رواية عشقتك رغم غرورك الفصل الحادي عشر 11 - بقلم هدى محمد ياقوت

نظرت لأمير وقلت له: _لا دي مصيبة. هنعمل إيه؟ : ولا مصيبة ولا حاجة. عادي هنروح نعمل شهادة ميلاد وبطاقة ليكي مزورة. تمام؟ وبعدين نتجوز بشهادة الميلاد المزورة. يعني هتكون جوازة زور. _والله العظيم شكلي هتحبس بسبب حضرتك. : يابنتي أنا أمير الجوهري. أعمل أي حاجة عادي. وبعدين اطمني. لو اتحبستي هجبلك عيش وحلاوة. _نعم؟ : أي بهزر معاكي. وبعدين اللي مع أمير الجوهري يعني في أمان. اطمني متقلقيش.

_تمام. بس اللي حصل من شوية ده يا ريت ميحصلش تاني. : اللي حصل من شوية ده بسبب غبائك مش بسببي. قلتلك هاتي المنشفة وغمضي عينك علشان أخرج. وإنتي نافذتي من غير ما تفكري إني لابس مايوه. يعني أخرج عادي من غير ما تغمضي. قال كده وهو يبتسم. _مهو أنا صدقتك. مكنتش أعرف إنك هتخليني أعمل كده. وبعدين ترميني في حمام السباحة وأنا مش بعرف أسبح. خلاص متفكرنيش باللي حصل. وخلينا نشوف موضوع الأوراق ده.

: تمام. بعد الغداء هروح أنا وأتصرف. وإنتي مش لازم تيجي معايا. بس على فكرة مرات أمير الجوهري لازم تكون بتعرف تسبح. اعملي حسابك إني هعلمك السباحة. تمام؟ _بس أنا بخاف. لا لا مش موافقة. : مفيش حاجة اسمها لا. شكلك نسيتي إن أمير الجوهري ميتقالهوش لا. يتقاله مفهوم وبس. ها. قال كده وهو بيقرب مني. أنا رجعت ومن خوفي منه قلت: _تمام. موافقة. بعد عني وقال لي: برافو عليكي.

وبعدها سابني ومشى. أنا دخلت غرفتي وجبت روايتي المفضلة وقرأت فيها. وأنا قاعدة في الجنينة وأمير بيعمل رياضة أمامي. ومر الوقت واتغدينا. وأمير راح كلم اللي هيعمل الورق وأداله فلوس. والورق هييجي كمان يومين. أمير أجا وقال لي: بقولك إيه. تعالي نتكلم فوق علشان عاوزك في موضوع مهم. وبعدها طلعنا غرفته. وهوا قفل الباب وقال لي:

بصي بقا. أنا روحت كلمت واحد معرفة قديمة. يعني هيعرف يضرب شهادة الميلاد زي اللي طالعة من السجل المدني بالظبط. وهيصورها. وإنتي هتخدي صورة الشهادة وتروحي تطلعي بطاقة شخصية. وفي واحد صاحبي هناك هيقبلك وهيخلصهالك في يوم واحد. ومتقلقيش. هوا هيعرفك أول ما تروحي. ومفيش حد هيعرف إنها مزورة. تمام؟ كمان يومين هجبلك الورق. وإنتي تروحي على طول ونخلص حوار البطاقة ده. تمام؟ _تمام. ربنا يستر.

: هيستر إن شاء الله. متقلقيش. اطلعي بقا من غرفتي علشان هنتفهم غلط. _تمام. سلام. وبعدها خرجت ونزلت أكمل قراءة الرواية. وعدت الأيام وإجا اليوم اللي هروح أعمل البطاقة فيه. خرجت من الشركة والسواق وصلني على المكان. ومليت الاستمارة زي ما أمير قال لي. وبعدها سلمت الورق للشخص اللي قال عليه أمير. ودخلت اتصورت. وبعدها خلصت وروحت الشركة.

كنت تقريباً أول مرة أعمل حاجة لوحدي أو أروح مكان لوحدي. بجد سنين كتيرة من عمري راحت وأنا محبوسة بين أربع جدران وتعذيب دائم. أنا كل ما أفكر بس مجرد تفكير. بجد بترعب إني أتكشف وأرجع لعذاب تاني. على قد ما أنا خايفة من الجواز من أمير. قد ما أنا فرحانة إني هتجوزه. هكون مرات شخص بحترام وجمال أمير وعنده رحمة ووقار. حتى إني عارفة إنه زواج مزيف وإنه مش بيحبني. ولما أمه تسافر هتنتهي اللعبة. بس فرحانة جداً لأنه بحبه جداً.

فقت من أفكاري دي على صوت خبط على باب المكتب. قلت: اتفضل. ادخل. دخلت وكانت المساعدة بتاعتي. قالت لي: آنسة فاطمة. أمير بيه عاوز حضرتك في المكتب. قلت لها: تمام. وبعدها روحت مكتب أمير بيه. استأذنت وبعدها دخلت. أمير بيه قال لي: إيه يا فاطمة. لما جيتي مدخلتيش عندي ليه؟ وعرفتيني عملتي إيه؟

_أصل الراجل اللي تبعك قال لي ممكن تمشي عادي وأنا هكلم أمير بيه. ففكرت إنه عرفك. على العموم البطاقة هتيجي بكرة. تروح تجبها إنت ولا أروح أنا؟ : أروح إيه؟ هما هيبعتوها هنا على الشركة. المهم. معدش غير 3 أيام على الفرح. أنا هبعت معاكي بنات يفرجوكي على أحدث موديلات الفساتين. وإنتي اختاري واحد. ولو مفيش حاجة عجبتك من التصاميم بتاعتنا. ممكن تروحي تتفرجي في أماكن بره عادي.

_أكيد هيعجبني شغل شركتك. يعني من اسمها باين إن شغلها جامد. شركة Start International. : تمام. روحي اختاري. وأنا هبقى اختار بدلة. وبعدين هبعتهم البيت. _تمام. بس بلاش تشوف الفستان قبل الفرح. لإنوا فأل وحش. : إنتي صدقتي إننا هنتجوز بجد؟ ده جواز مزيف. وبعدين اختاري فستان شيك جداً. لأن أمي عزمت ناس كبار. كلهم جيين علشان يشوفوا مين هتكون مرات أمير الجوهري. مفهوم؟ _مفهوم يا أمير بيه. وبعدها خرجت علشان أختار الفستان.

في القاهرة وتحديداً في منزل أمير الجوهري. أم أمير الجوهري تتحدث في الهاتف: أي ياحبيبتي. أهلاً. أخبارك إيه؟ ها عملتي إيه في الموضوع اللي قلتلك عليه؟ عاوزة تعرفي اسمها بالكامل؟ هي اسمها فاطمة محمد سلمان. أيوه يا حبيبتي متأكدة. أصل شهادة الميلاد بتاعتها جت لها إمبارح من فرنسا. أهلها اعتذروا إنهم مش هيعرفوا يجوا الفرح. وبعتوا شهادة الميلاد بتاعتها. خلاص تمام. لما تخلصي هقابلك في نفس الكافيه وتحكي لي. تمام؟ يلا سلام.

وقفتلت الهاتف. وأنا خلصت شغل وروحت البيت. لقيت أم أمير وقالت لي: أنا جهزت كل حاجة. والفستان والبدلة اختهم. عنتهم. واتفقت مع ميكب ارتست هتيجي تعملك المكياج في البيت. ولما أمير يجي عرفيه إني راحة أقابل واحد صحبتي وأتعشى. إنتوا متستنونيش. لإن هتعشى بره. سلام ياحبيبتي. وبعدها خرجت. في كافيه ميلانو في القاهرة. فاطمة هانم قاعدة مع بسمة صديقتها وتقول لها: أهلاً يا بسمة. وحشتيني. ها في أخبار حلوة ولا إيه؟

• أيوه. أنا روحت السجل المدني وسألت على البنت دي. ولاكن اسمها مش موجود في السجل المدني نهائي. _يعني إيه مش موجود؟ أنا شفت الورق بعيني. • يا فاطمة يا حبيبتي. البنت دي بتضحك عليكم. وكل الورق ده مزيف. دي بنت نصابة.