رواية عشقت صوتك الفصل الثاني 2 - بقلم لولو عوض

أحمد بعد ما قفل، فضل سرحان في صوتها وهي بتغني، وصوتها وهي متعصبة، صوتها بجد جذبه ليه وقرر إنه يكلمها علطول. عند آلاء، بعد ما إسلام أخو ملك جه عشان يوصلهم ومشوا، آلاء نضفت الأوضة بتاعتها قبل ما تنام وخلصت كل حاجة وراحت على السرير ونامت لأنها تعبت ونسيت الموضوع خالص. تاني يوم. صحت آلاء على رنة تليفونها. آلاء بصوت نعاس: الو. أحمد: حتى وإنتي لسه صاحية صوتك جميل. آلاء: هو إنت؟ أنا مش قولتلك مترنش عليا تاني.

أحمد: الصراحة مقدرش مكلمكيش. آلاء: لي بقا إن شاء الله؟ أحمد: عشان صوتك بيوحشني. آلاء: روح يا عم، أنا مش ناقصاك. مصحيني الساعة ٦ عشان تقولي صوتك بيوحشني. أحمد: طيب، أنا نفسي أشوفك وأعرفك. آلاء: روح يا عم، بنات مصر كتير، اختار واحدة تانية. أنا مش فضيالك. قفلت السكة في وشه وكملت نوم. أحمد: البت دي لازم كل شوية تقفل في وشي السكة. بريستيجي وقع هههههه. أميرة دخلت عليه. أميرة: إنت بتكلم نفسك ولا إيه يا أحمد؟

أحمد: والله صوتها هيجنني خلاص. أميرة: صوت مين؟ احكيلي. أحمد: استنى الأول، هاتي رقم أسر كده تاني عشان إنتي جبته ليا غلط وبعدين هحكيلك كل حاجة. أميرة: ورته رقم أسر من تليفونها. أحمد: إنتي يا غبية مليتيني الرقم غلط ورنيت على ناس تانية. أميرة: يلهوي، عملت إيه؟ أحمد: ده أنا المفروض أشكرك على اللي إنتي عملتيه ده. أميرة: إزاي؟ أحمد: تعالي هحكيلك. أحمد قال كل حاجة لأميرة عشان تساعده يوصل للبنت دي.

أميرة: أنا لقيت حل، ممكن نوصلها. أحمد: قولي بسرعة. أميرة: بص، إنت تجيب ليا الرقم وأنا عليا أجيبلك كل معلوماتها. أحمد: إزاي يا نصحة؟ أميرة: لا، سيب الموضوع عليا. بعد أسبوع. خلال أسبوع كانت أميرة صاحبت آلاء. فلاش باك. أميرة أخدت رقم آلاء ورنت عليه. أميرة: الو. آلاء: أيوة مين؟ أميرة: هو ده مش رقم أسر؟ آلاء: لا، الرقم غلط. أميرة: معلش، أنا آسفة. آلاء: ولا يهمك. أميرة: إنتي من القاهرة صح؟ آلاء: أيوة.

أميرة: بقولك، أنا معنديش صحاب كتير، ممكن تكوني صحبتي؟ آلاء: ممكن طبعًا. أميرة: أنا في كلية حقوق. آلاء: بجد؟ وأنا كمان كلية حقوق. أميرة: لا، حلو أوي كده، إحنا نتقابل ونتعرف على بعض. آلاء: ماشي، نتقابل بكرة في كافيه***. أميرة: كويس، ده جنب بيتنا. باك. كل يوم أحمد بيرن على آلاء وكالعادة هي بتقفل في وشه السكة. كانوا كلهم متجمعين بيغنوا أغنية (أنا بسأل النجوم كل ليلة عليك) وكان الكل بيسقف وبيغني معاهم. وفجأة رن فون آلاء.

آلاء بعصبية: أنا مش قولتلك متكلمنيش تاني؟ إيه؟ إنت مبتفهمش؟ مبتزهقش؟ هو إنت مش وراك حد تاني غيري عشان تقرفه؟ سوسن (أم أحمد) : اهدي يا بنتي، أنا اللي بكلمك. آلاء بصدمة: مين؟