رواية عشقت طفولتها الفصل السادس والعشرون 26 - بقلم حنين محمد

بتول أهه، حد يلحقني. بموت وبتسحف في الأرض علشان أحاول أجيب الفون وأكلم كمال. عامر بيخبط دماغي بالخشبة و بيجري من الشباك. بتول بعياط، بحاول إني ما أفقدش الوعي. بعد وقت قصير. كمال بقلق: بتول يا بتول. بتول بتسمع صوت كمال: يا كمال. كمال بيطلع جري على الأوضة، بيتصدم من الدم اللي على رأسها. كمال: بتول حبيبتي، تعالي، تعالي. بتول: يا كمال، علشان لو أنا مت. عامر هو اللي عمل فيا كده. أنا بحبك أوي يا كمال. وبتهوي عليها.

كمال بعياط: لا يا بتول، هتبقي بخير. وبينزل جري، بيركبها العربية. كمال: بتول أرجوكي خليكي معايا. مش بعد ما اتعلقت بيكي يا بتول تبعدي عني وتسبيني. بعد وقت بيوصل المستشفى. كمال بينهج من الجري: أي دكتور يجي بسرعة. الدكتور: هاتها بسرعة أوضة العمليات، الحالة خطيرة. كمال: أرجوك يا دكتور، اعمل أي حاجة بس ما تروحش مني. الدكتور: الحالة خطيرة أوي، ادعولها. كمال بيقعد في الأرض وبيحط راسه بين إيديه. كمال: ليه يا رب؟

كل ما اتعلق بحد يروح مني. لا، بس أنا مش هستسلم وهشرب من دم اللي عمل كدا. وبيخرج، بيركب العربية. معاذ: الو، يا كمال، انت في المصنع صح؟ كمال بتعب: بتول اتقتلت يا معاذ. معاذ بصدمة: إزاي؟ فلاش باك. كمال: مفيش شبكة في المصنع. بص يا عمال، أنا هروح علطول بس أجيب شوية أوراق من عندي وأجي. المهندس: تمام يا كمال بيه. كمال بيخرج من المصنع. كمال: كل دي مكالمات من بتول. جميلة بعياط: الو يا كمال. كمال: إيه يا جميلة، مالك؟

جميلة: يا كمال، سمعت ماما بتكلم نهال إنها عايزة تقتل بتول. كمال بارتباك: أنا رايح القصر علطول. وبيقفل في وشها وبيركب و بيمشي جري. ونرجع تاني. كمال: كل ده اللي حصل يا معاذ، والله ما هرحم نهال. ومش هكتفي بالطلاق ده. لو بتول حصل لها حاجة، هموتها بإيدي. معاذ: اهدي وابعتلي اسم المستشفى. كمال بحزن: ماشي. بعد وقت قصير. كمال: الو، عايزك بأي طريقة تشغل كاميرات القصر اللي بره وتشوف شكله وتدور عليها وتحطه في المصنع وأنا أتصرف.

ماجد: حاضر يا كمال بيه. وبيقفل. في الحارة. جميلة: بالله عليكي يا ماما، أنا بس هروح الدرس علطول وأجيب معايا 200 جنيه تكريم. سمية: طالما كدا، غوري. جميلة بتخرج جري: يا رب سامحني، بس لازم أروح المستشفى لبتول. في الشركة. عزت: في إيه يا معاذ، انت بتلم الشغل بسرعة ليه كده؟ معاذ بزعل: بتول حد حاول يقتلها. عزت: يا نهار أبيض! يا مجدي، حضر العربية بسرعة. بعد وقت. سعاد بعياط: أنا اللي غلطانة يا عزت، سبت البنت لوحدها.

عزت: اهدي يا سعاد، إن شاء الله هتبقي بخير. نور: يا معاذ، بتول فين؟ معاذ: في أوضة العمليات. نور بتعب: كنت حاسة والله إن هيحصل حاجة. وبضرب رأسها بإيديها: لازم كنت أروح عند صاحبتي. معاذ بيخدها في حضنه: هش هش، بس متعمليش كده. إسلام: هو كمال فين يا عم؟ عزت: معرفش يبني. الممرضة بتخرج تجيب علاج وأدوات. عزت: بنتي، طمنيني، بتول عاملة إيه؟ الممرضة بزعل: الحالة خطيرة أوي، الله أعلم لو ليها العمر هتعيش ولا لا. يبقي ده قضاء وقدر.

كمال بيوصل المستشفى، بيسمع كلام الممرضة. كمال: لو حصل ليها حاجة، هكسر المستشفى دي على دماغها. إسلام بيمسك كمال: بس اهدي يا كمال. جميلة بعياط شديد: أختي فين؟ ها، حد يتكلم. إسلام: هي بس... وبيسكت. جميلة: انطق، حد يتكلم يا كمال، أختي مالها بقي؟ كمال: حالتها خطيرة. جميلة بتضرب كمال في دراعه: كل ده بسببك! أنا نبهتك وقلتلك خلي بالك من مرات نهال العقربة دي، لكن انت عامل زي أكن البت ملاك ومش بتعمل حاجة. نور جايه تمسكها.

كمال بزعل شديد: سيبها، أنا اللي غلطان. إسلام: مش هيفيد دلوقتي يا جميلة الكلام ده. جميلة بتقع في الأرض: والله أختي ترجع لي تاني، ومحدش هيشوف وشها ولا انت ولا حتى أمي. كل ده بسببكم. نور: تعالي يا حبيبتي، اهدي خلاص. وبتاخدها في حضنها. كمال بيحاول يمسك دموعه: أنا رايح مشوار وراجع بسرعة. معاذ: طب وبتول؟ كمال بحزن: بتول، أنا هاجي أشوفها بس بعد ما آخد لها حقها. وبيمشي. كمال بيوصل عند نهال. نهال

بتبص في العين السحرية: يا لهوي، ده كمال! أعمل إيه؟ كمال بيخبط جامد: افتحي يا نهال. نهال: احم، تعال يا كمال، في حاجة ولا إيه؟ وبتلاقي قلم شديد نزل على وشها من كمال. كمال: ده بسبب إنك عملتي كدا في واحدة أنا بحبها. نهال بعياط: أنا عملت إيه؟ كمال بيمسكها من شعرها: انتِ هتكدبي عليا يا روح أمك؟ وبييجي له تلفون. ماجد: الو يا كمال بيه، عامر معانا في المخزن. كمال: حلو أوي، خليه عندك. نهال بتوتر: هو مين؟

كمال: خلاص، عامر معانا واعترف عليكي. نهال: بالله عليكي يا كمال، علشان ابننا، سامحني. كمال: ده لو انتِ حامل، أصلًا. نهال: خلاص يا كمال، انت جاي تعرف الحقيقة متأخر. بتول هتكون راحت عند اللي خلقها، سامحني وانسها، وأنا هعيشك أجمل عيشة. كمال جاي يضربها. معاذ بيتصل بيه. كمال بيسبها علشان يرد. نهال بخوف بتبعد. كمال: الو يا معاذ، بتول كويسة صح؟ معاذ: بتول يا كمال، للأسف محدش عرف ي...