رواية عشقت طفله الفصل العاشر 10 - بقلم نورا محمود

شخص... عامر راح بيت فهد وتشاجروا مع بعض وعامر طلع على فندق. فارس: خليك مراقب عامر وقلي لو في جديد. نفس الشخص: حاضر. فارس: غور. رجل خرج من فيلا فارس ومسك تلفونه وكلم... شخص... فارس بدأ يشك فيا. فهد: خلاص هانت. يوسف، في حاجة حصلت؟ يوسف: طلب مني أراقب عامر. فهد: يوسف عايز فيديو من اللاب توب بتاع فارس. يوسف: صعب أو شبه مستحيل. فهد: طيب اعمل أي حاجة هقولك عليها. يوسف: ماشي. هاجر: اطلع شوف روح، مش مبطلة عياط.

فهد وهاجر طلعوا يشوفوا روح. فهد: شكلي كلامي ما بقاش يتسمع. روح وهي بتمسح دموعها: دفعت له كام؟ فهد: ملكيش دعوة. روح: أنا بقيت ثقيلة عليك أوي. فهد: أنا ما شكيتش، بعدين إحنا واحد. روح: بس... فهد: إحنا واحد. روح حضنته جامد. هاجر: بس ممكن يرجع تاني يا فهد. فهد: ساعتها مش هيقدر يعمل حاجة، بكرة كتب الكتابي أنا وروح. روح وهي بتطلع من حضن فهد وبتقول: بس أنا مش عايزة. فهد بغضب من كلامها قام وخرج. هاجر: إيه اللي أنتِ عملتيه ده؟

روح: مش قصدي والله، أنا عايزة فارس بس مش بطريقة دي. هاجر: طيب روحي وراه فهميه. روح طلعت تجري وراء فهد. روح: فهد استنى. فهد: روح اطلعي، أنا مش عايز أتكلم. روح: يا فهد اسمعني، ما كانش قصدي. فهد خرج. روح: أووف يا فهد، أووف. فهد ركب عربية ومشي. بعد مدة فهد وصل قدام فيلا فارس. فهد: عايز أقابل فارس. رجل الأمن: هنسأله الأول، فارس بيه، فهد بيه عايز يشوفك. فارس: دخله وجمع رجاله. رجل الأمن: حاضر، اتفضل يا فهد بيه.

فارس: خير، عايز إيه؟ فهد: ابعد عن روح، و اللي جاب أبوها مش هيغير حاجة. فارس: لا هيغير كتير، يا فهد، روح ليا أنا وبس. فهد: أنت بتحلم. فارس: فهد، بص حواليك، الرجالة بتاعتي محوطينك من كل اتجاه، وأنا مش عايز أموتك غير لما تشوف وأنا بتجوز روح. فهد بغضب واتجه ناحية فارس، بس واحد من رجاله ضربه ووقعه على الأرض. فارس: ارموه برا الفيلا، مش عايز أموته دلوقتي. فهد قام وركب عربية ومشي. وصل فيلا بتاعته قبل ما يدخل حد اتصل عليه.

فهد: إيدك تقيلة أوي يا غبي. يوسف: آسف يا صاحبي، هتلاقي فلاشه في جيبك فيها كل حاجة في لاب توب بتاع فارس. فهد: تمام يا سطا، وخلاص هانت، ما تقلقيش. يوسف: سلاااام. فهد دخل وروح أول لما شافته جريت عليه. روح: فهد، أنت متعور. فهد: أنتِ لسه صاحية ليه؟ روح: مستنياك. فهد: اطلعي نامي. روح: طيب أغير لك على جرح. فهد: مش عايز حاجة منك. روح بدموع: فهد اسمعني بس، أنت فاهم غلط والله.

فهد طلع وهو بيقول لنفسه: آسف يا روح، بس مرة دي أنتِ غلطتي وجرحتيني حتى لو مش بقصدك. روح دخلت غرفة فهد وهي بتقول: ما أنت هتفهم يعني هتفهم. فهد: أنا فهمت كل حاجة. روح: عشان خاطري سامحني. فهد: أنت عندك شك إنك كل حاجة ليا. فهد: روحي نامي. روح خرجت وراحت على غرفتها، وفهد نام وهو فرحان عشان يغيظ روح. في صباح فهد فتح عينيه واتصدم لما شاف.