رواية عشقت ملاكي الفصل الثامن عشر 18 - بقلم فرحه محمد

ملاك: أسد. أسد وقف مرة واحدة: نعم. ملاك: أنا عاوزة أتكلم معاك. أسد: مبقاش في كلام يتقال. ملاك: طب بص عليّ يا أسد. أسد: لا أنا حلفت ما هخليكي تشوفيني وكفاية بقى أنا عندي شغل. وتركها وغادر دون أن يلتقي الرد منها. وذهبت ملاك لليلى. ملاك: سلام يا ليلو لو عوزتي حاجة قوليلي. ليلى: خليكي شوية. ملاك: مش هعرف علشان ماما لوحدها في البيت. ليلى: ماشي يا قلبي متتنسيش بكرة كتب الكتاب والفرح. ملاك: حاضر هتلاقيني عندك الصبح.

وسلمت على لين وغادرت ملاك وتم الخطبة بسلام. _في الصباح جهزت ملاك وذهبت لليلى ولين لتكون معهم من بداية اليوم وجهزت البنات. ليلى: شكلي حلو؟ ملاك: قمر يا ناس. لين: وأنا؟ ملاك: تحفة. ليلى: طيب حلو احنا جهزنا وبقينا قمرات فاضل أنتي. ملاك: أيه؟ ليلى: ادخلي تجهزي يلا بسرعة. ملاك: أنا جاهزة. ليلى: لا خدي البسي الفستان ده. ملاك: ليه؟ ليلى: أسد اللي نقي الفستان ده. ملاك: أيه طب وهو مش أدهولي ليه؟

ليلى: أسد ميعرفش إن احنا جبناه. ملاك: إزاي؟ ليلى: ... فهد: تعالا معانا يا أسد. أسد: فين؟ فهد: رايح أنا ومحمد مع البنات يجيبوا فساتين. أسد: وأنا مالي. فهد: يبني تعالا فك عن نفسك شوية. أسد: لا. فهد: لا هتيجي مش بمزاجك وأصلاً عاوزين تنقي معانا البدل يلا. أسد بتنهيدة: عارفك مش هتسيكت غير لما أجي معاكوا. فهد: لما أنت عارف بتقول من الأول لاء ليه؟ أسد: خلاص يلا بينا. وذهب أسد ودخلوا محل الفساتين وكل بنت اختارت فستان.

فهد: أسد. أسد: نعم. فهد: تخيل كدا ملاك معانا كنت هتختار ليها إنهي فستان؟ أسد بنظرة على الفساتين: امممم اللي هناك ده. فهد: زوقك حلو بس ده فستان عرايس أنا عاوزك تختار فستان سهرة عادي. أسد: هو فيه إيه؟ فهد: مفيش حاجة بسأل عادي. أسد: خلاص روح شوف خطبتك. وظل يفكر في كلام فهد وهو ينظر على الفساتين وفجأة يقع نظره على فستان أسمر ضيق من عند الصدر وينزل باتساع وبه بعض اللؤلؤ يزينه. أسد: واو إيه الفستان ده. ليلى: عجبك؟

أسد: أه كان هيبقى حلو على ملاك أوي. ليلى: طب ما تخدوا واديهولها. أسد: لا أنا وعدها مش هتخليها تشوفني خلاص. ليلى: حاول يا أسد تحل المشاكل اللي بينكوا. أسد: حاولت كتير بس خلاص. فهد: ليه يا أسد حاول تاني. أسد وهو يتهرب من الموضوع: أنا ماشي على الشركة عندي شغل. فهد: أسد خليك شوية كمان. أسد: لا خلاص أنا جيت علشان بس مش هستني تاني سلام. وغادر أسد دون أن يلتقي منهم الرد. ليلى: فهد. فهد: عيونه.

ليلى: ممكن ناخد الفستان ده لملاك. فهد: ماشي يا قلبي شوفي مقاسها وجيبيه. ليلى: شكرا. فهد: أنتي تطلبي أي حاجة وأنا هنفذها لك فورا. ليلى: ربنا يخليك ليا. فهد: ويخليكي ليا. ليلى: هو ده اللي حصل. ملاك: يعني أسد اللي اختاره؟ ليلى: أه. لين: ادخلي بقى البسيه خلينا نشوفه عليكي. ملاك: حاضر. ودخلت ملاك لبسته. ملاك: حلو يا بنات؟ ليلى: إيه القمر ده دا أسد كان عنده حق يا هياكل منك حتة. لين: روعة يا قلبي. ملاك: بجد؟

ليلى: أمال احنا هنضحك عليكي دا أسد مش هيشيل عينه من عليكي النهاردة. لين: يارب تحلو الخلافات بتاعتكم النهاردة. ملاك: يارب. ليلى: يلا اقعدي علشان تحطي ميكب. ملاك: لا مش عاوزة. ليلى: لا حتحطي يلا. ووضعت ماك ميكب بسيط جعلها في غاية الروعة. ودخلت عليهم رقية. رقية: هااا يبنات جهزتوا؟ البنات: أه. رقية: بسم الله مشاء الله كل واحدة أحلى من التانية. ليلى: أكيد يا ماما. رقية: يلا علشان الشباب مستنينكم تحت. البنات: حاضر يلا.

ليلى: هنزل أنا الأول وبعدين لين. لين: ماشي موافقة. ونزلت ليلى. فهد: إيه القمر ده. ليلى: دا أنت اللي قمر. فهد وهو يمسكها. محمد: ابعد إيدك لسه متجوزتهاش. فهد: كلها دقايق وهتكون زوجتي. محمد: ماشي بس برضو تحترم نفسك. فهد: حاضر. وفجأة نزلت لين. محمد بتوهان: إيه ده أنا هاخد القمر ده إزاي قدام الناس. لين ابتسمت ومحمد وهو يشوف ياخذها في حضنه. أسد: أقف عندك. محمد: إيه في إيه؟ أسد: أنت لسه متجوزتهاش يعني تحترم نفسك.

محمد: وأنت مالك. أسد: أنا اللي هكون أخوها النهاردة وأنا اللي هسلمهالك. محمد: ماشي. ونزلت ملاك وقف أسد منبهر بجمالها. فهد ومحمد: بصوا بيبصلها إزاي يارب كل اللي بينهم يتحل. الجميع: يارب. أسد وهو يلاحظ نفسه: احم يلا بينا. فهد: حاضر. محمد وهو يهمس في أذن لين: محضرلك مفاجأة. لين: إيه هي؟ محمد: هتعرفي كمان شوية. لين: طب يلا. محمد: ماشي يا أسد روح أنت وابقى قابلنا في القاعة. أسد وهو يفهم ما يتكلم عنه محمد: أه ماشي.

فهد: ما تاخد ملاك معاك يا أسد. أسد: لا أنا رايح الشركة الأول هجيب حاجة وجاي. فهد وهو يفهمه: تمام ماشي. ملاك بحزن: يلا يا شباب. وذهب أسد يحضر المفاجأة وذهب الباقي للقاعة. بعد فترة وصل الجميع ما عدا أسد. المأذون: يلا بينا. محمد: يلا يا فهد. فهد: يلا. المأذون: بارك الله لكما وجمع بينكما في خير. فهد ذهب إلى ليلى: ألف مبروك يا حبيبتي. ليلى: الله يبارك فيك. فهد: طب إيه؟ ليلى: إيه في...

وقاطعها فهد في قبلة وضحك الجميع عليهم. ليلى وهي تختبي من أنظار الجميع: أنت واخد قليل الأدب. فهد وهو يهمس في أذنها: هو أنتي لسه شوفتي قلة أدب محمد. بتقول إيه يلا لختي أنت عملت فيها إيه خلتها شبه الطماطم كدا. فهد: ميخصكش مراتي وأقولها اللي يعجبني. محمد بضحك: ماشي بس اهدى علشان أنا على أخرى فاحترم نفسك. فهد: حاضر. المأذون: يلا بينا. وفجأة دخل أسد وشاور لمحمد. محمد: ثانية واحدة. لين: في إيه يا محمد؟ محمد: غمضي عيونك.

لين: حاضر. وغمضتهم. محمد: فتحي. لين بصدمة: بابا. والدها: ألف مبروك يا بنتي. لين: الله يبارك فيك. وأخذها في حضنه. والدها: وأخيرا شوفتك بالأبيض. لين: شكلي حلو بيه؟ والدها: قمر. المأذون: طب يلا بينا. محمد: يلا بينا. المأذون: مين الوكيل؟ أسد: يلا يعمي. والد لين: لا يا ابني أنت اللي هتكتبه. أسد: لا مينفعش أنت اللي هتكتبه دي بنتك ولازم تفرح فيها ومحدش غيرك هيكتبه. والدها: حاضر. المأذون: بارك الله لكما وجمع بينكما في خير.

محمد: ألف مبروك يا قلبي. لين: الله يبارك فيك. والدها: ألف مبروك يا بنتي. لين: الله يبارك فيك يا بابا. وتم الفرح وكانت ملاك تحاول أن تحدث أسد ولكن بلا جدوى. _بعد مرور أسبوعين كانت الجميع يعيش في سعادة ما عاد ملاك التي كانت اشتاقت لأسد وتحاول أن تراه وتعرف مكانه ولكن بلا جدوى. في يوم... ملاك: صباح الخير يا ماما. رقية: صباح النور يا بنتي عاملة إيه دلوقتي؟ ملاك: تمام الحمد لله.

رقية: نالك يا بنتي بقيتي زعلانة على طول ليه؟ ملاك: مفيش يا ماما. رقية: لا في تعالي قوليلي مالك. ملاك ببكاء: اشتقت ليه يا ماما. رقية: أنتي بتحبيه يا ملاك؟ ملاك: أنا بعشقه يا ماما أنا عرفته إن عرفت ده متأخر بس أظن إن لسه مفتوح الأوان. رقية: اهدي يا بنتي وأكيد كل حاجة هتنحل. ملاك: إزاي يا ماما دا مش بقى يجي الجامعة وكمان مبقتش أشوفه خالص وحشني أوي يا ماما. رقية: اهدي يا بنتي وأكيد كل حاجة هتنحل.

ملاك: إزاي بس دا أنا معرفش بينام فين وبياكل إيه وعايش حياته إزاي. رقية: أنا عارفة مكانه. ملاك: إيه؟ رقية: أيوه يا بنتي أسد ليه شقة مشتريها كل ما بيكون متضايق بروحها وهي قريبة من الشركة بتاعته علشان كمان لو طول يوم في الشركة بيروح يريح فيها. ملاك: إيه طب معاكي عنوانها؟ رقية: أه يا بنتي. ملاك بفرحة: بجد يعني أخيرا هشوفه أوعدك إن أنا هحل كل المشاكل اللي بينا. رقية: مصدقاكي يا بنتي.

ملاك: طب اكتبيلي العنوان وأنا هطلع أغير. رقية: حاضر يا بنتي. وفجأة رن هاتف ملاك. ملاك: أيوه يا ليلى. ليلى: أيوه يا ملاك مالك شكلك فرحانة. ملاك: أه يا ليلى عرفت طريق أسد. ليلى: بجد؟ ملاك: أه عنده شقة قاعد فيها وماما رقية عارفة طريقها وتديني العنوان وهروحله. ليلى: ماشي بس أنا عندي فكرة. ملاك: إيه فكرة إيه؟ ليلى: ...