رواية عشقت صوتك الفصل الثالث 3 - بقلم لولو عوض

سوسن.. اهدي يا بنتي انا اللي بكلمك. الاء.. مين؟ سوسن.. انا ام احمد. الاء.. اهلا بيكي حضرتك. عايزه ايه؟ سوسن.. انا عايزه اتعرف عليكي. الاء.. لي؟ سوسن.. قوليلي الأول انت مخطوبة؟ الاء.. بسرعة.. اه. سوسن.. بخبث.. يعني انت مخطوبة يا الاء؟ الاء.. ايوه يا طنط. سوسن.. طيب انا اسفة على الازعاج. الاء.. ولا يهمك. الاء قفلت مع سوسن وهي مستغربة من نفسها. هي لي مامته كلمتني بتسأل انت مخطوبة ولا لاء؟ ولي اصلا تكلمني انا؟ انا هتجنن.

تاني يوم. سميرة.. اصحى يا الاء عايزاكي في موضوع مهم. الاء.. بنعاس.. نعم يا ماما. سميرة.. جايلك عريس. الاء.. يعني ده موضوع يتقال على الصبح كده؟ سميرة.. امال يتقال امته؟ الاء.. المهم مين تعيس الحظ المرة دي؟ سميرة.. الصراحه انا معرفهوش. المهم جهزي نفسك بكره هو هيجي وأهله. الاء.. خلاص يا ماما هكلم صحابي يجو عندي. سميرة.. ماشى. تاني يوم بليل. ملك وسلمى في الأوضة بيجهزوا الاء عشان تكون جميلة.

الاء الصراحة كانت قمر. كانت لابسة دريس ابيض وفيه ورد بيبي بلو وخمار بيبي بلو. كان عليها جميل جدا. المهم الاء بقت جاهزة ومستنية انهم يندهوا عليها. دخل العريس وأهله وابو الاء نده عليها. دخلت الاء وهي في ايدها صنية العصير وباصة في الأرض. أحمد اول ما شافها فضل باصص ليها مبهور من جمالها وقد اي هي قمر بالحجاب. مكنش متوقع انها تكون بالحلاوة دي. فضل فاتح بقه بطريقة مضحكة اوي وهو مركز مع الاء.

وأميرة هتموت من الضحك من منظر اخوها. ونفسها تعرف ردت فعل الاء لما تعرف ان احمد اخوها وان هو اللي بيرن عليها كل يوم. ههههه. وأحمد كان خايف لترفضه بعد ما تعرف الحقيقة. الاء اول مادخلت عينيها جت على أحمد. قد اي هو كان وسيم. اي ده اي ده ده لابس قميص ابيض وبنطلون ابيض وبلزر بيبي بلو. هو عرف منين اني هلبس اللون ده؟ هو في مخبرين هنا ولا اي؟ بصت على أميرة اللي كانت كاتمة ضحكتها بالعافية.

الاء بصتلها بنظرة غضب. أميرة خافت منها اوي. الاء كانت قاعدة بين أحمد واميرة. الاء.. انت يا غبية مقلتيش لي أن العريس اخوكي؟ أميرة.. عملتهالك مفاجأة. الاء.. مفاجأة والله لوريكي يا أميرة. أميرة.. ابوس ايدك عدي اليوم على خير دا أحمد بيحبك. الاء.. وكمان اسمو أحمد. طيب عشان خاطرك بس انا هرفضه عشان تعملي بعد كده مفاجأة. أحمد ولحد هنا مستحملش. أحمد بصوت عالي.. لا والنبي اوعي ترفضي. الكل اتصدم منه.

ابو الاء.. انت تعرف الاء يا ابني؟ أحمد.. الصراحة اه يا عمي هي صاحبت أميرة اختي. في اللحظة دي الاء مسبتش شتيمة اللي وشتمتها لاميرة. ابو احمد.. نسيب العرسان لوحدهم شوية يا جماعه. فعلا أهل الاء وأهل أحمد طلعوا. سوسن.. انا عارفه يا بنتي انك هتكوني متلخبطة الوقتي بس والله أحمد بيحبك. أميرة.. أحمد هيفهمك كل حاجة يا الاء. الاء.. دا انتو عاملين خطة عليا بقا. أحمد.. سيبونا لوحدنا شوية يا جماعه. سوسن واميرة طلعوا.

أحمد.. اقعدي واهدي وانا هفهمك كل حاجة. الاء قعدت جنبه. أحمد حكي كل حاجة وازاي هو أعجب بصوتها وازاي كان نفسه يعرفها ويشوفها. وهو اللي قال لاميرة تقرب منك بس والله انا حبيبتك جدا. الاء ابتسمت على كلامه. أحمد.. ها اي رايك. الاء.. هقول رائيي لبابا وهو هيبلغك. أهل أحمد مشيو. الاء دخلت الاوضة كان فيها ملك. الاء.. سلمي راحت فين؟ ملك.. في البلكونة مع كريم اخوكي. الاء وفهمت كل حاجة لأنها تعرف ان كريم اخوها بيحب سلمي.

ملك.. هااا احكي العريس حلو. الاء.. فاكرة أميرة اللي عرفتك عليها. ملك.. اه فكراها. الاء.. طلعت اخت أحمد. ملك.. طيب وانت زعلانه لي؟ الاء.. انا هفهمك كل حاجة. الاء حكت كل حاجة لملك. ملك.. معقول هو يعمل كده ده؟ الاء.. اه انا محتارة اوي. ملك.. بس والله شكله بيحبك. الاء.. اسكتي انت كمان هو اي اللي واحد يحب واحدة مجرد بس سمعها بتغني؟ ملك.. صدقيني اللي يعمل كل اللي هو عمله ده يبقا بيحبك. *** عند كريم وسلمى.

كريم.. سلمي انا بحبك من زمان أوي ونفسي اكمل حياتي معاك. سلمي لا رد. كريم.. ارجوكي ردي عليا والله بحبك ومستعد اروح لأهلك من بكره. دخلت عليهم الاء. الاء.. يا عبيطة بتفكري في أي الواد بيترجاك. سلمي.. أي ده انت كمان عارفه؟ الاء.. طبعاً. سلمي.. هتيجي تقابل بابا امته؟ كريم.. أي ده بجد يعني انت موافقة؟ سلمي.. ايوة. الاء.. عين العقل يا سوسو يلا نطلع. كريم كان مبسوط اوي. بعد اسبوع.

أحمد.. هتجنن يا أميرة لسه لحايت الوقتي محدش كلمنا. أميرة.. معقول تكون رفضتك؟ أحمد.. انا خايف أوي. ابو الاء.. الو. أحمد.. الو اذيك. ابو الاء.. كويس. الاء موافقة. أحمد.. قول والنبي. ابو الاء.. والله بقولك موافقة ههههه. أحمد.. بجد والله موافقة ولا بتهزر؟ ابو الاء.. يا عم موافقة اروح اقول لها تغير رأيها؟ أحمد.. ابوس ايدك انا مصدقت. ابو الاء.. الخطوبه كمان شهر. أحمد.. والنبي متخلي كتب الكتاب مع الخطوبه احسن.

ابو الاء.. أي ده دا انت واقع بقا ههههه. أحمد.. الصراحه اه. ابو الاء.. طيب اخد رائي العروسة. أحمد.. ماشى. بعد ما قفل. أحمد.. الاء واااافقت يا عااالم الاء وافقت يا ماااامااااا الاء وافقت يا ناس. أميرة.. خلاص اخويا بقا مجنون الاء هههههه.