رواية عشقته صعيديا الفصل السادس 6 - بقلم سهيلة احمد

الجد: لأ ماهو الموضوع إنه أمك لما كانت هتطلق من أبوك هددته إنها هتاخدك معاها، فهو كان عارف إنني لو روحت معاها مش هترجع. حور: عمل إيه؟ الجد: أصل هو جوزك لابن عمك علشان يطمن إنك هتفضلي معاه. حور: نعم؟ الجد: حور اسمعيني. فضلت دقائق تستوعب. حور بزعيق: أنت بتقول إيه؟ ده مستحيل يحصل. الجد: أهدي بس، أنا عارف إنه مكنش ينفع. حور: إيه اللي مكنش ينفع؟ أنا اتجوزت، عارف يعني إيه اتجوزت ومن غير علمي؟

الجد: هو كان عارف إن ده في مصلحتك. حور: هه، مصلحتي؟ أنتم تعرفوا إيه عن مصلحتي؟ حامد: عيب تتكلمي كده مع جدك. حور بسخرية: عيب ومش عيب اللي أنت عملته. حامد: أنا كنت عايز أحافظ عليكي. حور: كان معاها حق لما سابتك. هتعيش معاك إزاي؟ أنتم ناس جهلة. حامد ضربها بالقلم: اخرسي، الظاهر إنها معرفتش تربيك. نظر له الجد بعتاب، بينما لام نفسه كثيرًا، فهو مدرك الآن لرد فعلها. حامد: حور. فضلت مغمضة عينيها وتفتحها وتقفلها.

حور: أنت ضربتني. حامد: حور. حور: طب تمام، الجواز كان وأنا عندي عشر سنين، يعني باطل. الجد: لأ، كانت لما كنا بنحولك الورق مضيتي على القسيمة الجديدة. فلاش باك حور: جدو، ينفع أطلب منك طلب؟ الجد: اطلبي يا حبيبة جدك. حور: كنت عايزة أحول ورق الكلية هنا. الجد: عيني ليكي يا حبيبتي. الجد: بصي يا حور، كده تمام، بس فاضل شوية ورق عايزينك تمضي معانا عليه. حور: حاضر يا جدو، أمضي فين؟ باك حور: يا ولاد الـ...

لعبتوها صح، وأنا أقول أنت طيب معايا كده ليه. حامد: حووور. حور: مش حور الجمال اللي يتلوى دراعها. تمام. حور: الجمال مش السباعي. هه. دخلت أوضتها، قلعت الحجاب ولبست اللبس اللي كانت جاية بيه، وقلعت العدسات اللي بتخفي بيهم اختلاف عدستي عينيها، فعينيها اليمين بني والشمال أزرق. مسكت المخدة وكانت نفسها بيها وقعدت تصوت علشان مفيش صوت يطلع. حور: أهدي، هتتعصبي هتتشلي، واللي في دماغهم ينفذوه. أهدي يا حور، أهدي.

حور: آه، هتتجنن. يعني أخيرًا اتكلمت مع أبويا وعشت معاه، يقوم يعمل فيا كده؟ كان معاكي حق لما مكنتيش ترضي تخليه يشوفني. آه، أنا تعمل فيا كده يا بابا. حور: أتصل بيها أسألها على إيه دلوقتي؟ بس بهدوء. تمام يا حور، بهدوء. حور: ألو، أيوة يا ماما. سامية: أيوة يا حبيبتي ماما. حور: بهدوء كده، قلتي لبابا ليه إني عملت حادثة؟ سامية بتوتر: هاه؟ وبعدين مكلمتنيش الفترة اللي فاتت ليه؟

حور: هقولهالك تاني بهدوء كده، قلتي لبابا إني عملت حادثة ليه؟ سامية: علشانك يا حبيبتي. حور بسخرية: علشان؟ والله؟ وده إزاي بقى؟ سامية بشر: حور، أنا قلتله إنك عملتي حادثة، بس هو عمل إيه؟ عرف وسكت. مفكرش ييجي بزورك أو حتى يعالجك. عرف وزعل كده وخلاص. حور: مكنش عارف يوصللي. سامية: اللي بيبقى عاوز يوصل لحد بيوصله يا حور، واللي بيسأل ميتوهش. طب استنى، أنا عمري ما روحتي سوهاج قبل كده؟ حور: لأ. سامية: أهوه شوفت؟

ومع ذلك وصلت ليهم وقعدت وعرفتي المكان. وكمان، بشر أكبر، ثم مين قالك؟ أنا كنت معرفاه مكانك وكليتك وكل حاجة عنك. يعني ياروحى لو كان عاوز يشوفك كان شافك. حور بحزن: تمام يا ماما. سيبك مني أنا، أنتي عاملة إيه مع خالو؟ سامية بانتصار: هه، كل شوية ييجي يسأل عليكي، بس أنا متوهاه يا حبيبتي. حور: معلش يا ماما. سامية وتعرف مدى تأثيرها على حور: وأبوك عامل إيه؟ اتجوز صح؟ حور: أممم. سامية: شوفت؟ اتجوز ونسّاك وجابلك مرات أب.

حور: عندك حق يا ماما. سامية: علشان تعرفي يا حبيبة ماما إن محدش بيخاف عليكي زيي. حور: عارفة يا ماما، عارفة. سامية: بس برده ده أبوك يا حبيبتي. سيد: يعني عند أبوها، وأنتي عارفة. سامية: اسمعني بس. سيد شد منها التليفون: اسمعني يابنت أختي. هجيبك وهجوزك له غصب عنك، سواء مع أبوك أو مع الجن الأزرق. أنا سامعة. جهزي نفسك بقى يا عروسة. وقفل الخط. سيد بشر: يعني كنتي عارفة؟ وكمان معرفش؟ معرفش.

سامية: أنا لسه عارفة النهارده، هي لسه مكلماني. سيد: آه آه، عارف يا حبيبتي. أخوك. عند حور. حور: آه، جواز في مصر وجواز هنا. وبعد كده اتكلمت بدموع: اتجوز ونسى بنته وخلف، وهما اللي استمتعوا بكل الحنية لوحدهم، وأنا لأ. مانا كمان بنته، ليه أنا أتربى مع جوز أم وخال قاسي، وهما لأ. تحت الجد: إحنا قولنا نقولها بالعقل، مش تضربها ضربة كف. حامد: مكانش قصدي والله أمد إيدي عليها. الجد: أعرف إن لو حصل حاجة مش هسامحك، أنت فاهم.

سعاد بخبث: شوفت عمل إيه لما أبوها ضربها، رغم إنها بت جليلة الربابة، مابالك صفاء يا حبة عيني اللي على طول ساكتة. ساعات كان يضربها ومكانش بيفتح خشمه واصل. اشمعنى دلوقتي؟ هنية: عاوزة إيه يا سعاد؟ سعاد وقد وصلت إلى ما تريد: وهعوز إيه؟ أنا خايفة عليكي بس. وتركتها، وتعلم أنها زرعت أولى بذور الحقد والكره في نفس هنية. حور نزلت. الجد بصدمة: إيه اللي عاملاه في نفسك ده يا بتي؟