رواية عشقت طفولتها الفصل الرابع 4 - بقلم حنين محمد

كمال دخل الأوضة وقعد في الأرض يتأمل في ملامح بتول. "أنا عايزة أعرف مين يقدر يعمل في واحدة ملاك زيك كده." بتول فاقت. "بسم الله الرحمن الرحيم، إيه يا كمال عايز حاجة؟ "أحم، معلشي خضيتك. لا مش عايز حاجة، كملي نوم يا بتول." "لا شكلك كنت عايز حاجة." بتول عدلت نفسها. "بكرة أول يوم ليكي في المدرسة، أنا قدمت لك في مدرسة حلوة." "إيه ده بجد؟ "انتِ مستعجلة ليه؟ " كمال رفع حاجبه. "مش أنتِ كان نفسك تدخلي مدرسة؟

"ونفسي أقعد معاك بكرة عشان إنتَ إجازة." "انتِ عرفتي منين إني بكرة إجازة؟ "هقول الصراحة، وأنا داخلة أخليك تشوف الترنج، سمعتك وإنتَ بتكلم حد وبتقول إنك إجازة، وأنا عايزة أقعد معاك بكرة ونعرف حاجات أكتر عن بعض." "ده أنتِ تفرحي يا هبلة، عشان أنا اللي هوصلك وأجيبك." "وبعد كده مش لازم تقفي على الباب، ادخلي على طول." "حاضر." "طب والبس المدرسة؟ "عندك في الشنطة اللي جبتهالك." "ده بجد؟ أصل أنا مش شفت الشنط كلها."

"خلاص بقى بطلي كلام، يلا نامي." كمال جاي يمشي. بتول مسكت إيده. "شكراً يا كمال." كمال ضحك ضحكة ظهرت فيها غمزته. "العفو يا طفلة." عند نهال. "نهال: الو، هتنَفِّذ كل اللي قلته لك عليه بكرة يا عمر." "عمر: من عينيا." نور كانت نازلة على السلم. "معاز: رايحة على فين يا موزة؟ "نور: بس بقى يا معاز، نازلة أشرب مياه." "معاز: يا ستي بهزر، ماشي روحي." معاز طلع الأوضة بتاعته. نور نزلت. "مش عارفة انت بقي أمتي هتعرف إني بحبك يا أخي."

في نهار يوم جديد. كمال دخل الحمام ودخل بيلبس. "يلا قومي يا بتول، أنتِ يا بت." "ونبي يا كمال سبني شوية." "لا يلا، أنا طلعت لك لبس المدرسة وكويته لك." "ماشي يا كيمو، شكراً." "كيمو! هو أنا بلعب معاكي في الشارع؟ ماشي، يلا قومي البسي." "اوعى كدا، طب عشان البس." "أنا غلطان، مش هدلعك تاني." "أحسن برضه، أنا أصلاً مش بحب اسم كيمو ده." "طب كيمو كيمو كيووو." "يلا يا باردة، البسي."

كمال نزل يجيب لها فطار، وبتول لبست وأكلت مع كمال. "يلا اركبي." بتول ركبت قدامه. "أنا هخلص إمتى يا كمال؟ مش عارفة، أنا خايفة ليه؟ "هتخلصي على الساعة اتناشر ونص كده، ومتخافيش يا بتول، هي مدرسة حلوة." "ماشي يا كمال." بتول جاي تنزل. "خدي الفلوس دي خليها معاكي." "لا شكراً." "يلا بسبس." "حاضر." "يلا انزلي." "باي." كمال راح على البيت، وبتول دخلت المدرسة. بتول خبطت في واحدة. "آه، آسفة." "نرمين: واو، إيه القمر ده؟

انتِ في الصف الكام؟ "بتول: في تالتة ثانوي." "نرمين: آه، طب حلو. قدي تعالي ندخل الصف مع بعض." "بتول: امم، ماشيين." "نرمين: إيه رأيك نبقى أصحاب؟ "بتول بفرحة: آه طبعاً." عند كمال. "سعاد: إيه يا كمال، تعال يلا عشان نفطر." "عزت: أه صحيح، هي فين بتول؟ "كمال: راحت المدرسة." "نور: واو بجد، انت قدمت ليها على مدرسة؟ "معاز: أه امبارح." "كمال: هي سألتني أنا على فكرة يا معاز." "معاز: ماشي يا عم، أنا وانت واحد."

"سعاد: طب تعال يلا افطر." كمال بيفطر. بيجي الوقت اللي هياخد منه بتول. بيوصل المدرسة وبيدخل، وبيلاقي بتول واقفة مع واحد وماسك إيدها. "كمال بعصبية: بتووووول! "بتول بخوف...