رواية عشقت صقر الصعيد الفصل الثاني 2 - بقلم جاسمين محمد

وقفت وحطت إيدها في وسطها وبتحدي. "إن م خليت العريس ده صام وصلي زي ما بيقولوا وندم إنه جه يطلب إيدي، مبقاش أنا رحيل المنشاوي." وفتحت باب الأوضة ونزلت. رحيل بصوت عالي: "يا ستي يا اللي عايزة تجوزيني، عايزاني أساعدك في أي، يلا اخلصي." سوسن لفت ليها وهي ماسكة السكينة وبصتلها بنظرة كلها خوف. رحيل وهي بتبلع ريقها وبخوف: "هو انتي بتخوفي ليه كده يا ماما وماسكة البتاعة دي ليه؟

عايزة تموتيني يا ولية، ده انتي محلتكيش غيري. الحقوني يا ناس يا اللي عايشين هنا، حد يلحقني! سوسن بزعيق: "يا بنت الجز*مة اتلمي." رحيل: "في إنك عايزة تقط. عيني حتت لحمة وتحطيني في الأكياس؟ اععععععع." عزوز نزل جري على صوت رحيل وجدتها وكل البيت. الجدة بهيبة: "في إيه هنا؟ أي الصوت ده؟ سوسن وقفت بعد ما كانت بتجري ورا رحيل، ورحيل وقفت. الجدة بعصبية: "هو أي لعب عيال ده بقى؟ ده منظر أم وزوجة؟

ولا ده منظر بنت كبيرة وعريسها جي النهارده؟ سوسن: "آسفة يا مرات عمي." الجدة بزعيق: "بلا آسفة بلا زفت، يلا ادخلي المطبخ خلصي شغلك. وانتي يا بت انتي اطلعي جهزي نفسك عشان أبوكي وعمك وجدك والعريس يجوا بعد شوية. يلا على أوضتك." رحيل بخوف: "حاضر." وسابتها وطلعت جري على أوضتها. الجدة: "يلا كله على شغله." رحيل دخلت الأوضة وقفتلت الباب. "يوه بقى أي الناس دي؟ أنا مين قالي أجي هنا؟

ما كنت عايشة في إسكندرية ومرتاحة. ياربي بقى خلص الإجازة بسرعة عشان أرجع بقى." بتبص لاقت التليفون بيرن. مسكته لاقت حور صحبتها. راحت فرحة. رحيل: "ألو، أي يا قلبي؟ حور: "عاملة إيه يا بت؟ وحشاني يا وحشة. فينك يا بت كده؟ مش بتسألي عليا؟ طب أنا زعلانة منك." رحيل: "ياختي اتنيلي، ده أنا حاسة إني وسط وحوش هنا. عايزة أرجع وأسيب هنا." حور: "ليه بس كده؟ دول الصعايدة كويسين وحلوين."

رحيل: "ههههه حلوين وكويسين ياختي، اتنيلي. ده أنا رحيل المنشاوي اللي محدش بيقدر يخليها تعمل حاجة غصب عنها. دول عايزين يجوزوني صبح." حور بصدمة: "يلهووي! غصب؟ ومين ده بقى؟ رحيل: "النبي معرف ياختي. لسه هييجي بليل بس وربي لأخليها يحرم يدخل البيت هنا تاني. بس استني عليا." حور: "رحيل بطلي جنان عشان أنا عارفة جنانك كويس." رحيل: "ههههه متخافيش. المهم تعالي نحكي ونهزر. واحكلي عاملة إيه." حور: "اشطا يلا." بعد شويا.

الجدة بعصبية: "فين الز*فتة بنتك دي؟ جدها على وصول هو والجماعة وهي لسه منزلتش." سوسن بخوف: "والله معرف يا مرات عمي، تلاقيها لسه بتجهز نفسها." الجدة: "طب اطلعي خليها تخلص عشان هيوصله دلوقتي." ولسه مكملتش كلامها راحت لقت الباب بيتفتح والجد دخل هو والعريس وعياله. الجدة بزعيق: "اخلصي بسرعة اطلعي نزليها." سوسن: "حاضر حاضر." وطلعت جري. راحت لحور خبطت الباب وراحت داخلة بسرعة. لاقتها قاعدة لسه بلبسها وبتتكلم في التليفون.

سوسن بعصبية: "يخربيتك! انتي لسه زي ما انتي؟ قومي اتنيلي البسي، خلصي العريس جه." رحيل بزعل: "يوه! قايمة. هو هو كان الوزير ولا مهند ولا حمادة هلال ولا تامر حسني؟ ولا ولا عشان ألبس وأقعد أستنا؟ سوسن ضربتها بالشبشب: "قومي يابت اخلصي." رحيل: "يوه حاضر." وقامت دخلت الحمام. وسوسن نزلت ترحب بالناس. العريس: "أما فين العروسة يا عمدة؟ الجد: "جاية هي يا ولدي. يا حاجة فين العروسة؟ الجدة: "نازلة هي. يا سوسن تعالي نادّي العروسة."

سوسن: "حاضر." ولسه هتتلفت وتطلع بتبص. "أعععععععععع." الكل بص وفتح بقه من الصدمة. الجد بصدمة: "مين دي؟ رحيل وهي راسمَة على وشها وعاملة زي الكلاون: "دي أنا يا جدو، رحيل." الجدة بصدمة: "رحيل مين؟ رحيل: "يوه رحيل العروسة. هو أي اللي رحيل مين؟ انتوا عندكم كام رحيل؟ العريس بصدمة وهو واقف فاتح بقه: "هي دي العروسة؟ مكرم وزين قاعدين هيموتوا على نفسهم من الضحك على شكل رحيل. زين بضحك: "آه هي العروسة. أي رأيكم؟ مكرم: "مزة صح؟

هههه." الجد بعصبية: "أي المسخرة دي بس؟ اطلعي يابت اغسلي وشك من القرف ده وتعالي." رحيل بخوف: "حاضر." وطلعت جري على فوق تغسل وشها. الجد بص لزين ومكرم بغضب وهم سكتوا. الجد: "إحنا آسفين يا ابني وهي هتغسل وشها وهتيجي دلوقتي. اتفضل اقعد يا شريف يا ابني." شريف: "حاضر يا عمدة." وقعد. رحيل طلعت وهي بتخبط برجليها في الأرض ومتعصبة. ودخلت الحمام غسلت وشها وطلعت. رحيل: "ماشي برضو. مش هتجوز وشوفوا هعمل إيه فيه. ها." ونزلت تحت.

الجد بيبص لاقي رحيل نازلة من على السلم. "هي جت عروستنا؟ تعالي يابنتي سلمي على عريسك." رحيل: "حاضر يا جدو." والعريس مد إيده يسلم على رحيل. شريف: "إزيَك يا رحيل." رحيل مدت إيدها. شريف: "آآآه! وشد إيده بسرعة من إيدها. الجد بلهفة: "إيه في إيه؟ شريف وهو بيدعق في إيده: "معرفش حاجة شاكنتني." مكرم بص لرحيل بنص عين لاقاها بتبتسم ابتسامة كلها مكايد. مكرم بصوت واطي لزين: "أختك دي مش هتعدي اليوم على خير."

زين: "ههههه بنتك بقى. ربنا يسترها." الجد: "رحيل روحي هاتي عصير لأشرف." رحيل وهي بتبتسم وبدوس على أسنانها: "حاضر يا جدي." الجد: "ها يا اشرف يا ابني، أي رأيك في العروسة؟ رحيل: "اتفضل يا سي اشرف." أشرف خد العصير وشرب منه بلعة وراح قافل في وش العمده. الجد بزعيق: "إيه اللي انت عملته ده؟ أشرف وهو عمال يشرب ميه: "شطة! شطة! ميه! الحقوني! الكل واقف، اللي مصدوم واللي هيموت من الضحك. الجد بعصبية وزعيق: "رحيييييل! وبيبص ملاقهاش.

زين: "ههههه هربت." الجد بعصبية: "انت بتضحك؟ اجري شوفها راحت فين! زين بخوف: "حاضر حاضر." رحيل جرت تهرب ولسه هتنط من على سور الفلة لاقت اللي مسكها من دراعها وحط إيده على بوقها.