رواية عشقت زين الرجال الفصل السابع 7 - بقلم ضحي ابراهيم

اقسم بالله عيلة مجنونة. زين بعد ما قال كدا، فريحة وضحى في وقت واحد: -يا سلام، مهو انت من العيلة برضه. وهما بيتكلموا جه حازم. -استنى يا زفت، قولت جاي. -إيه يا عم، كل دا عشان؟ -إيه يا ابني مالك؟ -هو أنا كل ما أجي عندك ألاقي معاك قمر شكل، يا بختك يا ولا. -انت بتاعكس مين يا زفت انت؟ دي أختي. -يا فرج الله، أختك دي طلعت حلوة أوي. حازم راح ناحية فريحة. -ازيك، أنا حازم صاحب زين. واااا، هو انت حلوة كدا ازاي؟

-ولا يا زين، أنا خلاص قررت أتجوّز. -وهو انت لحقت تتعرف على حد أصلا؟ -مهو يا مغفل، في حاجة اسمها خطوبة وهنتعرف أكتر. -آه، قولتلي. حازم خد فون زين ونقل رقم للفون بتاعه وجاب الفون لزين ومشي. -يا نهاااار، إيه الولا المجنون دا؟ هو انتوا بتعملوا في الرجالة كدا ليه؟ -اللي هو إيه أصلا؟ -انتي شايفة هو عمل إيه أول ما شافها.

-أولا هي معملتش حاجة، ثانيا صاحبك ماشي يحب على نفسه، ثالثا انت كمان كنت كدا يوم ما شفتني أول مرة، ومش مشكلتنا إننا ملكات جمال بس هقول إيه، في ناس جبله. -بدأت المحاضرة بتاعتك. -يلا يا فريحة، في كلام كتير عايزة أحكيهولك. -يلا. -طب أنا رايح الشغل. -تمام. خرج زين وضحي قعدت تحكي لفريحة كل حاجة حصلت وجت عند الحلم. -انتي لسه بتحلمي نفس الحلم؟

-اه، أنا لقيت نفسي الصبح زين قاعد على الكرسي وماسك إيديا. صحيت صوت عشان اتفاجأت، فقالي إنّه صحي بالليل على صوت صويت مني وأنا بقول زين لا متسبنيش، وقالي إنه جه وقعد يصحّي فيا. روحت حضنته ومسكت فيه جامد وبقوله متسبنيش. كانوا عايزين يقتلوك. -انتي فعلا مش بتهدي غير بكده، انتي كنتي بتمسكي في جدك وبتعيطي. -أنا تعبت من الحلم دا، أنا خايفة عليه أوي. -سيبك من الحلم دلوقتي، زين أخباره معاكي إيه؟

-والله مش عارفة، مبقتش فاهمة حاجة. مرة أحس إن فيه حاجة من ناحيته ومرة أحس إنه مش طايقني. -أخويا أكيد لسه مش عارف مشاعره إيه دا. -في إيه؟ -جدك بيتصل بيا، ثانية هرد. -الو يا جدو، عامل إيه؟ -كويس يا حبيبة جدك، عندي خبر ليكي هيفرحك. -زين؟ -جد!! -قول يا جدي. -فيه عريس جايلك من مصر وأنا جاي ليكم النهارده في القطر. خلي زين الرجال يجي ياخدني. -حاضر يا جدي، هخبره بوصلك.

-يلا سلام دلوقت يا حبيبة جدك، وسلميلي على زينة البنات، اتوحشتها جوووي. -حاضر يا جدي، يوصل سلام. -في إيه يا فريحة؟ -جايلي عريس ومن البندر كمان. -معقولة يكون عملها المجنون؟ -قصدك مين؟ -لا ولا حاجة، اتصلي بزين قوليله. -حاضر. فريحة اتصلت بزين وقالتله على جدها، قاله وقالها إنه هيروح يجيبه.