رواية عشقت طفله الفصل الحادي عشر 11 - بقلم نورا محمود

انت بتعملي إيه هنا؟ ومين سماح لك تدخلي غرفتي؟ نرمين: وحشتني، قلت أما آجي أشوفك. هو أنا لازم آخد إذن من حد عشان آجي أشوف حبيبي؟ فهد: أنا مش حبيبك. ما تخشيش أوضتي تاني. اتفضلي اطلعي قبل ما حد يشوفك ويفهم غلط. نرمين: طيب... مش معنى إن روح بتدخل غرفتك عادي؟ فهد: بطلي تقارني نفسك بروح. إنتي حاجة وهي حاجة تانية خالص. أعتقد دلوقتي وجودك مبقاش يفرق. نرمين: مش فاهمة. فهد: النهاردة كتب كتابي أنا وروح. نرمين: لا...

إنت أكيد بتهزر. دي... دي نصابة بتقرب منك عشان فلوسك بس. فهد بغضب: ما اسمح لكِ تتكلمي عليها كده. نرمين: بس أنا بحبك من قبلها. فهد بهدوء: أنا آسف، بس مش إحنا اللي بنختار نحب مين. ده اللي بيختار وشاور على قلبه. أنا مش عايز أخسرك. ممكن نكون أصحاب من غير مشاعر تانية؟ نرمين هزت راسها بمعنى آه. نرمين: أنا بحبك أوي يا فهد. وحضنته. فهد: وأنا كمان بحبك. روح شافتهم وفهد بيقولها بحبك. طلعت تجري على غرفتها وهي بتعيط.

روح: ماشي يا فهد. أنا رايحة أصلحك وأنت مقضيها مع نرمين. نرمين: على فكرة روح محظوظة إنها لقت حد بيحبها زيك. فهد: شكراً، بس إنتِ اللي محظوظة بيها. نرمين: همشي بقى. فهد: هتحضري فرحي؟ نرمين: لا معلشي، خليني على راحتي. ومشيت. نرمين لمّت هدومها ونزلت عشان تمشي، بس وقفت لما شافت هاجر. نرمين: مع السلامة يا ماما. هاجر: رايحة فين؟ نرمين: فهد فتح لي عيني، فهميني حاجات ما كنتش واخدة بالي منها، ودلوقتي مليش مكان.

هاجر: بيت مفتوح لك على طول. نرمين وهي بتقرب من هاجر: خلي بالك من سارة ومتأمنلهاش. ومشيت. هاجر بعدم فهم. هاجر: ماشي. بعد مدة، هاجر وفهد قاعدين تحت وروح نازلة تقعد معاهم. روح: صباح الخير يا جوجو. هاجر: صباح النور يا قلب جوجو. مش هتسلمي على فهد؟ فهد كان مستني تسلم عليه، عشان كان ناوي يصلحها. روح: لا مش هسلم عليه. فهد قام بغضب وهو بيقول: أنا ماشي يا ماما. وخرج. هاجر: إيه يابنت عبيطة، إنتِ بتبوظي الموضوع أكتر.

روح بدموع: ابنك بيخوني مع نرمين يا جوجو. هاجر: والله؟ وإنتي عرفتي إزاي؟ روح: شفتهم مع بعض وهو بيقولها بحبك. هاجر: طيب يا أختي، ميت مرة أقولك افهمي الموضوع الأول، مش تسمعي كلمة من نص موضوع وتمشي. روح: مش فاهمة. هاجر: نرمين مشيت. روح: بجد؟ ليه؟ هاجر: تقريباً عرفت إن مافيش أمل من فهد، فمشيت. شوفي بقى هتصالحي فهد إزاي. روح قامت تروح لفهد. روح: فهد... فهد. وهو بيقفل باب العربية. فهد: خير؟

روح: إنت هتفضل مضايق مني كده كتير؟ أنا آسفة. فهد: حصل خير. حاجة تاني؟ روح: طيب إنت رايح فين؟ فهد: عندي شغل. روح: طيب خدني معاك. فهد: لازم تفضلي هنا عشان تجهزي لفرح اللي إنتِ مغصوبة عليه. روح بغضب من كلامه: مين قال إني مغصوبة عليكي؟ أنا بحبك وعايزك وبس. مكنتش حابة طريقتك مش أكتر. فهد بفرحة: إنتي قولتي إيه؟ روح بتوتر: أنا... كنت بقول... فهد: إممم. روح: جوجو بتنده لي. سلااام. فهد: وربنا مجنونة، بس بحبك.

وركب عربيته ومشي. فهد وصل قسم الشرطة ودخل. المأمور: وأنا أقول القسم منور ليه؟ إزيك يا فهد بيه؟ فهد: الحمد لله. وإنت عامل إيه يا باشا؟ المأمور: بخير الحمد لله. خير، حصل حاجة؟ فهد: عايز أقدم بلاغ. المأمور: في مين؟ فهد: فارس الجراح، بتهمة تجارة السلاح وأعمال مخالفة للقانون و...