات علشان أبقى زيك كده وأعرف أتعامل مع المغرور ده. ليلي: مجنونة. ملاك: مش أكتر منك. ليلي: ماشي يا أختي يلا بقى، قومي ذاكري بدل ما تشيلي المادة بكرة.

ملاك: عندك حق، سلام. ليلي: سلام. ليلى لنفسها: آيوه كده يا رب الخطة تنجح وملاك تحبه، أنا عارفة إن هي بتحبه بس هي مش معترفة بكده. عند أسد... فهد: ها يا أسد، مين ملاك دي؟ أسد: اسمها مدام وهي مراتي. فهد بصدمة: إيه؟ أسد: إيه، مستغرب كده ليه؟ إنت مش عارف إني بحبها؟ فهد: هي دي ملاك اللي إنت بتحبها؟ أسد: آه. فهد: واتجوزتها إزاي؟ دي مش إنت قولت إنها مش بتحبك؟ أسد: آه... وحكى له على كل شيء. فهد: يظهر إيه حصل كل ده كده؟

تكرهك أكتر. أسد: طب أعمل إيه يعني؟ ما هي مش مدياني فرصة. فهد: فرصة إيه اللي إنت بتعملها؟ دا غلط يا أسد. إنت مش شفت حالتها بقت عاملة إزاي؟ طلقها يا أسد. أسد: إيه؟ مش هطلقها، مستحيل. فهد: بس هي مش بتحبك يا أسد، إنت كده هتدمر ليها حياتها. أسد: ماشي، مالكش دعوة. إنت خليك في حالك. فهد: ماشي يا أسد، أنا غلطان. سلام. وتركه وغادر. وذهب أسد لملاك، وعندما دخل الغرفة وجدها تجلس. أسد: ملاك، خدي الدواء بتاعك. ملاك

وهي تنظر في الكتاب أمامها: آه. أسد: طيب ماشي. وجلس ينهي بعض الأوراق وينظر لملاك كل فترة. وبعد فترة تنهد أسد ونظر لملاك وجدها قلقة. أسد: ملاك، إنتي كويسة؟ ملاك: آه واسكت بقى، مش هتبقى أنا والمسألة عليّ. أسد بضحك عليها: ماشي، تحبي أساعدك؟ ملاك: لا، أصلاً كل ده بسببك. أسد: بسببي؟ ملاك: آه، إنت ليه ما قولتليش إنك عامل امتحان بكرة في الجامعة؟ أسد برفع حاجب: مش المفروض إن إنتي اللي تتابعي؟

ومن إمتى الدكتور بيروح لحد الطالبة ويقولها على الامتحان؟ وبعدين إنتي عرفتي منين؟ ملاك: ليلي قالتلي. أسد: ماشي، تحبي أساعدك؟ ملاك: لا شكراً. أسد: ماشي براحتك. ملاك بتفكير: أممم، لا خلاص تعالى اشرحلي. أسد: ماشي يلا. وبعد فترة... أسد: فهمتي؟ ملاك: آه. أسد: طب حلي المسألة دي. واعطاها مسألة صعبة. ملاك: حاضر. وبالفعل حلتها ملاك. أسد: بسم الله مشاء الله، لا أبهرتيني. ملاك: طبعاً، هو أنا إيه حد؟

أسد بضحك: لا طبعاً، ده إنتي مرات أسد الدمنهوري. ملاك: طيب ماشي يلا بقى علشان أنا عايزة أنام. أسد: ماشي يلا. وذهبت ملاك وجلست على السرير ووجدت أسد يجلس بجوارها. ملاك: إنت هتنام هنا؟ أسد: أمال هنام فين؟ ملاك: قوم نام على الكنبة. أسد: ملاك نامي وإنتي ساكتة. ملاك: طيب ماشي. وذهبت حتى تجلس على الكنبة، مسكها أسد. أسد: إنتي رايحة فين؟ ملاك: رايحة أنام على الكنبة. أسد: ملاك اقعدي نامي وإنتي ساكتة. ملاك: أنا مستحيل أنام جنبك.

أسد: ماشي يا ملاك، تعالي نامي وأنا هنام على الكنبة. ملاك: ماشي، بس إنت غيرت رأيك ليه؟ أسد: علشان مش أسد الدمنهوري اللي يخلي مراته تنام على الكنبة. نامي بقى وإنتي ساكتة. ملاك: حاضر. وعندما نامت ملاك ذهب أسد وأخدها في حضنه ونام. عند فهد... فهد وهو بيسوق السيارة: أعمل إيه، اللي أسد بيعمله ده غلط. وفجأة خبط فتاة. فهد لنفسه: يظهر إيه اللي أنا عملته ده. ونزل مسرعاً للفتاة. فهد: إنتي كويسة يا أنسة؟ ليلي: إنت أعمى؟

مبتعرفش تسوق؟ يتسوق ليه إنتوا بتركبوا العربيات علشان تدوسوا بيها على الناس؟ فهد: أنا آسف والله ما كانش قصدي، ما خدتش بالي. ليلي: آه يا رجلي، ربنا ينتقم منك يا شيخ. فهد بعصبية: بت إنتي ما تحترميش نفسك معايا، أنا اعتذرت لكِ وخلاص. ليلى: لا وكمان بتزعقلي؟ طيب استني عليّ. فهد: هتعملي إيه يعني؟ ليلي: هتشوف هعمل إيه دلوقتي. وبدأت تصرخ. ليلي: آه يا رجلي، آه الحقوني يا ناس! شخص: مالك يا بنتي قاعدة كده ليه؟

ليلي بتمثيل: أصل الشخص ده ضربني بالعربية بتاعته وقولتلو خدني على المستشفى، قعد يزعق ويهددني. الشخص: ليه كده؟ ده إنت واحد معندكش دم. هو حد غيرك ضربها؟ فهد: والله العظيم دي بتكدب عليكوا. ليلي: شوفوا يا ناس كمان بيكدبني! ليه كده يا رب؟ أنا عملتلك إيه بس علشان تعمل معايا كده؟ الشخص: متقلقيش، احنا هنجب لكِ حقك. يالا يا رجالة. وضربوا فهد. ليلي: بأس كفاية، ليموت تحت إيديكوا. وبالفعل تركوه.

الشخص: إنتي كويسة ولا نوديكي المستشفى؟ ليلي: لا خلاص، شكلها ضربة خفيفة خلف رجلي وهبقى كويسة. شكراً ليكوا. الشخص: ولا يهمك، ده احنا عملنا الواجب بس. وتركتهم وغادروا. ليلي: قولي بقى يا شاطر، هتعمل معايا إيه؟ فهد: والله العظيم لو أعرفك مقامك. وتركها وذهب للسيارة. ليلي: آه يا رجلي. وذهبت للمنزل. فهد: يا خربيتها، لمضة وأوزعة، بي لسانها أطول منها بس هي قمر برضو. وذهب لمنزله وذهب في نوم عميق.