رواية عشقت طفله الفصل التاسع 9 - بقلم نورا محمود

أنا مش فاهم إحنا سبناهم قاعدين لوحدهم ليه، ما كنا قعدنا معاهم. هاجر: يا ابني ده أبوها، يعني هتخاف عليها من أبوها؟ فهد: أبوها إنسان قذر، وأنا مش مستريح من مجيئه المفاجئ. هاجر: ممكن يكون حاسس إنه غلطان وحابب يصلح الوضع. فهد: مش عارف. هطلع أشتغل عقبال ما يخلصوا كلام. عامر (أبو روح) : وحشتيني أوي، البيت وحش من غيرك جداً. روح باستغراب: وانت كمان يا بابا واحشني جداً.

عامر: مامتك على طول تعبانة من ساعة ما مشيتي من البيت. بعد كده كمل، يلا اطلعي لمي هدومك عشان نمشي. روح: نمشي نروح فين؟ طيب فهد؟ عامر: فهد مين؟ الي تقارنّيه بفارس؟ فارس هيعيشك وهيخلينا كلنا ملوك. روح: أنا مش هتجوز فارس عشان حضرتك تصرف فلوس زي ما انت عايز. يا خسارة، افتكرتك اتغيرت، بس انت مستحيل تتغير. أنا بكرهك. عامر بغضب: واضح إنك ما بتجيش غير بالعنف. يلا هنمشي دلوقتي وهتتجوزي فارس بكرة، برضاك وغصب عنك.

روح: انت أقذر إنسان شفته في حياتي. عامر: أنا هوريك أيام سودة. وضربها قلم ونزل فيها ضرب. نزل فهد على صوت صياح روح وشاف عامر بيضرب روح، فهجم عليه بطريقة وحشية. فهد: أنا هوريك إزاي تمد إيدك عليها يا حيوان. وهاجر فوقت روح اللي أغمي عليها، بس ضرب، وراحت تنادي الأمن عشان يبعدوا فهد اللي نازل ضرب في عامر. بعد مدة، قدر الأمن يبعدوا فهد عن عامر.

عامر: أنا ممكن أوديك في داهية بسبب الضرب ده، وانت عارف كويس إني أقدر آخد روح في أي وقت ومحدش يقدر يمنعني. فهد حاول يهدأ عشان عارف إن كلامه صح. فهد: عندي صفقة أحسن من فارس. عامر: نشوف. فهد: ماما، خدي روح واطلعوا فوق. روح: بس... فهد بصلها بغضب: روح، أنا قولت إيه؟ هاجر وروح طلعوا فوق. فهد: هيدفع لك كام؟ عامر: مليون. فهد: هديك ضعف. عامر: بس فارس ماسك عليا فيديو. فهد باستغراب: فيديو إيه؟

عامر بتوتر واضح عليه: أم روح ماتت بسببي! فهد بصدمة: إزاي؟ عامر: بعد ما روح اتولدت، ساعتها كنت بدأت أشتغل عند قاسم (أبو فارس) . وهو قالي إنه هييجي يبارك لي ويشوف روح، وفعلاً جه وفضل يبص لكريمة (أم روح)

بصات غريبة. وبعد فترة قالي إنه عايز يقضي معاها ليلة، ولو أنا رفضت هيسجني عشان كنت بدأت أشرب وخدت منه فلوس كتير. قولت للكريمة بس هي رفضت. فكرت أخليه يجي من غير ما تعرف وحددنا يوم. وهو جه وطلع الشقة، وأنا كنت تحت مش عارف إيه اللي حصل. بس لقيته نازل وكانت دماغه بتنزف، وأنا طلعت أعرف حصل إيه. لما طلعت بدأت تتخانق معاه وأنا اتعصبت وضربتها، وهي من الضرب ماتت. بعد كده عرفت إن قاسم كان حاطط كاميرا، ولما عرف إن فارس بيحب روح هدده بالفيديو.

فهد: إيه القرف ده. سيب موضوع الفيديو عليا. عامر: هتعمل إيه؟ فهد: مش شغلك. عامر: ٢ مليون وفيديو مقابل روح. فهد: وأنا إيه اللي يضمني إنك مش هترجع تاني تقول عايز روح تاني؟ عامر: عايز إيه ضمان؟ فهد: ********* عامر: موافق.