رواية عشقتك ياغرامي الفصل الخامس 5 - بقلم رنا سعيد

حمدي: أنا طلب إيد بنتك غرام لـ مراد ابني. أحمد بصدمة وقام وقف: إنت بتقول إيه؟ حمدي بابتسامة: بقولك طلب إيد بنتك لـ مراد ابني. أحمد وقعد مكانه تاني: تمام، بس إنت عارف ظروف بنتي الخاصة؟ وإنها لسه بتتعالج. حمدي بابتسامة: عارف. أحمد: بس؟ حمدي: بس إيه؟ أحمد: مراد ابنك موافق؟ حمدي بابتسامة: أيوه، هو هيلاقي عروسة في جمال وأخلاق بنتك كده. أحمد ساكت وبيفكر. حمدي: قولت إيه؟ أحمد: قولت لا إله إلا الله.

حمدي بابتسامة: محمد رسول الله، ننادي العيال ونقرأ فاتحة بقى. أحمد برفض: لأ لأ، أشوف بنتي الأول ويبقى أرد عليك. حمدي: ماشي. في مكان آخر. غرام: مراد، كنت بكلم مين؟ مراد: كنت بكلم حبيبتي نهى. غرام بزعل طفولي: هو إنت عندك حبيبة غيري أنا؟ مراد بابتسامة هيام: أيوه، دي حبيبتي وصحبتي، وإن شاء الله هتبقى مراتي وكل حاجة في حياتي. غرام: يعني إيه مراتك؟ مراد: يعني... يعني زي أبوكي ما كان مجوز أمك كده. غرام بحزن: ماما، أنا...

أومال فين ماما؟ مراد: عند ربنا. غرام: وأنا كمان عايزة أروح عند ربنا عشان أشوف ماما. مراد في سره: يارب. مراد: أنا هدخل أغير هدومي بقى عشان أنزل أسلم على أبوكي. غرام: طب أنا هدخل جوه معاك أستناك لما تغير وننزل سوا. مراد بنفخ بضيق: لا، انزلي إنتِ وأنا هنزل وراكي. غرام برفض وبتهز في دماغها: لأ لأ، هدخل معاك. مراد بهدوء جحيم وماسك خدها: يلا خليكي شاطرة واسمعي الكلام وانزلي يلا. غرام بزعل: ماشي.

ومراد داخل الأوضة وغرام ماشية في الطرقة ونازلة. مراد بنفخ بضيق وبيقلع التيشيرت: أوف، وأخيراً خلصت منها. ونزلت، مش عارف أستحمل دي إزاي لما نتجوز. وفجأة الباب اتفتح. مراد ولف وشه يشوف مين اللي فتح الباب. مراد بذهول: *************