رواية عذراء في الحب الفصل الأول 1 - بقلم جروح لا تنتهي

عائله القناوى جواد القناوى: ابن عمدة اهدى قرى قنا، شديد الشخصية، جامد فالتعامل، يحب زوجته وليس له اولاد. عمره ٣٧ سنة. سنها: (هنا يبدو أن هناك خطأ في النص الأصلي، حيث تم تكرار كلمة "سنها" دون ذكر سنها. سأتركها كما هي لعدم تغيير المحتوى) مرام: ابنت خال جواد وزوجته، تحب المال اكثر من اى شئ ولا تهتم سوى بجمالها. حنين القناوى: اخت جواد، من الجامعة، مخطوبة لابن عمها وتحبه كثيرا، مرحه وخجوله.

معاذ القناوى: خطيب حنين ويحبها بشدة، محامى. خلف القناوى: عمدة البلد وابو جواد، رجل يتميز بالحكمة والطيبة ويحب اولاده بشدة. هنيه القناوى: ام جواد، امرأه تحب اولادها وتسعى لسعادتهم وطيبة القلب. محسن القناوى: الاخ الاصغر لجواد، يدرس فى كليه الهندسه، يحب اخيه بشدة. عائله المنصورى عائشه المنصورى: ٢٥ سنة، فتاه طيبه مرحه، ولكن الحياه اطفأت الشعله بداخلها لتصبح ام لطفله عمر سنة وهى ما زالت عذراء فالحب.

خالد المنصورى: ابن عم عائشه وزوجها، يريد المال دائما والسيطرة على اموال عمه. منير المنصورى: والد عائشه، جامد الشخصية وقاسى دائما، ولكنه لم يكن كذلك من قبل. معتز: اخو عائشه الكبير، يحبها بشدة ويريد دائما اسعادها. رنيم: زوجه معتز، فتاه طيبه بشدة تحب الجميع وتبحث على سعادة الجميع، من القاهرة. سهير: ام عائشه، امراه حنونه وتحب اولادها بشدة. ايمن: اخو عائشه، مستهتر وانانى ودائما يبحث على سعادة الخاصة.

جود: ابنه عائشه، سنة عمرها. فارس: صديق جواد المقرب ومدير شركاته ف القاهرة وبئر اسراره، كان رائد فالمخابرات. الفصل الاول فى احدى قرى اسيوط فى منزل يظهر عليه الفخامه. سهير بخوف: يلا يا بتى يلا خدى بتك وامشى من هنا واوعاكى ترجعى. عائشه بدموع: ماما بس. سهير: من غير بس ابوكى راح يرجعك للمنيل خالد، اهربى يا روحى وخلى بالك من نفسك وخدى الفلوس دى معاكى وديرى بالك على روحك وعلى بتك. عائشه: هروح فين.

سهير: اى مكان يا عيشه اى مكان اهم حاجه ترتاخى من الجحيم، لو رجعتى لخالد تانى تبقى كتبتى نهايتك. سهير: خودى تلفونك سرقته، يلا روحى يا روحى. عائشه وهى بتحضن امها: هتوحشينى يا ماما. خلى بالك من نفسك، خلى بالك منها يا رنيم. رنيم بدموع: حاضر فى عنيا، بس خلى بالك من نفسك وانا هبقى احاول اطمن عليكى لما الامور تهدى. سهير: عمك خضرك هيستناكى قدام المكنه، روحي هناك وهو هياخدك يوصلك المحطه وادلى على اى مكان بعيد. عائشه: حاضر.

سهير بدموع: مع السلامه يا قلب ستك، منه لله ابوكى، منه لله. رنيم: يلا يا ماما نرجع قبل ما حد ياخد باله. سهير: يلا يا بتى يلا. عائشه وصلت لعم خضر. خضر بقلق: حدا شافك يا بنتى. عائشه: لا يا عمى، اطلع عالمحطه بسرعه. فتحت التليفون ولقت رسايل كتير من صحبتها حنين. لسه هترد لقتها بترن عليها. عائشه: الوحنين: عيشه حبيبتى، اخيرا كنت هموت عليكى، قافله لى اول ما جالى رساله انوا اتفتح رنين، انتى اى حصلك. عائشه

ابتسمت على حب صحبتها: اهدى يا حنين، انا انا هربت من البيت. حنين: اى بتقولى اى. عائشه بدموع: لو فضلت كنت هموت يا حنين. حنين: اهدى، هتروحى فين. عائشه: مش عارفه، مش عارفه. حنين بتفكير: طب اركبى قطر قنا وتعالى وانا هتصرف. عائشه: لا مينفعش. حنين قاطعتها: قنا بعيدة عن اسيوط واهلك مش هيسكتوا، تعالي وهنلتقى الحل باذن الله. عائشه: حاضر. بعد مرور عدة ساعات. منير بغضب: وين راحت بتك يا سهير. سهير بخوف: معرفش يا حاج معرفش.

ايمن: انا هقلب عليها الدنيا وهجيبها لو فاخر البلاد. منير: وانتى يا رنيم متعرفيش. رنيم بتوتر: لا يا بابا الحاج، انا اهر مرة شفتها عالعشا ومشفتهاش تانى. معتز بص على امه ومراته بنظرات شك بس سكت ومرضيش يتكلم. خالد جه: وين مرتى يا عمى، كيف يعنى هربت. منير: مهو بسببك يا بهيمه انت. خالد: يوووه يا عمى، منا قلت هصلح كل حاجه. منير: خد ايمن وروح دور على مرتك وبتك ورجعهم، غوروا غوروا من وشى. فى قنا فى قصر العمدة.

حنين: محسن اتصرف. محسن: طب انا هروح اجيبها من المحطه، وانتى هتعملى اى هتقولى اى. حنين: مش عارفه بس لازم اساعدها. محسن: عندى فكرة، انتى بتقولى انها دكتورة بيطريه. حنين: ايوة. محسن: دكتور المزرعه مشى وابيه كان عايز دكتور، فانتى قوليلهم ان ليكى صديقه كانت محتاجه شغل وطلبتيها تيجى نجرب شغلها، اى رايك. حنين: هى فكرة حلوة بس ابيه هيوافق. محسن: دى عليكى، ادلعى على بوكى وقوليه انها صديقتك ومحتاجه الشغل. حنين: ربنا يستر.

الخدامه: يلا يا ست حنين الفطار جهز. محسن: اجمدى كدا. عالفطار. حنين بتوتر: بوى كان فى واحدة صديقه ليا محتاجه شغل وانا قلتلها تيجى المزرعه. جواد: تيجى المزرعه لى عاد. حنين بخوف: اصلها دكتورة بيطريه. جواد: من متي بنشغل حريم هنا. حنين برجاء: لو سمحت يا ابيه، هى محتاجه الشغل ده، صدقنى. جواد لسه هيتكلم قاطعه والدة. خلف: ادام محتاجه الشغل تشتغل ونشوف شغلها. جواد: كيف يا بوى. خلف: البنت محتاجه الشغل وقصدت اختك، عيب.

مرام: والله عشنا وشفنا. محسن: طب عن اذنكوا. خلف: لوين. محسن: هجيب صديقه حنين من المحطه. جواد: محطه، هى من وين. حنين بخوف: اسيوط. جواد بغضب: كمان. خلف بهدوء: روح يا ولدي، وانت يا جواد هدى حالك يا ولدي، مش اكدة. حنين: ابيه صدقنى هى متفوقه جدا. جواد قاطعها: لما نشوف. فالمحطه. محسن واقف ولمح عائشه. محسن: مدام عائشه. عائشه باستغراب: نعم. محسن: انا محسن اخو حنين. عائشه: ازى حضرتك بس. محسن: حنين ورتنى صورتك عشان كدا عرفتك.

عائشه: اه. محسن: هاتى البنوته الحلوة دي. عائشه: لا ملوش داعي، انا شيلاها. محسن: بصى اعتبرينى اخوكى الصغير وتعالى بقه عشان هعرفك احنا اتفقنا على اى. عائشه: طب لو عرفوا. محسن: ان شاء الله محدش هيعرف حاجه. عائشه: بجد مش عارفه اشكرك انت وحنين ازاى. محسن: قلتلك اعتبرينى اخوكى. بعد مده وصلوا القصر. الكل كان قاعد مستنى. حنين بفرحه: عيشه. وطلعت تجرى عليها حضنتها بشوق وفرحه ولهفه، وكمان عيشه نفس الوضع.

الكل كان مصدوم من الجميله اللى واقفه قدامهم وكمان من البنوته الصغيرة. حنين: دي عائشه اللي حكتلكوا عنها. مرام بغيظ: ومين اللي شايلها يا محسن، دي كمان. محسن: دي جود بنت عائشه. جواد باصص على البنت وامها: وكمان متجوزة. حنين بسرعه: لا مطلقه. خلف: نورتي يا بتي. عائشه: نور حضرتك، انا بجد مش عارفه اشكركوا ازاى. هنيه: ولا شكر ولا حاجه، انتي زي بتنا. عائشه: شكرا لحضرتك. هنيه: اعتبرينا اهلك بقه، بلاها حكي حضرتك وحضرتك ده.

مرام بغيظ: وانتي بتحكي مصري احسن من المصريين. حنين: عيشه كانت عايشه بمصر فترة طويله. مرام: ايوا، وحضرتها هتنام فين اكدة. عائشه: انا قلت لمحسن يشوفلي مكان استأجره واقعد فيه. خلف: كيف ده، له انتي تعيشي اهنه معانا. عائشه: لا شكرا، بس معلش كفايه اللي عملتوه معايا، انا اى مكان اجره مش مشكله عندي. مرام: مهو مينفعش يا عمي تقعد حدانا واحنا معانا رجاله ولا اى. جواد: هي تقعد فالبيت اللي بالمزرعه عشان تبقى جنب المزرعه.

عائشه: مفيش مشكله. هنيه: روحي يا بتي مع جواد هيوريكى المزرعه وغيري خلكاتك وتعالي عشان تتغدى معانا. عائشه: ملوش لزوم. خلف: لا متقوليش اكده، انتي هتيجي كل يوم تتغدى معانا. عائشه ببسمه: بجد شكرا. مرام: محسن يوديها، اشمعنا جواد. جواد بغيظ: مرام بكفياكي حديد ماسخ. اتفضلي. واخد عائشه وجود وراحوا المزرعه. جواد: ده البيت، هو محتاج تنضيف شوى. عائشه: مفيش مشكله. جواد: تعالى اوريكى المزرعه.

اخدها ولففها فالمزرعه كلها وانبسطت بيها جدا. جواد: غيري هدومك وتعالي عشان نتغدى. عائشه: حاضر، بس بعد اذنك ممكن تمسك جود شوى بس خمس دقايق. جواد بفرحه داخليه: مش مشكله. وشالها وهى دخلت، وبدا يتكلم معا جود: كيفك يا حلوة انتى، انتى جميله قوى واسمك جميل كمان. البنت بدأت تضحك معاه وهو بيلعبها. جود: با با با باااا. عائشه طلعت ولقتهم مبسوطين. جواد اول ما شافها سكت. عائشه بتاخد جود: شكرا. جواد: خليها، انا شايلها.

عائشه: عشان متتعبكش. جواد: له متخفيش، يلا.