رواية عشقي الوحيد الفصل الثاني عشر بقلم الكاتبة اسيل

"إيه رأيك في الكلام ده... حط إيده كريم على وشه بعصبية. "والله العظيم معملتش حاجة... هقتل أخويا ليه؟ سليم: "طب اتفضلي انتي يا أم حسين... ومشت كريم. "والله يا باشا معملتش كدا... سليم: "حاسس إني مصدقك... بس مفيش دليل على براءتك وبرضه مفيش دليل على إدانتك... انت هتشرفنا هنا لحد أما أخويا عمر يفوق أو حد تاني يكون عنده المعلومة ويجي يقولها." سكت كريم دقيقة. "باشا طب هو أنا ممكن أطلب منك طلب؟ سليم: "هاااااا...

كريم: "ممكن بدل ما تحطني في الحبس... أروح مصحة؟ سليم: "ليه... انت مجنون ولا إيه؟ كريم: "لا يا باشا مجنون إيه... بص أنا... كنت بشم وكده، فكنت أصلاً هروح عشان أتعالج... فممكن تكون هي هي نفس الفترة." سليم: "انت بتهزر يا ابني... كريم: "حط عليا حراسة زي ما انت عاوز يا باشا... أنا فعلاً عاوز أتعالج يا باشا... عشان خاطري... بصله سليم بطرف عينه. "هو أنا خطيبتك يا ابني؟ متتظلط كده... إيه اللي عشان خاطري...

كريم: "آسف يا باشا... سليم: "خلاص... أنا هقدم طلب... وهقولك... بس انت دلوقتي هتنزل الحبس... في المستشفى. كانت ياسمين قاعدة في حضن أمها متجمدة مش مصدقة اللي حصل وعيونها دبلت من كتر العياط. ياسمين: "عاوزة أدخله يا ماما... الأم: "مش هينفع يا حبيبتي... ياسمين بزعيق وانهيار: "بقولك عاوزة أدخله... افهمي عاوزة أدخله بقى... وقامت وقفت. جريت عليها مريم صاحبتها. ياسمين: "اهدّي يا حبيبتي...

ياسمين بضعف وعياط: "أنا عاوزة أشوفه يا مريم... النبي عاوزة أتكلم معاه... حسام: "طب خلاص... هقول للدكتور... هدّيها يا مريم... وبعد محاولات كتير مع الدكتور وافق. دخلت ياسمين الأوضة بحذر وقفلت وراها الباب وجابت كرسي حطته جنبه. ياسمين بضعف شديد وعياط: "كده يعني... تسيبني ضعيفة من غيرك... كنت دايماً بتقولي عمري ما هسيبك... أهو عايز تسيبني ليه... فتح عينيك يا عمر... "أنا حاسة إني السبب للي حصلك... انت وحشتني يا عمر أوي...

فوق بسرعة عشان خاطري... ومسكت إيده. "أنا بحبك أوي يا حبيبي... خليك جنبي عشان خاطري وعشان ابننا... مش انت دايماً بتقول كده... "هسيبك تفصل عن الدنيا وترتاح دماغك عني شوية... بس متطولش يا عمر... أنا من غيرك... ضعيفة أوي... "هسيبك بقى ترتاح شوية... وقربت منه باستْه من راسه وسايبته وخرجت. عند ليلي. ليلي بقلق: "كريم اتأخر أوي... شهد بقلق: "طب ما ترنّي عليه... ليلي: "رنّيت عليه هو وعمر فونهم مقفول...

شهد: "طب رنّي على ياسمين... ليلي: "معيش رقمها... شهد: "خديه من معايا بس رنّي انتي... ليلي: "هاتي طيب... ورنّت عليها وردت مريم لإن ياسمين مش قادرة. ليلي: "لو سمحتي دا رقم مدام ياسمين مرات عمر بيه... مريم: "أيوه... خير... ليلي: "أنا زميلة لكريم وهو مجاش من امبارح هو والأستاذ عمر... وفي موضوع مهم كانوا مكلفيني بيه... مريم: "إيه دا... هو عمر وكريم أصحاب أصلاً... ليلي: "حضرتك ممكن بس تطمنيني عشان أنا قلقانة جدا...

مريم: "احم... عمر اتضرب بالنار وكريم شايل القضية لحد دلوقتي... ليلي بصدمة: "إيييه بتقولي إيه انتي... انتوا فين... عند رزان. رزان: "هو كان لازم يعني يعمل فيها البطل الشجاع ويقف قدامها... كنزي: "ماما... أنا خايفة الواد عادل يفضحنا... رزان: "ويفضح ليه يعني... كنزي: "انتي مش فاكرة لما احنا قولنا يعمل كدا ورفض؟ أكيد عارف إننا... مش بعيد يبلغ عنا... رزان: "أنا اللي ضربت عمر بإيدي دي... عشان معلش حد يمسكهالي ذلة...

بس للأسف كان نفسي ياسمين جات في عمر... كنزي: "وهو أبوهم فين من كل ده... رزان: "أيمن... أيمن ده راجل دماغه متكلفة... وبعدين ده مسافر دايماً... كنزي: "طب احنا مش هنروح نطمن على عمر... فكرت رزان شوية. وصلت ليلي عند كريم وطلبت من سليم يوافق إنها تقابله وبعد وقت وافق وجه كريم وخرج سليم من المكتب. أول ما شافته ليلي جريت في حضنه بسرعة وفضلت تعيط وبادلها كريم الحضن. كريم: "متعيطيش يا ليلي لو بتحبيني...

ليلي بعياط: "مش قادرة يا كريم... بعد ما رجعتلي... تقوم تسيبني تاني... بعدوا عن بعض وقعدوا على الكنبة. كريم: "طب ممكن نتكلم من غير دموعك... انتي بكيتي عشاني كتير... كفاية بقى يا ليلي عشان خاطري... ومسح لها دموعها بحنية. ليلي: "إيه اللي حصل لأخوك... كريم: "دخل غيبوبة... بصي أنا قولت لسليم بيه إني هدخل مصحة في الفترة دي... إيه رأيك... ليلي: "خبر حلو جداً... يا ريت يوافق فعلاً... وهيظهر براءتك إن شاء الله...

كريم: "وانتي إيه اللي مخليكي متأكدة كده إني مش أنا اللي عملت كدا... ليلي: "أنا واثقة فيك أكتر من نفسي يا كريم... شوف انت تعمل أي حاجة إلا دي أنا عارفاك... كريم: "طب وشهد... أوعي تهرب منك... ليلي: "شهد بقت حاجة تانية يا كريم... إن شاء الله لما تخرج هتشوفها بنفسك... على فكرة هي ومازن متجوزين رسمي... كريم: "نعم... ليلي: "والله العظيم... وأنا شفت الورق بنفسي وكمان كانوا هيتكلموا معاك انت وعمر... بس اللي حصل بقى...

كريم: "نبقى نشوف الحوار ده بعدين... المهم عاوزك تتكلمي مع حسام أخو مريم وتدوروا على عادل... هو اللي عارف كل حاجة... ليلي: "مع إني مش عارفة مين عادل بس حاضر... مسك إيديها كريم. "أنا بحبك أوي بجد... ومتشكر على وقفتك جنبي انتي فعلاً بميت راجل... وهفهمك كل حاجة وتقوليها لحسام... ليلي: "أنا أهم حاجة عندي إنك تكون كويس يا كريم عشان لو انت كويس... أنا كويسة...

عدى الوقت وراحت ليلي لحسام وفهمته على كل حاجة بالتفصيل باستثناء موضوع شهد طبعاً واتفقوا إنهم هيروحوا لعادل وبالفعل راحوا يسألوا عليه وراحوا فعلاً لكنه سافر يقضي شهر العسل و... وافق سليم إن كريم يدخل المصحة وفعلاً دخل كريم وبدأ رحلته في العلاج وطبعاً زي ما احنا عارفين الموضوع صعب لكنه بيقدر على نفسه عشان يرجع لحياته الطبيعية تاني. عدى تقريباً 6 شهور وكله على حاله ومش لاقيين عادل.

شهد قربت من ربنا جدا واتحجبت كمان ومازن قال لرزان وكنزي إنه خلاص مبقاش معاهم... وهما مرعوبين إن عمر يفوق لأن عمر بص لرزان في عينيها وهي بتضربه وعارف إنها اللي عملت كدا... وعمر لسه في الغيبوبة والكل بدأ يتعايش على إنه هيفضل كده إلا ياسمين ديما عندها أمل إنه هيفوق وكل يوم بتتكلم معاه وتحكيله عن اللي بيحصل كأنهم صحاب. وكمان بطنها كبرت وبقت في الشهر السابع... وقاعدة معاه على طول في المستشفى.

في يوم كانت داخلة له الأوضة لقت الدكاترة بيشيلوا الأجهزة من على عمر. وقفت اتجمدت مكانها واتصدمت من اللي بيعملوه... وجرت عليهم بصراخ. ياسمين: "انتوا بتعملوا إيييييه... هاااااا... الدكتور: "كفاية عليه كدا... هو بيتعذب... ومش هيقوم... ياسمين بانهيار: "لاااا... عمر هيقوم... إزاي تعملوا كدا من غير موافقتنا... دخل حسام بحزن. "خلاص يا ياسمين... أنا اتكلمت مع الدكتور وقالي إنه... مفيش أمل... ياسمين بانهيار وعياط شديد: "لا...

لا يا حسام... متقولش كدا والنبي... وجرت على عمر مسكت إيده وبتعيط. ياسمين: "اصحي يا عمر... عشان خاطري اصحا... متسبنيش يا عمر... اصحااا... "عمر مات... أنا حاسة... نبضي هو نبضه... عمرررررر اصحا... فجأة حسّت إن إيده مسكت إيديها فرفعت وشها بلهفة وخضة وفتح عينيه عمر و... ياسمين بعياط وضعف شديد: "اصحى يا عمر... عشان خاطري اصحا... عمر مات... نبضه هو نبضي أنا حاسة بيه... اصحى عشان خاطري يا عمر...

ومسكت إيده وفضلت تعيط أوي ودفنت وشها في السرير بقهرة. وفجأة حسّت إن إيده بتتحرك ومسكت إيديها فرفعت وشها بلهفة وخضة. ياسمين بسرعة: "الحق يا دكتور إيده اتحركت... شغل الدكتور صدمات كهربائية على عمر وكانت ياسمين واقفة بتدعي بلهفة وعيونها مليانة دموع. وفجأة عمر فتح عيونه وبدأ يطلع منه صوت. عمر بتعب شديد: "أنا فين... ضحكت ياسمين بدموع شديدة ولهفة. جريت عليه دفنت وشها في حضنه وبتعيط أوي. رفع عمر إيده حطها عليها.

ياسمين بعياط وفرحة: "عمر... انت كويس... عمر بتعب: "آه يا حبيبتي... هو أنا فين وإيه اللي حصل... الدكتور: "حضرتك اتضربت بالنار وكنت في غيبوبة بقالك 6 شهور... حمد الله على السلامة... عمر بقلق: "طب وهو أنا بقيت كويس ولا إيه... الدكتور: "محتاجين نقيسلك الضغط وكده بس... خلي المدام توسع بس... ياسمين بدموع وكأنها طفلة ما صدقت لقت أبوها: "لا... مش هقوم... عمر: "ياسمين... هيشوفلي بس الضغط وتعالي تاني أنا هحضنك بنفسي...

ياسمين بدموع وعيون دبلانة: "حاضر... وقامت والدكتور قاس لعمر الضغط وكذا حاجة وكتبله على كذا علاج وقام عمر قعد على السرير وساند على مخدة ورا ضهره. عمر: "حسام... خد بقا الدكاترة واتفضلوا انتوا دلوقتي... حسام بفرحة: "حاضر يا عم... احترم نفسك مع أختي يااض... عمر: "امشي يااض دلوقتي... وخرجوا. بص عمر لياسمين اللي باين على وشها التعب الشديد وعيونها دبلت من كتر العياط والحزن. خبط بإيده جنب السرير بمعني تعالي هنا.

قربت ياسمين وقعدت جنبه. عمر وشدها لحضنه براحة عشان حملها: "مالك يا حبيبتي... شكلك تعبانة أوي... ياسمين بدموع: "وحشتني أوي يا عمر... ودفنت وشها في صدره وهو ضمها ليه أوي... عمر: "انتي وحشتني أكتر... ورفع وشها بإيده بحنية وقرب عليها وفك حجابها واتفرد شعرها وجهه على وشها ورجعوا براحة ورا ودنها.

باسها من شفايفها أوي وهي حاسة إنه واحشها أوي استجابت ليه جدا وفضلوا كده تقريباً 3 دقايق وبعد عنها تاخد نفسها وحضنوا بعض أوي بحذر عشان بطنها. ياسمين: "كنت عاوز تسيبني يا عمر... عمر: "أنا فوقتلك تاني أهو... حسيت بيكي والله... ياسمين: "بجد يا عمر... أنا كنت هموت من غيرك... كانوا بيشيلوا الأجهزة خلاص... عمر: "بعيد الشر عنك يا قلبي... تعالي هنا وحضنها أوي... ودفن راسه في حضنها... وكانت هي فرحانة أوي. وبعد شوية.

عمر: "هو كريم فين صحيح... ياسمين بصدمة: "كريم... ده هو سبب المصايب كلها... هو اللي ضربك... عمر بقلق: "هو حصله حاجة... ياسمين: "آه مسجون وإن شاء الله هيعدموه... عمر: "انتي هبلة يا ياسمين... أنا وكريم متصالحين وهو اللي كان دايماً بيقولي اللي بيعملوه شهد ورزان وكنزي... ياسمين وفتحت بقها بصدمة: "نعم... عمر: "وديتي الواد في داهية... أنا عارف مين اللي ضربني... ياسمين: "مين مين... ها مين يا عمر مين... عمر

وضربها براحة على راسها: "يبت استني انتي لسه زنانه كده... "رزان هي اللي ضربتني... ياسمين: "وهي هتضربك ليه يا عمر... بصلها عمر بقرف: "هي كانت هتضربك انتي أصلاً بس أنا أخدت الطلقة مكانك... ياسمين: "وانت بتبصلي كده ليه يا عمر... انت كنت عاوزني أموت صح... عمر: "آه... ياسمين بزعيق: "نعم يا خويا... عاوز تموتني عشان تتجوز عليا صح... عمر: "آه... ياسمين مسكته من رقبتو: "أنا هقتلك وأتجوز عليك... دلوقتي... عمر: "متقدريش...

ياسمين: "إيه الثقة دي... عمر: "يبت انتي كنتي هتموتي عليا من شوية... ياسمين بكسوف: "لا مكنتش أنا... كنت قلقانة بس... عمر بيتريق عليها: "متسبنيش يا عمر... اصحى يا عمر عشان خاطري... جمدت ياسمين إيديها على رقبتو: "أنا هقتلك يا عمر... مسك إيديها نزلها بمنتهى السهولة: "بس يا ماما... ياسمين ضربته في كتفه: "عاوز تتجوز عليا... بصلها عمر في عيونها أوي واتكسفت هي شوية. عمر ولسه باصص في عيونها أوي: "فاكرة أول مرة شوفتك فيها...

ياسمين: "آه... كنت بارد أوي... عمر: "كنتي ماشية براحة أوي وأنا كان ورايا شغل مهم جداً... فاتعصبت عليكي... ياسمين بزعل: "انت طول عمرك بتتعصب عليا... عمر: "هو صحيح بتكوني انتي ساعات مستفزة ب... ياسمين: "نعم يا خويا... أنا مستفزة... حط عمر إيده على بوقها. عمر بضحكة: "لسه هكمل... بس أنا أوعدك عمري ما صوتي هيعلى حتى عليكي تاني يا حبيبتي... أقسم بالله إني كل ما بزعلك برجع أندم جدا... ياسمين: "وأنا كمان...

كنت مستفزة بصراحة... أوعدك عمري ما هضايقك تاني... سامحني... عمر: "لا مش بسامح أنا بسهولة... ياسمين بضحكة: "طب هتسامحني إزاي... عمر بدلع: "عيني بتوجعني... حطيلي فيها قطرة... ياسمين ضحكت أوي: "حاضر... وقربت منه باستْه من عيونه الاتنين. شاور على راسه فباستُه من راسه وشاور على خده ثم شفايفه. اتكسفت هي شوية لكنها غمضت عيونها وقربت منه باستْه وجيه تبعد قربها هو أكتر.

عدى الوقت وطلب عمر إنه يقابل الظابط ويفهمه اللي حصل بالظبط وإن كريم بريء. خرج كريم من المصحة وهو زي الفل وكانت ليلي مستنياه قدام باب المصحة. جريت عليه ولسه هتحضنه حط إيده بعدها. ليلي بزعل: "مالك يا كريم في إيه... كريم: "متلمسنيش... ليلي بقلق وزعل: "ليه... هو انت هتسيبني... كريم: "آه هسيبك... إحنا منفعتش لبعض... ليلي بدموع: "انت بتقول إيه... يعني بعد كل ده وهتسيبني... كريم: "آه...

ليلي بدموع: "أنا غلطانة إني وثقت فيك... أنا ماشية... كريم: "استني أنا مكملتش كلامي... ليلي بتعب وزعل: "عاوز إيه تاني... كريم: "أنا هسيبك دلوقتي عشان أجيب المأذون وأجي أكتب عليك... مسحت ليلي دموعها بفرحة: "انت بتتكلم جد... كريم بضحكة: "انتي صدقتي إني أسيبك... أنا بموت فيكي يبنت... ليلي جايه تحضنه وقفها تاني. ليلي: "في إيه تاني...

كريم: "الفترة اللي قعدتها في المصحة قربت من ربنا جدا ولقيت إن التلامس بيني وبينك ده حرام... يعني مينفعش أحضنك ولا أمسك إيدك غير وإنتي مراتي... فاهماني يا ليلي... إنما أنا لو عليا عاوز أ... ليلي: "احترم نفسك... كريم بضحكة: "حاضر... يلا بينا بقى عشان نروح لعمر وحشني أوي... ومشوا. وصلوا لعمر حضنه كريم أوي. ياسمين باحراج: "أنا آسفة يا كريم... كريم وعض على شفايفه بغضب: "انتي حسابك معايا بعدين... عمر: "متتلم يااض...

انت يعني هتقدر تعملها حاجة... وضحكوا شوية وجات شهد واتقلب وش عمر. عمر بعصبية: "هي البنت دي لسه عايشة... كريم: "مهو أنا وانت بقى مكنتش في الدنيا بقاش... شهد بدموع: "عمر... كريم أنا... عمر بغضب: "طلعوها بره... ليلي: "إيه يا كريم مش أنا فهمتك... كريم: "ملكش دعوة انتي بالموضوع ده... ياسمين: "حرام يا جدعان... اسمعوها حتى... عمر: "شهد... اسكتي يا ياسمين...

سكتت ياسمين خافت يتعصب عليها وخرجت شهد وهي عمالة تعيط أوي وقابلها مازن برام. مازن: "أنا هتكلم معاهم... شهد بعياط: "لا... أنا همشي... مازن: "تمشي تروحي فين... شهد راحت في حضن مازن أوي بعياط خرجت طاقتها وهو بادلها الحضن وبهون عليها وبعد دقايق بعدت عنه. شهد: "سلام يا مازن... وسابته ومشيت. شك إنه في حاجة ومشي وراها. عمر: "أنا بقى فهمت الظابط بس قالي لازم عادل ده يظهر عشان هو اللي عارف كل حاجة...

بعدها رزان هتتحبس هي وكنزي... كريم: "سيبلي أنا الحوار ده... وبعد شوية جه فون لكريم ورد. كريم: "الو... إيه يا ابني لقيتوه... الشخص: "أيوه يا كريم لقينا عادل... كريم: "حلو... هاتوه من قفاه للمستشفى... وقفل. عمر: "لقيتوه... كريم: "عيب عليك... ورن فون ياسمين. ياسمين: "الو... مازن بانهيار: "الحقونا... شهد انتحرت...

فضل ماشي مازن ورا شهد لحد ما وصل الفيلا بتاعتهم ودخلت المطبخ وبدون أي تفكير أو تردد طلعت سكينة ودخلتها في جنبه. دخل مازن وراها بسرعة وشافها وهي بتقع على الأرض لكن لحقها وقعت في حضنه. مازن بعدم تصديق: "انتي عملتي إيه يا شهد... شهد مكانتش بترد كانت الدموع نازلة من عيونها وبس لحد ما فقدت الوعي. مازن بانهيار: "لا... شهد فوقي عشان خاطري... شهد... ومسك فونة واتصل على ياسمين. مازن: "الحقونا... شهد انتحرت...

ياسمين بخضة شديدة: "إيه... بتقول إيه انت... انتو فين... هاتها بالعربية بسرعة على هنا وأنا هبلغهم يجهزوا أوضة عمليات... بسرعة يا مازن... كانت شهد بطنها بتجيب دم شديد وشالها مازن وجرى على العربية وطار بيها بأقصى سرعة. عمر بخضة: "هو في إيه يا ياسمين... ياسمين بعياط شديد: "أختك انتحرت... اختكم انتحرت... بدل ما تقفوا جنبها وتفهموها الصح من الغلط خلتوها تفكر تموت كافرة... عمر بقلق شديد على أخته: "كريم...

روح بلغ إدارة المستشفى يجهزوا أوضة عمليات بسرعة... كريم بقلق شديد على أخته: "حاضر... ليلي بدموع: "استني يا كريم هاجي معاك عشان الدكاترة هنا عارافيني... وراحوا فعلاً بلّغوا الإدارة وجه مازن ومعاه شهد ودخلوها أوضة العمليات وقعد مازن قدام الأوضة ودموعه نازلة جداً وكريم وليلي واقفين جنبه وليلي عمالة تعيط على شهد لأنها حبتها في الفترة الأخيرة وكريم كان زعلان جداً ونفسه ياخد ليلي في حضنه بس اكتفى إنه يطبطب على كتفها براحة.

عمر مينفعش يخرج من الأوضة وكان قاعد معاه وياسمين وكانت بتعيط بصوت جداً. عمر: "بعد كل اللي عملتوه فيكي ده... وزعلانة عليها... ياسمين بدموع: "وإيه اللي يخليني مزعلش... كفاية إنها حست بغلطها وجات اعتذرتلي... عمر: "وقلقي عليكي انتي وابني ده طول الفترة دي وتهديدها ليكي هقدر أعديه... ياسمين: "يعم أنا مسامحاها بقى... شهد اتغيرت أوي... عمر: "طب واللي عملتوه في الحرام مع مازن ده... هعديه عادي...

ياسمين: "شهد ومازن كانوا متجوزين على سنة الله ورسوله ورسمي كل اللي عملوه إنهم خبوا علينا... عمر بصدمة فرحة: "رسمي... انتي بتتكلمي جد... ياسمين: "آه والله رسمي... عمر: "ولو... وبرضه ميدهاش الحق تعمل كدا... حطت ياسمين إيديها على قلبه. ياسمين: "قلبك ده... مش هيطاوعك يا عمر وهتشوف... حط إيده على إيديها: "أنا قلبي مبيضعفش غير قدامك انتي وبس... فرحت ياسمين أوي من جواها. "طب خلاص اسمع كلامي بقى... وسامح أختك شهد...

عمر: "لما تقوم بس بالسلامة... ادعيلها... وسندت راسها على كتفه وفضلت تدعي لشهد. خرج الدكتور بسرعة: "شوفوا تحت فصيلة دم... الممرضة: "مفيش... كريم بسرعة وقلق: "دي نفس فصيلتي... أنا أخوها كريم أيمن صقر... الدكتور: "طب اتفضل ادخل الأوضة دي بسرعة... ودخل واخدوا منه كيس دم وخرج تاني. ليلي بقلق عليه: "انت كويس... طمنها بتعبيرات وشه: "متقلقيش... شويه وخرج الدكتور. جرى مازن عليه: "خير يا دكتور اتكلم بسرعة...

الدكتور: "متقلقوش... الحمد لله لحقناها... الضربة مكانتش قوية أوي ولحقناها الحمد لله لله... بس هو مين عمل فيها كدا... كريم: "هي انتحرت... الدكتور: "عالعموم هي نص ساعة وتفوق وهنسألها بنفسنا... عن إذنكم... عدت النص ساعة ودخلوا لها وكانت بتعيط جدا. جري عليها مازن باسها من راسها وخدها. وكان واقف كريم هيموت من الغيظ. كريم: "وسع بقى يا ابني... مازن بعصبية: "مراتي يا عم... انت مالك... كريم اتعصب أوي وكان هيضربه بعدته ليلي.

"اهدي يا كريم... هي مراته رسمي على فكرة... كريم: "بقولك إيه أنا بغير على أختي وأي حد من دمي أنا دمي حامي يا ستي... ليلي بدلع خفيف: "وأنا بقى مش من دمك... مبتغيرش عليا... تثبت كريم جداً: "انتي دا انتي اللي واخدة الحتة الشمال كله... ليلي: "هو انت ليه بقيت سوقي في ألفاظك كدا... هو إيه اللي الحتة الشمال... كريم بحدة: "ما انتي واقفة تدلعيني أهو في المستشفى... اقفي انتباه يبنت... تعدلت ليلي بسرعة ووقفت زي الألف وضحكوا.

مازن بدموع ومقرب وشه من وشها أوي: "عاوزة تسيبيني لمين هنا يا شهد... أنا سيبت أمي وأختي عشان خاطرك... تقومي انتي تسيبيني... شهد بضعف: "تعبت... كلهم شايفيني وحشة يا مازن... ومش طايقين حتى يبصوا في وشي... أنا غلطت وبعترف... بس برضه معملتش حاجة حرام... مازن: "شهد لا انتي غلطتي... أولاً انتي مكنتيش عارفة إن الجواز رسمي... كان المفروض متوافقيش يا شهد...

لولا إني واثق إنك بتحبيني أوي عشان كده وافقتي مكنتش اتجوزتك رسمي عمري... شهد: "مفيش حد كان بيوجهني... كريم مكنش عايش معانا أصلاً وعمر دايماً في شغله... مازن: "طب وأبوكي... ضحكت شهد بسخرية: "ما انت شايف أهو... قدامك أبويا... حصلنا كل دا وهو ولا عرف أصلاً... مسافر طول عمره... مهو اللي بلانا بالبلوة أمي... مازن: "نعم... متتلم يا بت... ضحكت شهد: "لا مؤاخذة مخدتش بالي إنك ابنه... مازن: "لا والله...

بس انتي عندك حق فعلاً... وجه كريم بسرعة: "هو مش كفاية بقى يا عنتر وعبله... وسع يااض متقربش لأختي قدام... مازن قرب منها أكتر وباسها من شفايفها بسرعة وقام جري. كريم بعصبية: "دا انت عيل بصحيح... وعاوز يقرب من شهد بس في نفس الوقت مش عاوز ورجع ورا. قامت ليلي زقته عليها. كريم: "ألف سلامة عليكي... شهد باحراج وندم شديد: "الله يسلمك يا كريم... كان كريم مش عارف يتكلم. كريم: "الدم... الدم أنا اللي متبرعلك بيه...

شهد: "كتر خيرك... ليلي: "هو أنا لي حاسة إني واقفة جنب ست كبيرة وابنها... متتكلموا عادي انتوا أخوات... مازن: "والله عندك حق يا لولو... كريم بتبريقة: "ولا... أقسم بالله هرقدك في سرير جنبه... مازن بعند: "يا ريت... جرى عليه كريم وجرى مازن برا الأوضة وراح أوضة عمر. كريم: "أنا هزعلك بقى دلوقتي... عمر: "إيه شغل العيال ده يا كريم... كريم: "بيعاكس أختي يا عم... عمر: "ينهار أبوك أسود... انت بتعاكس أختي يا حيو...

ثواني يبني مهي كدا مراته وعادي يعني... كريم: "برضه ميغازلهاش قدامي... ياسمين: "طمنوني بس هي عاملة إيه... مازن: "هي زي القمر... مسك كريم كرسي وزقه عليه بس وقع جنبه. عمر: "مهدي يا كريم... إحنا بنتخانق في قهوة يااض... دي مراته يبني حلالا... وبص لياسمين كده بغمزة. كريم: "يعني انت عندك حلال وهو عنده حلال وأنا لا يعني... يبنت يا ليلي... وخرج برا الأوضة. ياسمين: "أنا هروح أطمن على شهد... مبقاش في في الأوضة غير مازن وعمر.

عمر: "تعالى هنا بقى نتكلم كلام رجالة... عدى الوقت وكريم وعمر صالحوا شهد لكن برضه شايلين منها شوية... هل ترى الزمن هينسيهم؟؟ عادل راح واعترف للظابط على كنزي ورزان واتحبسوا لإنوا ملوش مصلحة إنه يكذب وفي نفس الوقت حسام أخو ياسمين اتكلم معاه ووافق. عدى كام يوم وراحت شهد لعمر أوضته في المستشفى هو وكريم. وكانوا لوحدهم. عمر: "بصي يا شهد...

اللي انتي عملتيه ده غلط جدا لدرجة إني لحد دلوقتي مش راضي عنك مية في المية بس إن شاء الله مع مرور الزمن احتمال نرجع نصافى زى الأول... شهد: "أنا بجد يا عمر انت وكريم مقدرش أعيش من غيركم... أنا ندمانة على أي لحظة يا عمر ضيعتها في التفكير إني أضرك انت أو مراتك... وإن شاء الله هتسامحني وأنا اتغيرت... عمر: "وأنا واثق من كده واحمدي ربنا إن مازن كان راجل معاكي في الحتة دي وكتب عليكي رسمي... "وانت يا كريم...

كريم: "ضيعت من عمري أكتر من خمس سنين وأنا في القرف ده... مفوقتش غير من سنة أو أقل... مش عارف هل كده فوقت بدري ولا متأخر... عمر: "المهم إنك فوقت ولازم تكمل كليتك... وتيجي تمسك أملاكنا بقى معايا وأنا اتكلمت مع مازن وهيشتغل معايا هو كمان... كريم: "حاضر يا أخويا... عمر: "أنا كمان مش سوي... أنا كنت تقريباً مريض نفسي... بعمل من أي حاجة مشكلة... بس جاتلي اللي ربتني من أول وجديد...

عاوزينه يبقى درس لينا يا جماعة نعلمه لعيالنا عشان ميقعوش في نفس الأخطاء تمام... كريم وشهد: "تمام... عمر: "تعالوا في حضني بقى... وحضنوا بعض هما التلاتة. دخل أبوهم أيمن: "أنا عرفت إن حصلكم مشاكل كتير يا ولادي... مش عاوز أعرفها لإن أنا السبب فيها... أنا اللي غفلت عنكم كتير ومربيتكوش تربية سليمة... وبدأ يدمع: "أنا بجد طول حياتي كنت بجمع في ثروة وأقول أي حاجة بعد كده مش مهم... أنا بتمنى إنكم تسامحوني بجد...

بصوا لبعض هما التلاتة وفتحوا دراعهم لأبوهم وراح في حضنهم وهو منهار من العياط. كريم بهزار: "خلاص بقى يا حج... وبعدين انت بتقولنا إحنا مش متربيين... ضحكوا كلهم بس فاقوا على صوت صرخة ياسمين برا وجات ليلي بسرعة. ليلي: "الحقونا ياسمين بتولد... عمر بخضة: "إزاي وهي في السابع... كريم: "عادي يا ابني... مش في ناس تقولك أنا ابن سبعة وكده... عمر: "آه هو ده بقى... كريم: "آه هو... شهد: "انتوا قاعدين تتساهلوا... قوموا يلا...

وخرجوا ليها ودخلت أوضة العمليات وكان عمر واقف قلقان جداً عليها وعدى عليه الوقت كانه سنين. خرج الدكتور: "مبروك المدام جابت بنت... عمر بفرحة شديدة: "يعني هي كويسة يا دكتور صح... الدكتور: "الحمد لله... عمر: "الحمد لله يارب... وشوية ودخل عمر لياسمين. عمر: "حمد الله على السلامة يا قلبي... ياسمين: "تعالي هنا انت واقف بعيد ليه يا عمر... عمر: "كنت جاي أصلاً... وقرب منها أوي: "هتسميها إيه...

ياسمين: "مش عارفة لسه نبقى نختار بقى... عمر: "أنا عندي اسمين اختاري منهم... عزيزة أو نرجس... إيه رأيك... ياسمين بقرف: "قوم من قدامي يا عمر... ضحك عمر: "بهزر... بحبك أوي يا ياسمين... ياسمين: "وأنا كمان بحبك أوي يا عمر... ودي كانت ذكرياتهم كلهم فيها الحلو وفيها المر.