رواية عذراء في الحب الفصل الثاني 2 - بقلم جروح لا تنتهي

وصلو القصر. مرام بغيظ: من ميتا الرجالة بتشيل العيال يا واد عمتي. عائشة بتوتر: أنا آسفة بس وبتاخد جود. جواد بغيظ: ما فيهاش حاجة إن أشيل عيلة صغيرة، وثانياً الكل بيشيل العيال يا بنت خالي، بس إحنا معندناش عيال نشيلها. مراد بدموع مصطنعة: بتعايرني، بتعايرني يا جواد إني مجبتلكش العيل اللي نفسك فيه. خلف: بكفاية حديد ماسخ، يلا عالغدا. قعدوا وبيتغدوا، وجواد بيسرق نظرات لجود كل شوية، وكل ما يبصلها تضحكله، وعائشة ملاحظة ده.

مرام: وإنتي مطلقة من ميتا وليه؟ عائشة شنقت وبتكح: كح كح. حنين: اشربي يا حبيبتي. وبصت لمرام: أعتقد دي حياة شخصية محدش يدخل فيها، مش أكيدة يا مرات أخويا. جواد: حنين اتكلمي زين. مرام بمكر: كنا عنطمن بس مش قصدنا حاجة. هنيه: خلاص يا أولاد كملوا. بعد الغداء. عائشة: طب أنا هستأذن عشان هروح أنضف المكان اللي هقعد فيه. جواد: احم، أنا كلمت واحدة جت نضفتها ليكي. مرام بغيظ: ومن امتى ده إن شاء الله؟ جواد بغضب: مرام احكي زين.

مرام: أنا طالعة يا عمة. عائشة بتوتر: طب أنا همشي أنا، عن إذنكم. محسن: أنا هوصلك. عائشة: ملوش لازوم. جواد: استنى، أنا هوصلك لأني عايز أشوف الإسطبل بالمرة. خلف: روحي يا بتي، ديري بالك على حالك، لو عاوزة أي حاجة، الغفير عندك يجيبلك اللي عايزاه. عائشة ببسمة: شكراً لحضرتك بجد. خلف ببسمة: ما تقوليش الحكاية دي، إنتي زي بتي. جواد: يلا. وصلوا المزرعة. عائشة: شكراً لحضرتك. جواد من غير ما يبصلها: العفو.

عائشة دخلت وبدأت تظبط الدنيا عندها، ولقيت مونة فالبيت. عائشة: المونة دي إن شاء الله هتكفيني كام يوم؟ صباح يوم جديد في المزرعة. الباب بيخبط. عائشة فتحت: اتفضلي. روحية: ازيك يا ست الدكتورة، أنا بشتغل عند الست حنين وهنية، هما بعتوني آخد الست الصغيرة عشان تروحي شغلك. عائشة: آه، حنين كلمتني، دقيقة هجهزهالك. بعد مدة. عائشة راحت المزرعة. عائشة: تمام، التطعيمات لازم تكون جاهزة عشان أديهالهم. سيد: حاضر يا دكتورة.

عائشة: تمام، وعايزة كمان حد ينضف تحتيهم، لأن الوساخة اللي تحتيهم ممكن تجبلهم أمراض كتير. سيد: ماشي، حاضر، من عيوني. عائشة: يسلموا يا عم سيد، إلا قلي يا عم سيد، هو مين اللي شغال في الأرض ده؟ سيد: دا جواد بيه. عائشة بنظرة إعجاب: جواد بيه. سيد: أيوه، هو اللي بيشتغل بإيده في الأرض، يد بيد مع العمال. عائشة: طب عن إذنك. عائشة راحت عنده وماشية. جواد بيمسح عرقه، لقاها جايه عليه.

جواد بغضب، لسه هيزعق فيها، لقاها وقعت في الطين. طلع يجري عليها. جواد: إنتي إيه جابك هنا؟ عائشة بزعل طفولي: كنت عايزة أتفرج على الأرض، بس وقعت. عاااااا. جواد ببسمة داخلية على طفولتها: هاتى إيدك. شدها وقومها. جواد: مينفعش تيجي هنا، هنا في رجالة كتير بتشتغل، ما ينفعش تيجي وسطيهم. عائشة لسه هتتكلم، سمعت صوت سيد. سيد: الحق يا جواد بيه، الفرسة عتولد. جواد بخضة: بتقول إيه؟ أنا جاي. عائشة: استنى، جايه معاك.

وراحوا عند الفرسه. جواد: وضع الفرس مقلوب. سيد: هي لو فضلت كده هتموت. عائشة: عن إذنكم بس. وبتزيح جواد. جواد: هتعملي إيه؟ عائشة بفخر: هعمل شغلي. بعد مدة. جواد: كيف عملتيها؟ عائشة بتعب: شغلي، بس لو ماساعدتنيش إن أشُد الفرسه، أنا اللي هتشفط. سيد: ضحك. جواد بضحك: طب أوعى. عائشة: مينفعش، شد معايا بس. جواد وعائشة: شدوا بعزمهم ووقعوا، والفرس وقع عليهم. عائشة: هو يوم منيل من الأول. جواد بضحك: شكراً.

عائشة ببسمة لابتسامته: بتضحك عشان الفرسة ولدت. جواد بلا وعي: بضحك عشانك. عائشة: عشانى؟ جواد وعى للي قاله: احم، اتفضلي روحي غيري هدومك اللي اتوسخت دي، ويلا نروح عشان الجماعة أكيد مستنيينا عالغدا. عائشة: حاضر.