رواية عشقت نصر الصعيد الفصل الثالث 3 - بقلم هند لاشين

وقفنا البارت اللي فات لما حور خبطت في عُدي وضربته بالقلم. عُدي لسه هيضرب حور بس وقفه شخص. عُدي بيبص وراه لقى نصر. "انتَ إزاي تمد إيدك على واحدة ست؟ "وانت مالك يا روش؟ هي القطة تلزمك ولا إيه؟ نصر اتعصب جداً وعروق إيده برزت وعيونه احمرت، وبدأ الضرب بكل غل في عُدي. أما حور كانت واقفة بتعيط، وفاق من غيبوبة العصبية دي على صوت شهقاتها. "انت ضربته ليه؟ حرام عليك!

"روحي شوفي محاضراتك يا آنسة، وبعد كده خدوا بالكم وأنتم ماشيين، مش ناقصين مشاكل." بتمشي حور وهي مضايقة، بس مش مضايقة من عُدي زي ما هي مضايقة من نصر. أما عند نصر، كان كل تفكيره في حور، لأن هي شبه بنت عمته المفقودة من 15 سنة بالظبط. وهنا نصر بيسرح. "نثر، انت فين يا نثر؟ "انا هنا يا حوري، انت كنتي فين؟ أنا كنت عند حمو بشتري حاجة حلوة ومش جيت معايا، فكنت خايف." "متخافيش يا حوري، أنا معاكي وهفضل معاكي على طول."

نصر بيدخل المحاضرة لأنه هو المعيد بتاعها. وبياخد باله إن حور موجودة في أول المدرج، وجنبها شاب. وبيزعل جداً، بس مبيحبش يبين، بيتظاهر بالبرود. وبعد عدة ساعات، ينتهي نصر من الشرح، وبيأذن للطلبة للخروج. وهو ماشي بيفضل يبص على حور. أما عند حور، أول ما شافت جاسر جرت عليه حضنته جامد أوي. وبعدين... حور: فتاة عمرها 19 سنة، كلية طب عيون بلون البحر، شعر أسود طويل جداً، بيضاء جداً، قصيرة، حساسة جداً.

نصر: عمره 30 سنة، معيد في كلية طب، عصبي جداً، عيون سوداء وشعر أسود طويل جداً، وعريض وشخص رياضي، عصبي جداً جداً ويتميز بالبرود. جاسر: عمره 22 سنة، مهندس على القد، بيحب حور جداً جداً، هي أغلى حاجة عنده، طويل أوي وعريض الجسم، ورث من أبوه العيون العسلية والشعر الأسود، عصبي أوي وبيغير على حور أوي، حكم إن هما أخوات. بسمة: ورثت من فتحية سواد القلب، وهي عادية الجمال، بتكره حور جداً جداً وبتتمنى ليها الموت.

فتحيّة: غنية عن التعريف، بس تعالوا نعرفها سوا، دي مرات أبو حور، دي المرة التانية، بتكره حور جداً وبتغير من أمها.