رواية عذراء في الحب الفصل الخامس 5 - بقلم جروح لا تنتهي

معتز: عيشه عائشه بصدمه: معتز معتز جرى عليها وحضنها: وحشتيني عائشه بدموع: وحشتيني انت أكتر يا حبيبي جواد واقف بيطلع نار من ودانه اتنحنح: احم عائشه بخوف: احم ده معتز أخويا جواد: أخوكي عائشه: وده جواد بيه صاحب المزرعة اللي بشتغل فيها معتز: أهلاً وسهلاً شكراً بجد للي عملته مع شوشو جواد: لا شكر على واجب معتز: فين جود وإزاي تمشي عائشه قطعته: حبيبي تعالى ارتاح ونتكلم جواد بشك: اتفضل اتغدى معانا عائشه بسرعة: لا

قصدي عشان ياخد راحته جواد: ماشي هبعتلك جود مع رضا عائشه: شكراً وأخذت أخوها ومشيت جواد روح البيت جواد: يا رضا بت يا رضا رضا: أيوه يا بيه جواد: خدي جود ووديها للدكتورة حنين باستغراب: ليه يا أبيه هي مش جايه جواد: ليه هنيه: ليه يا ولدي جواد: أخوها جه وهتاكل معاه حنين بتوتر: أي أخوها جواد بشك: أيوه فيها إيه حنين بصت لمحسن: ليه ما فيهاش خلف: ليه يا ولدي مجبتوش هنا نكرمه جواد: الدكتورة موافقتش

حنين: طب عن إذنكم أنا طالعة فوق وبصت لمحسن جواد بصلهم بشك لما لقى محسن طالع وراها وطلع وراهم حنين: مصيبة يا ربي يا ترى إيه اللي هيحصل محسن: أروح لها لتكون محتاجة مساعدة حنين: معقول يكون جاي ياخدها محسن: طب إيه هنفضل كده حنين: أنا هستنى البت رضا لما تيجي وهطمن منها جواد: هو في إيه بالظبط حنين بخوف: أبيه مفيش حاجة ليه بتقول كده جواد: مخبيين عني إيه يا حنين حنين: ولا حاجة يا أبيه

جواد بشك: لو عرفت إنكم مخبيين عني حاجة يكون بعلمكم مش هسكت لكم وسابهم ومشى المسا جواد قرر يعرف إيه اللي بيحصل وقرر يروح عند عائشه ويعرف اللي مخبيينه وصل البيت وسمع صوت عائشه العالي وانهيارها لحسن حظه إن الباب كان مفتوح شوية وقدر يشوف ويسمع اللي بيحصل

عائشه بدموع وانهيار: هربت ليه هربت عشان أرتاح هربت عشان ماليش سند أنتم دبحتوني بالحيا يا معتز صدقتوا كلام اتقال عليا وجوزتوني لواحد حيوان ميفهمش ميعرفش حاجة في حياته غير إنه ياخد حقه مني معتز بحزن: عيشه انتي عارفة إني مكنتش عائشه: مكنتش إيه يا معتز مكنتش إيه بس أنت اشتركت معاهم في تدمير حياتي صدقتوا كلام اتقال عليا أنا يا معتز أنا يا معتز أصاحب واحد وأتجوز عرفي ليه مش واثقين فيا للدرجاتي مش واثقين في تربيتكم

تجوزوني لواحد جاحد معتز: بس أنتِ متكلمتيش عن جوازك من خالد عائشه بدموع: جوازي أنت عارف إن خالد مفيش مرة قرب مني إلا وكان وانهارت على الأرض مغتصابني بنتي دي بنت اغتصاب معتز بصدمة: اغتصاب عائشه بانهيار: أيوه يا معتز أنا متكلمتش لإن كان مهددني بأني لو اتكلمت كان معتز بدموع: بس بس متكمليش وحضنها

عائشه: أنا كاتمة في نفسي وساكتة بس للأسف محدش هيصدقني أنتم قتلتوني يا معتز قتلتوا روحي قتلتوا الحياة فيا موتوني بالبطيء ظلمتوني كتير دمرتوني دمرتوني كل ده تحت مسامع جواد اللي مصدوم ومش متخيل كمية الوجع اللي اتحملته قلبه مع كل دمعة بتنزل مكانها دم وهو شايفها منهارة كده معتز بدموع: أنا آسف آسف كل حاجة هتتصلح هتتصلح عائشه بانهيار: مش عايزة حاجة تتصلح أنا عايزة محدش يعرف مكاني بس ده كل اللي أنا عايزاه

جواد قضى طول الليل بيفكر فيها ومش رايح من باله انهيارها ودموعها وحسم قراره عائشه سابت معتز وراحت عند حنين اللي خاربة الدنيا عايزة تطمن عليها الكل على الفطار عائشه: صباح الخير الجميع: صباح النور حنين طلعت تجري عليها هي ومحسن والكل استغرب حنين بقلق بتمشي إيدها على وشها: انتي كويسة فيكي حاجة عائشه ببسمة على حب صحبتها وبصوت مبحوح من العياط: أنا كويسة جواد لما سمع صوتها بصلها لقى عيونها ورمة ووشها منفخ حنين: أمال

مال وشك كده عائشه بتوتر: لا يا حبيبتي مفيش وبصت على القاعدين حنين فهمت حنين: طب تعالي معايا عايزاكي في موضوع وطلعوا فوق مرام: هو في إيه مالهم كده محسن: إيه يا مرات أخوي اتنين صحاب أكيد بينهم كلام عايزينش حد يعرفه جواد: عن إذنكم مرام: جواد أنا عايزة فلوس جواد بصلها: خير ليه تاني مرام بتوتر: عايزة أجيب شوية طلبات كده جواد بنفاذ صبر لأن كلامه لا هيقدم ولا هيأخر: اديها يما اللي عايزاه هنيه: حاضر يا ولدي وسابهم ومشى

معتز كان قاعد مع جود وبيلعب معاها والباب خبط وراح فتح الباب معتز باستغراب: جواد بيه جواد: ازيك يا معتز معتز: بخير بس عيشه مش هنا انت عايزها في حاجة جواد: أنا عارف إنها مش هنا أنا عايزك انت معتز: أنا جواد: أنا عايز أتجوز أختك معتز بصدمة: إيه عيشه بس جواد: أنا سمعتكم امبارح وانتوا بتتكلموا معتز بصدمة: إيه جواد: صدقني أنا بحبها وهحميها والحل الوحيد إني أتجوزها لأن اللي فهمته إن أبوك مش هيسيبها إلا لما يرجعها

معتز بتفكير: بس مراتك عيشه قالت إنك متجوز جواد بتنهيدة: مراتي ملهاش دخل في أي حاجة ومش هتعترض معتز: طب أنا هكلم عيشه جواد: بس مش عايزها تعرف إني أعرف أي حاجة عنها معتز: ليه جواد: مش عايزها تحس إني شفقان عليها معتز ببسمة: إن شاء الله خير جواد: لو وافقت عايز الموضوع يتم في أسرع وقت معتز: خير إن شاء الله خير حنين: طب معتز هيعمل إيه عائشه بتنهيدة: لا محدش قدام بابا يقدر يقف

حنين: وهي تحتضنها خير يا حبيبتي الحمد لله العدة خلصت لو لا قدر الله عايز يرجعك لازم مأذون وإن شاء الله مش هيحصل عائشه بخوف: ربنا يستر أنا هروح بقى عشان أقعد مع معتز حنين: ماشي نزلت وهي خارجه قابلت جواد وعيونهم جت في عيون بعض بس لفت وشها ولسه هتمشي جواد: دكتورة عائشه ببحة: نعم جواد: ريحي اليوم واقعدي مع أخوكي عائشه: شكراً وسابته ومشيت جواد دخل وقابل أمه هنيه: يا ولدي جواد: نعم يما هنيه: يا ولدي مراتك بتصرف كتير أنت

عارف خدت قد إيه مني جواد: أمي سبيها بلاها نكد كل ما أحكي معاها تبكي وتقول عشان معنديش ولد تعمل معايا كده سبيها يما سبيها هنيه بحزن: ربنا يفرح قلوبكم يا ولدي جواد: فين أبويا هنيه: بالمكتب جواد سابها ومشي وراح عند أبوه خلف: أهلاً يا ولدي جواد: ازيك يا حاج خلف: بخير خير يا ولدي جواد: أنا عايزك بموضوع خلف: خير جواد سهير: إيه يا بنتي جوزك وصلها رنيم: أيوه يا ماما وطمنيني عليها وهنكلمها بس لما ترجع من مشوار راحتها

سهير بفرحة: قالك أنا زينة مش كده رنيم: أيوه يا ماما بخير هي وجود سهير: الحمد لله يارب الحمد لله برة منير بغضب: روحت عند عمتك في مصر خالد: أيوه يا عمي روحت وقالت إنها متعرفش عنها أي حاجة منير: تقع بس بإيدي بنت ال.... والله لأطين عيشتها أيمن: هو معتز أخويا راح فين منير: ومن امتى أخوك يعرفنا حاجة عنه خالد: ليكون راح يشوفها منير: وهو بيضرب خالد على دماغه وانت مشغلتش مخك ليه من الأول ومشيت وراه ليلتك سودا لو

كان يعرف عنها حاجة أيمن: معتقدش تلاقيه راح يشوف شغله في مصر معتز قاعد بيفكر يقنع أخته كيف توافق على جواد لأنه طوق النجاة ليها وشارد في أفكاره وفاق على صوتها عائشه: معتز معتز: نعم عائشه ببسمة: اللي واخد عقلك يتهناه يا سيدي معتز ببسمة: انتي اللي واخداه عائشه باستغراب: أنا معتز: أيوه بقولك جواد بيه ده شكله طيب قوي ورجل عائشه ببسمة: فعلاً إنسان كويس ومحترم معتز: كان هنا من شوية عائشه بصدمة: إيه أوعى تكون قلتله حاجة معتز:

لا مقلتش حاجة عائشه: أمال كان عايز إيه معتز: عايز يتجوزك عائشه بصدمة: إيه قلتله إيه معتز: قلتله هشوفك عائشه: لا مش هتجوز معتز: ليه عائشه: ليه يعني إيه أنت عارف لا ليه معتز: اهدي أنا شايف إن الراجل شاريكي وصدقيني هو ده اللي هيقدر يقف في وش أي حد ويحارب عشانك انتي عارفة لو أبوك عرف مكانك إيه اللي هيحصل ومحدش هيقدر يقف قدامه أبوك قالب عليكي الدنيا لو وصلك هيخرب الدنيا عليكي عائشه بخوف:

معتز: من غير بس وخالد عمره ما هيسيبك ويقدر ياخد بنتك منك ويضغط عليكي بيها إنما لو معاكي واحد زي جواد هيبقى في ضهرك وتقدرى تقفي في وشهم صدقيني انتي لازم توافقي لازم عائشه: بس لو عرف حكايتي معتز: شكله بيحبك واللي بيحب حد مش بيتخلى عنه أبداً قدامكش حل غير إنك تبقي في عصمة راجل تاني لو أبوكي وصلك محدش هيقدر يقف في وشه هيقولوا أب وبنته وجواد مش هيقدر يدخل لأنه ملوش صفة إنما لما يبقى جوزك هيبقى بصفته جوزك

لازم يبقى ليكي ولبنتك سند صدقيني جواد هو السند اللي انتي محتاجاه عائشه قاعدة شاردة في كلام معتز ومش عارفة تعمل إيه معتز: إيه يا حبيبتي قرارك إيه عائشه بخوف: