رواية عشقتك رغم غرورك الفصل العشرون 20 - بقلم هدى محمد ياقوت

داليا لما شافت أمير المغرور الوسيم واقف قدامها وفاتح علبة وفيها خاتم وبيطلب منها الزواج، قلبها نبضاته زادت مرة واحدة وعينيها دمعت وقالت له: موافقة.. موافقة. وقالت هذه الكلمة وهي تبكي وتبتسم في نفس الوقت. أمير قبل يديها ووضع الخاتم ووقف وضمها وقال لها:

داليا أنا معتش قادر أستغني عنك، داليا صدقيني أيامي الجاية كلها هتكون اهتمامي بيكي بس أنا عارف أنتي قد إيه اتظلمتي كتير في حياتك وعمرك ما حبيتي حد قبلي، أنا من النهاردة أهلك وصديقك وحبيبك وخطيبك وكلها أيام وأكون زوجك بوعدك عمري ما هجرحك أبداً أو أخليكي تبكي أو أخسرك وهنفذ لك كل طلباتك. داليا من كلامه بكت وقالت له: أمير أنا بجد بحبك قوي وموافقة أتجوزك بس شرط واحد. قال لها: أي هو الشرط ده وأنا هنفذه؟ قالت له:

أكلم أمك وأخليها توافق، أمير أنا مكنتش حاضرة يوم ما مشت وأنا متأكدة أنها مشت عشان وجودي في حياتك، صدقيني أنا مش زعلانة لأني لو أنا مكانها وعندي ابن وسيم زيك كده عين خضراء وشعر بني وبشرة بيضة وجسم معضل وابتسامة بغمازة تهبل أكيد مش هوافق على واحدة كانت متجوزة وأهلها باعوها وكانت مخطوفة هتمرمطك، بس أنا متأكدة لو اتكلمت معاها هرضيها وهيا هتوافق، ماشي. قال لها:

داليا متقوليش كده، أنتي اتغصبتي على الجوازة وبعدين أنتي قمر برضه يعني شعرك الحرير مثلاً أو عينك العسلي دي تجنن ولا جسمك المتقسم أو شفايفك الوردي دي، داليا أنتي لو بنتي مكنتش هوافق أديكي غير لواحدة زيها أو لابنه لأنك غالية جداً جداً، وبعدين فكك من موضوع أمي ده أنا هبقى أكلمها أنا عارف لو أنتي كلمتيها هتضايقك بالكلام وأنا مقدرش أستحمل حد يضايقك. قالت له:

أمير خليني بس أكلمها، هاتلي رقمها وأنا والله مش هضايقها وحياتي توافق وتجيب الرقم بقا. أمير: أهو الرقم بس بلاش تكلميها النهارده خلينا نستمتع بيومنا ونتعشا وتروحي تنامي وترتاحي وبكرة الصبح أبقى كلميها براحتك ماشي. داليا: ماشي. وبعدين اتعشينا واتكلمنا وضحكنا وكانت كل حاجة حلوة جداً وكنا سعداء جداً، وأمير وصلني البيت وأنا نمت. وتاني يوم صحيت وأخذت شاور وفطرت واتصلت على أم أمير. داليا:

الوو أنا داليا حبيبة أمير، علشان خاطري أنا عاوزاكي تعتبريني بنتك لو مرة واحدة بس وتسمعيني للآخر حتى لو مش عاوزة تكلميني ممكن. فاطمة هانم أم أمير: تمام اتفضلي قولي اللي عندك أنا سامعاكي. داليا:

أنا عارفة إنك رافضاني لأمير بس أنا عذراكي عشان أنا كذبت عليكي الأول، بس والله العظيم أنا مكنتش موافقة خالص وقلت لأمير ليه أنت كذبت عليها، كنت قايلالها الحقيقة قولي يا تكملي اللعبة معايا يا تروحي مطرح ما جيتي وأنا كنت خايفة، أنا يا طنط أمي ماتت من وأنا طفلة واتربيت مع أب معندوش قلب وبيشرب وبيلعب قمار وكمان باعني لراجل عجوز واتجوزتله أول ما تميت الـ 18 سنة وعلشان رفضته كان بيعذب فيا وبيبهدلني، أنا مصدقت إن أمير حماني،

أقسم بالله مكنتش أعرف أمير ولا أمواله قد إيه ولا كنت نصابة وطمعانة فيه، أنا بس حبيته عشان حنين عليا احتواني حسسني بالحرية وبالأمان واداني الحب والاهتمام وكمان والله العظيم حبيتك جداً واعتبرتك أمي، أنا آسفة عشان بدأت بداية غلط وبتمنى تسامحيني.

فاطمة هانم: أنا آسفة يا بنتي، أنا والله قلبي طيب بس كان نفسي تكوني صريحة معايا من الأول، بس سامحيني على اللي عملته فيكي وأنتي مليكيش ذنب في حاجة. داليا: أنا مسامحاكي عشان عذراكي وأنا بحبك أوي وبحب أمير أوي، ولو عاوزاني أبعد عنه قوليلى أبعدي ومعتيش هتلاقيني تاني. فاطمة هانم: سبيني يا بنتي أفكر في الموضوع. وبعدين قفلت وذهبت الشركة لأمير. "أنا كلمت ولدتك." تليفون أمير رن، ولدته المتصل. داليا قالت له:

افتح الإسبيكر لو سمحت. أمير فتح وقال لها: الوو أي يا أمي أخبارك إيه. فاطمة هانم: أنا بخير يا ابني، بقولك إيه أنت بتحب داليا بجد. أمير: بحبها أوي يا أمي. فاطمة هانم: خلاص ماشي، أنا جايه في طيارة 9 الصبح وإن شاء الله فرحكم الجمعة الجاية وأنا حضرت كل حاجة بتليفون واحد، اختاروا الفستان والبدلة بس. أمير: إيه يا أمي أنتي على طول سريعة كده. فاطمة هانم: بلاش كتر كلام ونفذ اللي قلتلك عليه، سلام.

أنا وأمير فرحنا جداً وذهبنا اخترنا الفستان والبدلة ووالدته جت وحضرنا التجهيزات ومرت الأيام وكنت أجمل عروسة بالفستان الأبيض عروسة حقيقية مش مزيفة والفرح كان حلو جداً وأم أمير جت وحضنتنا. فاطمة هانم: مبروك يا عرسان وشهر العسل في باريس ودي التذاكر، يله تعالوا المأذون مستنيكم بقاله كتير.

ذهبنا كتبنا الكتاب وعملنا زفة لحد المطار وسافرنا وكان أجمل يوم في حياتي وقضينا أجمل شهر عسل في التاريخ ولفينا فيه باريس كلها وبعدها رجعنا القاهرة، وأنا من شغلي اللي فات كنت مبلغ كويس اشتريت بيهم أسهم في شركة أمير وبقيت مديرة معاه، وأم أمير بقى بتعشق السفر يعني يوم في القاهرة ولف برا مصر وحياتي بقت جميلة جداً شغلي وبيتي وزوجي حبيب قلبي اللي دايماً بيعتبرني ملكة مش بس زوجته وحياتنا بقت مليئة بالفرح والسعادة. ***

(بعد مرور خمس سنوات) أنا صحيت الصبح بدري فوقت أمير من النوم عشان الشركة ودخلت أخذت دوش وطلعت لبست ووضعت مكياج. أمير ضمني وقال لي: مفوقتيش إلينا من النوم عشان الحضانه. قلت له: بنتك مغرورة زيك مش بتحب حد يدخل غرفتها ولا يلمس حاجتها، هي عاملة منبه لنفسها وبتعمل كل حاجة لنفسها، يله عشان نروح الشغل والدادة معاها أهي.

نيجي بقى لمواصفات إلينا بنوتة شقية عندها 4 سنوات وهي في حضانة خاصة وأخدت شوية صفات مني على صفات من أبوها يعني مثلاً شعرها وبشرتها وشفايفها أمها اللي هي داليا جمال أنا يعني وبقا غمزاتها وعنيها ورموشها الطويلة وغرورها وتكبرها أبوها اللي هو أمير الجوهري ودي حكايتنا أنا وأمير بعد معاناة بقينا لبعض وبقينا سعداء. الحياة كده تحسها في الأول واقفة ضدك وبعدين تعوضك، بتمنالكم حياة سعيدة زينا، سلام.