رواية عذراء الرعد الفصل الحادي والعشرون 21 - بقلم بسمة

بعد عنها وهو بيبص في عينيها. معرفش يكمل اللي بعمله، وهيا شهقاتها تعلى. سكتت لما سمعته بيقول بضعف: "شكلك انتي الوحيدة الحقيقية والصادقة بحياتي يا زينب.." بصت ليه وشافت الضياع جوه عنيه. لما قرب منها زي الطفل وسند راسه على صدرها وهمس بضعف: "لما حاولت تبعد وخافت من قربي.. رعد ممكن تسيبيني كده بردان؟ عاوزك تاخديني في حضنك.." زينب بتوتر: "ا ا ا انت كويس؟ رعد وهو بيغمض عينيه:

"انا مش كويس، انا بموت. قلبي بينزف يا زينب، ممكن تداويلي قلبي؟ ممكن متسبنيش أبدا؟ ممكن تفضلي جمبي؟ فضل يقولها كلام هو أساسا مش فاهمه، بس خارج من جواه وحاسه قوي. لحد ما حست بثقله على صدرها وعرفت إنها نامت. صحيت على صوت الخزانة وهو بيتفتح. بصت وشافته واقف ولا كأن حاجة حصلت معاه امبارح. اتكسفت لما شافته مش لابس إلا البنطلون وإيده القميص. دارت وشدها بكسوف. رعد بضحكة ساخرة: "ده على أساس إني راجل غريب وبتتكسفي مني؟

نسيتي إني جوزك يا هانم." لبس قميصه وهي فضلت مدياله ضهره بكسوف. لما حست بيه بيحضنها وبيبوّس رقبتها من ورا، وهمس لها: "صباح الخير." زينب دارت وشها وبعدت بسرعة وهي بتقول: "صصصباح النور." بصت ليه بقلق وسألت: "انت كويس؟ رعد خد نفس بابتسامة: "انا زي الفل، إيه رأيك نخرج النهارده؟ زينب باستغراب: "نخرج؟ رعد: "آه، مش عايزة؟ زينب: "هااا... رعد: "هااا إيه؟ مش هنتفسح ولا إيه؟

أنا حابب إننا نخرج ونتفسح عشان المزرعة هنا بقت مملة أوي." زينب بتبص ليه بحيرة، اللي هو إزاي كده؟ امبارح كان تعبان ومنهار، إزاي بقى بالنشاط ده والابتسامة العريضة على وشه؟ رعد بيشاور بإيده قدام وشها: "سرحانة بإيه يا زيزي؟ زينب: "هاا، لا ولا حاجة." رعد: "طب يا الله عشان ننزل." زينب: "ححاضر." رعد: "حاضر إيه؟ لسا واقفة؟ زينب بكسوف: "هو انت هتفضل بالاوضة؟ رعد بمكر: "إيه؟ مش عايزاني أفضل؟ زينب: "اصل اصل... رعد:

"اصل إيه يا زيزي؟ ده حتى أنا جوزك، ولو حابة أغيرلك أنا... ولسا هيقرب منها بعدت بسرعة وقالت: "لا لا خلاص، أنا هغير ثواني بس." رعد بابتسامة: "ماشي يا زيزي، ماشي، براحتك أوي، براحتك خالص." قالها بغمزة. بعد شوية نزلوا السوق واشتروا حاجات كتيرة ليه ولزينب. وكانت المرة دي من ذوق زينب. حست زينب بقربه منها، وأنها بيحاول إنه يراضيها بأي طريقة. وقف عربيته قدام النيل. رعد: "إيه رأيك نتمشى شوية؟

هزت راسها بابتسامة ونزلت معاه. تمشوا شوية واشتروا قهوة من الطريق وقعدوا في حتة بعيدة. رعد: "زينب... زينب: "أيوا." رعد: "مين أسر؟ اترعبت أول ما سمعت اسمه ووقعت القهوة من إيديها.