رواية عشقت طالبة الفصل الثاني 2 - بقلم خلود الطحان

يبني انا امك يعني حافظاك انت مبتشوفش نفسك عامل ازاي لما بتشوفها؟ ... انت .. قصدك . مين؟ قصدي على خلود. ايه ال انت بتقوليه دا ي ماما. ي حبيبي انا عارفه انك بتحبها من وانتوا صغيرين من ساعة ما نقلوا هنا. Flash Back الله ي رضا الشقه جميله اوي وكمان هتبقى قريبه من مدرسه خوخه. الحمد لله انا دورت كتير على شقه لحد ما لقيت دي وكمان سألت على الجيران وهما ناس محترمين بصراحه.

ربنا يجعلها ادم السعد علينا بس انت هتجيب فلوسها منين دا احنا شقتنا القديمه انت بعتها برخص التراب. ربنا كرمها معايا متخديش ف بالك انت. مساء الخير. مساء النور. هوا انتو السكان الجدد؟ ايوا ي حبيبتي احنا. اهلا وسهلا انا ام ياسين ساكنه هنا قدامكوا لو احتاجتوا اي حاجه اي خدمه انا موجوده. ربنا يخليكي ي حبيبتي يارب تسلمي انا ام خلود ودي خوخه بنوتي. مشاء الله ربنا يحميها يارب امال فين أخواتها؟ لا احنا معندناش غير خوخه.

ربنا يخليها وتفرحي بيها يارب. صوت من وراهم... يلا ي ماما. تعالى ي ياسين سلم على طنط. اذيك يا طنط. اذيك ي حبيبي عامل ايه مشاء الله عليك. الله ايه البنوته الحلوه دي. دي خوخه ي ياسين بنت طنط الوحيده. اذيك ي خوخه. خلود خافت ورجعت استخبت ورا باباها وهيا بتبص ل ياسين. رضا... معلشي ي حبيبي عشان اول مره تشوفك بس. مامت ياسين... ولا يهمكوا يلا نستأذن احنا بقا. Back

عارفه انك من ساعتها وانت متعلق بيها ومكنتش بتحب حد يلعب معاها غيرك وكنت دايما بتجبلها شكولاته بمصروفك ومكنتش بتجيب ل شيماء. ... رد عليا صح ولا غلط. ايوه ي ماما بحبها بس انت عرفتي ازاي. عيب ي واد انا امك دا كفايه نظرة عينك ولمعتها ليها توترك لما تشوفها وغيرتك عليها من مصطفى ابن ام شيماء عشان عينه منها. ايه دا هوا انا مفضوح اوي كدا. يبني دا انا وامها بنقعد نضحك عليكوا. وهيا طنط عارفه؟ مش بقولك مفضوح.

بس اكيد ي ماما خوخه مش عارفه هيا لسه صغيره. صغيره بس باين عليها برضو. ممكن تكون مشاعر مراهقه او إعجاب مش اكتر. والله يبني معرفش بس انتو الإتنين بيبان عليكوا اوي. مستنيها تكبر ي ماما. ربنا يجعلها من نصيبك يبني يارب. يارب ي ماما. لا دا انت واقع خالص. اعمل ايه بقا بحبها. ربنا يسعد قلبك ي حبيبي. طيب ي ست الكل انا هدخل انام عشان عندي شغل الصبح. طب والكليه مش هتروح؟ عندي محاضره واحده بكره بعد الضهر هكون خلصت شغل. طيب ماشي.

انت مرتاح ف الشغل دا ي ياسين. مالو شغلي بس ي ماما. مالوش بس انت بتتعب اوي فيه. لازم اتعب وبعدين انا بشتغل ف اكبر شركة مقاولات ف البلد عشان بعد ما اخلص الكليه اعرف افتح شركه خاصه بيا. ماشي يلا ربنا يوفقك وتحقق كل ال نفسك فيه. تصبحي على خير ي ماما. وانت من اهله يبني. ويعدي اليوم على ابطالنا. تاني يوم ياسين كان راجع من شغله بس اتخض لما شاف خلود عماله تعيط. جرى عليها عشان يفهم. في ايه ي خلود مالك بطلي عياط وردي عليا.