رواية عشقت صعيدي الفصل الثامن والعشرون 28 - بقلم ندى حمادة

ادم أنا بحبك أوي يا أجمل ملاك في الكون. بجد عارفة يا ندى، إنتي صعب وصفك جداً، لأنك بتختلفي عن الكل. إنتي هدية من عند ربنا. إنتي أكبر فرحة ليا. أنا ربنا عوضني بيكي عن كل حاجة حصلت ليا، عن غياب أمي وعن أي حاجة شفتها. إنتي حتة مني يا ندى. أوعي تبعدي عني، ها؟ أوعي. أنا بحبك بجد. وراح باسها وخدها في حضنه.

ندى وهي في حضنه بتعيط: عارف يا ادم، أنا اللي المفروض أشكرك على كل حاجة عملتها عشاني. أشكرك على حبك ليا وحنانك اللي أنا اتحرمت منه. إنت عوضتني عن غياب بابا في حياتي. أنا بحبك بجد يا ادم، بحبك أكتر من حياتي وأكتر من أي حد تاني. إنت بقيت كل حاجة ليا. إزاي أبعد عنك وانت بقيت سندي يا ادم بعد ربنا؟ إزاي؟ بجد أنا في حضنك بحس بأمان عمري ما حسيتُه. أنا اللي لازم أشكرك على وجودك جنبي يا حبيبي. ادم: بحبك يا روحي.

الممرضة: بعد إذن حضرتك، عايزين نطمن على الآنسة ندى. ادم: آنسة إيه يا ماما دي مراتي. الممرضة بضحكة على منظر ادم: أنا آسفة، مكنتش أعرف. عايزين نطمن على المدام ندى. كده كويس؟ ادم: آه، كده كويس. جه الدكتور عشان يكشف على ندى. ادم مسك إيده: إنت هتعمل إيه؟ الدكتور: هكشف عليها. ادم: لا. الدكتور: نعم؟ ادم: إيه؟ مسمعتش؟ بقولك لا. ابعتلي دكتورة. الدكتور: وأنا ما أنفعش؟ ادم: لا. الدكتور بغيظ: ماشي. خرج ومشي.

ندى بضحك: سيبوه يا ادم يكشف، هو مش دكتور ولا إيه؟ ادم بغيظ: اسكتي خالص، فاهمة؟ ندى بكسوف: حاضر. جت الدكتورة وكشفت على ندى. الدكتورة: الحمد لله، الحالة مستقرة وممكن تخرج بكرة. ادم بفرحة: بجد؟ الدكتورة: آه، بس لازم يكون فيه اهتمام شوية عشان الجرح. ادم: أكيد طبعاً. الدكتورة: عن إذنكم. ادم: اتفضلي. ادم قاعد على السرير: خلاص يا قمري، هانت. بكرة إن شاء الله ونخرج من هنا. ندى ميلت راسها فالأرض بحزن. ادم: مالك؟

ندى: ادم، إنت لسه عايزني؟ ادم: نعم؟ بعد كل ده؟ ندى: طيب مش زعلان أو كرهتني من اللي عمله بابا؟ ادم قرب منها وقالها: لا يا ستي، أنا ماليش دعوة بأي حد من أهلك. أنا ليا دعوة بيكي إنت وبس، فاهمة؟ ندى: بس بابا... ادم: مبصش ولا حاجة. أنا مش زعلان يا ستي، بجد. ندى بعياط: أنا خايفة تكرهني بعد كده بسببه. ادم: لا طبعاً، إنت بتقولي إيه بس؟ ندى: مش عارفة، بس أنا خايفة. ادم حضنها: خايفة وإنتي معايا يا ندى؟

ندى بعياط: خايفة تبعدي عني. ادم: لا يا حبيبتي، متخفيش. إنتي عارفة إحنا هنروح فين بكرة؟ ندى هزت راسها بمعنى لا. ادم قالها: هتكون مفاجأة. ندى: بجد؟ فين؟ ادم: إيه الغباء ده؟ بقولك مفاجأة. ندى بضحك: ماشي. الباب خبط، دخلت عائشة، ماما ندى. عائشة بفرحة: حبيبتي، وحشاني. ألف سلامة عليكي يا قلبي. ندى: ماما حبيبتي، إنتي عاملة إيه دلوقتي؟ طمنيني عليكي. عائشة: بخير يا قمري، اطمني. أنا خفيت لما شفتك.

ندى: إنت تعبانة بسببى بس مردتيش تخليني أجي، والله. عائشة: إنتي تعبانة يا قلبي، ألف سلامة عليكي يا روحي. ربنا يقومك لينا بالسلامة يا روحي. ومتقلقيش، إحنا هنبعد عن كل الناس الوحشة دي. هبعدك عن كل اللي أذوكي. ادم: اطمني يا طنط، كلهم بياخدوا حسابهم جامد أوي. عائشة: السجن مش كفاية؟ ادم: مين قال كده؟ ده أنا موصي عليهم جامد أوي. ندى: إزاي؟

ادم: بالنسبة ليارا، كل يوم بتغسل الحمامات وتغسل الغسيل وتاخد علقة موت. بتصحى على علقة وتنام على علقة. ندى بزعل: لي كده يا ادم؟ حرام. عائشة وادم بصوا: إنتي عبيطة يابت ولا هبلة؟ ندى: لي يا ماما بس؟ عائشة: بلاش تكوني طيبة أوي كده. ادم: مامتك معاها حق يا ندى. بلاش تكوني طيبة أوي كده، فاهمة؟ ندى: طيب، بس خفف عليها. ادم بغيط: أخف على مين ها؟ على واحدة اتفقت على قتلك وسرقتك وإنها توقع شركتك وتاخد فلوسك وممكن تسجنك؟

إنتي مجنونة؟ ندى بعياط: يمكن عندها ظروف. ادم: والله ندى، متخلينيش أتعصب عليكي. ندى: خلاص، متتعصبش، ممكن؟ ادم: ماشي. عائشة بضحك: كمل، والباقي؟ ادم: بالنسبة لعلي ويوسف، بقى دول بيتعلم عليهم جامد أوي أوي. كل يوم، وبردو بينضفوا الحمامات والغسيل والشغل عليهم وكل حاجة. طالع عينهم وبيضربوا ضرب. عائشة بضحك: أحسن، أحسن. ندى: طيب وبابا؟ ادم: دخل المستشفى. ندى: لي؟ ادم: جاله شلل من اللي حصل. عائشة: يمكن بيمثل.

ادم: لا يا طنط، عمي محمد فعلاً تعبان. عائشة: ربنا يسامحه. ندى: يا رب. وفضلت حزينة. ادم: صحي يا طنط، إحنا إن شاء الله هنخرج من هنا بكرة. عائشة بفرحة: طيب، الحمد لله. عائشة مشيت، وفضل ادم وندى. أكلت وغيرت هدومها وعايزة تنام. ادم: يلا عشان ننام. خدها في حضنه. ندى: ادم؟ ادم: نعم؟ ندى: احكيلي حدوتة. ادم: ماشي يا ستي، حاضر. كان يا مكان يا سعد يا إكرام، كان في زمان بنوتة جميلة أوي وعيونها خضرة وبيضه. ندى: زيي كده؟

ادم بضحك: آه، اسكتي بقى. ندى: حاضر، أهو. ادم: كان شعرها طويل وجميل، وكانت طيبة أوي وكل الناس بتحبها. كانت زي الملايكة. وكان في ناس عايزة تأذيها. ندى: لي؟ ادم: عشان الشياطين بيكرهوا الملايكة يا قلبي. عشان لازم نشوف ناس وحشة وناس حلوة. لازم نعرف مين بيحبنا ومين لأ. مش لازم نثق في أي حد بسهولة. ندى: حاسة القصة دي عليا أنا. ادم: آه يختي، شاطرة. يلا نامي بقى. نامت ندى في حضن ادم.