رواية عشقتها منذ طفولتها الفصل الثالث والعشرون 23 - بقلم حبيبه سليم

بتكون رنا قاعدة مستنية فهد. الباب بيخبط، بتحسبه فهد فبتروح تفتح، بتنصدم إن فيه بنت لابسة لبس مبين أكتر ما مغطي. بتقولها باستغراب: "حضرتك مين؟ البنت بصتلها من فوق لتحت وقالت: "إنتي اللي مين وبتعملي إيه في بيت فهد حبيبي؟ رنا بصدمة: "حبيبك؟ وبعدها همست: "ده شكله يوم باين من أوله." قالت للبنت: "فهد حبيبك مين؟ يابنت إنتي وإنتي مين أصلًا؟ البنت: "فهد اللي عايش هنا وأنا ريم صديقة طفولته وحبيبته." رنا بفهم: "آه هو إنتي؟

إنتي رجعتي من السفر؟ ريم باستغراب: "إيش عرفك؟ رنا بسخرية: "بصي يحبيبتي، أنا عاوزاكي تمشي عشان أنا ماسكة نفسي بالعافية." ريم باستغراب: "ماسة نفسك؟ طب روحي الحمام." رنا بسخرية: "الحمام؟ ههه، شكلك مش بتفهمي لغتي. اتفضلي امشي من هنا." ريم: "مش همشي غير لما أشوف حبيبي." رنا مستحملتش ومسكت البنت من شعرها وقالت بعصبية وغيرة باينة في صوتها: "أنا قولتلك امشي بس إنتي مسمعتيش كلامي، وأنا بقي هوريكي إزاي تقولي على خطيبي حبيبي."

ريم بألم وصدمة: "إيه؟ خطيبي؟ رنا بعصبية: "أيوه خطيبي، وابعدي عني واتقي شر**ي، فهمتي؟ وكانت هتضربها في بطنها، لكن فهد جه واتصدم من المنظر اللي شافه. لقي رنا ماسكة واحدة من شعرها ومش باين وشها والبنت بتتألم. فهد باستغراب: "بنتي يارنا بتعملي إيه؟ رنا بعصبية: "إنت جيت؟ أمشي البنت دي من هنا، بدل وعزت جلال الله لهطلع روحها في إيدي." فهد بضحك: "يخربيت أهلك، سيبي شعر البت، هيطلع في إيدك." رنا سابت شعرها وريم رفعت راسها

وفهد شافها وانصدم وقالها: "إنتي؟ ريم بعصبية: "فهد مين البنت دي؟ رنا بعصبية: "هو إنتي مبتسمعيش؟ مش قولتلك خطيبته." فهد: "استني يارنا." وكمل وهو بيبص لريم: "إنتي إيه اللي رجعك؟ كنت مستريحة أكتر من غيرك." ريم بصدمة: "فهد إنت بتقول إيه؟ مش إنت بتحبني وإزاي تخطب بنت غيري؟ مش كنا أصدقاء؟ وقولتلي إنك أفضل صديقة ليك." فهد بسخرية: "بحبك؟

هه، ضحكتيني. وبعدين أنا كنت بعتبرك أختي مش أكتر، بس إنتي شكلك فهمتي غلطي وحسبتيني بحبك. لكن أحب أقولك إني محبتش غير رنا ومش هحب غيرها. وابعدي عني وانسيني. إنتي أصلًا مش بتحبيني، إنتي كنت بتحبي اهتمامي بيكي. ولو سمحتي خدي بعضك وامشي." ريم بدموع: "يعني إيه؟ يعني أنا مرتبطتش ولا اتجوزت عشان واحد خاطب وهيتجوز؟ يعني أنا ضيعت عمري استناك، وفي الآخر تطلع مبتحبنيش؟

فهد بعصبية: "أيوه، وإنتي اللي غلطانة عشان ظنيتي إني بحبك. مينفعشي تخمني وخلاص، لازم تتأكدي لأن دي حاجة مهمة. وبطلب منك تاني، اتفضلي امشي ومش عاوز أشوف وشك تاني." ريم بدموع: "همشي، بس هاجي تاني." رنا بعصبية: "تيجي إيه ياروح أمك؟ نفسي كده ألمحك قريب من بيت فهد، هخلص عليكي." ريم بصتلها ومشيت وهي بتعيط. فهد بضحك: "أحبك وإنتي جامدة كده." رنا بعصبية: "فهد متكلمنيش، أنا متعصبة."

فهد بدأ يقرب منها وهي بترجع لورا لحد ما اتخبطت في الحيطة. فهد بحب: "أنا آسف يارنا على أي حاجة حصلت مني." وحشة بنبرة فيها دموع: "أنا اللي آسفة على عدم ثقتي فيك، وكنت بحسبك زي رامي، بس إنت طلعت غيره تمامًا. أنا بجد آسفة على كل كلمة قولتها جرحتك، بس كان وقت عصبية. أنا لما اتخيلت إنك كنت بتهزر وبتلعب، كنت بتجنن. إنت مش عارف إني بحبك قد إيه؟

بس عشق اتكلمت معايا وفهمتني إنك كنت تعرف البنت دي قبلي وقررت أفاجئك، بس الزفتة دي جت وبوظت المفاجأة." فهد بحب: "وأنا مسامحك يروحي، مقدرش أزعل منك." وبعدها كمل بغمزة: "مين قال إن المفاجأة باظت؟ ولا باظت ولا حاجة. يلا نحتفل." رنا بتوتر: "يعني سامحتني من غير ما أعمل الحاجة اللي لازم أعملها عشان أسامحك؟ فهد باستغراب: "حاجة إيه دي؟ رنا بصدمة: "يعني إنت مقولتش لادهم يقولي الحاجة دي؟ فهد باستغراب: "قولت لادهم إيه؟ مش فاهم."

رنا بصدمة: "يعني إنت مقولتش لادهم حاجة؟ وبعدها وقفت وقالت بتوعد: "ماشي ي ادهم، والله لهوريك إزاي تعمل فيا كده." فهد باستغراب: "عمل فيكي إيه؟ رنا: "صحبك قالي إنك فضلت تعيط كتير خالص وقالي إنك مش هتسامحني." فهد بصدمة: "بقي ادهم يقولك كده؟ وبعدها كمل بضحك: "قالك كده عشان يخوفك عليا." رنا بضحك: "أنا بجد كنت مصدومة وخفت كده، وكنت هعيط." فهد قرب أكتر منها ومبقاش فاصل بين وشهم غير سنتيمتر. رنا بخجل: "فهد ابعد واحترم نفسك."

فهد باس خدها وبعد وقالها: "هحترم نفسي مؤقتًا." وبعدها بص للتورته وقال: "إنتي اللي عملتيه؟ رنا بفخر: "أيوه، عشان تعرف إني بعرف أطبخ." فهد: "شكلها يفتح النفس. يلا إحنا هندوقها." قاطع كلامهم دخول ادهم وعشق ومراد ومروان وندي وزهره وفريد وزينب. وبيطلع إن لما ادهم وعشق خلصوا شغل في المستشفى كلموا الجميع وقالولهم إن فهد عيد ميلاده النهارده وهما جم معاه عشان يحتفلوا معاه. وفهد ورنا بينصدموا من وجودهم.

ادهم بغمزة: "إيه رأيك في المفاجأة دي؟ فهد بصدمة: "إيه اللي جابكم؟ ندي بحب: "كنت عاوز تحتفل بعيد ميلادك لوحدك؟ فهد بصدمة: "مين اللي قالك؟ ادهم: "أنا قولتلهم على اللي حصل وعزمتهم على عيد ميلادك عشان نحتفل معاك، ولأنك كل سنة مش بتحتفل بيه، فلازم كلنا نبقى موجودين معاك لأنك جزء من عيلتنا ي فهد. وفي كل واحد ليك معزة عندو، وإنت عارف معزتك عندي متتوصفش." فهد بدموع فرح: "حد قالك قبل كده إني بحبك ي ادهم؟

ادهم حضنه بحب وقال: "وأنا بحبك وبعتبرك أخويا اللي من لحمي ودمي. كل سنة وإنت معانا يحبيبي." فهد بدموع فرح: "وإنت طيب ي غالـي." عشق: "كل سنة وإنت طيب ي فهد وعقبال مليون سنة." فهد: "وإنتي طيبة ي عشق." ندي بمرح: "كل سنة وإنت طيب يسطا." فهد بضحك: "وإنتي طيبة يسطا." ندي حضنته وقالت: "إنت عارف إني بعتبرك أخويا، يفهد وإنت من العيلة، صح؟ فهد باس رأسها وقال: "صح يحبيبتي." مراد بغيرة: "احم، ابتعد وبطل بوس ومتقوليهاش يحبيبتي."

فهد بضحك: "طب ابتعد ولا أبطل بوس ولا مقوليهاش يحبيبتي؟ مراد بغيرة: "التلاتة، اعمل التلاتة." فهد بعد وقال: "أهو استريحت يخوي." مراد بضحك: "جدًا." وبعدها قاله: "كل سنة وإنت طيب." فهد: "وإنت مش طيب يخوي." مراد بضحك: "أنا مش طيب، دا أنا ملاك." مروان بضحك: "بطل كذب ي مراد عشان الكذاب تأكله الذئاب." مراد بصاله بصه تخوف، ومروان قال: "ده إنت ملاك، ده إنت مفيش أطيب منك." مراد بضحك: "أيوه كده اتعدل."

زهره بحب: "كل سنة وإنت طيب يحبيبي." فهد باس راسها وقال: "وإنتي طيبة ي أمي، ربنا يخليكي لينا." فريد بحب: "كل سنة وإنت طيب ي بطل." فهد: "وإنت طيب ي حبيبـي." زينب: "كل سنة وإنت طيب ي ابني." فهد باس راسها: "وإنتي طيبة يامي." عشق بمرح: "مش يلا نطفي الشمع؟ أصل أنا جعانة أوي." فهد: "يلا، بس أوعي تخلصي التورته. أنا سمعت من ادهم إنك بتاكلي كتير." عشق بصدمة: "أنا ي ادهم؟ باكل كتير؟

ادهم همس لفهد: "الله يخربيتك، هتوديني في داهية." فهد بضحك وهمس: "البس ي معلم." ادهم بهمس: "شكرًا." وبعدها بيقول لعشق: "مستحيل، ده فهد بيكذب، مش صح؟ فهد بضحك: "صح." ادهم: "أيوه عشان تعرف." عشق: "امم، تمام." وبعدها بيقفوا فرح بعض، وفهد ورنا في النص وبيغنوا أغنية عيد الميلاد. وكان فهد هيطفي الشمع، بص لرنا، وقفته وقالت: "استني أطلب أمنية الأول." فهد: "حاضر." وبيتمنى فهد، وبعدها بيطفي الشمع.

ندي بمرح: "إحنا فضوليين أه، بس مش هنسألك على الأمنية." فهد بضحك: "عمومًا، أنا تمنيت إنكم تفضلوا جنبي كلكم، ومفيش حاجة تبعدنا عن بعض." ادهم بحب: "دي الصحوبية." وبعدها بيقطعوا التورته وبيأكلوا. وبعدها ادهم بيقول: "بما إن الكل هنا، عاوزين نحدد معاد الفرح." مراد: "أيوه، إنت معاك حق." فريد بتنهيدة: "أمري لله. كتب كتاب مراد وندي، وفهد ورنا بكرا، والفرح بعد 3 أيام." مراد راح حضنه وقال: "والله إنت بتفهم."

فهد: "أخيرًا هتجوز، الواحد مش مصدق." ادهم بضحك: "عليا أنا عادي جدًا." زهره باستغراب: "قصدك إيه ي ادهم؟ ادهم بغمزة لعشق: "قصدي إن خلاص حصل اللي كنت مستنيه بعد الفرح." كلهم بيبصوا لبعض بصدمة، وبعدها بصوا لعشق وادهم. ومراد قال: "وإنت قصدك إنك... ادهم هز راسه. فهد بضحك: "يبختك ياض ي ادهم، وإنت قاعد تقول بعد الفرح، بعد الفرح، وفي الآخر حصل قبل الفرح." ادهم بضحك: "بصراحة، مستحملتش." مراد بضحك: "طب اتلم واسكت أحسنلك."

ادهم بضحك: "احمم، حاضر." فريد: "إنت بتتكلم جدًا ي ادهم." ادهم: "أيوه يحج، هكون بـهزر ليه؟ فريد: "يعني إنتو تممتوا جوازكوا؟ ادهم بضحك: "احمم، أيوه." الكل بيباركلهوم، وعشق مكسوفة. مراد: "احم، يحج هاخد أنا البت ندي ونخرج." فريد: "تمام." مراد بضحك: "بسهولة دي؟ فريد بضحك: "عاوزني أرفض؟ خلاص مش هتخرجوا." مراد: "إيه؟ إنت بتاخد الكلمة وبتصدق؟ هروح يلا، عن إذنكم." وبيأخد ندي وبيـمـشـوا. فهد: "وأنا ياحماتي، هاخد رنا ونخرج."

زينب: "ماشي، بس متتأخروش عن الساعة 12." فهد: "عنيا." وبياخد رنا. ادهم: "مش محتاج أستأذن، أنا دي مراتي وهاخدها براحتي." فريد بضحك: "هه، بتستغل الفرصة." ادهم بضحك: "سلاموز يحج." وبيأخد عشق وبيمشي. زينب: "طب همشي أنا بقي." زهره: "استني ي زينب، تعالي نوصلك معانا." زينب: "مش عاوزة أتعبكم." فريد: "ولا تعب ولا حاجة ي أم رنا، يلا هنوصلك في طريقنا." زينب: "أمري لله."

وبياخدوها وبيفضلوا طول الطريق يتكلموا كلام ستات بقي اللي الستات بتتكلم فيه، عارفينه والله منا عارفاه 😂😂😂. بيوصلوا زينب، وبعدها بيمشوا يكملوا طريقهم. 🌹🌹🌹🌹🌹🌹🌹🌹🌹 نروح الأول عند مراد وندي. بيكونوا في عربية مراد. ندي: "هنروح فين؟ مراد: "إنتي عاوزة تروحي فين؟ ندي بطفولية: "عاوزة أروح الملاهي." مراد بضحك: "هتتجوزي طفلة؟ يلا يستي." بيروحوا الملاهي وبينزلوا. مراد: "ها، هتركبي إيه؟ ندي بتفكير: "اممم، هركب قطار الموت."

مراد بصدمة: "بس ده يخوف." ندي بخبث: "إيه؟ إنت خايف؟ مراد بتوتر: "خايف إيه؟ ولا حاجة." ندي: "طب اثبت ده ويلا نركب." مراد بلع ريقه وقالها: "يلا." وبيركبوا القطر، وأول ما بيتحرك صوت بيملأ المكان كله نتيجة صراخ مراد من الخوف. ندي بضحك: "اسكت هتفضحنا." مراد بصراخ: "عاوز أنزل ي ناس ي عالم الحقوني." ندي بضحك: "قرب يقف أهو، اهدي واسكت."

مراد بصراخ: "عاوز أنزل، هموت وأنا لسه في عز شبابي. أكيد حد داعي عليا. ااااااااااه ي ناس هموت." ندي بضحك: "خلاص هيقف أهو، اهدي." القطر بيقف ومراد بينزل بسرعة وبيروح ورا شجرة. ندي بتروح وراه وبتقوله بخوف: "مالك ي مراد؟ مراد بتعب: "آه بطني، مش قادر." ندي بخوف: "طب إنت ليه ركبتوه طالما عارف هيحصلك كده؟ مراد بتعب: "مردتش أزعلك." ندي بخوف: "المهم إنت."

مراد قام وقالها: "متخافيش، بيحصلي كده لما بركب البتاع اللي بيتكسر بناس اللي فيه. إنتي اللي خلتيني كده." ندي بضحك: "هههههه، خلاص مش هنركبه تاني." بعدها بيركبوا كل الألعاب، وندي بتكون مبسوطة، ومراد مبسوط لفرحتها. بيخلصوا وبيركبوا العربية. مراد: "ها، هتروحي فين تاني؟ ندي: "اممم، عاوزة أكل. نروح المطعم." مراد: "حاضر." بيسوق وبيروحوا المطعم وبينزلوا وبـيـقـعـدوا على ترابيزة فالجنب. مراد: "هتطلبي إيه ي ستي؟

ندي: "اطلب انت، مش عارفهم." مراد: "حاضر." وبيطلب وجبة. ندي: "مراد." مراد: "عيون مراد." ندي بحب: "بحبك." مراد بضحك: "اسكتي اللي يرضي عنك، أنا ماسك نفسي لحد الفرح بالعافية." ندي بضحك باست خدها وقالت: "لا مش هسكت." مراد بضحك: "ندي بجد اسكتي، والله هـرزعك بوسة، هنتمسك آداب." ندي بضحك: "وعلى إيه، هسكت أحسن." بيجي الأكل. مراد بيمسك حتة وبيقولها: "افتحي بوقك، هاكلك." ندي بخجل: "الناس هتتفرج."

مراد: "اللي يتفرج يتفرج، إحنا مالنا. يلا كلي." بتفتح بوقها وبياكلها. وبعد شوية. ندي: "خلاص شبعت." مراد: "الحمد لله." ندي: "يلا نروح بقي، أتأخرنا." مراد: "ما كله بسبب الألعاب اللي لعبناها، بقي مراد المنياوي يروح يتمرجح." ندي: "فيها إيه يعني؟ استمتع شوية." مراد بحب: "بجد يعني، كان يوم جميل عشان قضيته معاكي." ندي بضحك: "وأنا بجد فرحت جدًا، أول مرة أفرح كده بعد 10 سنين." مراد

مسك إيدها وباسها وقالها: "وأوعدك الأيام الجاية كلها فرحة ومش هخلي ولا دمعة تنزل منك." ندي بحب: "طول ما إنت جنبي، هبقى مبسوطة." مراد بضحك: "يلا نمشي أحسن ما أتهور." ندي: "يلا." وبيمسك إيدها وبيطلعوا برا المطعم. مراد: "استني هنا، هروح أجيب العربية، أصل ركنتها هناك." ندي: "تمام، بس متتأخريش." مراد: "حاضر." بيروح يجيب العربية وبيندهالها تيجي. وهي بتمشي وهي بصاله ومبصتش على الطريق. فجأة

مراد بيصرخ بصدمة وخوف: "ندي، خدي بالك! ندي بتبص على العربية وكانت هتبعد، ولكن لا حياة لمن تنادي. العربية خبطتها وندي وقعت غرقانة في دم**ها. مراد بيشوف ده وبينصدم، ودموعه بتنزل. بيروح بسرعة وبيقولها: "ندي، فوقي. ندي، فوقي. مش هقدر على فراقك ي ندي. قومي لو بتحبيني، يلا بقي قومي خلينا نروح. يوه بقي ي ندي قومي."

بينصدم إن الدم بيزيد. بيشيلها بسرعة وبيركبها العربية وبيسوق بأقصى سرعة، ودموعه مش مفارقة عينه، وكان هيعمل أكتر من حادثة. بيوصل مستشفى ادهم، بيدخل وبينده على دكتور. بييجي الدكتور صاحب ادهم وبياخدها وبيخشوا أوضة العمليات. بس قبل ما الدكتور يخش، مراد مسكه من تلابيب قميصه وقاله بعصبية وبكاء: "عارف لو حصلها حاجة، لهخليك تحفر قبرك بايدك." الدكتور بخوف: "حاضر ي أستاذ، سبني أدخل."

مراد بيسبه، بيقعد ودموعه بتنزل أكتر. بيتصل بادهم ووو. 🌹🌹🌹🌹🌹🌹 عند رنا وفهد. بيروحوا المركب بتاع فهد اللي راحوه قبل كده، بيخشوا يقعدوا. رنا: "فهد." فهد: "امم." رنا: "هقولك حاجة." فهد: "سمعك." رنا: "إنت تعرف إن عندي أخت توأم؟ فهد بصدمة: "نعم؟ أخت مين دي؟ رنا: "هي مش هنا، هي مسافرة أمريكا بتتعلم هناك." فهد بصدمة: "يعني إنتي عندك أخت ومتعرفنيش عليها؟ رنا بغيرة: "وأعرفك عليها ليه؟ فهد بضحك: "يخربيت أم غيرتك دي!

بقولك، متقوليليش يعني إن عندك أخت واسمها إيه بقا؟ رنا: "هنا." فهد: "رنا وهنا؟ طب وهي شكلها زيك؟ رنا: "لا، لو بصتلنا هتقول إننا مش توأم. هي قصيرة وأنا طويلة، تحس إن أنا أكبر منها." فهد بضحك: "امم، توأم غير متطابق." رنا: "امم، بالظبط." فهد: "طب إيه رأيك نوقف الكلام عن أختك ونقوم نرقص؟ رنا: "موافقة." فهد بيروح يشغل أغنية رومانسية هادية وبيروح يمسكها من خصرها، وبيرقصوا مع بعض في حب وهدوء. عند عشق وادهم.

بيروحوا عند البحر. عشق: "ادهم." ادهم بحب: "قلب ادهم من جوه." عشق بطفولية: "عايزة آيس كريم." ادهم بضحك: "بس كده؟ الأميرة تطلب وأنا أنفذ." كان هيمشي، بس عشق مسكت إيده وقالت: "بطعم الشيكولاتة." ادهم بضحك: "حاضر ياست الكل." بيروح يجبلها آيس كريم. أما هي بتكون قاعدة، وفي شاب جه قعد جنبها وقالها بإعجاب: "هو القمر قاعد لوحده ليه؟ عشق بخوف: "إنت مين وعاوز إيه؟ الشاب: "عاوزك إنت ي قمر. إيه رأيك نقضي ليلة مع بعض؟

عشق ضربته بالقلم وقالت: "ي سافل ي حيوا**ن، إنت مفكرني من صحابك الوسخ**ين دول؟ الشاب بعصبية: "بقي أنا حيوا**ن؟ طب هوريك الحيوا**ن هيعمل فيكي إيه؟ وبيبدأ يشدها، ولسه هيضربها، لقي إيد من حديد بتمنعه. بيبص للشخص، بيلاقيه بيبصله بعصبية وغضب وغيره، وعيونه حمرا وعروق رقبته باينة. بيقوله: "إنت إزاي تمسك إيدي كده؟ ادهم بغضب جحيمي وغيره: "بقي إنت ي كل**ب ي حقير تلمس مراتي؟ ده أنا هوريك مين ادهم الدمنهوري."

لما الشاب نطق حتى وجد لكمات توجه إلى وجهه بدون رحمة حتى كان أن يموت. ادهم فضل يشتم فيه شتايم لأ مؤاخذة يعني مش هقولها 😂😂😂😂😂😂. عشق بدموع: "خلاص ي ادهم، هيموت في إيدك." ادهم بغضب وعيون حمرا: "خايفة عليه؟ عشق بدموع: "خايفة عليك إنت، هتودي نفسك في داهية عشان واحد ميسواش." ادهم بيسيبه وبيقول: "وعزت جلال الله، لو لمحتك تاني، لهطلع روحك في إيدي. فاهم؟ الشاب بتعب ومش عارف يقوم: "فاهم، بس أرجوك سبني."

ادهم بيبصله بغضب وبيمسك إيد عشق وبيمشيها وراه. عشق كانت خايفة من عصبيته لأنها جربتها مرة. ادهم وقف وعشق كانت هتتكلم بخوف، بس ادهم حضنها وضـمـهـا ليه جامد. كان خايف عليها جدًا. ادهم بخوف: "عملك حاجة الكل**ب ده؟ لمسك؟ انطق." عشق بخوف ودموع: "لا، إنت جيت في الوقت المناسب." ادهم بارتياح: "الحمد لله." عشق بخوف دفنت وشها في صدره وقالت: "كنت خايفة أوي ي ادهم، كنت خايفة يعمل فيا حاجة." ادهم

دفن وشه في عنقها وقال: "متخافيش، طول ما أنا جنبك، إنت النفس اللي بتنفسه، ومقدرش أعيش من غيره." عشق بدموع: "أنا بحبك أوي ي ادهم." ادهم بحب: "وأنا بموت فيكي ي روح ادهم." بيرن تليفون ادهم، بيلاقيه مراد. ادهم باستغراب: "بيتصل ليه ده؟ مش خارج هو كمان؟ عشق: "رد، شوفه يمكن حاجة مهمة." بيرد ادهم. ادهم: "الوو ي مراد." مراد ببكاء ووجع: "الحق ي ادهم." ادهم بخضة: "مالك ي مراد؟ بتعيط ليه؟

مراد بعياط أكتر: "سامحني ي صاحبي، مقدرش أحمي ندي." ادهم بدموع: "بتقول كده ليه؟ وندي حصلها إيه؟ مراد بعياط: "ندي ي ادهم، عملت حادثة، وهي في أوضة العمليات." ادهم بينصدم، أخته اللي بيعتبرها كل شيء في العمليات. التليفون بيقع من إيد ادهم بصدمة، ودموعه نزلت لوحدها من غير ما يحس. عشق بخوف ودموع: "ادهم، مالها ندي؟ ادهم بعياط: "ندي، ندي ي عشق، عملت حادثة." عشق بصدمة وبكاء: "إيه؟ إيه اللي إنت بتقوله ده؟

ادهم بعياط: "مش وقته، يلا بسرعة على المستشفى." عشق ببكاء: "يلا." بيركبوا العربية وبيسوق بسرعة، وهما الاتنين بيعيطوا. وبيوصلوا المستشفى وبيخشوا وبيجروا على مراد. أول ما بيشوفوه بيعيطوا. ادهم بعياط: "أختي فين ي مراد؟ مراد بعياط: "أنا آسف ي ادهم، أنا مقدرتش أحمي ندي." ادهم بعياط: "انطق، فين أختي؟ مراد: "جوه." ادهم بيخش بسرعة وبيصدم إن أخته، الدكتور بيحاول يوقف النز**يف. الدكتور بصدمة: "ي ادهم، مينفعشي كده، لازم تخرج."

ادهم بعصبية وبكاء: "اسكت ي حسام، دي أختي." حسام بصدمة: "إيه؟ أختك؟ ادهم وهو بيلبس الجوانتي بيقوله: "أيوه أختي، ومفيش حد هيعالجها غيري." وبيروح يوقف النز**يف وهو بيبكي وهو شايف أخته كده. برا عند مراد وعشق. عشق بتاخد مراد في حضنها وبتقوله: "متقلقش، أكيد هتبقى بخير." مراد بعياط: "أنا مقدرش أعيش من غيرها ي عشق، كنت بتمنى أشوفها بفارغ الصبر ومش عارف أعيش حياتي، والدنيا عاوزة تفرقنا."

عشق بعياط: "متـقـولـش كده، أكيد هتبقى بخير." مراد بعياط: "يا رب." بيقعدوا على الكرسي قلقانين ودموعهم بتنزل. بيمر ساعتين. بيطلع ادهم وهو باين عليه الحزن، ودموعه لسه بتنزل. مراد وعشق بيجروا عليه. مراد بعياط: "ارجوك ي ادهم، قول إنها بخير." عشق بعياط: "لو بتحبني، قول إنها بخير." ادهم ببكاء وحزن: " مراد وعشق ببكاء: "اااااااييه." يتبع...