رواية عشقت صوتك الفصل الأول 1 - بقلم لولو عوض

سميره.. تعالو يا بنات اتفضلو. ملك.. ازيك يا طنط، الاء موجوده؟ سميره.. اه مستنياكو جوه، وعامله للبيت كله صداع بسبب الزفت ده. سلمي.. هو انت لسه شوفتي حاجه. سميره.. الصداع لسه جاي يا طنط، ههههه. سميره.. ربنا يهديكو. سلمي.. امين. ملك وسلمى دخلو عند الاء اللي كانت مجهزه الآلات الموسيقيه وكل حاجه.

(الاء وملك وسلمي صحاب من وهما صغيرين اوي وبيحبو الاغاني جدا، عاملين فرقه بس مع نفسهم. الاء هي اللي بتغني، وسلمى بتقعد على البيانو، وملك بتطبل على حسب الموسيقى. كل يوم يعتبر ملك وسلمى بيروحو عند الاء يغنو، بس في الاجازه) الاء.. اتاخرتو لي يا رخمين. سلمي.. هنعمل ايه بقى، امك مسكتنا برا في المحاضرات بتاعت كل يوم. الاء.. مش مهم، يلا نبدأ. ملك.. هنغني ايه، انا عايزه اغنيه هاديه كده حسب المود، مليش نفس النهارده أغنى شعبي.

الاء.. لي بس مالك. ملك.. مشاكل عائليه، هحكيهالك بعدين. عند احمد. احمد.. بقولك يا اميرة. اميرة.. قول. احمد.. انتي عارفه ان الأرقام اتمسحت من عندي، معاكي رقم أسر ابن خالتو؟ اميرة.. اه معايا، اجيبهولك؟ احمد.. ياريت، مليني الرقم. اميرة قالت الرقم لأحمد، وهو راح عشان يكلمه. عند الاء. كانت جودي جارت الاء قاعده معاهم في الاوضه بتلعب بتلفون الاء. الاء.. خلاص انا هغني اغنيه (فاضي شويه) ملك.. اه حلو اوي. الاء.. يلا كله يستعد.

الاء.. فاضي شويه نشرب قهوه في حته بعيده، اعزمني على نكته جديده، وخلي حساب الضحكه عليا. إحنا يا دوب ملحقناش نقرا المكتوب، علشان تلقى هموم وقاسيه. احمد.. مبيردش لي أسر ده، كان بيرد عليا من اول رنه، هرن عليه كمان مره. احمد رن على أسر كمان، واخيرا رد. احمد.. الو، أسر مبتردش لي. احمد مسمعش رد، سمع صوت دوشه. ركز في الصوت، سمع صوت بنت جميل بتغني، صوتها كان جذاب جدا. فضل يسمعها وهي بتغني (فاضي شويه)

. عجبه صوتها جدا، كان نفسه تكمل غنا، بس للأسف سمع الكلام ده. جودي.. وطى صوتك يا الاء، انا فتحت على حد من غير ما اخد بالي. الاء.. بطلي هزار يا جودي. جودي.. والله ما بهزر. الاء.. مقلتيش لي يا غبيه. جودي.. فتحت عليه من غير ما اقصد والله. الاء.. الو الوووو. احمد فاق من شروده. احمد.. الـ. الاء.. انت مين؟ احمد.. انت صوتك حلو اوي. الاء.. انت مين؟ احمد.. كملي غنا، صوتك جميل.

الاء.. انت قليل الادب، بقا إياك ترن على الرقم دا تاني، فاهم. قفل السكه في وشه. ملك.. اهدي يا الاء، محصلش حاجه، وخلينا نكمل غنا. سلمي.. حرام عليه، انا كنت مندمجه على الأغنيه. الاء.. يلا نكمل احسن. الاء وأصحابها كملو السهره.

وأهل الاء كانو برا بيستمتعو بالاغاني وصوت الاء اللي كان الكل بيحبه وبيستريح لما بيسمعه. إنما كريم كان كل يوم بيستنى صحاب الاء لما يجو عشان يشوف حبيبت طفولته، سلمي. كان بيحبها من أيام اعدادي، كانت هي لسه صغيره وبتلعب مع اخته. هو خايف يقولها انه بيحبها وكاتم في قلبه.

الجيران بيستنو صحاب الاء عشان بيسمعو صوتهم الجميل اوي ده، لأنهم كانو بيختارو اغاني لام كلثوم وعبد الحليم، الاغاني اللي ليها معنه اللي تأثر في الواحد. كانت العماره كلها بيحبو يسمعو أغانيهم مع بعض.