رواية عشقت نقابها الفصل التاسع عشر 19 - بقلم لقي محمد

الصبح صحيت لقيت نفسي نايمة على السرير. اتعصبت وقومت علشان أزعقله، بس لقيت البيت هادي خالص. خرجت الصالة دورت عليه ملفتهوش. دخلت جميع الأوض وبرضو ملقتهوش. قولت يبقى أكيد راح الشغل. دخلت أخدت هدومي ودخلت آخد شور سريع. وبعد فترة كنت خرجت وبنشف شعري لقيت رسالة محطوطة على الكومود. استغربت وروحت أقرأها بخوف وشك. وخوفي اتحقق لما قريتها وكان مكتوب فيها: "سامحيني". انصدمت وروحت جري على الدولاب وفتحت خزانة الملابس بتاعته.

وكانت تاني صدمة لما لقيته واخد هدومه. دموعي نزلت وأنا بقول: اتخلى عني تاني. بصيت للورقة اللي في إيدي بكسرة. ضحكة وجع خرجت مني معرفش ليه. المرة دي مزعلتش أوي يمكن عشان اتعودت منه على كده. ولا يمكن عشان كلامي خلص. ولا يمكن مبقتش قادرة أترجم اللي بيحصلي. بصيت قدامي بشرود وأنا مش عارفة أعمل إيه. طب أروح لأبويا وأمي؟ صرخة جت من قلبي بتقولي: لأ إلا دول. استغربتني أوي أنا إزاي بقيت كده.

فكرة جت في دماغي خلتها تقف، وعيني انفتحت على آخرها. هو.. هو ممكن ي.. في مكان تاني مجهول. "هاااا عملتي إيه؟ "كله تمام." "تمام أوي، حضري نفسك عشان قربنا." "يااه أخيرًا." "سلام يا قطة." "سلام يا بُوص." في طريق ضلمة في إحدى الشوارع المخيفة كان يجري ذلك الرجل بتخفي. حينما شعر بأحد يجري خلفه. ينتهي به الحال جالساً في ذلك البيت المهجور المتهالك. نظر حوله باشمئزاز وتقزز.

ومن ثم سمع خطوات آتية له ليفر راكضاً إلى الباب الخلفي لذلك البيت حتى لا ينكشف أمره. ولكن ها أمره قد انكشف عندما صدر صوت ذلك الكلب المفترس وهو يقترب منه ويصدر صوتاً مفترساً مثله. حسناً حسناً ها قد انكشف أمره فماذا سيفعل الآن؟ نظر إلى الكلب بهدوء ونظر خلفه ببرود. فها، هو محاصرٌ الآن. فماذا سيفعل؟ أما عند إيهاب دخل البيت بس أتفاجأ لما لقى البيت رجع تاني زي ما كان ويمكن أحسن. لفت انتباهه ذلك الأكل الموضوع على السفرة.

قرب من السفرة بهدوء لقى كل حاجة مترتبة. بس اللي شده أكتر الورقة اللي محطوطة جمب الأكل. مسكها وكان هيفتحها لكن الفون رن من رقم مجهول. رد بإستغراب. "ألو." برق عينه بصدمة.