رواية عشقت صقر الصعيد الفصل الرابع والعشرون 24 - بقلم جاسمين محمد

رشا: انت فين وكل حاجة تمام؟ زين: اه ليه في حاجة؟ رشا: رحيل كانت لابسة الطرحة وحست بقلبها انقبض وخافت، فقالتلي أرن أطمن عليكم. زين افتكر صقر وخاف، وبتردد: ها، لأ، إحنا كويسين. رشا بتفكير: طيب وصقر فين؟ زين بتفكير: ها، معرفش. هرن عليه وأطمن. سلام. وقفل بسرعة وبدأ يرن على صقر، مش بيرد. زين بقلق وخوف: يوووه، رد بقى متقلقنيش. مكرم: زين، خد دقيقة عايزك. زين: حاضر، جاي أهو. ربنا يسترها يارب. وراح يشوف مكرم.

-"أنت كويس يا باشا؟ صقر وهو بيقوم من على الأرض: "اه كويس يا أشرف، شكراً." أشرف: "شكراً على إيه بس يا باشا؟ المهم تكون بخير." صقر: "تسلم." وقام هو وأشرف وبدأوا يضربوا نار عليهم لحد ما خلصوا عليهم. أشرف: "بس كده، كلهم ماتوا. بس هما مين دول يا باشا وعايزين إيه؟ صقر: "دول اللي بعتهم أكيد سليم." أشرف: "ابن الـ... أروح أخلصلك عليه." صقر: "لأ، سيبه. وأنا اللي هاخد حقي منه. المهم، تسلم يا برنس على وقفتك معايا."

أشرف: "يا باشا، إحنا أهل وأفضالك عليا كتير أنا وأهلي." صقر: "أفضال إيه يا هبل إنت؟ إحنا مش أهل، يبقى خلاص." أشرف: "هههه، عندك حق." صقر: "هههه، يلا أشوف وشك بخير. سلام." أشرف: "سلام." صقر ركب العربية وطلع التليفون من جيبه يشوف مين كان بيرن عليه. لاقى زين، راح رن عليه. زين: "كده خلصت؟ حاجة تاني؟ مكرم: "لأ، بس كده. أه، صح. أمال فين صقر؟ زين بتوتر: "صقـ... وبيبص لاقى التليفون بيرن باسم صقر. زين: "هو بيرن أهو. سلام."

وسابه وفتح على صقر. زين: "فينك يا زفـ... ـت أنت؟ صقر: "موجود أهو. المهم، سليم جاب رحيل وجه ولا لسه؟ زين: "أبويا لسه مكلمهم، قاله إنهم خلاص قربوا يوصلوا القصر. إنت فين بقى؟ صقر: "تمام، أنا نص ساعة وأكون عندك." زين: "تمام، بس بسرعة عشان تلحق إشهار الجواز." صقر: "آه افتكرت. تمام، عشر دقايق وأكون عندك. سلام." وساق بسرعة. -سليم: "مال القمر زعلان ليه؟ من وقت ما أخدتوها من الكوافير لحد ما قربنا نوصل أهو."

رحيل: "ها، لأ، عادي. أنا كويسة." سليم: "لو كويسة كان بان عليكي. بس إنت شكلك زعلانة. إنتي مش موافقة ولا إيه؟ رحيل: "لأ، أصـ... لأ." رشا بسرعة: "مفهاش حاجة يا سليم. بس زعلانة إنها هتسيب أهلها بس." سليم: "هتسيبيهم فين؟ ماهو إنتي هتكوني قريبة ليهم في إسكندرية." رحيل بحزن: "اممم، إن شاء الله." ورجعت بصت من شباك العربية وسكتت.

سليم بمكر وهو بيكلم نفسه: "أنا عارف إنك زعلانة عشان هتتجوزيني، بس وحياتك هتزعلي أكتر وهتندمي. وهوريكي حاجات عمرك ما شفتيها ولا عيشتيها. بس استني عليا يا جميل." "وصلنا يا سليم باشا. اتفضلوا." سليم: "تمام. رحيل، يلا ننزل." ونزل وفتح العربية وبدأ يساعدها تنزل. وفيه معازيم كتير وسوسن عمالة تزغرط وأغاني شغالة. رشا نزلت ومسكت فستان رحيل. وسليم مسك إيدها ودخل بيها القصر قدام الناس اللي بتزغرط وتسقف.

سوسن بتحضن رحيل بعياط: "ألف مبروك يا روحي." رحيل بعياط وحزن: "الله يبارك فيكي يا حبيبتي." وفضلت حضنها. مكرم: "إنتوا هتقلبوها عياط؟ وراح بعد سوسن عن رحيل: "أوعي يا ولية، احضنها أنا كمان. ولا هي بنتك لوحدك؟ سوسن ورحيل بضحك: "ههه، لأ، يمشي كيف ده؟ بنتك برضه." مكرم: "ههه، حصل." وراح حضن رحيل. (وبصوت واطي)

"أوعي تعيطي. أنا دايماً معاكي ومستحيل أسيبك. لو قولتي بابا بس هتلاقيني جنبك ولاصق فيك. أنا معنديش غيرك إنتِ بس، وإنتي كل حياتي. بنتي وأختي وحبيبتي." رحيل بعياط وحضن باباها جامد: "أوعى تسيبني طيب. أنا مش هقدر أعيش من غيرك. أنا بحبك أووووي." مكرم بعياط: "وأنا بحبك يا نن عين أبوكي إنتِ." الجد: "وه وه، يا مكرم. هو إحنا نبعد سوسن مراتك عشان عياطها؟ تيجي إنت كمان تعيطها؟ إيه الوالدين دول؟

بس ابعد يا واد إنت عنها. وتعالى إنتَ. أنا ياحبيبتي." رحيل بضحك حضنت جدها. سليم: "الماذون جه. كفاية بقى أحضان. في مرات؟ ميصحش كده. هههه." مكرم: "ههه، هي بنتنا وهنفضل نحضنها براحتنا." سليم: "ههه، خلاص براحتك يا باشا. بس يلا." مكرم: "ههه، يلا." الماذون: "سلام عليكم." مكرم: "وعليكم السلام. اتفضل يا شيخنا." الماذون: "ألف مبروك." مكرم: "الله يبارك فيك." الماذون: "مين أبو العروسة؟ مكرم: "أنا."

الماذون: "اتفضل اقعد. ممكن المنديل يا جماعة؟ رشا: "اتفضل يا شيخنا." الماذون: "قول ورايا يا أبو العروسة: زوجتك ابنتي البكر الرشيد، رحيل مكرم." مكرم: "زوجتك ابنتي ونور عيني وأجمل هدية من ربنا ليا، بنتي وأختي وأمي وحبيبتي ونن عيوني وحياتي كلها، رحيل مكرم." رحيل واقفة ماسكة إيد باباها التانية وبتعيط. الماذون: "لـ... "ـصقر أحمد المنشاوي." الكل بص بذهول وصدمة. وركزوا على صقر وسليم ومكرم والكل وقف.

الجد بعصبية: "صقر، إيه اللي بتقوله ده؟ صقر قرب من جده: "إيه اللي بقوله يا جدي؟ بقول اسمي." سليم: "اسم مين؟ أنا اللي جوزها." صقر بسخرية: "هههههه، جوز مين يا برنس؟ رحيل مراتي أنا. بص في الورق اللي قدامك. شوف اسم مين اللي مكتوب." سليم بستغراب: "إيه اللي بتقوله ده؟ ومسك الورق يشوف فيه، لاقى اسم صقر. سليم بصدمة: "مستحيل، كيف ده؟ صقر ببرود: "هو إيه اللي كيف ده؟ أنا العريس واسمي موجود يا سليم. خالد الهواري."

مكرم بصدمة: "إنت ابن خالد الهواري؟ صقر: "آه، ابن خالد الهواري. عدوك اللي بيتمناك ياخد حقك بأي طريقة." سليم بمكر: "آه، أنا ابن خالد الهواري اللي إنت وأبوك رميتوا بر الشركة وخدته نصيبه وضحكتوا عليه." مكرم قرب من سليم ومسكه من رقبته: "إحنا ما أخدناش حاجة من أبوك. أبوك هو اللي نصاب وطماع." سليم: "أبويا أنا برضه يا مكرم بيه؟ أنا كنت عايز آخد بنتكم عشان أشربها كل اللي إنتوا عملتوا فينا وخليكم تركعوا تحت رجلينا."

صقر بضحك: "ههههه، ما اتخلقش اللي يعمل كدا أصلاً في عيلة المنشاوي، يا سليم." سليم: "بس أنا هعمل. وأنا متجوزها وهاخدها غصب عنكم." صقر: "ههههه، اتجوزتها إمتى أصلاً؟ اللي كتب كتابه كان واحد صاحبي مش مأذون. والورقة اللي مضيت عليها دي كانت أنا اللي كاتب اسم رحيل عليها. إمضتها الحقيقي دي. وأنا مضيت عليها لما النور قطع وقتها. هههه." سليم بعصبية: "يولاد الـ...

صقر: "إياك تنطق كلمة واحدة. وأه، صح. أنا عرفت إن إنت اللي كنت خاطفها. أسعد ومحروس عرفوني كل حاجة. وعرفوني إنك كنت لابس ماسك زي وشي عشان هي تفتكرني أنا." وبص لرحيل. رحيل واقفة مصدومة من اللي بتسمعه ومش بتنطق. صقر: "خالد بيه، اتفضل. خدوه من هنا." الشرطة دخلت ومسكت سليم وخدته وطلعوا. صقر وقفهم: "سليم، آه صح. أنا عرفت إن إنت كمان ما مستهاش. وكل اللي حصل كان تمثيل. وحتى الد... م. هههههه." سلام.

مكرم قرب من صقر وبحزن: "شكراً يا بني إنك أنقذت رحيل منه. وأسف على أي حاجة أنا عملتها وقلتهالك." صقر: "إنت اعتبرتني زي زين ابنك. والابن المفروض يقف جنب أهله، صح ولا لأ؟ مكرم: "صح يا بني." صقر قرب من رحيل اللي واقفة بتبص لصقر وعينها بتدمع ومش بتتكلم. صقر: "مالك ساكتة ليه؟ رحيل بعياط: "أنا أسـ... صقر حط إيده على بقها: "متقوليش حاجة. دي غصب عنك." رحيل حضنت صقر وبعياط: "أنا آسفة." صقر حضنها.

زين بضحك: "احم احم، لاحظة إن الناس واقفة. يلا نخلص الفرح ونطلعوا فوق براحتكم." رحيل بكسوف بعدت عن صقر. صقر بص لزين: "عبشكلك ياشيخ. وإنت إيه حشرك إنت؟ زين: "والله أنا غلطان أصلاً. إنتوا عيال مهز... ة." مكرم: "هههه، اتلموا بقى إنتوا الاتنين. ويلا يا صقر نشهر الجواز ونكمل الفرح عشان الناس اللي قاعدة دي." صقر: "ماشي يا عمي. يلا." وقعدوا والماذون بدأ يشهر الجواز وجه عند رحيل. الماذون: "موافقة يا بنتي؟

رحيل بتردد: "آه، بس هو لسه مقاليش إنه بيحبني." الكل بيضحك على رحيل. الماذون: "هههه، بعد ما تخلصوا الفرح، يبقا يقولك." رحيل: "لأ، يقول الأول. يلا." صقر: "هههه، نخلص طي؟ وبعدين أقولك." رحيل: "لأ، تقول الأول، وإلا مش موافقة." صقر: "وحيات أمك... سوسن: "وه، صقر." صقر: "آسف يا مرات عمي. بس بنتك السبب. اخلصي يابت إنتِ." رحيل: "شوفت يا عمو المأذون؟ بدأ يزعقلي كيف؟ لأ، مش موافقة." ووقفت وجت تمشي.

صقر وقف ومسك إيدها: "هو دخول الحمام زي خروجه ولا إيه؟ يلا." رحيل: "قول الأول." صقر: "يوووه، بحبك. اخلصي بقى." رحيل: "قولها بصوت عالي وبنفس." صقر: "رحيل، مش وقت شغل أطفال. هو كدا وبس." رحيل بحزن: "خلاص، براحتك." وجت تمشي. صقر شدها لحضنه وحضنها بصوت عالي: "بحبكككككك." وراح بدأ يلف بيها. رحيل بفرح: "موافقة وبحبككككك."