رواية عشقت زين الرجال الفصل التاسع 9 - بقلم ضحي ابراهيم

ضحي واقفه مصدومة من اللي زين عمله. وفجأة لقت اللي ضرب زين بالقلم. -بعد أكده اعرف أنت بتمد يدك على مين الأول. -جدي أنا، أنا مكنتش أقصد، هي عصبتني بطريقة كلامها. -ولو زينة البنات محدش قدر يمد يده عليها ولا يقدر يرفع عينه عليها، تيجي أنت بكل سهولة وتضربها؟ لا يا زين، ده اللي مش هاسمح بيه أبدًا. -جدو أنا عايزة أروح. -جدي أنا عايز أتكتب على ضحي النهارده. ضحي اتصدمت مرة واحدة من اللي زين قاله. -تضربها تاني صحيح؟

-لا يا جدي، بس أنا عايز أتجوزها النهارده. -حاضر يا ولدي، يلا على المأذون. -بس أنا موافقتش يا جدو. -هتعصي كلام جدك يا زينة البنات؟ -لا يا جدو، بس... -مبسش زين هو الوحيد اللي أقدر آمنه عليكي وأنا مطمن، يلا. راحوا على المأذون. -بارك الله لكما وبارك عليكما وجمع بينكما في خير، مبروك يا عرايس. خرجوا وروحوا البيت وضحي لسه مصدومة ومش مصدقة. أول ما وصلوا ضحي جريت على أوضتها.

-روح شوف مراتك يا زين، بس لو زعلتها عاد راح طق راسك بالنار. -يا نهار أبيض، لا يا جدي مش هزعلها تاني. طلع زين على أوضة ضحي ودخل لقاها قلعت الطرحة وقاعدة بتعيط. زين كان مبهور بجمال شعرها، كان أسود من فوق وبني من تحت. دخل قعد جنبها وخدها في حضنه.

-تعرفي إن الحلال أحلى بكتير، أنا آسف إني ضربتك، بس أنتِ قولتي كلام مش صح، أنا طول عمري مقربتش من بنت، والبنت الوحيدة اللي لمستها هي أنتِ دلوقتي، والبنت اللي في الشركة كنت لسه هزعلها، بس أنتِ دخلتي وقومتي بالواجب. -كداب، أنت متجوزني عشان ترد لي اللي حصل. -أنا مش عيل، أنا زين الرجال، أنا اتجوزتك عشان حاجة تانية، ألا قوليلي أنتِ سابغة شعرك بني من تحت ليه؟ -يا نهار، أنت شوفت شعري؟ يا لهوووي.

-اقعدي يا مجنونة، أنا جوزك خلاص، وبعدين خليكي في حضني، أنا مش مصدق إنك جنبي أصلًا. ضحي اتكسفت. -على فكرة أنت قليل الأدب، وكمان أنا مش سابغة شعري ولا حاجة، هو اللي كده. -ما شاء الله، عارفة أنا لو كنت أعرف إنك هتاخدي قلبي بالطريقة دي كنت اتعرفت عليكي من زمان يا ضحي. -نعم؟ -أنا وقعت في غرامك يا زينة البنات، بقيت بهواكي خلاص. -أنتِ بتبصيلي كده ليه؟ -أنت أول مرة تقولي الكلام ده، وكمان أول مرة تقولي يا زينة البنات.

-أنا بحبك أوووي وبعشقك لدرجة متتوصفش. -زين. -أمم، أنا بحبك من وأنا صغيرة. -ده إزاي ده؟ -كنت بشوفك لما تيجي عند جدي في الخفاء، بس مش عارفة ليه، ومن ساعتها وأنا بحبك. -أخيراً سمعتها منك، متعرفيش أنا بغير عليكي قد إيه. -امممم، قولتلي زي مازن كدا؟ -بقولك إيه، اتلمي واقفلي سيرة الزفت ده. -يا خلااصي، بتغير عليا يا روحي. -بت انتي بتكلمي ابن اختك ولا إيه؟ -لا بكلم جوزي حبيبي.

-بحبك أوووي يا زينة البنات، عمري ما كنت أتوقع إني أقولك يا زينة البنات، كنت شايفهم بيبالغوا، بس لما حبيتك عرفت إنك زينة بنات العالم كله. -أنا طول عمري شايفاك زين الرجال كلهم. وووووووووووو