رواية عشقتك ياغرامي الفصل الرابع 4 - بقلم رنا سعيد

مراد بص وراه لمصدر الصوت، وكان عارف كويس هو مين. مراد بص بضيق وبقرف والتفت تاني قدامه ومشي. ولسه هيفتح باب الأوضة بتاعته، بس شخص جاء ومسك إيده. مراد وبص وراه. وفجأة عينه اتقابلت مع بنت جميلة جداً، ذات عيون زرقاء وشعر أسود ناعم وطويل، وذات جسد متناسق ورشيق، وقصيرة القامة، وتبلغ من العمر 22 عامًا. البنت برقة: مراد. مراد بنفخ بضيق: نعم يا غرام. غرام بزعل طفولي: أنا زعلانة منك. مراد وبص في عينها بضع من الوقت. غرام: مراد.

مراد وفاق على صوته. مراد بحنان: نعم يا قلب مراد. غرام بزعل: بقولك أنا زعلانة منك. مراد بحنان: غرامي أنا زعلانة مني أنا. غرام بزعل أكثر وبدموع: أيوه. مراد بحزن ومد إيده يمسح دموعها: أنا زعلت غرامي حبيبتي، في إيه؟ غرام وبتلعب في شعر عروستها: يعني أنت مش عارف. مراد بابتسامة: تؤ تؤ مش عارف، وعايز أعرف منك أنتِ بقا. غرام برقة وبزعل: عشان أنت مجتش النهارده عندنا وملعبتش معايا بعروستي.

مراد بضحكة: ده السبب، ده اللي مخلي حبيبتي زعلانة كده. غرام وبتهز في دماغها: أيوه. مراد: طب إيه اللي يرضي حبيبتي عشان تصالحني؟ غرام: تودني الملاهي دلوقتي ونشتري آيس كريم وذرة وشيبس وشوكولاتة وبيبسي ونجيب لعب كتيررررر أوي أوي. مراد بتعب: بس أنا مش قادر أروح في حتة دلوقتي. غرام: ليه، هو أنت تعبان؟ مراد بتعب: أيوه. غرام بخوف: طب أقول لعمو يوديك عند الدكتور يديك حقنة عشان تخف. مراد بضحكة: ههههههههه، عسل يا غرامي وربنا.

غرام: طب ما أنت كويس أهو وبتضحك، يلا نروح بقا. مراد: والله ما قادر يا غرامي، بكرة إن شاء الله هيوديكي. غرام برفض: لا، أنا عايزة أروح النهارده. مراد وفجأة تليفونه رن. مراد وفتح الخط. مراد: الو. في مكان آخر. : منور يا أحمد يا أخويا. أحمد: بنورك يا حمدي، إيه مراد فين كده، مش باين من ساعة ما جيت. حمدي: مراد طلع أوضته يجيب حاجة. أحمد: امممم. حمدي: أحمد يا أخويا، أنا عايزك في موضوع كده. أحمد: خير يا حمدي.

حمدي: أنا أطلب إيد بنتك غرام لمراد ابني. أحمد قام وقف. أحمد بصدمة: ***************. حمدي بهدوء وبابتسامة: ***************.