رواية عشقت صقر الصعيد الفصل الثالث عشر 13 - بقلم جاسمين محمد

صقر بتفكير وعصبية: رحيل وراحت. ساق العربية بسرعة وراح عندها، لاقاها عمالة تزعق وتعيط والحصان عمال يجري بيها في الأرض. صقر بعصبية: أنت يا زفت يا عبده مين خلاها تركب أصيل؟ عبده بخوف: والله يا صقر باشا أنا... سليم: هي حبت تركبه يا صقر. الحقها. صقر بص لسليم بعصبية وغضب وركب حصان وطلع يجري ورا رحيل. رحيل وهي الحصان بيجري بيها وعمالة تصوت، بتبص لاقت صقر وراها. رحيل بخوف من منظر صقر واللي

هيعملوا فيها ومن الحصان: صقر الحقني! صقر بعصبية: اهدى خالص وبطلي زعيق. رحيل بخوف وعياط: حاضر. صقر: حاولي تقربي بالحصان ناحيتي شوية. رحيل: حاضر. بدأت تقرب منه وصقر عمال يحاول إنه يركب معاها الحصان عشان يقدر يتحكم فيه ويوقفه. رحيل باستغراب: بتعمل إيه؟ صقر بعصبية: اسكتي خالص مسمعش صوتك. بدأ يحاول لحد ما قدر يركب وراها على الحصان وبدأ يهدي فيه لحد ما اتحكم فيه ورجع بيه الإسطبل، ورحيل ماسكة فيه وخايفة أحسن تقع.

رشا وزين وحور شافوه صقر ورحيل وهما جايين بالحصان، جرو عليهم. سليم شاف رحيل ماسكة صقر ومتخبية وراه وخايفة، اتعصب. صقر وقف ونزل وساعد رحيل تنزل. رحيل وهي واقفة عمالة تعيط وباصة في الأرض. صقر بغضب: زين خد أختك من قدامي بسرعة قبل ما أتهور وأعمل حاجة. رحيل بعياط: صقر... صقر بعصبية وزعيق: قولت امشي من قدامي. رحيل اتنفضت من الخضة بسبب صوته. زين مسك إيد رحيل: يلا نمشي. وخدها وركب العربية ومشي. سليم خد حور ومشي، وبتحدي

وهو ماشي وباصص لصقر: هاخدها منك يا صقر، والليلة كمان وأوجع قلبكم انتو الاتنين على بعض وأحط راس العيلة كلها في الأرض. ومشي. صقر ركب العربية ورشا ركبت معاه. رشا وهي بتحاول تكلم صقر عشان ما يتعصبش على رحيل لما يرجع: صقر... صقر بعصبية: رشا ياريت ما تتكلميش خالص دلوقتي. رشا: صقر رحيل ملهاش ذنب في حاجة، سليم هو السبب، هي رفضت تركب الحصان وكانت خايفة، هو ركبها غصب، وكمان شفته وهو بيسيب الحبل بتاع الحصان، وكمان سمعتوا...

(سكتت) صقر وقف بالعربية فجأة وبعصبية: سمعتي إيه؟ انطقي. رشا: سمعته بيقول... فلاش باك. سليم: والله يا رحيل لستغلك وندم العيلة كلها، وأخليهم كمان ما يقدروا يرفعوا راسهم، إن مخليت عيلة المنشاوي دي أوسخ عيلة في البلد، مبقاش أنا سليم. رشا وهي واقفة ومش شايفاها: بقا أنت يطلع منك كدا يا سليم؟ أنا لازم أقول لصقر أو زين. الحاضر. رشا: هو ده اللي سمعته. صقر وهو بيخبط إيده في العربية بعصبية: يابن الـ...

وحياة أغلى حاجة عندي لو جه جنب شعرة من شعرها، لا خلي هو وأهله يندموا، وحسابه معايا كبر أوووي. رشا: صقر اهدى بس ونشوف في إيه وليه هيعمل كدا. صقر بعصبية: هو أنا لسه هستنى؟ وساق العربية بسرعة ورجع البيت. صقر وصل البيت ونزل من العربية وجه داخل. رشا مسكت إيده. رشا: صقر ما تتعصبش عليها ارجوك. صقر بصلها ودخل القصر، لاقى رحيل قاعدها عمالة تعيط في حضن سوسن مامتها، الكل متجمع حواليها. صقر بعصبية: بتعيطي على إيه يا أستاذة؟

ها، انطقي. مكرم: صقر اهدي شوية. صقر: أهدى بعد ما كانت ممكن تموت بسبب تهورها ومشيانها ورا سليم باشا. رحيل وهي بتعيط وخايفة: صق... ر والله... م... كنت أعرف إن... ه ممكن يحصل كدا. صقر بعصبية: وإنتي تعرفي منين لما مش بتسألي حد وبتمشي بدماغك مع البيه؟ الجد: صقر قولنا اهدى بقا. صقر بعصبية: إن شفتك يا رحيل مع الزفت ده تاني، مش عارفة إيه ممكن يحصل. وتفضلي في أوضتك ومتتحركيش عشان الزفت العملية، انتي سامعة؟ (وشخط فيها)

رحيل بخوف وخضة: حاضر... حاضر. صقر: رشا خديها على أوضتها وأديها علاجها. مكرم: صقر متتلم بقا وبطل تزعقلها، أنت مين عشان تكلمها كدا؟ صقر: عمي ارجوك سيبني، بعمل اللي بعمله عشان إنت مش عارف حاجة خالص. مكرم: ما تعرفنا طي اللي مش عارفينه. صقر: حاضر، ابقى أعرفكم بس بعدين. وخلي في بالك دايما إن أنا مستحيل أذي رحيل أبدا، وأي حاجة بعملها عشان خايف عليها وعلى مصلحتها. (وسابهم وطلع فوق أوضة)

زين: بابا صقر عنده حق، وأنا واثق إنه أي حاجة بيعملها عشانها، متخافيش. مكرم: يعني عايزني أقف أتفرج على اللي بيعملوه في أختك؟ زين: صقر في حاجة في عقله، وأكيد مدام بيعمل كدا يبقى في حاجة، استنى أكيد هيعرفنا. مكرم: يوه بقا. (وسابه ومشي) رشا خدت رحيل وطلعت بيها الأوضة، وخلتها أخدت دش وأديتها العلاج وبتهدي فيها عشان لسه بتعيط. رشا: رحيل صقر خايف عليكي، وإنتي غلطانة. رحيل: ده مش منظر واحد خايف عليا، ده بيكرهني ومش طايقني.

رشا: مستحيل، اهدى بس كدا وارتاحي. رحيل: حاضر. رشا غطتها وطفت النور وسابتها وطلعت وقفتلت الباب وراها. رحيل بتحدي وعياط: والله ما هقعد هنا لحظة تاني، وهرجع إسكندرية من غير ما تعرفوا. صقر دخل أوضته، خد دش وارتاح. بليل. صقر نزل عشان يتعشى. صقر: أمال فين رحيل؟ يعني منزلتش تاكل. رشا: نايمة من وقت طلعت. صقر: طيب ابقى خدي الأكل وطلعيهولها عشان تاكل، وأديها العلاج بتاعها، وخليكي معاها. رشا: سيبها نايمة ولما تصحى مدام مرتاحة.

صقر: طيب بس متنسيش العلاج. رشا: حاضر. وقعدوا ياكلوا. رحيل صحت الساعة اتنين وطلعت برا الأوضة، لقت كله نايم. دخلت جهزت الشنطة بتاعتها، ومسكت ورقة وكتبت فيها رسالة، وسابتها على مكتبها، وكتبت رسالة تاني ورمتها من تحت باب الأوضة بتاع صقر. وبدأت تتسحب لحد ما طلعت من القصر ماشية، عمالة تدور على عربية مش لاقية. وبتبص لاقت عربية جاية من بعيد، وقفتها. _أيو يا آنسة، عايزة إيه؟

رحيل: ارجوك ممكن تاخدني لحد الطريق بر عشان مافيش عربيات هنا توصلني لحد بر. _حاضر اتفضلي. (رحيل ركبت العربية جنب السواق) رحيل: شكرا ليك. السواق ساق. بعد شوية. رحيل: إنت ماشي من هنا ليه؟ _بصلها وضحك: هههه، واخدك مكان حلو يا مزة. وراح حد جه من وراها وحط منديل على وشها وغمي عليها.