رواية عشقت ملاكي الفصل الثالث 3 - بقلم فرحه محمد

سارة: يلا الغداء جاهز. أسد: اتفضل معانا يا عمي. والد ملاك: مرة تانية علشان متأخرش. ملاك: تتأخر على إيه يا بابا؟ والدها: على الطيارة. ملاك باستغراب: على الطيارة؟ والدها: أه أصل أنا مسافر يا بنتي، هو أسد مقلكيش ولا إيه؟ ملاك: لا هتلاقيه نسي، بس أنت مسافر فين وليه؟ والدها: هروح أقعد في البلد، أنا مش هقدر أعيش هنا لوحدي. ملاك: خلاص تعالى عيش معانا. والدها: مش ينفعش يا بنتي. ملاك: يبقى خلاص هاجي معاك.

والدها: تيجي معايا فين؟ أنتي نسيتي إنك متجوزة دلوقتي ولا إيه؟ ولازم أخليكي مع جوزك ماشي. ملاك: حاضر. والدها: شاطرة واسمعي الكلام ومتتعبيش حد معاكي. ملاك: حاضر يا بابا. والدها: وأنت يا أسد خد بالك منها ومتزعلشها أبدًا وحطها في عينيك. أسد: حاضر يا عمي متخافش عليها، ده أنا أفديها بروحي. والدها: كده أنا اطمئنة على بنتي، أسافر وأنا مرتاح بقى. ملاك: متسبنيش يا بابا. والدها: نبقى أزورك كل فترة، سلام. وتركهم وغادر.

سارة: يلا بقى علشان تتغدوا. ملاك: أنا مش جوعانة كلوا أنتوا. وتركتهم وغادرت للغرفة. سارة: اطلع وراها يا أسد زي ما هي زعلانة. أسد: حاضر يا أمي بس روحي كلي أنتي الأول وخدي دواكي. سارة: حاضر يا بني. وبالفعل ذهب أسد لملاك وعندما دخل الغرفة وجدها جالسة في ركن في الغرفة منكمشة على نفسها وتبكي فذهب إليها مسرعًا. أسد: ملاك. وأخذها في حضنه اهدي يا قلبي اهدي.

ملاك: ابعد عني ابعد كل ده بسببك ابعد مش عايزة أشوف وشك تاني ابعاااااااااد. أسد: ماشي يا ملاك أنا خارج لحد ما تهدي وبعدين نتفاهم. وتركها وغادر. ملاك: يا رب أنا عايزة أعرف أنا عملت إيه في حياتي غلط علشان تعاقبني بالطريقة دي. وظلت تبكي حتى داخت ووقعت. وبعد فترة رجع أسد للمنزل وعندما دخل الغرفة وجدها ملقاة على الأرض. أسد: ملاك فوقي ملاك. ملاك: ... أسد يهزه: ملاك مالك فوقي والنبي متخليش قلبي يقلق عليكي. ولكن لم يلق رد.

أسد لنفسه: أعمل إيه يا ربي. واتصل على صديقه فهد. فهد: أيوه يا أسد. أسد: ابعتلي دكتورة بسرعة يا فهد. فهد: ليه في حاجة طنط سارة كويسة؟ أسد: أه كويسة بس ابعت الدكتورة وأنا هفهمك بعدين. فهد: حاضر. وبعد فترة وصل الدكتور مع فهد للقصر. فهد: الدكتور أهو يا أسد. أسد بعصبية: هو أنا مش قولت دكتورة؟ فهد: ملقتش دكتورة يا أسد خليه يكشف على الحالة بس. أسد: حسابي معاك بعدين. الدكتور: فين المريضة؟ أسد: أهي في الغرفة دي شوفها بسرعة.

الدكتور: حاضر بس استنى بره. أسد: ليه بقى إن شاء الله؟ الدكتور: أستاذ أسد لو سمحت عايز أشوف شغلي. فهد: يلا يا أسد. وأخذه وخرج من الغرفة. بعد فترة... أسد: ها يا دكتور ملاك مالها؟ الدكتور: متخافش بس هي بقالها يومين مبتكلش وهي جسمها ضعيف ومتوترة على طول فده أثر عليها، هي محتاجة عناية شوية وتاكل حلو وأنا كتبت ليها شوية أدوية تاخدهم في المعاد ماشي. أسد: شكرًا ليك يا دكتور وأنت يا فهد وصل الدكتور لحد الباب.

الدكتور: شكرًا أنا عارف طريقي ومفيش داعي. وتركهم وغادر. أسد: خد يا فهد روح جيب الأدوية دي. فهد: حاضر بس مين دي؟ أسد: هقولك كل حاجة بعدين بس روح جيب الأدوية. فهد: ماشي. ودخل أسد على ملاك الغرفة. أسد: ليه كده يا ملاك ليه تخليني أقلق عليكي. ونظر لها وجد على وجهها أثر البكاء. وفجأة استيقظت ملاك. أسد: ملاك أنتي كويسة؟ ملاك: أه كويسة. أسد: ماشي أنا هنزل أجيب حاجة وأطلع ماشي. ملاك: ماشي. أسد: عايزة حاجة من تحت؟

ملاك: لا شكرًا. ونزل أسد وأحضر بعض الطعام معه ودخل الغرفة. أسد: ملاك خدي كلي عايز الأكل ده منسوف. ملاك: مش عايزة مليش نفس. أسد: مش بمزاجك هتكليه غصب عنك. ملاك: قولتلك مش عايزة أنت مش بتفهم. أسد بعصبية: صوتك ميعلاش عليّ تاني فاهمة. ملاك بخوف: حاضر فاهمة. تنهد أسد وجلس بجانبها وأكلها بيده غصب عنها. ملاك: كفاية بقى والنبي مش قادرة. أسد: ماشي عايزة حاجة؟ ملاك: لا بس سيبني لوحدي شوية. تنهد أسد فهو لا يريد أن يضغط عليها.

أسد: ماشي وخدي الأدوية دي في معادها. ملاك: ماشي وشكرًا. أسد وهو يقترب منها: طب إيه مليش حاجة كده؟ ملاك: حاجة زي إيه؟ أسد جذبها من خصرها: أنتي نسيتي إن إحنا متجوزين جديد ولا إيه؟ ملاك: أسد ابعد عني ومتلمسنيش. أسد: تؤ تؤ كده غلط أنا ليا حقوقي. ملاك بخوف: والنبي ابعد عني أرجوك ابعد. أسد: ماشي يا ملاك بس أنا عايز أعرفك حاجة واحدة بس مش أسد الدمنهوري اللي يغصب مراته على حاجة. وتركها وغادر. وبعد فترة...

ملاك لنفسها: فين تلفوني ده زمان البت ليلى قلقانة. وعندما وجدته وفتحته وجدت ٢٠ مكالمة فائتة من ليلى. ملاك: يلهوي إيه ده كله أكيد في حاجة مهمة أرن عليها. ملاك: أيوه يا ليلى. ليلى: أيوه يا ملاك عاملة إيه مالك بقالك يومين مختفية؟ ملاك: أنا اتجوزت يا ليلى. ليلى بصدمة: إيه؟ ملاك: أيوه يا ليلى اتجوزت أكتر واحد بكره في حياتي. ليلى: مين يا بنت؟ ملاك بتهرب: أه صحيح أنتي كنتي بتتصلي ليه؟

ليلى: أه صح دكتور أسد عامل امتحان بكرة في الكلية. ملاك: إيه ماشي يا أسد الكلب ده مقليش. ليلى: يقولك إيه هو أنتي بتكلميه؟ وصحيح مين اللي أنتي اتجوزتيه أظن إنك مش بتكرهي حد قد دكتور أسد. ملاك: هقولك بس مش تقولي لحد. ليلى: ماشي. ملاك: اتجوزت دكتور أسد. ليلى بصدمة: إيه؟ ملاك: ... (حكت لها كل شيء) ليلى: ......