رواية عشقت طفولتها الفصل التاسع والعشرون 29 - بقلم حنين محمد

نهال بصدمة: بتول! أنتِ مش متّي؟ بتول بضحكة ساخرة: هههه، متّي؟ أنتِ كنتِ عايزاني أموت؟ طول ما ربنا وبعده معايا، كمال عمري ما يحصل لي حاجة، ولا أي خطة من اللي في دماغك الوسخة دي تحصل. نهال بضحكة: هههه، وأنتِ مفكرة إني كدا هزعل؟ يا حرام، ده أنتِ أمك مشتركة معايا، يعني هي اللي وسخة مش أنا. بتول بتجري عليها وبتخنقها من رقبتها: ملكيش دعوة بأمي، أنا أمي هعرف أتصرف معاها. نهال (تلهث) : هموت يا بت، ابعتي!

بتول: أنا مش هوصخ إيدي فيكِ. نهال (تكح) : وأنتِ جاية ليه بقى؟ بتول: إيه رأيك لو عرضت عليكي اتفاق؟ نهال: أموت في الاتفاقات. بتول: تعجبني، المهم إيه رأيك أخرجك من السجن اللي عفنتي فيه ده؟ نهال: بجد يا بتول؟ هعمل لكِ اللي أنتِ عايزاه. بتول: المقابل بقى يا شطورة، إنك تكتبي لي كل الأملاك اللي في البنك اللي باسمك. نهال: كنت عارفة إنك بتاعت فلوس. بتول: براحتك، ولا تقعدي هنا بقى العمر كله. نهال: خلاص، ماشي، أنا موافقة.

بتول: خلاص، حلو أوي، وأنا مجهزة كل الورق. نهال: بالسرعة دي؟ بتول: أصل بعيد عنك، أنا قبل ما أجي هنا روحت على المحامي على طول. نهال: السرعة دي خلتك برضه؟ بتول: أنتِ مش بتول اللي نعرفها، ده أنتِ بقيتي جبروت. بتول: جبروت من اللي شفته. نهال بتاخد منها الورق وتمضي عليه. بتول: هههه، بس كدا. استني بقى، أخلي الضابط يخرجك. نهال: ياريت، اوف بقى. الضابط: يعني أنتِ يا مدام اتنزلتي عن القضية خلاص؟ بتول: آه. الضابط: تمام.

بعد وقت قصير. نهال: أنا هروح فين بقى وأنتِ واخده كل فلوسي كدا؟ بتول: أنا مقولتش لكِ، مش أنتِ هتشتغلي عندي؟ نهال: نعم؟ اشتغل عندك؟ أنتِ؟ بتول: أصل أنتِ خلاص مالكيش حد. نهال: امم، وأجي اشتغل عندك، صح؟ اشتغل إيه بقى إن شاء الله؟ بتول: خادمة. نهال: نعم؟ على جوزي؟ بتول: خلاص، شوفي أي زبالة تلمك، وجاية تمشيني. نهال (في سرها) : لو دخلت القصر أعرف أنفذ أي خطة. خلاص، خلاص، أنا آسفة، هاجي معاكي.

بتول: كنت عارفة، ماشي، يلا على القصر يا مجدي. مجدي (السواق) : حاضر. في الشركة. كمال: بص يا يوسف، أنا الفترة دي لازم أضغط نفسي في الشغل علشان الخسارة اللي حصلت دي ما تتكررش تاني. يوسف: حاضر. معاذ بيخبط. كمال: ادخل. معاذ: يومين بالظبط يا كمال، ورجال الأعمال الكبار هييجوا علشان يشوفوا أحوال الشركة. كمال: متقلقش، إن شاء الله هنعمل اللي نقدر عليه. معاذ: ماشي. يوسف: أنا ماشي بقى علشان ألحق الشغل. كمال: أوك. في القصر.

بتول بتدخل مع نهال. سعاد بصدمة: دي نهال يا بتول! أنتِ فاقدة الذاكرة ولا إيه؟ عزت: إيه ده يا بتول؟ بتول: دي الشغالة الجديدة يا عمي. نور: نعم؟ جميلة: أنتِ واعية للي بتقوليه ده؟ بتول: فايقة أوي، مش أنتم عايزينيني في البيت ده؟ سبوني آخد حقي بنفسي. عزت: كمال عارف اللي عملتيه ده؟ بتول: أنا هفهمه بطريقتي يا عمي، متقلقش. سعاد: يا بتول، مش هينفع كدا. بتول: سيبني أعمل اللي أنا عايزه بقى يا ست الكل. (بتطلع)

نور: بتول اتغيرت خالص يا جميلة. جميلة: هو ده اللي أنا عايزه يا نور، تاخد حقها بنفسها، عقبال الدور الجاي على سمية هانم، بس هي عرفت منين؟ نور: أنا مش عارفة، هدي شوية واسأليها. جميلة: ماشي. بعد وقت قصير. جميلة: ممكن أدخل يا بتول؟ بتول: آه طبعاً. جميلة: أنتِ عرفتي منين اللي هي عملت كدا؟ بتول: بطريقتي، علشان محدش يخبي عليا حاجة زي كدا. جميلة: بس والله علشان خفت إنك تتعبي. بتول: تؤ تؤ، متقلقيش عليا من هنا ورايح. جميلة

(بعدم فهم) : ماشي يا بتول، أنتِ اللي شايفة مصلحتك. بتول: يا نهال، يا نهال! نهال: إيه يا بتول؟ بتول: من هنا ورايح اسمي ست هانم. نهال (بغيظ) : حاضر. بتول: يلا هاتي لي كوباية قهوة. جميلة: ولا برضه بقيت تعرف تتكلم يا معلم؟ بتول: التجديد حلو. بعد وقت قصير. نهال: اتفضلي يا ست هانم القهوة. بتول: اشربي منها الأول، من دلوقتي أي حاجة تعمليها في البيت ده هتوقعي منها، أصل اللي يقتل مرة يعملها ألف مرة. نهال (بقرف بتشرب منها)

: أنا مش حصلي حاجة، اتفضلي. جميلة: إيه ده يا بتول؟ أنا مش قادرة بجد، أنا خارجة. بتول: امم، اقفلي الباب وراكي. جميلة (بتخرج) : لا، نور، دي أكيد مش بتول. نور: لا، أكيد من اللي هي شافته، بتول كدا أحسن بكتير. بعد وقت طويل. كمال بيوصل، بيطلع على الجناح بتاعه. بتول: حبيبي، حمد الله على السلامة. كمال بيحضنها: إيه؟ عاملة إيه انهارده؟ بتول: زي الفل. الهم، جايبة لك حتة خادمة، نهال! يا نهال! نهال: نعم يا ست هانم؟ كمال بصدمة.