رواية عشقت زين الرجال الفصل الثاني عشر 12 - بقلم ضحي ابراهيم

بس يا جدو زين يعرف ولا لأ؟ لأ عرف الصبح. أنا قلتله قبل ما يروح الشغل. خلاص يا جدي أنا موافقة. هتروحوا امتى؟ أنا مستنية زين وحازم وفريحة. جهزت خلاص. صباح الفل والياسمين على الناس الكسلانة اللي بتصحى متأخر. صباح النور. 😂😂😂😂😂 أخبارك يا جدي؟ زين عال أوي يا ولدي. يلا روحوا. خرجوا وحازم ركب حور ورا وهيركب جنبها. انت بتعمل إيه يا أذكى إخواتك؟ هركب جنب خطيبتي. إذا كان أنا مراتي مركبتش جنبها، انت هتركب جنب خطيبتك؟

انت بقيت عامل كده ليه؟ الصعايدة دمهم حامي. ويلا اركب جمبي. ركبوا ومشوا ودخلوا مول كبير. تحبوا نبتدي بمين؟ نبدأ بحور أحسن. راحوا اشتروا فستان عجب فريحة أوي. كان منفوش وشكلها تحفة فيه. دورك يا زينة البنات. لأ بلاش ضحى النهاردة. أنا مستعجل وورايا شغل. ضحى زعلت بس مبينتش. يلا يا حازم دورك. حازم عجبه بدلة لبني نفس فستان فريحة في اللون. ضحى قالت: يلا يا زين دورك. يلا. أي رأيك في دي؟

لو سمحتي أنا بنقي حاجتي بنفسي. وبعدين دي حرية. ولا دي كمان هضايقك؟ ضحى اتكسفت لأن زين قال كده قدام الناس في المحل وقدام حازم وفريحة. ضحى، انتي ممكن تستني بره عشان أعرف أنقي براحتي. انتي مش مديني فرصة. ضحى شافت إنه زودها. خلاص أنا خارجة. أجي معاكي يا ضحى؟ لأ يا فريحة خليكي. ضحى خرجت ومشيت وسابتهم. زين، انت زودتها أوي. هي عملت إيه لكل ده؟ أنا معملتش حاجة يا حازم لكل ده. معملتش حاجة!

أحرجتها قدامنا وقدام بتوع المحل وتقول معملتش حاجة؟ حازم، انت مالك متعصب كده ليه؟ انت إيه دخلك أصلاً؟ معاك حق. أنا ماشي. حازم استنى. خدني معاك روحني. انتي رايحة فين انتي كمان؟ تعرف إنها خسارة فيك. بكرة تندم يا أخويا. نقي براحتك. يلا يا حازم. مشيوا وزين اتعصب وروح البيت وطلع على أوضة ضحى. ملقاهاش موجودة. فريحة، فين ضحى؟ مش عارفة. أنا فاكراها في أوضتها.

مش موجودة. أنا دورت عليها في المول ملقيتهاش. قولت يمكن روحت وفونها مقفول. نروح لحته تانية. ضحى خرجت من المول وراحت تتمشى على البحر. كان فيه راجل عجوز قاعد ولقى ضحى بتعيط. فجأة ضحى حست بإيد على كتفها. مالك يا بنتي دموعك على خدك ليه وانتي لسه صغيرة؟ عارف لما تكون وحيد في الدنيا دي ملكش حد واقرب شخص لقلبك بيجرحك وتحس إنه مش عايز وجودك في حياته. أهدي يا بنتي ربنا معاكي. انتي مش لوحدك وأهلك معاكي. أهلي هما فين؟

ما ماتوا من زمان. أنا عمري ما نطقت كلمة بابا أو ماما لحد. أنا اتحرمت من حنان الأم والأب. عايشة مستخبية عن الناس كأني عاملة عاملة أو قاتلة حد. والشخص الوحيد اللي حبيتها وقولت هيعوضني مش شاطر غير في جرح قلبي. طب أنا ذنبي إيه؟ محدش بيختار أهله.

انتي عارفة أنا خسرت ابني الكبير هو ومراته وابنه اللي في بطنها. اتقتل. طبعاً أنا مستحملتش. فبعدت. مش قادر أصدق إن ابني راح، بس أخوه مصمم ياخد حق أخوه. بس انتي عارفة. أنا عارف إن ده قدره ونصيبه عشان كده بعدت. كل حاجة كانت بتفكرني بإبني. يااااه. واضح إني مش لوحدي.

سامحي يا بنتي وربنا هيعوضك. عارف أنا كل يوم باجي هنا عشان أحكي للبحر وأشكيله اللي فيا. بس برجع وأنا مفيش في قلبي حاجة. طول ما انتي بتحكي وترمي همومك للبحر هتحسي إن هم انزاح من على قلبك. بس هما واحشوني أوي. وأنا كمان ابني وحشني. مسيرنا يوم هنشوفهم. أتمنى أشوفهم قريب أوي. متقوليش على نفسك كده يا بنتي. انتي لسه صغيرة. مش حضرتك قلت لكل واحد قدره ونصيبه موجود؟ معاكي حق. يلا روحي دلوقتي الجو اتأخر.

أتمنى نتقابل تاني وأشوفك. أكيد إن شاء الله هنتقابل. مشيت ضحى وروحت وأول ما دخلت البيت. زين جري عليها حضنها. انتي عبيطة! كنتي فين كل ده؟ قلقتيني عليكي. بعدت عن زين. أنا كويسة يا جماعة. ضحى قالت كده وطلعت وزين اتضايق لما بعدت عنه وطلع الأوضة. ضحى كانت لسه هتدخل الحمام لقت اللي مسك دراعها. من امتى؟ ردي عليا. ضحى ردت ببرود عليه. من امتى إزاي؟ مش فاهمة. من امتى وانتي بتبعدي عني؟

أنا قلقت عليكي وقلبت الدنيا وانتي في الآخر تعامليني ببرود. والله كتر ألف خير. تعبتك معايا. بعد كده متتعبش نفسك. متعبش نفسي! انتي بتتكلمي إزاي؟ انتي عارفة أنا مين؟ أنا زين. إيه يعني زين؟ انت مكبر الموضوع أوي. أنا مكبر الموضوع؟ انتي إزاي كده؟ كل ده عشان قولتلك استنيني بره؟ زين، أنا مصدعة. لو سمحت سيب إيدي وخليني أرتاح. أنا تعبانة. تعبانة؟ حاسة بإيه؟ ضحى بعصبية وزعيق. زين! الله يبعد عني بقاااا! إيه دا؟

مش هابعد عنك. ومتعليش صوتك. هو ده اللي هامك إنّي معليش صوتي؟ أنا تعبت. تعبت منك خلاص. مبقتش قادرة أستحمل. تعبتي مني! ليه؟ كل ده. ليه كل ده؟ ما انت هتقول إيه غير كده. انت أصلاً مبشوفش نفسك بتعاملنا إزاي. ليه هو إحنا عبيد عندك؟ اسمع يا زين، بكرة لما الكل يبعد عنك هيبقي بسبب معاملتك لينا اللي زي الزفت. هتيجي في يوم مش هتلاقيني جمبك لأني تعبت من الوعود اللي بتديهالي وبتخلفها. أنا بحبك.

مش كل مشكلة تحصل تنهيها بكلمة بحبك. أنا استحملت كتير. لكن لما تيجي على كرامتي، فآسفة مش عايزاك في حياتي. كرامتي عندي أهم منك انت شخصياً. أنا طول عمري بحترمك وبعاملك كويس. بس إيه جزاء كل ده؟ معاملة زفت كإنك بتتفضل عليا. بحبك. أقولك على حاجة؟ طلقني وروح اتجوز من بنات مصر. مش ده اللي انت كنت عاوزه. اخرسييييييييي. زين ضربها بالقلم. القلم ده عشان تحرمي تنطقي كلمة طلقني. واضح إني هوريكي الوش التاني.

ده على أساس إنك ملاك نازل من السما، صح؟ امشي يا زين. مش عايزة أشوف وشك. زين واقف مصدوم من ضحى. انتي إزاي بقيتي كده؟ ردي عليا. ضحى، أنا بحبك. متعمليش فيا كده. انت اللي خلتني كده يا زين. ولازم تتحمل. أنا آسف. سامحيني. أنا مقدرش أطلقك. مقدرش أعيش من غيرك. متقدرش! عارف يا زين، انت شخص غبي ومغفل. مجرد ما مازن ضحك عليك وقالك كلام غلط عليا صدقته؟ تري دي الثقة اللي انت مديهالي؟ انتي عرفتي منين الكلام ده؟ هو ده اللي هامك بجد؟

وعشان أوريك إني مش زيك. في رسالة جاتلي من شخص معرفوش وقالي إن مازن ضحك عليك وقالك إنه أنا بحبه ومش بحبك انت واني بكلمه من وراك. وانت صدقت بكل سهولة ومكنتش عايز الفرح يتم. واتصلت بجد وحور بتشتري هدوم وقولتله إنك هتاجل الفرح. انتي عرفتي إزاي؟

كنت جايه عشان تختار معايا الفستان بتاع فرحنا وسمعتك بتكلم جدو. عارف عمري ما كنت أتوقع إنك هتخليني في يوم أقول الكلام ده. بس انت خلتني أقوله للأسف. أنا مش عايزاك في حياتي تاني. الشخص اللي يخون ثقتي فيه ويشك في شرفي وأخلاقي مش عايزه في حياتي. دلوقتي هقولك إنت خسرتني يا زين في الوقت اللي شكيت فيا. ضحى سابت زين وجريت راحت عند جدها. جدو. مالك يا حبيبة جدك؟ بتعيطي ليه؟

انت قولتلي قبل كده إني عمري ما باخد خطوة في حياتي إلا وبكون عاملة حسابها كويس. أنا عايزة أطلق من زين. وووووووووووو