رواية عشقت طفولتها الفصل السابع والعشرون 27 - بقلم حنين محمد

كمال بيجري عايز يدخل أوضة العمليات. الدكتور بيمسكه: لو سمحت مينفعش نصف ساعة بس علشان ننقله أوضة عادية. كمال بدموع: يعني هي هتفضل قد إيه في الغيبوبة؟ عزت: إجمد يا كمال، هو الدكتور قال هي سامعة كل حاجة لكن مش حاسة بأي حركة، فاحنا هنعمل اللي علينا وإن شاء الله تفوق بدري من الغيبوبة. جميلة بتعب من الوقفة: أنا مش مسامحاك يا كمال. كمال بزعل: يا جميلة والله مش بإيدي، أنا عملت اللي عليا ولحقتها، أعمل إيه تاني؟ ده قضاء ربنا.

عزت: بس الغلط غلطك يا كمال، أنت عارف إن مفيش حد في البيت، بتسبها ليه؟ سعاد: خلاص يا جماعة. بعد وقت قصير. الدكتور: شخص واحد اللي يقدر يتفضل، وبعدها شخص واحد وخلاص، مش هينفع تدخلوا كلكم. كمال: أوك أنا هدخل لها. جميلة: لا يا كمال أنا هدخل لها لو سمحت. كمال: مش فارقة يا جميلة، كدا أو كدا أنا هدخل، يلا اتفضلي.

جميلة بتدخل وبتعيط: يا بتول سبتيني ليها، كان قلبي حاسس إنك علشان قلبك طيب فكلهم هييجوا عليكي وياكلوكي زي الوحوش، بس والله وعد بيني وبينك إني مش هسامح أمي، هي اللي عملت كدا، هندمها وخليها تعرف إنها عملت كدا في بنتها مش في واحدة غريبة، كل ده علشان الفلوس. وبتحضنها وبتخرج. كمال بدموع بيدخل لها، بيفضل يتأمل

في وشها وبيحسس على شعرها: أنا بحبك أوي، أنا عارف إني ظلمتك معايا بس فوقي وأنا أعوضك عن كل ده، أنا مش عارف اتعلقت بيكي إزاي كدا، أنا آسف يا بتول، أنا آسف، يلا فوقي بقى، كلهم جايبين الحق عليا، عايزك تبقي قوية علشان تفوقي بسرعة، أنا عارف إنك سمعاني، يلا فوقي بقى علشاني، أنا بحبك أوي. بيخرج: هو ينفع يا دكتور ناخدها معانا البيت؟ الدكتور: آه هينفع بس لازم تبقي معاها ممرضة. كمال: آه تمام مفيش مشكلة. نور: هي كويسة يا كمال؟

كمال: الحمد لله يا نور، يلا أنا هروح أجهز العربية وأيجي. بعد وقت قصير. كمال بيوصل القصر. كمال بيشيل بتول وبينيمها: يلا يا دكتورة شوفي شغلك، مش عايز أي حد من القصر يدخل لها غير جميلة، ولو حد اتكلم قولي دي تعليمات كمال. الممرضة: تمام حاضر. كمال بيخرج. سعاد: تعال بس حاول يا ابني لقمة وكبر هدوم اللي كلها دم دي. كمال: مليش نفس، أنا رايح مشوار وجاي. عزت: خلاص يا سعاد، كمال نفسيته وحشة، محدش يضغط عليه الفترة دي.

معاذ: حاضر يا عمي. جميلة: أنا عايزة أدخل لها يا دكتورة. الدكتورة: اسمك إيه؟ جميلة: ليه؟ كمال: والله ما أرحمك يا عامر. وبيوصل على المخزن. ماجد: عند عامر أهو يا كمال بيه، كدا أنا عملت معاه الصح. كمال بيمسح جنب أنفه: امشي أنت وخليه عليا. عامر: والله يا عم أنا ما عملت حاجة، كفاية عليا كدا، أنا تعبت. وكان وشه جايب دم. كمال: لا يا روح أمك تحاول تقتل مراتي وأنا مش عارف حتى أبص في عينها لأنها في غيبوبة بسببك يا واطي.

وبضربه بالبوكس. عامر: خلاص هي مش ماتت أهي، مشيتي بقى. كمال: وأنت كنت عايزها تموت؟ وبيفضل يضرب فيه: قول مين اللي قالك تعمل كدا ها؟ انطق. عامر: حاضر ست سمية ونهال. كمال: حلو أوي التسجيل فيديو اللي أخدته منك ده، المخزن فيه كاميرات علشان لما أسلمك للشرطة يبقى معايا دليلي. وبخرج. إسلام: الو يا كمال، فينك؟ كمال: أنا عايز منك ٨ ستات كدا يكونوا قادرين على الواحدة. إسلام: ليه يا كمال؟ كمال: اعمل زي ما بقول لك كدا.

إسلام: ربع ساعة والستات هيبقوا عندك. بيعدي ربع ساعة. الستات: إحنا عايزين فلوسنا كاش. كمال: من عيني، بس اعملي زي ما بقول لك كدا، أربعة هيبقوا في الحارة وأربعة في القصر ده، يلا شوفي شغلك. أربع ستات بيوصلوا الحارة وبيخبطوا على سمية. سمية: حاضر حاضر، مين؟ الست: تهاني، رئيسة العصابة. سمية: نعم، خير؟ تهاني: إيه رأيك في الدهب ده؟ سمية بتبرق من كتر الدهب وبتشده من إيديها وبتاخده. تهاني: عدى ده اللي أنا عايزه.

والأربع ستات بينزلوا فيها ضرب، ضرب. تهاني: المهمة تمت يا كمال بيه. كمال: أهم حاجة الفيديو وهي بتسرق منك الدهب، يلا على أول مركز شرطة تروحي تقدمي بلاغ. تهاني: حاضر. عند نهال في القصر. نهال: خير، خير، بره الحرس هيتحرق على دماغ كمال. أربع ستات: بسم الله الرحمن الرحيم، في إيه يا وليه أنت وهي؟ والستات بينزلوا فيها ضرب لحد ما يغمى عليها.

عند كمال: بصي يا تهاني، بعد ما تقدمي بلاغ، أنا عايز بس هي تقعد كام يوم في السجن، عقبال ما آخد حق بتول وأقعدها في السجن العمر كله. تهاني: حاضر. سعيد بيوصل القصر. سعيد: نـــــهال بنتي، يــــــا لهوي. وبطلب الإسعاف وبيوصل المستشفى. سعيد: يا دكتورة أنا خايف على ابني، أرجوكي شوفي فيه إيه. بعد وقت قصير. الدكتورة: حضرتك قربها. سعيد: آه، بابها.

الدكتورة: طب أولاً بنتك مش حامل، ثانياً بقى هي اتضربت وحاولوا يعتدوا عليها والضرب شديد. سعيد بصدمة: يعني بنتي مش حامل؟ الدكتورة: لا خالص. وبخرج. نهال بتفوق: إيه يا بابا، أنا عايزك تجيب تحت رجلي اللي حاول يقتلني ده. سعيد: هو أنتِ مش حامل يا نهال؟ انطق. نهال بتوتر: لا يا بابا، حامل. أنا عملت كدا علشان أرجع لكمال. سعيد بيضربها بالقلم: يا خسارة تربيتي فيكي. وبيمشي. نهال: بالله عليك يا بابا خليك معايا، متسبنيش زيه.

عند كمال: منه أرجوكي يا كمال، أنا أعترف لك إن نهال مش حامل، خليني أخرج بقى. كمال: أنا بس هسيبك علشان أنتِ عندك ولاد، لكن لو عرفتك إنك قلتي لحد إنك كنتي عندي مش هرحمك. منه: حاضر. بيعدي يوم ويومين، أسبوع وأسبوعين، وكمال مش بياكل غير أكل بسيط، ودقنه كبرت وبقى شكله وحش خالص من غير بتول، وخسر خسارة كبيرة في الشغل، وعامر بيتسجن، وسمية ونهال في السجن بردو. في يوم جديد. كمال نايم وواخد

بتول في حضنه على السرير: أنا لحد دلوقتي يا بتول مش يائس، وبفضل جانبك، وعارف إنك مش هتستسلمي وتفوقي. بتول بتحرك صوابعها. كمال بفرحة.