رواية عشقت صعيدي قاسي الفصل السادس 6 - بقلم هاجر حسين

ليان: ممكن تطلع عشان عايزة أنام. رعد: تؤ تؤ تؤ مش هطلع. ليان: طيب أنا هسيبلك الأوضة كله. ليان كانت خارجة، رعد مسكها من إيدها. رعد: رايحة فين؟ خليكي واقعدي كلي عشان اللي جاي هيبقى صعب عليكي. ليان: إنسان بارد. رعد: واااه، بعد الفرح على طول هنروح القاهرة. ليان: اااه، عايز تستغل ده عشان تضربني براحتك. رعد: ههههه شطورة يا لي. ليان: عارفة، ويلا اطلع باااره. رعد: استعدي يا لي لي... أسيبك أنا بقى. خرج رعد وقفل الباب.

ليان وهي بتاكل: أنا مش عارفة أشتم أقول إيه... يارب صبرني... إيه ده أنا شتمت على نفسي! هبقى صبارة هيييح، وماله الصبار؟ ما الصباره الراقصة عسل، ياريت أبقى صباره حتى عشان أرتاح من الزفت الكينج! قال كينج قال على نفسه... منك لله يا رعد خليتني أتجننت وكلام نفسي... أروح أنام أحسن. ونامت ليان. *** في الصباح. زينب: شمس، شمس! شمس: نعم يا تيته؟ زينب: خدي كوباية البن دي لـ لي ليان وصحيها. شمس: حاضر. وطالعة ورعد كان نازل.

رعد: لمين دي؟ شمس: لـ لي ليان. رعد: إيه الدلع ده! طيب هاتي أطلعهالها أنا. شمس: ماشي، وصحيها. رعد: ماشي. دخل رعد وكانت ليان نايمة، وكانت بتقول: رعد كفاية بقى يا رعد، أنت رخــم أوي. رعد: ليان. ليان: ... رعد: ليان قومي يلا! ليان: سيبني أنام شوية. نام جنبها وحضنها وهي نايمة مش حاسة. رعد وهو باصص عليها: أصحّيها إزاي دي؟ نام جنبها وحضنها: طيب ممكن تدخلي لجوه شوية عشان هقع.

دخلت لجوه، وبعدين استوعبت وفتحت عيونها بسرعة بعد ما حست بيها وبصت عليه وشالت إيديها من عليها وقعدت. ليان بخضة: عااا! أنت إزاي نايم جنبي؟ قوم يا حيوان يا متحرش! وبعدين إزاي تدخل أوضتي كده؟ رعد ببرود: أوضتك هي أوضتي، وبعدين أنا زي جوزك برضه. وغمزلها. ليان: جوزي؟ ههه، أنا بكرهك يا رعد! قوم من جنبي ياله اطلع بااره. قرب منها وقال: ما تخليني ساكت، أنت اسمي مفارقش لسانك وأنتي نايمة. ليان بعدت عنها: أنااا؟

ههههه، أكيد بتهزري. رعد: لا مش بهزار، اشربي البن ونزلي. ليان: لبن؟ اممم، طيب. رعد: يلا بسرعة. ليان: طيب، هدلق البن وأنا نازلة. رعد: نعم؟ بتقولي إيه؟ ليان بخوف: بقولك هـشرب البن وهـنزل. رعد بشك: اااه، طيب يلا اشربيها قدامي دلوقتي. ليان: حاضر، بس أنا هاخد دوش. هصلي وبعدين أشربها عشان سخنة... أنت انزل وأنا لما أخلص هنزل. رعد: لا يا ليان، دلوقتي هتـشربيها. ليان بتمثيل: سخنة يا رعد. رعد: لا مش سخنة. ليان: مش هشرب يا رعد.

رعد: اشربي بقى بدل ما أشربهولك بالعافية. مسكت ليان الكوباية وفجأة الكوباية وقعت منها. ليان: يالهوي! إيه ده؟ ادلقت؟ رعد بيقرب منها: أنتي كنتي قصدك صح؟ ليان جريت ودخلت الحمام. رعد: ماشي يا ليان. نزل رعد. زينب: يارب متكونوش اتخانقتوا. رعد: لا، بس مشربتش البن، دلقتـه. زينب: ليه؟ رعد: أظهر إنه مش بيحبـه. زينب: مش بيحبـه؟ دي بتـشرب كل يوم كوبايتين، واحدة الصبح وواحدة بليل. أكيد بتدلع عليك! .......

طيب هي مش هتنزل عشان تروح الكوافير؟ شمس: أنا هطلع أقولها ونجهز. زينب: ماشي. طلعت شمس لـ لي ليان. شمس: رعد قال لـ تيته إنك مش بتحبي البن، وتيتها قالت إنك بتـشربي اتنين، أكيد بتدلع عليك. ليان: هههههه، طيب كويس. شمس: تيته لو عارفة هتزعل منك والله... يلا جهزي بقى عشان نروح البيوتي سنتر. ليان: يلا يا ختي. شمس: أنتي بتكرهي رعد بجد يا ليان؟ ليان: أكرهه إيه بس يا شمس؟ أنا بعشقه. شمس: طيب، ليه بتقولي له إنك بتكرهيه؟

ليان: عشان هو مجبور عليا وأنا عندي كرامة، يعني هعامله زي ما بيعاملني وهكسر غروره ده. شمس: طيب، ربنا معاكي. هروح ألبس أنا. ليان: ماشي. خرجت شمس، وبعد شوية... لبسوا ونزلوا وراحوا الكوافير. الكوافيرة: اتفضلي يا عروسة، اختاري فستان. ليان: تعالي يا شمس شوفي معايا. وجت واحدة كانت ماسكة كيس أسود كبير. "حضرتك ده بعته الأستاذ رعد لـ لي ليان." ليان: أنااا. "طيب اتفضلي." شمس: ده أكيد فستان... افتحي.

فتحت ليان، وكان فستان أبيض بفصوص من الألماس وطويل من ورا، كان جميل جداً. شمس: وااااو، ده تحفة. ليان: اااه والله جميل جدا... وتليفونها رن. شمس: مين؟ ليان: معرفش، رقم مش مسجل. "عجبك الفستان؟ ليان باستعباط: مين؟ رعد: رعد، الفستان عجبك ولا لأ؟ ليان: مكنش لازم تتعب نفسك يا كينج. رعد: لا يا ليان، مفيش تعب، بس دي مظهر عشان الناس تعرف إننا مبسوطين مع بعض. ليان: طيب، كانت جبته أسود عشان أنا بحب ألوان الأسود.

رعد: لا، كتير عليكي يا لي لي، كفاية حياتك الجاية هتكون سودة. ليان: طيب يا كينج، عايز حاجة؟ أنا هقفل. رعد: اااه، عايز أعرف اسم زمايلك اللي بتحبها عشان أعزمهم. ليان: لا، متتعبش نفسك، أنا عزمتهم وأكيد هييجوا. سلام. وقفل. رعد لنفسه: ماشي يا ليان، أنا هعلمك الأدب. كله ساعات وهتبقي معايا ولوحدي. يوسف: إيه يا كينج؟ سرحان في إيه؟ ده حتى النهاردة فرحك. رعد: ما أنا عادي أهو. يوسف: لا، أنت بتخطط لحاجة يا كينج. رعد: لا أبداً...

يلا نجهز. يوسف: يلااا. وبعد وقت، كله جهز. ليان: وااااااوووو! أنتي جميلة أوي يا شمس. شمس: حبيبتي، ربنا يخليكي ليا، بس بجد أنتي اللي تجنني. ليان: بجد، شكلك روعة. رعد: يلا يا يوسف. يوسف: يلااا. (رعد كان لابس بدلة سوداء، كانت عليه غاية في الجمال والفخامة وأبرزت عضلات صدره الكبيرة، كان جذاب ووسيم جداً.) (ويوسف لابس بدلة لونها كحلي، بيزيده جمال وأناقة، كان جميل جداً.) ركبوا العربية ووصلوا الكوافير.

ودخلوا. رعد اتفاجأ بيها، هي جميلة آه، بس الفستان الأبيض وطرحتها زادوا جمالها وابتسامتها الجميلة. يوسف شاف شمس، جمالها وضحكتها اللي منورة وشها، ملاك ماشي على الأرض بفستانها الأسود وطرحتها الذهبي وابتسامتها الجميلة. يوسف: إحنا داخلين مكان غلط صح؟ رعد: وأنا بقول كده برضه. شمس: لا والله، ليه؟ إحنا وحشين ولا إيه؟ ضحك رعد ويوسف. رعد قرب من ليان وباسها من خدها. ليان اتكسفت. رعد: إيه ده؟ أنتي بتتكسفي؟ ليان: اسكت يا لساني.

رعد مسك ليان من إيدها وركبوا العربية، وشمس كانت هتركب معاهم بس يوسف مسك إيدها. يوسف: رايحة فين؟ شمس بكسوف: هركب معاهم. يوسف: مينفعش، دول عرسان. تعالي اركبي معايا. شمس: ماشي. ركبت شمس مع يوسف. يوسف: تعرفي أنا معرفش حاجة عنك غير اسمك شمس وأخت رعد بس. شمس: عايز تعرف إيه يعني؟ يوسف: يعني سنك؟ بتدرسي إيه؟ كده يعني. شمس: 20 سنة، وفي كلية تربية. يوسف: ده انتي صغيرة أوووي. شمس: والله؟

يوسف: تعرفي أنا معجب بيكي من يوم ما شفتك. شمس بخجل: رعد لو عارف كده هتخسره. يوسف: وأنا مش عبيط يا شمس، أنا بقولك من يوم ما جيت أنا ورعد وشوفتك حبيتك. وكانت بشوفك كتير، مكنتش بتكلم معاكي عشان رعد واثق فيها وداخلني البيت، ولو أنا مش كويس كانت كلامتك من ورا رعد، لكن أنا مش كده، وفي أقرب وقت... شمس: إيه؟ سكت؟ يعني... طيب ما أنت بتكلمني من وراها رعد أهو. يوسف: كلام عن كلام يفرق. أنا حبيت تعرفي مشاعري تجاهك.

شمس: اهاااا. طيب. في عربية رعد... ليان كانت مبسوطة. رعد: شايفك مبسوطة. ليان بابتسامة مستفزة: اااه، مبسوطة جداً. رعد: لا بجد، أنا مش بهزر، شايف الفرحة في عيونك. ليان: لا، مش مبسوطة، بس عشان الناس لما تشوفني كده أحسن من التكشيرة، ولا أنت نسيت كلامك والمظهر؟ رعد: .......