رواية عشقت تؤام محبوبتي الفصل السابع عشر 17 - بقلم جاسمين محمدجمميع الفصول)

في مكان آخر، مراد قاعد في شقته وتلفونه بيرن. مراد: الو. صوت: مش انت مش بتحب حور وعايز تنتقم منها؟ مراد: اه. صوت: اشطااا، هننتقم أنا وانت، موافق؟ مراد: اه موافق. صوت: اشطااا، بص هنعمل إيه... مراد: اشطااا، بس خلي بالك من نفسك. صوت: متخافش، يلا سلام. مراد: سلام. عند فهد وحور. حور: بس أنا تعبت وعايزة أنام، كفاية كدا. فهد: وأنا كمان، عشان عندي شغل بكرة ولازم أصحى بدري. محمد: تمام، يلا كلنا كفاية، ولا نطلع نرتاح ونام؟

الكل: يلا. حور وفهد طلعوا أوضتهم. فهد وهو طالع من الحمام، لاقى حور بتعمل المخدات وبتعدل السرير، فضل واقف ساكت وباصصلها. حور هزت راسها: واقف ليه كدا، مش هتنام؟ فهد: اه هنام، بقولك ابقى صحيني الساعة ستة ونص عشان هروح الشركة بكرة بدري. حور: هتسيبني لوحدي؟ فهد: لوحدك فين، ما ماما هالة وماما فوزية وريتاج هيكونوا معاكي، وأنا أحاول أخلص وأجي بسرعة. حور: ماشي، بس متتأخرش. فهد: حاضر، يلا ننام بقى. حور: يلا، تصبح على جنة.

فهد: تكوني جنبي فيها. حور: نام طيب وبطل حن. فهد: حور اتخمدي، عيلة فقر أصلاً. حور: ههههه، ونامت. الصبح فهد صحي، بص في الساعة، لاقاها لسه ستة، فضل باصص على منظر حور وهي نايمة وماسكة إيده. فهد: صباح الورد يا حوريتي. وراح شايل شعرها من على وشه. وفضل راقد عمال يبص لملامحها. وبيبص حس بيها بتصحا، راح عامل نفسه نايم. حور صحت وفضلت تبص لملامح فهد.

حور: كان نفسي تكون بتحبها زي، وأكون مراتك بجد، وأشيل الفاصل اللي بينا ده، ومكنتش أحس بشعور وحش لما أقرب منك، شعور إن انت مش ملكي أنا، والسبب في وجودك جنبي هو الغش بس. وراحت حطت إيدها على وشه وشعره، وشالت إيدها من إيده وقامت دخلت الحمام. بعد ما حور دخلت الحمام، فهد فتح عيونه. فهد بحزن: هتكوني مراتي وحبيبتي وكل حاجة، وهكون ملكك انتي بس، وانتي ملكي أنا بس، ومافيش أي حاجة هتكون فاصل بينا.

حس بيها وهي طالعة من الحمام، عمل نفسه نايم تاني. حور طلعت، لاقته لسه نايم. قربت عنده. حور: فهد، فهد قوم، الساعة 8، قوم بسرعة. فهد: الساعة كام؟ حور: 8، قوم بسرعة. فهد مسك التليفون، بص فيه، وراح باصص لحور برفع حاجب: بدأنا نكدب على الصبح. حور: ههههه، مهو انت مش هتصحى بسرعة غير كدا. فهد: ريتاج اللي علمتك الحركة دي صح؟ حور: أنا أصلاً اللي قولتلها على الفكرة دي، وهي نفذتها. ولما نجحت قولنا نعملها على طول.

فهد: بتخططوا وتخترعوا من ورايا، ماشي. حور: ههههه، قوم طيب، وبعدين نشوف الخطط. يلا عشان تاخد دش وتغير، ونصلي أنا وانت قبل ما تمشي. فهد بفرح: حاضر. حور جت تمشي، راح ماسك إيدها. حور: في إيه؟ فهد قام من على السرير: في إن صباح الورد. وراح بايسها من خدها وسابها ودخل الحمام. فهد دخل أخد دش وطلع، لاقى حور لسه واقفة مكانها. فهد: ههههه، انتي لزقتي مكانك ولا إيه؟ حور راحت مسكت المخدة وضربته بيها. حور: انت إيه اللي عملته ده؟

فهد: اه، عملت إيه؟ حور: لا والله مش عارف عملت إيه. فهد: قولي عملت إيه، أنا كنت باخد دش ولسه طالع. حور: بوستني. فهد: بوستك إزاي؟ حور: لا والله. فهد: خلاص بقى، وفيها إيه، بوستك مراتي، مش حرام ولا عيب. حور: بس أنا وانت جوازة مش كامل يا فهد. فهد بحزن: ليه؟ حور: انت لو كنت تعرف إنك بتتجوزني أنا في الوقت ده، مكنتش اتجوزتني. يعني كدا جواز غش، وكمان انت لسه بتحب حياة، مش بتحبني أنا.

فهد: طيب تعالي نصلي الأول، وبعدين أقولك حاجة. حور بحزن: ماشي، يلا. ريتاج واقفة في المطبخ بتعمل أكل لوحدها. جاسر من وراها: اوعي القمر، لا إيدك تتلسع. ريتاج اتزغلت فتلسعت. ريتاج: اه. جاسر جري عليها، مسك إيدها وراح غاسلها. وريتاج سرحانة فيه. جاسر: مش تاخدي بالك؟ ريتاج: خايف عليا؟ جاسر: انتي هبلة، مخافش عليكي كيف؟ ريتاج: لما انت خايف عليا، ليه قلت واحنا مسافرين إننا أخوات؟

جاسر: عشان محدش يقول عليكي نفس كلمة، وانتي معايا، عشان مكنتش هتحمل كلمة عليكي. ريتاج: ليه؟ جاسر: وانتي مالك. ريتاج: عبشك، يااض، اوع، وراحت شايلة إيدها من إيده. جاسر: ههههههه، هموت. ريتاج: موت. جاسر: أهون طيب. ريتاج سكتت. جاسر: اطلع برررر. جاسر: هههه، خلاص، أهدي، طالع. وراح طلع خطوتين، وهي لفت وشها للجنب التاني، راح رجع. جاسر جمب ودنها عشان كلمة بح وبطل. ريتاج بفرح: ها، كمل بح إيه؟ جاسر: ههههه، عشان بحسبك عيلة.

ريتاج: جاسررررر، بررررررررر. فوزية دخلت عليها وهي صوتها عالي. فوزية: في إيه؟ جاسر: معرفش، بقولها جعان، خلصي الأكل، لقيتها بتزعقلي. ريتاج: جاسر، امشي من وشي أحسن لك، عشان أقصري جه. جاسر: ههههه، خلاص، طالع، سلام. فوزية: في إيه يابت؟ ريتاج: مافيش حاجة، تعالي كملي معايا عشان إيدي اتلسعت. فوزية: حاضر، يلا. عند فهد وحور. فهد: السلام عليكم ورحمة الله وبركاته. حور: السلام عليكم ورحمة الله وبركاته. حور: حرم.

فهد: جمعنا إن شاء الله أنا وانتي عند النبي. حور: أمين يارب. وراحوا قاموا شالوا المصليات. حور: ها، كنت هتقول إيه؟ فهد قرب منها عند ودنها: كنت هقولك إني بحبك انتي بس، مش حد غيرك. وراح بايسها تاني، وبصلها، وهي ثبتت مكانها. فهد على منظرها: ههههه، فيكي إيه، فوقي. حور: انت قلت إيه دلوقتي؟ فهد: ههههه، مرة تاني أبقى أقولك، يلا ننزل عشان نفطر قبل ما أمشي على الشركة. وراح ماسك إيدها ونزلوا. وهي واقفة بتسنط عليهم.

"ماشي يا فهد، حسابكم كتر أوي، وهندمكم المرة دي، بس سيباكم تتهنوا يومين قبل ما أموتكم." تحت. فهد: صباح الخير. وراح قعد هو وحور. الكل: صباح النور. الكل: عاملة إيه يا حور يا بنتي؟ حور باصة لفهد وساكتة. ريتاج: حور حبيبتي، مالك؟ حور برضو سرحانة في فهد وساكتة. فهد هزها: حور، كلمي. حور: ها، في إيه؟ محمد: مالك؟ حور: ماليش. ريتاج: امال سرحانة في إيه؟ حور: لا عادي، يلا نفطر. فوزية: يلا. حور بصوت واطي لفهد: سيب إيدي عشان آكل.

فهد: لا، هفضل ماسكها دايماً ومش هسيبها أبداً. ولو عايزة تيجي الشركة معايا، هفضل ماسكها كمان لحد ما نيجي، ونام. حور: فهد، سيب إيدي، خلينا ناكل. فهد: هاكلك بإيدي عادي، بس مش هسيبها، كفاية شوية كدا، هسيبك انتي وهي. حور: بطل شغل عيال وسيب إيدي. مالك بضحك: حور، متاكلي، مالك بتتكلموا في إيه انتي وفهد؟ حور: ها، لا مافيش حاجة. مالك: هههه، طيب متاكلي. فهد: وانت مالك، متاكل انت وانت ساكت، عيب تدخل معايا الكبار.

مالك: برفع حاجب، كبار مين يا عينيه، اطفح ياض وانت ساكت. الكل: هههههههههه. حور: يلا بقى، سيب إيدي. فهد: كلي بس من إيدي وانتي ساكتة. ريتاج: أوعدنا يارب بكده، وبتتفرج على جاسر. جاسر: ههههههه، كلي وانتي ساكتة طيب. خلصوا أكل، وفهد مشي، والكل مشي على شغله. وفضلش غير حور وريتاج وفوزية وهالة، وقاعدين عاملين يتكلموا ويهزروا. حياة: لا، مش هننفذ الخطوة النهارده. مراد: ليه بس؟ حياة: سيبهم يومين يتمتعوا بحياتهم قبل ما أموتهم.

مراد: ماشي، خلي بالك من نفسك طيب يا حبيبتي. حياة: حاضر، سلام. حياة: خلاص، هتودعيهم قريب يا حور، وهخليهم بدل الضحك ده يتقلب عياط، هههههههه.