رواية عشقت طفولتها الفصل الخامس والعشرون 25 - بقلم حنين محمد

في صباح يوم جديد. سعيد: إيه يا بنتي اللي جابك هنا؟ أنتِ كويسة يا نهال؟ نهال بعياط: يا بابا كمال رماني بره البيت ومش عارفة أروح فين. فضلت طول الليل بلف في الشوارع ومعرفتش أروح فين لحد ما عرفت إنك رجعت مصر النهاردة الصبح فجيت لك على طول. سعيد: تعالي يا حبيبتي ادخلي وأنا هفهم كل حاجة. نهال: بقولك كمال رماني بره القصر. سعيد بعصبية: ليه كمال يعمل حاجة زي دي يا نهال؟ نهال: اتهموني إني عايزة أقتل مراته بتول.

سعيد: لا كدا كتير، أنا هروح وأعرف إيه اللي بيحصل ده وهندم كل واحد على الرمية. بنت سعيد تمشي في الشوارع ومتعرفش تروح فين؟ وحياة أمي لهندم كل واحد فيه. نهال: أنا تعبانة أوي يا بابا. وبتهبط. سعيد: نهال يا نهال. الو يا منه تعالي بسرعة نهال أغم عليها. منه: حاضر يا عمي. هو أنت نزلت مصر؟ سعيد: آه تعالي على قصري بتاعي. منه: حاضر. بعد وقت. منه: نهال مالها؟ سعيد: شوفيها. منه: ألف مبروك. هي حامل. سعيد بصدمة: حامل؟

منه بتوتر: آه. أنا لازم أمشي. سعيد: ماشية؟ نهال بتفوق: إيه يا بابا مالك مصدوم ليه؟ سعيد: أنتِ حامل. نهال بتمثيل: كنت حاسة. وقولت لكمال إني حاسة وهو رماني بره البيت برضه. سعيد: خليكي هنا. ده نهارهم أسود. أنا هروح ألبس وأشوف الموضوع ده. نهال بصوت واطي: وريني بقى يا بتول هتعملي إيه. في القصر، بالأخص في جناح كمال. بتول بتصحى بتاخد دش وبتلبس فستان وطرحة وبتقعد على السرير علشان تصحي كمال وبتحسس على شعره.

بتول: يلا يا كمال فوق علشان تروح الشركة. كمال بنوم: أنتِ صحيتي أمتى؟ بتول: لسه صاحية. يلا روح خد دش عقبال ما أنزل أشوف الأكل. كمال بيبوس إيديها: حاضر. وبيدخل ياخد دش. بتول: إزيك يا جنات؟ جنات: بخير. عايزة حاجة؟ بتول: آه. هو مفيش حد في البيت؟ جنات: آه. ست سعاد في دار الأيتام. وعزت بيه في الشركة هو ومعاذ. ونور في الكلية. بتول: خلاص تمام. روحي أنتِ. النهاردة إجازة. أنا هشتغل النهاردة.

جنات: ربنا يخليكي يا ست هانم. بس أنتِ كده هتتعبي. بتول: لا يا قلبي. يلا خودي ريتاج معاكي علشان خلاص فرح البيت قرب. جنات: ربنا ما يحرمنا منك. وبتروح هي وريتاج. كمال بينزل. بتول: إيه يا كمال؟ كمال: أنا في المطبخ. كمال بيحضنها من ضهرها: إيه؟ أنتِ اللي هتعملي الأكل النهاردة؟ بتول: آه. علشان تعرف إن طبخ شاطرة. كمال: أحلى حاجة إن مفيش حد في البيت. بتول: يلا يلا روح جهز الطربيزة علشان أحط الأكل. كمال: حاضر. وبيجهز الطربيزة.

بتول وهي بتخرج: كمال... كمال: إيه؟ بتول: أنتَ كلب. بتول: آآآه. وبتخاف والطبق بيقع منها. كمال: آسف آسف. معرفش إنك هتخافي أوي كده. بتول بدموع: يا ربي بقي يا كمال. الأكل كان حلو. ده أنت بارد أوي. كمال: معلش. في جوه غيره. كنت عايز ألطف الجو. بتول: تلطف الجو وتخوفني؟ كمال: خلاص يا ست. قولت آسف. كمال وبتول بياكلوا. كمال: يلا يا حبيبتي أنا رايح الشركة. بتول: ماشي. خلي بالك من نفسك. كمال: حاضر. في الشركة.

كمال بيدخل: إيه يا بابا؟ ليه نزلت بدري كده؟ عزت: لقيت الشغل كتير. لازم يا كمال تروح النهاردة المصنع. هو آه بعيد ومفيش شبكة هناك بس لازم تروح. وأنا هقعد هنا أنا ومعاذ نجهز الشغل الباقي. كمال: ماشي. سعيد بعصبية بيدخل وبيمسك كمال من ياقة التيشيرت: إيه اللي أنت عملته في بنتي ده يا كمال؟ هايدي: يا أستاذ. قلت لحضرتك مينفعش تدخل. كمال: سيبيها واخرجي يا هايدي. عزت ببرود: سيب ابني واهدي يا سعيد. أنت متعرفش بنتك عملت إيه.

كمال: ده أنا كمان كنت عايز أكسر دماغها. بس علشان أنا راجل فمش بمد إيدي على ست. سعيد: فين الرجولة دي؟ لما تبقى عارف إن مراتك حامل ومخليها ماشية في الشارع تاكل فيها الكلاب؟ ها انطق. كمال بزهول: أولاً أنا معرفش إنها حامل. وهي مشيت ليه؟ طالما هي مش عارفة هتروح فين؟ وهي اللي مشيت بإرادتها. عزت: خلاص يا كمال. روح هات مراتك النهاردة. كمال: وغير كده إزاي أصلاً؟ ما هي مكنتش بتخلف.

سعيد: لا يا خويا. كانت بتعافر علشان تجيب لك بيبي. وبتاخد أدوية. يا تروح تصلح الغلط اللي أنت عملته ده وتطلق بتول. وهي هترجع معاك. ولو مش هتطلق بتول يبقى طلق نهال. كمال: خلاص نبقى نتقابل في المحاكم. عزت: اهدي يا كمال. متقلقش يا سعيد. مافيش حاجة توصل للمحاكم إن شاء الله. سعيد بيخرج وبيرزع الباب. كمال: لو قلت لي إني أطلق بتول مش هطلقها. علشان تبقى عارفة.

عزت: لا يا كمال. أنت مش هتطلق حد. أنت بس تروح تجيب نهال. وأنا هقنعها بطريقتي. كمال: إن شاء الله. أنا رايح المصنع. معاذ بيدخل: هو سعيد إيه اللي جابه؟ عزت: تعال واحكيلك. في الكلية عند نور. نور: الو يا معاذ. أنا هروح أقعد عند صاحبتي شوية وهروح. معاذ: ماشي يا قلبي. خلي بالك من نفسك. نور: ماشي يا حبيبي. تبقي تقول لبابا علشان ما يقلق. معاذ: حاضر. يلا باي. في القصر عند نهال. نهال: الو يا سيمة. سمية: خير.

نهال: دي الفرصة الأخيرة ليكي. ابعتي عامر علشان يخطف بتول. هي كده كده قاعدة لوحدها في البيت. وأنا بعت لك فلوس لـ عامر. يلا مش عايزة غلط المرة دي. سمية: هو ده الشغل ولا بلاش. سلام يا جميل. نهال: النهاردة نخلص منك يا بتول. سعيد بيدخل. نهال بتمثيل الوجع: آه يا بطني. إيه يا بابا؟ عمي قال لك إيه؟ سعيد: اللي أنتِ عايزاه هيحصل. نهال: حبيبي يا بابا. يلا تعال علشان ناكل. في القصر عند بتول.

بتول: الو يا نسرين. ابعتي لي الملازم علشان ألحق أذاكر قبل ما كمال يجي. نسرين: حاضر. بتول بتكلم نفسها: لما أنزل أحضر أكل عقبال ما كمال والعيلة يجوا. في المصنع. كمال: أيوه. الشغل ده تمام. المهندسين: الشغلانة دي يا كمال بيه يومين بالظبط وتخلص. ولو نجحت بجد يبقى خلاص إحنا هنبقى في حتة تانية. كمال: إن شاء الله تنجح. المهندس: هي محتاجة بس من حضرتك بالذات تركيز. بس شكلك مش مركز خالص.

كمال كان بيفكر في بتول وإنه هيقول لها إزاي إن نهال حامل. كمال: احم. آه. لا أنا مركز أهو. هو مفيش شبكة هنا علشان لو عايز أعمل مكالمة؟ المهندس: لا للأسف. هتمشي مسافة كبيرة. كمال: لا خلاص. يلا علشان ما حدش يتعطل. عند بتول في القصر. كانت بتعمل الأكل وبتسمع صوت عند الجنينة. بتروح تشوف. عامر: إيه؟ مش وحشتك؟ بتول بصوت عالي: حد يلحقني! وبتطلع تجري على السلم وبتقفل باب الأوضة وبتحاول تتصل بكمال مش بيرد.

عامر بصوت واطي: سمية عايزاني أخطفها. ونهال عايزاني أموتها. بس نهال دفعة كبيرة. يبقى نقتل بقي. والله ما هرحمك يا بنت... وبيحاول يكسر الباب. بتول بعياط: يا عامر أبوس إيدك. أنت عايز مني إيه؟ سيبني في حالي بقي. عامر: تؤ تؤ. والباب بيتكسر. بتول بصوت عالي: حد يلحقني. وبتدخل الحمام وبتقفل الباب على نفسها قبل ما يمسكها. عامر: مش هتعرفي تهربي. وبيحط سكينة من جيبه وبيكسر الباب. بتول: أرجوك. أبوس إيدك سيبني في حالي.

عامر بيشدها: تعالي بس كده يا روح أمك. وبيرميها في الأرض. بتول بتحاول تضربه بحاجة زجاج. عامر: مش هتقصري فيا غير لما تموتي. بتول بعياط: يا كمال الحقني. عامر بيضربها في بطنها بالسكينة. طعنتين. بتول....