رواية عشقت صعيدي الفصل السابع عشر 17 - بقلم ندى حمادة

يارا: نعممم! واحد صعيدي؟ ازاي؟ ندى: إيه يعني؟ فيها إيه؟ جت فاطمة: أنا آسفة على التأخير. ندى: بحب. ولا يهمك يا حبيبتي. يلا نروح نتغدى. ماشوا المطعم وطلبوا الأكل. ندى: صح يا فاطمة، انتي عايشة فين؟ فاطمة: أنا عايشة في مكان، بيت صغير كده على قدي أنا وأهلي. ندى: ربنا يسعدكم يا قمر. عندك كام أخ واخت؟ فاطمة: 4. يارا: ويا ترى باباكِ بيشتغل إيه؟ فاطمة: بحزن. ولدي عاجز. ندى: زعلت عليها. عندك حد أكبر منك؟

فاطمة: لا، أنا الكبيرة. ندى: حبيبتي، انتي بجد بنت بميت راجل. إنكِ تشتغلي عشان تصرفي على أبوكي وأمك وإخواتك. بجد ربنا يقويكي يا حبيبتي. فاطمة: حسّت إنها طيبة جدًا وحبتها. ويخليكِ يا ندى هانم. ندى: إيه ده؟ ندى هانم إيه بس؟ اسمي ندى بس. فاطمة: خلاص ماشي. يارا: متغاظة جدًا من فاطمة ومش عارفة ليه. بعد ما خلصوا الأكل، ندى حاسبت وفاطمة رجعت الشركة تكمل شغلها. وندى ويارا خرجوا يتمشوا.

يارا: على فكرة يا ندى، البنت دي مش من مستواكي إنك تتكلمي معاها. ندى: بزعل. ليه يا يارا؟ عشان هي فقيرة؟ ولا عشان بابها عاجز؟

ندى: بحزن. طيب ما أنا أبويا عنده فلوس وكل حاجة أهو، وطول الوقت كان حارمني منها. أنا عشت سنين حياتي عذاب. أبويا معاه فلوس لكن رافض يدخلني الكلية اللي نفسي فيها عشان الفلوس. ورفض إني أشتغل في الشركة وإني أشتغل في أي مكان عشان أفضل محتاجة إنه يديني فلوس. وكل حاجة كنت بتمناها ما كانش بيجبهالي. وانهارت ندى من العياط. أنا اتحرمت من كل حاجة، حتى حنان أبويا مشفتهوش. وديما يضربني ويكرهني وياخد مني كل حاجة بحبها. بابا كسرني، حرمني إني أعيش طفولتي زي أي طفل عادي. الناس بتحسدني على أبويا وفلوسه. أنا ما دخلتش الشركة غير لما أبويا تعب وطلب إني أقف في الشركة. غير كده ما كنتش اعتبرها شركة أبويا أصلًا. انتي فاهمة؟

إيه الفلوس مش كل حاجة. ما تاخديش بالظاهر يا يارا. ومشيت ندى وهي بتعيط جامد وسقت العربية ومنهارة. ليه يا بابا؟ ليه؟ ليه عملت كده؟ مش قادرة أنسى كل ده. ليه؟ 😭💔 حرام عليك يا بابا. وكانت هتعمل حادثة ووقفت فجأة. اتخبطت في الإزاز. الناس اتلمت. الناس: انتي كويسة؟ ندى: آه. الناس: يا بنتي حرام عليكي، مش بتعرفي تسوقي؟ ليه بتركبي عربية؟ ندى: أنا آسفة جدًا.

ومشيت. راحت مكان بعيد عن الناس، مكان خالي بتروح من وهي صغيرة تعيط وتصرخ من غير ما حد يحس بيها. فضلت ساعات تتكلم وتعيط لحد ما نامت مكانها. صحت بالليل وقامت. ندى روحت البيت قابلت مامتها. الأم: ندى؟ انتي كويسة يا بنتي؟ مالك؟ عينك ورمة ليه؟ معيطة ليه؟ ندى: بتعب. مفيش. هروح أنام. يامي، تعبانة. نامت ندى. آدم رن كتير مش بترد. آدم خايف جدًا عليها. رن على مامتها وكلمها.

الأم: ولله يا آدم، ندى جاية منهارة وتعبانة أوي وعينيها ورمة من العياط ودخلت نامت. آدم: بخوف. ليه كده؟ متعرفيش السبب؟ الأم: لا. بس يمكن افتكرت اللي عمله أبوها فيها. آدم: أنا جاي دلوقتي. ومتعرفيش ندى؟ وصل آدم وكانت الساعة حوالي 11 بليل. سلم على مامت ندى وطلع الأوضة بتاع ندى. لقيها نايمة بإهمال على السرير وبلبسها اللي كانت بيه برة، وباين على وشها التعب أوي. آدم: بيفكر. مالك يا ندى؟ إيه اللي وصلك للحالة دي؟ بس 💔

قرب منها وعدلها على السرير وغير ليها هدومها ولبسها قميص قطني مريح بنصف كم. وأخذها في حضنه وناموا. وندى مش حاسة بأي حاجة خالص. تاني يوم فاقت ندى بتعب وكسل، بس مش عارفة تتحرك. بصت لقيت آدم حضنها جامد ومحوط عليها بإيده. ندى: مش مصدقة إن ده آدم. ندى: بذهول. أنا بحلم صح؟ ولله أنا اتجننت 😂🙆🏻‍♀️🙆🏼‍♀️ من كتر ما بفكر فيه بحلم بيه. أنا هنام أصحى مش هلاقي، أهو غمضت وفتحت برضو. ندى في حضن آدم.

آدم: مش قادر يمنع نفسه عن الضحك. هو صاحي من بدري. آدم: ضحك بصوت عالي. لالاا مش قادر. البت اتجننت 😂😂😂. مالك ي حبيبتي؟ أنا آدم ولله. ندى: إزاي جيت؟ إزاي؟ وإيمتى؟ وعرفت إزاي إني محتاجالك وأنا مكلمتكش؟ آدم: أنا الصقر يا ماما. يعني مفيش حاجة تستخبى عني. ها؟ بس مش قادر أنسى منظرك وإنتي صاحية من النوم 😂. ندى: بغيظ. بس غلاسة بقى. آدم: حاضر. ها؟ بقى زعلانة لي؟ ومالك؟ إيه اللي حصل امبارح؟

ندى: بحزن. افتكرت كل حاجة بابا عملها فيا. مش قادرة أنسى يا آدم. مش قادرة. آدم: خدها في حضنه وقالها. يا حبيبتي، مع الوقت كل حاجة بتتنسى. وأنا معاكي أهو. ندى: حضنته جامد وقالت. أنا بجد ربنا عوضني بيك. كل هذا كان يسمعه محمد. محمد: سمع كل حاجة. راح الأوضة اتصل بشخص. محمد: الو. الشخص: ..... محمد: أنا زهقت. والبت مش ناسيه اللي عملته فيها. وآدم بيحاول يكسبها بكل الطرق. لازم نقرب الخطة. الشخص: ...

محمد: يبقى كده تمام أوي. حدد وكلمني. الشخص: ...