رواية عشقت مريضتي الفصل الثالث 3 - بقلم فاطمة سعيد

ادهم: انتي شايفة يا حورية إن الانتحار حل؟ حورية بدموع: بس أنا تعبت جدا، محدش عاش نفس اللي أنا عشته يا دكتور، عمرك ما هتحس بنفس إحساسي أبداً. ادهم بتنهيدة: طب تعرفي يا حورية، أنا كمان كان عندي أخت تؤام لحد ما إحنا كان عندنا 14 سنة، ومن بعدها جالها كانسر في الدم والدكاترة كلهم اجمعوا إنها لازم تسافر بره. تعرفي لحد دلوقتي حاسس إن في حاجة ناقصاني وهي أختي، بس إن شاء الله هترجع تاني.

حورية بحزن لإجله: ربنا يجمعك بيها قريب يا رب. ادهم بألم: يارب. لتصمت حورية ثم تقول: من فضلك يا دكتور ادهم، ممكن متقولش لبابا على أي حاجة تخص الحادثة. ادهم مقاطعاً: أصلاً من غير ما تقولي، ما ينفعش أقول للأهل حاجة تخص المريض. حورية بإمتنان: شكراً لحضرتك يا دكتور. ادهم بشرود: حورية، هو عمتك اسمها إيه؟ بمجرد ما سمعت حورية ذلك، تغيرت شخصيتها. حورية بجمود: اسمها فريدة. لاحظ ادهم تغيرها. ادهم بمرح: إيه رأيك في شوكولاتة؟

ليحضر لها طبق مليء بالشوكولاتة. حورية بفرحة كالاطفال: الله، أنا بحب الشوكولاتة أوي. ليأكل معها الشوكولاتة في قلبين، بخبئ خلفهما مشاعر. في مكان آخر. مجهول ١: عملتي إيه في حكاية التوأم؟ مجهول ٢: حضرتك، في واحد فيهم مات والتاني عايش بس في مصحة أمراض نفسية. مجهول ١ (مدام فريدة) : كان نفسي يموتوا الاتنين وأخلص. مجهول ٢ (اسر) : للأسف يا مدام، حورية هي اللي هربت وحمزة مات. مدام فريدة بشر: هتلحق أخوها قريب. في قصر عاصم

(والد حورية وحمزة) عاصم: وحشتيني أوي يا مرفت. مرفت بحزن: وأنا كمان وحشتني أوي يا عاصم. عاصم: إن شاء الله هتقدري تغلب مرضها، وكمان دكتور ادهم شاطر جداً، ده من أشطر دكاترة البلد. مرفت بأمل: إن شاء الله يا حبيبي. لتصمت مرفت ثم تقول: برضه معرفتش السبب ورا موت حمزة. عاصم بحزن: لا للأسف، وكمان القاضي بيقول إنها حادثة ومحدش يعرف إنها مدبرة، بس برحمة ولادي لهجيب حقهم. مرفت: إن شاء الله يا حبيبي، متزعلش نفسك.

يجلس ادهم في مكتبه ليأتيه اتصال من كريم صديقه. كريم بمرح: إزيك يا دومي، وحشتني. ادهم: إزيك يا كريم، إيه أخبارك يا دكتور. كريم: الحمد لله يا عم. ادهم: وأخبار خطيبتك إيه، هتفضل خاطبها لحد إمتى؟ كريم بفرح وحب: أهو الحمد لله، هتبقى مراتي خلاص. جيت أعزمك على فرحي. ادهم بسعادة: ألف مبروك يا كريم، أنت تستاهل كل خير. الفرح هيبقى إمتى إن شاء الله؟ كريم: الله يبارك فيك، هيبقى بكرة إن شاء الله.

ادهم: وأنا إن شاء الله هشرفك بدري. كريم: تنور يا أخويا. ليغلق مع كريم ليأتيه اتصال من رقم مجهول. ليرد. ادهم: الو. المجهول: أنا.