رواية عذاب الحب الفصل السابع 7 - بقلم اسراء فرج

آدم! لفيت لقيته واقف في وشي وباين عليه العصبية. مهو معاه حق برضوا محدش يسمع كل الشتايم دي على نفسه ويبقى هادي. "خلصتي؟ "آه آدم أنا كنت... "مستنيكي في العربية، متتأخريش." "يختاااي منك لله مش تقوليلي! "أنا مالي، حد قالك تطولي لسانك؟ "ماشي ماشي، خليكي فاكراها. هجري بقي ألحقه قبل مينفجر." "آسفة اتأخرت." "انت مبتردش ليه؟ هو انت زعلان؟ "أنا زعلان وهزعل ليه؟ انتي عملتي حاجة تزعل؟ "لا ما أنا عشان كدا بسألك."

"كويس إنك عارفة إنك مبتعمليش حاجة تزعل." "اتفضلي انزلي." "شكراً." آدم وصلها وفضل قاعد في العربية شوية، لسه هيمشي. "عمر! أي الجاب الحيوان دا هنا؟ آدم ركن العربية ونزل. "أي انت مش مشيت؟ طلعت ليه؟ "عمر كان بيعمل أي هنا؟ "نعم؟ "آدم بعصبية بقولك عمر كان بيعمل أي هنا! "هو مكنش هنا." "انتي بتكدبي عليا! "سيب ايدي بقولك مكنش هنا! "أنا لسه شايفه نازل حالا! "بس مش نازل من هنا، هو خد الشقة دي." "يعني أي؟

"يعني بقي ساكن في الشقة دي، أعمله إيه." "آه وانتي أي عرفك؟ "هو اللي قاله." "قاله! قاله إزاي؟ "ما هو جه هنا." "هنا فين بالظبط معلش كدا؟ "جالي، كان بيتكلم معايا و... "آه يعني جالك واتكلمتو وقعدتو بقي سوا وكل الكلام دا وأنا مليش أي ستين لازمة مش كدا؟ "لا مش كدا." "اومال إزاي؟ بصي أنا هقولك حاجة واحدة بس، هيا إن بكرة الصبح هتيجي معايا بيتي، وكلمة زيادة مش هسمعها، ومتلوميش غير نفسك." "دا مشي قبل ما أرد."

قعدت أذاكر وأظبط حاجتي. أنا مش هعرف اعترض تاني. بس أنا برضوا مش عاوزة أروح معاه. أنا مش فاهمة أي كل ال أنا فيه دا، هلقي من مين ولا من مين بجد. "صباح الخير." "أي مش هتردي؟ "لا." "أحسن برضوا، عاوزك تفضلي ساكتة كدا طول الوقت." "إحنا هنروح فين دلوقتي؟ "بيتي إن شاء الله." فضلت قاعدة ساكتة طول الطريق لحد ما نزلنا قدام فيلا. "أي الجمال دا بجد." "عجبتك؟ "مش أوي." "آه مهو باين إنه مش أوي، اتفضلي."

دخلت وفعلاً كانت جميلة أوي وهادية. "ماما أعرفك نور." "ياروحي قمر، عاملة إيه ياحبيبتي؟ "تمام الحمدلله." "تعالي اقعدي." لسه هقعد، شفته واحدة كدا حلوة نازلة تجري وجريت عليه حضنته. آه افتكرتها أخته وكدا، بمناسبة أحضان بس خلفت توقعاتي وطلعت بنت عمه. ياحلوة. "أعرفك يانور، بري بنت عمي." "آه أهلاً." "مين ياآدم صحبتك؟ "مراتي." "نعم مراتك إزاي؟ "أي أنا وهي اتجوزنا؟ "طب وأنا؟ "نعم انتي مالك؟ "لا مش قصدي، عن إذنكم هطلع أوضتي."

"اتفضلي." "وانتو كمان يا حبايبي اطلعوا ارتاحوا." "حاضر يماما، تعالي يلا." "حلو أوي بيتك." "آه منا عارف." "بس أنا عاوزة أمشي." "آه حاضر، هبقى أخليكي تمشي." "أنا مش بهزر." "وأنا بهزر، أنا همشي عشان عندي شغل، شوفي انتي بقي البيت واتعودي كدا." سبني زهقت من القاعدة في الأوضة، قررت أنزل أتمشى في الجنينة شوية. لبست ونزلت. "ازيك؟ قولتها لبري كانت قاعدة لوحدها، قلت أتعرف عليها يمكن أحبها. "... "انتي مبترديش ليه؟ في حاجة؟

"آه هقولك على حاجة ياحلوة، متحلميش." "نعم! "بقولك متحلميش، يعني الجوازة دي عمرها ما هتكمل." "قصدك إيه؟ "قصدي إيه؟ قصدي إنك لعبة يومين وهيرميكي، ولا هيبقى ليكي لازمة زيك زي غيرك. هو بيحبني أنا، أنا وبس." "انتي إزاي بتكلميني كدا؟ "انتي متقوليش اتكلم إزاي، أنا كنت بعرفك عشان متنسيش نفسك، انتي فاهمة؟ "سيبي ايدي بقولك سيبي ايدي." اختل توازني فجأه ووقعت في حمام السباحة. ااااااه.