رواية عشقت طفولتها الفصل الثالث 3 - بقلم حنين محمد

بتول بتنزل جاري على السلم. وهي نازلة بتشوف أوضة تحت السلم. "إيه الأوضة الضلمة دي؟ بتدخل. حد بيقفل عليها. بتول بعياط: "إيه ده؟ مين اللي قفل؟ حد يفتح الباب ده! كمال بيدخل القصر. بيدخل الأوضة. "بتول؟ بتول؟ فين دي كمان؟ نهال بتدخل بتدور على حاجة. "يا كيمو... كمال بقلق بينزل جري على السلم. "بتول؟ يا بتول! بتول بعياط: "أنا سامعة صوت كمال. أنا هنا يا كمال." سعاد: "إيه يا كمال؟ كمال بقلق: "أنا مش عارف بتول فين."

نور: "هي كانت لسه نازلة على السلم دلوقتي." كمال: "استنى كده. أنا سامع صوتها." بيجري عند الأوضة اللي تحت. بتول بعياط: "كمال! كمال بخوف بيكسر الباب وبيدخل. بيحضن بتول. حضن طويل لدرجة بتول كانت مش قادرة تتنفس. بتول بعياط: "خلاص يا كمال، مش قادرة آخد نفس." نور بضحك: "سيبها يا كمال. نعرف مين اللي عمل كدا." بتول: "أنا كنت هنا عادي. لقيت حد قفل الباب." نهال: "مش يمكن الهوا؟

كمال بيشلها: "تعالي نطلع فوق. علشان أنا مش عارف بتعملي إيه في الأوضة دي." بتول: "خلاص يا كمال، أنا كويسة." نهال في سرها: "يا رب تقع منك وتكسر رقبته." معاذ: "إنتي بتكلمي نفسك ولا إيه؟ نهال: "لا خالص." كمال بعصبية: "يلا ارتاحي يا بتول. مش عايزك تعملي أي حاجة. علشان أنا كنت متأكد إني هرجع وألاقي إنك حصلي حاجة. علشان إنتي زي القرّدة." وبيجي يمشي. بتول: "أوف بقى. استني يا كمال. إنت رايح الشغل بردو بعد اللي حصل؟

خليك معايا." كمال: "يا بتول، لازم أروح. هاجي بدري." وبياخد الفون وبيخرج. بتول بتكلم نفسها: "أنا وحشتني ماما أوي. عايزة أكلمها. لما كمال يجي هبقى أكلمها." عند كمال. معاذ: "إيه يا كمال؟ هتعمل إيه في نهال؟ هما عايزين يجوزوك ليها." كمال: "يا معاذ، أنا مش حاطط في دماغي الكلام ده دلوقتي. المهم الشغل يمشي حلو." السكرتيرة منار: "أستاذ كمال، في حد عايز حضرتك." كمال: "مين؟ منار: "بيقول اسمه عصام." كمال: "آه، دخليه علطول."

معاذ: "مين ده يا كمال؟ كمال: "هتفهم دلوقتي. تعال يا عصام." عصام: "أهلاً يا باشا. أنا جبت ليك كل المعلومات عند مامت مدام بتول." كمال: "حلو أوي. يلا تعال قولي بقى." معاذ بصدمة: "ده ليه يا كمال؟ كمال: "استنى يا معاذ. اتفضل يا عصام." عصام: "بص يا باشا، اللي عرفته إن بتول ليها أخ بس من أب تاني. يعني بالمعنى الأصح، إنها شوية مع ده وشوية مع ده. وغير إنها باعت بنت أختها بالفلوس وجوزتها لأي حد. بردو زي كمال."

كمال بيقطعه: "أنا عارف زي مين يا عصام. كمل." عصام: "وهي بتنصب على الناس. مش عارف إزاي بس ليها طرق كتير. وغير إنها طلعت حبسة بتول هانم عندها على طول. يعني بتول مخرجتش غير مرة أو مرتين. وكل ما بتول تعمل حاجة أمها تقولها عيب وحرام علشان البنت تبقى لوحدها دايماً. أنا بقي اللي مش عارفه لحد دلوقتي هما ليه جوزوا لك مدام بتول. ومعرفش هو عزت بيه أبو حضرتك جوز لك بتول هانم ليه."

كمال: "تشكر. لا كدا كفاية عليك. عايزك بس تسيب لي العنوان بتاع بيت أم بتول. وسيب الباقي عليا." عصام: "حاضر يا كمال بيه." كمال: "خد ده حقك. قرشين حلوين." عصام: "لا كدا كتير." كمال: "مش كتير عليك. يلا اتفضل." معاذ: "ده إنت طلعت دماغك سم." كمال: "أومال عايزيني ألاقي بنت كبيرة وبعقلية أطفال وأسكت؟ أكيد أهلها عاملين حاجة." معاذ: "ربنا يصلح الحال يا صاحبي." بيعدي وقت بليل.

بتول: "يا ربي، كمال اتأخر أوي. وكل البيت نايم. أنا هخرج أشوفه تحت." نهال: "إيه اللي بتعمليه هنا يا بت؟ وبتمسك دراعها جامد. بتول: "أوي إيدك. أوي تفكري إني علشان في حاجات مش فاهمة منكم، يبقى أسيب حقي ها؟ نهال: "ده إنتي طلعتي ليكي صوت. أومال عاملة نفسك صغيرة ليه؟ ده القطة طلع لها ضوافر." بتول: "بقولك إيه؟ ابعدي عني." وجاية تنزل من على السلم. نهال بتكعبله. بتول: "آه ه ه ه. رجلي." كمال جاي جري: "إيه يا بتول؟ تعالي قومي."

نهال: "يا خرابي، إيه اللي وقعك كدا؟ تعالي يا حبيبتي قومي." كمال: "اتكعبلتي إزاي كدا؟ بتول: "جاي تقول على نهال... سعاد: "إيه ده؟ إيه اللي وقعك كدا يا بنتي؟ كمال: "تعالي اسندي عليا يا بتول." بتول: "حاضر." نهال: "أنا طالعة." وطلعت على طول. سعاد: "يلا يا بنتي، إنتي اسندي على إيدي التانية." بتول: "خلاص يا ماما، كمال طلعني أهو." كمال: "تعالي ادخلي يا بتول. خلاص شكراً يا ماما. يلا روحي نامي علشان الوقت اتأخر."

سعاد: "يلا تصبح على خير." بتول: "يا كمال، إنت قولت لي إنك هتجيب ليا هدوم. أنا عايزة أغير. وإنت على فكرة مش بتوفي بوعدك." كمال بفرحة: "لا طبعاً. استني هنزل أجيب حاجة من العربية." بتول: "يا كمال... كمال نزل وسابها. بعد وقت. كمال بيطلع. بتول: "يا لهوي يا كمال! إيه كل الشنط دي؟ كمال: "تعالي بقي شوفي أنا جايلك إيه." بتول بفرحة: "دول ليا بجد يا كمال؟

كمال: "أنا جايب لك شوية لبس بس معرفش مقاسك كام بصراحة. علشان كدا ممكن تلاقي حاجات كبيرة." بتول بتنطط زي الأطفال: "عادي يا كمال. أي حاجة منك حلوة." كمال بضحكة ظهرت غمزته: "شكراً يا بتول." بتول: "ينفع أطلب منك طلب؟ قد كدا 🤏 كمال: "امم." بتول: "أنا عايزة أشوف ماما. وحشتني." كمال: "احم. الصبح نتكلم. أنا رايح المكتب. لو عايزة حاجة تبقي تعالي." بتول: "ونبي يا كمال، عايزة أشوفها." كمال: "الصبح يا بتول. الصبح."

بيخرج وبيسيبها. بتول: "أوف بقى. بس اللبس جميل أوي." وتروح تلبس ترنج عليه بطوط. شكله جميل أوي. وتروح لكمال بتخبط على الباب. كمال: "ادخل." بتول: "إيه رأيك في الترنج؟ أنا لبسته. وعلى مقاسي بالظبط." كمال بيفضل باصص لها شوية. بتول: "يا كمال، إنت معايا؟ كمال: "احم. آه. إنتي قمر من غير أي حاجة يا بتول." بتول بكسوف: "شكراً. هتنام إمتى؟ كمال: "أكلتي؟ أهم حاجة." بتول: "تؤ. مليش نفس."

كمال: "لا روحي كلي. بعدها نامي. وأنا شوية وجايب." بتول: "حاضر." بعد وقت. بتول بتنام على الكنبة. كمال بيدخل الأوضة. بيقعد في الأرض يتأمل في ملامح بتول. "أنا عايزة أعرف مين يقدر يعمل في واحدة ملاك زيك كدا." بتول بتفوق...