رواية عشقت صعيدي قاسي الفصل الثاني والثلاثون 32 - بقلم هاجر حسين

مر شهرين على موت ليان. رعد دائمًا قاعد لوحده ويفكر فيها، وابنته دائمًا معه. رعد: حبيبت بابا، اسكتي بقى. تعرفي يا ليان، ماما كانت شبهك أوي، بس عيونك زي... زينب دخلت عليه: ليان بتعيط ليه؟ رعد: مش عارف يا تيته، من ساعة ما صحيت وهي بتعيط. زينب: طيب هاتها شوية، أديها الرضاعة. أخذتها زينب وبدأت ترضعها صناعي. زينب: أهي سكتت... أنت مش هتروح القاهرة عشان شغلك؟ رعد: لا، يوسف هناك. زينب: لا يا ابني روح، مينفعش تسيب شغلك.

رعد: اشمعنا دلوقتي مينفعش؟ ما كنتِ دايماً عايزاني أقعد هنا. زينب: ما أنت لازم تشتغل يا ابني عشان تنسى. رعد: أنا عمري ما هنسى ليان يا تيته. أنا البنت سميتها ليان عشان يفضل اسمها في البيت، لكن هي في قلبي ومستحيل أنساها. زينب: ربنا يرحمها يا ابني. رعد: مش عارف ليه يا تيته حاسس إنها عايشة. أنا لو ما كنتش معاكم في المقابر وما كنتش شفتها بعيني وهي في القبر، كنت هقول إنها عايشة. زينب: هي ما ماتتش، هي عايشة هنا جوه قلبك.

رعد عيط. زينب: عيط بس خليك قوي عشان بنتك يا ابني. رعد: أنا هاخد ليان وهراجع القاهرة. زينب: لا، سيب ليان هنا. رعد: مش عايز أحرمها مني زي ما اتحرمت من أمها وبعدت عنها. زينب: كان غصب عنك يا ابني... هتمشي امتى؟ رعد: بكرة إن شاء الله. زينب: طيب والبنت مين هيكون معاها؟ رعد: داده صفية موجودة... لو جدي يرضى وتروحي معايا ونقعد كلنا هناك هيكون أحسن. زينب: ما أنت عارف جدك مستحيل يسيب البيت ولا البلد.

رعد: خلاص، أنا ابقى أنزلالكم كل فترة. زينب: ماشي يا ابني، ليان نامت أهي. *** أسامة مش بيسيب فرح خالص لأنه الحمل تعبها. فرح: أسامة. أسامة بغضب: نعم. فرح: في مواعين كتير جوه. أسامة: فرح، أنا زهقت. ما قولت أجيب شغالة، نفسي أعرف مش راضية ليه؟ فرح: اعمل أنت وساكت. وعايز تجيب شغالة عشان تخوني معاها؟ أسامة: صبرني يارب... يبقى معايا فرح حبيبتي وأبص لغير مينفعش يا قلبي. فرح: خلاص هفكر...

يلا ادخل المطبخ جهز الأكل عشان جعانة. وتسألني بمواعين؟ أسامة بصوت عالي: يعني أنا سايب شغلي وقاعد معاكي وإنتي تشغليني؟ هو في إيه يا فرح؟ مش كده. قولت معلش حامل وتعبانة، لكن إنتي زودتيها أوي. فرح بدموع: عااا... بيزعق فيا وبيضربني. أسامة بتنهيدة: استغفر الله العظيم. إنتي هتجننيني... أنا هسيبك وأقعد عند أمي. فرح: عااااا... لا بالله عليك، أنا بخاف أقعد لوحدي. أسامة: طيب خلاص، تروحي عند حازم ولما تولدي ابقى تعالي...

يلا قومي جهزي. فرح: زهقت مني يا أسامة، ماشي. أنا همشي بس مش هرجع تاني... يلا بقى طلقني. أسامة: تعرفي أنا بفكر في كده أصلاً. فرح: يعني عايز تطلقني يا أسامة؟ أسامة: اااه، عشان زهقت منك. فرح: زهقت مني، اممم... ماشي. بص يا حبيبي، أنا قاعدة على قلبك ومستحيل ده يحصل. ولو زهقت، أعيش وأزهق. أسامة: طيب، أنا هدخل أريح شوية وادخلي جهزي الأكل. فرح: لاااا. أسامة: في إيه؟ فرح: نجهز مع بعض، إيه رأيك.

أسامة: اااه، افتكرت. إنتي مش بتعرفي تعملي حاجة. فرح: لا مش كده، بس بتعب من وقفة المطبخ. أسامة: بلاش كداب، إنتي قولتي بنفسك إنك مش بتعرفي تعملي حاجة غير إندومي. فرح: لا مش كده، بس ابنك اللي تعبني والله. أسامة: طيب، أنا هجيب شغالة تساعدك. فرح: قصدك تساعدك. أسامة: تعرفي أنا بفكر ما أجيبش، وأخليكي إنتي تعملي كل حاجة... اصبري بس عليا. فرح: أصبر على إيه؟ أسامة: هطلعه من عيونك لما تولدي عشان تعرفي تعملي معايا كده...

وأنا أقول معلش، غصب عنها الحامل تعبها. ماشي يا فرح؟ فرح: يالهوي! أنا مش هولد أصلاً، هخليها في بطني على طول. أسامة: أنا اتجوزت واحدة عبيطة... هدخل أنام، مش عايز أسمع صوتك ولا "يا أسامة أنا تعبانة" ولا أي حاجة، فاهمة؟ فرح: حاضر... بس مخصماك. أسامة: هصالحك بعدين. فرح لنفسها: والله مش هسيبك تنام. *** يوسف مش دايماً مع شمس لأنه بيروح الشركة وكل الشغل عليها، وشمس لسه مش مصدقة إن ليان ماتت وسابتها. يوسف: شمس، إنتي بتعيطي؟

شمس: لا... جاي بدري يعني؟ يوسف: قلقان عليكي لما مش بتفتحي على التليفون. شمس: اممم، التليفون فوق ومش سمعته. يوسف: طيب، إنتي تعبانة ولا إيه؟ كل مرة بتفكري في ليان؟ شمس: مفيش يا يوسف، يلا تعال كل. أنت شكلك تعبان. يوسف: أنا تعبان لأنك إنتي بعيدة عني يا شمس. وحالتك مش عاجباني، لا بتاكلي ولا بتهتمي بنفسك ولا بحملك ولا بتاخدي علاجك ولا أي حاجة، ومش عايزاني أتعب؟ شمس: معلش يا يوسف، أنا آسفة. يوسف: أعمل إيه أنا بمعلش وأسفة؟

شمس: عايز إيه طيب؟ يوسف: عايزك ترجعي زي ما كنتي. مش كل ما أدخل عليكي أشوفك بتعيطي. شمس: حاضر يا يوسف. يوسف بعصبية: اااه، وإنتي هتقولي إيه غير حاضر؟ ومش بتسمعي أم الكلام، هتفضلي كده لحد امتى؟ شمس بدموع: ما أنا قولتلك حاضر، هو في إيه؟ يوسف: أنا زهقت من الحزن والنكد ده. شمس: غصب عني، هو بإيدي؟ يوسف بغضب: اااه، بإيدك... أنا همشي، ولما ترجعي زي الأول ابقى كلميني. شمس: هتروح فين؟ خرج ولم يرد.

يارب أنا تعبت ومش قادرة أبقى زي ما كنت. يارب صبرني، حتى يوسف زهق مني. أنا تعبت. *** حازم وغادة ربنا عوضهم ببعض، الاتنين بيحبوا بعض أكتر من بعض. حازم: شكلك تعبانة يا غادة. غادة: لا يا حبيبي، ممكن يكون برد. حازم: لا مش برد، تعالي نروح لدكتور. غادة: لا مش لازم، يلا ناكل سوا قبل ما تخرج. حازم: ماشي، بس لو تعبتي أكتر من كده هنروح. غادة: إن شاء الله مش هتعب، يلا بقى. وبدأت تأكل، وبعدين مسكت فمها وجرت على الحمام تستفرغ.

حازم بخوف وقلق: فيكِ إيه يا غادة؟ غادة: أنا كويسة، أكيد خدت برد. حازم: طيب، يلا ادخلي جهزي عشان نروح لدكتور. غادة: بقولك برد، مش لازم. حازم: لا هنروح، ادخلي البسي. غادة: حاضر يا حازم. ودخلت، وبعد شوية خارجة. غادة: أهو جهزت. حازم: يالهوي على مراتي القمر، متجوز قمر يا ناس. غادة: هههه، والله طيب يلا طيب. حازم: بلاش، خليناها هنا أحسن. غادة: اااه والله، عشان أحسها الموضوع مش مستاهل. حازم: طيب، يلا يا بت انزلي قدامي.

غادة: حاضر يا حضرة الظابط. حازم: قلبي وربنا. غادة: إحنا وراجعين هنقعد شوية على النيل. حازم: ماشي. *** مكان أول مرة نروح. حنان: حمد لله على سلامتك يا بنتي. ابنتها: الله يسلمك. عمر: احم، هي فقدت الذاكرة يا أمي. حنان: يا حبيبتي يا بنتي، يعني بعد الغيبوبة شهرين تفقد الذاكرة؟ عمر: احم... خلاص يا أمي، الحمد لله على سلامتها. تعالي يا حياة، أوصلك أوضتك. حنان: ابقى انزل بسرعة عشان عايزك. عمر: حاضر.

ابنتها: دي أوضتك، لو احتاجتي أي حاجة قولي لي أمي. وغيري هدومي وانزلي. حياة: ماشي. عمر: نعم يا أمي. حنان: إنت إزاي غيرت اسمها كده؟ عمر: يا أمي، الدكتور قال بلاش تفتكر أي حاجة عشان ما يحصلهاش حاجة. حنان: إحنا لازم نعرف أهلها عشان نرجعها. عمر: ومين قال إن ليها أهل؟ حنان: يعني هي ما قالتش حاجة؟ عمر: ما إنتي عارفة يا أمي، إحنا رايحين لأهلها عشان الحادثة وملحقتش أعرف حاجة. حنان: طيب يا ابني، روح ارتاح وأنا هجهز الغدا.

عمر: ماشي، بس لو سألت انتي مين، قولي لها إنك خالتها. حنان: إنت اتجننت يا عمر؟ عمر: لا يا أمي، بس أنا معرفتش أقولها إيه، قولت لها كده عشان ما تتعبش. حنان: طيب يا عمر، لما نشوف آخرة اللي بتعمله. عمر: خير إن شاء الله. المهم، أنا عندي شغل، هدخل المكتب. ولو هي نزلت، كلامها هي فرفوشة، هتحبيها أوي. حنان: طيب، ربنا يوفقك يا رب. يتبع