رواية عذراء في الحب الفصل السادس 6 - بقلم جروح لا تنتهي

عائشه بخوف: موافقه. معتز بفرحه: هو ده القرار الصح. لازم الموضوع يتم وأنا هنا، وفى أسرع وقت. أنا هكلمه. عائشه: أنت معاك رقمه؟ معتز: أيوه. عطاهولي وقالي مستني الرد. *** المسا، الكل متجمع على العشا. جواد: أنا قررت قرار وحاببكم تعرفوه. هنيه: خير يا ولدي؟ جواد: أنا هتجوز بكرة. مرام شرقت: كح كح. هنيه: تتجوز؟ جواد: أيوه. هنيه: بس... جواد: حقي ولا مش حقي؟ هنيه: بس مراتك يا ولدي. جواد بص لها: هي موافقة، مش أكده؟

مرام بتوتر: حقك يا ابن عمتي، بس متوقعتش. حنين: ومين العروسة؟ جواد: الدكتورة. حنين بفرحة: جد... احم، قصدي مبروك. هنيه: بس ليه السرعة يا ولدي؟ جواد: وأخوها موجود أهه. مرام: أنا طالعة. خلف: ربنا يقدم اللي فيه الخير يا ولدي. *** مرام طلعت وبتكسر في كل حاجة: يا بنت... تضحكي عليا أنا! تليفونها رن. مرام بغضب: أيوه يا أما. ناهد: مالك يا بتي؟ مرام بغضب: جواد هيتجوز يا أما، بنت ال... ضحكت عليا ولم يهمها شيء ووافقت.

ناهد بغضب: أنتِ اللي سلمتي جوزك ليها بيدك. مرام: ما كنتش أعرف إنه هيعملها، كنت مفكرة بيحبني يا أمي. ناهد: كان يا بت بطني، أنتِ ضيعتي جوزك من إيدك. ما دورتيش على حالك ولا كشفتي ولا حسستيه إنك نفسك تجيبي منه ولد. أنتِ كل همك الفلوس واللبس، وها هم هيضيعوا من إيدك. مرام بغضب: مستحيل، على جثتي. قفلت مع أمها وطلبت رقم. مرام: الو. مجهول: الو. مرام: عايزك في موضوع، قابلني ورا الجنينة بعد شوية. مجهول: حاضر. صباح يوم جديد.

الكل بيجهز لكتب الكتاب، ومرام قاعدة في أوضتها وقافلة الباب عليها. خلف: وكلوا الناس، كلها يا معاذ. معاذ: حاضر يا حاج. جواد: ملوش لازوم، اللي عملته ده يا أبويا. خلف: له يا ولدي، دا عاداتنا، ودا فرح ولازم نفرح. معاذ: معاك حق يا عمي. خلف: أنا هروح أريح شوية. جواد واقف هو ومعاذ بيتكلموا، ومندور قرب منهم. مندور: إيه يا عريس، مش كنت تعزمنا ولا إيه؟ ولا إحنا مالناش في الأفراح؟ جواد بغضب: لما أنت مش معزوم، إيه اللي جابك هنا؟

مندور: جيت أبارك، ولا إيه يا حضرة المحامي؟ معاذ: مندور، أنت مش مرحب بيك هنا، امشي. مندور: ما تخافش، مش هنعمل حاجة. أنا جيت أبارك وأقول لجواد، يا زين ما اخترت، الدكتورة تحل من على حبل المشنقة. جواد مسكه من جلابيته: لسانك لو جاب سيرتها تاني، هقطعهولك، فااااهم؟ معاذ: اهدى يا جواد، روح يا مندور، وكفاية كده. جواد: أنا هربيك من جديد. خلف بصوت عالي: جواااااد، إيه اللي بتعمله ده؟ مندور: إيه يا خال، هو ده حسن الضيافة؟

خلف: أنا مش خال حد، وإحنا مالناش دعوة بيكم، وامشي من هنا، وما عايزينش نشوف وشك تاني. مندور: همشي، بس راجع تاني. وبص على جواد، سلام يا عريس. جواد لسه هيروح يضربه، مسكه معاذ. معاذ: اهدى يا جواد، كفايانا. بعد مدة، جه المأذون. خلف: فين عروستك يا ولدي؟ جواد: هتصل على معتز. ولم يكمل، ليقاطعه معتز وصوت زغاريط الحريم. معتز: إحنا هنا يا جواد.

جواد لف وشه عليها، كانت لابسة فستان أبيض بسيط، ولافة طرحة بيضة، وحاطة ميك أب خفيف، وشايلة جود اللي لابسة فستان أبيض، وحاطة طوق بالفل. جواد تنح من جمالها وفضل باصصلها. معاذ ضربه في دراعه: دا أنت واقع على الآخر بقى. جواد بحرج: احم. خلف: تعالى يا بتي، اقعدي جنب أخوكي هنا. عائشة قاعدة خايفة من كل حاجة ومتوترة، وماسكة إيد معتز. المأذون: كل حاجة جاهزة، بسم الله، حط إيدك في إيد العريس يا ولدي. وبدأوا كتب الكتاب. بعد دقائق.

المأذون: بارك الله لكما، وبارك عليكما، وجمع بينكما المودة والخير. الزغاريط بدأت تشتغل جوة، والأغاني اشتغلت، وضرب النار. عائشة، حنين أخدتها ودخلوا على الحريم، اللي أول ما شافوها زادوا في الزغاريط. حنين: يلا، عايزين نهيصلها. ست: من عنينا، قومي يا بت ارقصي. عائشة قاعدة، وأول مرة تحس بالفرحة دي، اللي ممزوجة بخوف، بس هي فرحانة. حنين مسكت إيدها: افرحي ومتخافيش، جواد عمره ما هيزعلك. عائشة ابتسمتلها.

الكل بيغني ويرقص، وراحت واحدة شدت عائشة للرقص. عائشة: لا لا. واحدة ست: ارقصي يا بتي عشان نطمن على ولدي. عائشة باستغراب: إزاي؟ حنين: هنا لازم العروسة ترقص، عشان نعرف إن العريس مهيبصش بره. قومي بقى. عائشة قامت وبدأت ترقص مع البنت اللي بترقص. ست: هزي لها وسطها يا بتي. حنين شدت طرحة عائشة وشعرها ساب على ضهرها، وهزت وسطها. الكل باصصلها بإعجاب، ومن حلاوة شعرها السايح.

جواد قاعد بيدور بعيونه عنها، يمكن يلاقيها مع أمه والحريم اللي بيبارقولها. معاذ: مدورش، مش هنا. جواد: وينها؟ معاذ: أختك خدتها جوة. خلف: روح لأمك، وهي تناديهالك. جواد بتوتر: لا يا حاج، أنا قاعد وسطيكوا. معتز: جواد، أنا مضطر أمشي دلوقتي، ممكن تنادي عائشة أشوفها؟ جواد لقاها فرصة: هروح أناديها. ومشي راح عندها. ووصل وسمع صوت الغنا والزغاريط، وبص لقى عائشة بترقص وشعرها بيلف معاها. جواد بصوت عالي: حنين!

عائشة بفزع: نهار أسود. وبتفك الطرحة. حنين طلعت تجري تشوف أخوها: أيوه يا بيه. جواد بغيظ: نادي الدكتورة، أخوها عايزها. حنين دخلت ونادت عائشة، اللي أول ما خرجت لقت جواد في وشها. عائشة بتوتر: احم، هو معتز فين؟ جواد بغيظ وغضب: برة. عائشة طلعت وراحت عند أخوها. معتز: أنا لازم أمشي، خلي بالك من نفسك. عائشة بدموع: بسرعة كده؟ معتز: معلش يا حبيبتي، ورايا شغل، وأنا هرجعلك، المهم إني أطمنت عليكي.

عائشة حضنته، وهو بادلها الحضن، ومشي. وعائشة دخلت جوة، كان البيت فضي، وما فيهوش غير أهله. هنيه: روحي، طلعي الدكتورة أوضتها. روحية: حاضر. وطلعوا، وجواد كان في الأوضة بس في الحمام. عائشة دخلت وخلعت الطرحة، ولقيت باب الحمام اتفتح. عائشة بخضة: جواد! جواد ما ادهاش اهتمام، وواقف بيسرح شعره، وهي أول مرة تشوفه لابس تيشرت وبنطلون، وقاعدة بتبص عليه وسرحانة فيه، بس فاقت على صوت الباب وهو بيتقفل. عائشة باستغراب: ماله ده؟

عند مرام، قاعدة بتغلي وبتأكل في نفسها. جواد دخل عليها. مرام بغضب: إيه جابك يا واد عمتي؟ إيه، العروسة مريحتكش ولا إيه؟ جواد بغضب: مرام، عقلك إيه؟ دماغي منقصاش وش. مرام بدموع مصطنعة: قدرت تعملها يا جواد؟ اتجوزت؟ جواد باستغراب: أنتِ مش كنتي موافقة ولا إيه؟ مرام: أيوه، بس ما كنتش متوقعة إنك تعملها. أنت بتعشقني، ما تخيلتش إنك توجعني كده. جواد بوجع: أوجعك أنا برضه يا مرام؟ اللي أوجعك، ولا أنتِ اللي بتوجعيني؟ مرام: أنا.

جواد: أيوه أنتِ. أنتِ اللي أهملتي، ما كنتيش تهتمي. آخر برة مأخرش، ما كانش يهمك. كل حاجة بالنسبالك الفلوس، عايزة فلوس، عايزة فلوس. حتى العيل اللي أي اتنين متجوزين بيتمنوه، محسستنيش إنك عايزاه. أي واحدة بتدور على حالها عشان تخلف، بس أنتِ له، كبرتي دماغك ومسألتش. كنتي بتعرفي إني بحبك وما هتخلى عنك واصل. كان أسهل كلمة عندك، روح اتجوز، وأنتِ عارفة إني عمري ما كنت هعملها، لأني وعدتك. مرام بحزن: بس اتجوزت.

جواد بغضب: حقي، حقي. أدور على واحدة تدور على راحتي، اللي مش لاقيها معاكي. تعبت من كتر القسوة اللي بلاقيها منك. مرام بدموع: طلقها، وأنا هكون طوعك، واللي تطلبه هنفذهولك. جواد بسخرية: اشمعنى دلوقتي؟ الوقت فات. عن إذنك. وسابها ومشي. مرام: لا، افتكرت، ويا أنا يا هي. عائشة كانت بتنيم في بنتها، وجواد دخل. عائشة بتنهيدة: كانت هتنام. جواد راح واخدها، وداير بيلف بيها، وعائشة قاعدة بتبصلهم. وبعد مدة، جواد حط جود عالسرير.

عائشة ببسمة: شكراً. بس جواد مرضيش، وقعد ماسك التليفون. عائشة: جواد، هو في حاجة حصلت؟ ما بتردش عليا. جواد ببرود وهو ماسك التليفون: لا، مفيش. عائشة بغيظ مسكت التليفون وشدته: أمال إيه اللي بيحصل؟ جواد بغيظ: عايزة إيه يا دكتورة؟ عائشة: إيه اللي مزعلك؟ جواد بصوت عالي: هقولك إيه اللي مزعلني. حضرتك كنتي بتتمتعي أحسن من الغازية تحت، ولا كان هامك حد يشوفك، ليه؟ وكمان فارطة شعرك وبتتمايلي بيه. عائشة: أولاد؟

ما كانش في غير حريم بس. وثانياً، مسمحلكش تتكلم معايا كده. جواد بغضب: ليه، أنا أتكلم كيف ما بدك؟ وبدأ يقرب. عائشة بخوف وغضب: جواد، أنت هتعمل إيه؟ جواد بتوهان: إيه؟ أنتِ مش مراتي؟ عائشة وهي بتزيحه: جواد، بعد إذنك، ابعد. اديني فرصة أتعود عليك فيها. جواد ما كانش عايز يقرب، بس كان عايز يشوف مشاعرها ناحيته. بعد عنها، وراح واخد غطا ومخدة ونام عالكنبة من غير ولا حرف.

بعد مدة، لما حست إنه نام، راحت عنده وبتبص لملامحه عن قرب، ونفسها تحتضنه، عايزة تحس بالأمان. شيء غريب بيجذبها ليه، أول مرة تحس الإحساس ده. قربت منه، وباساته، بوسة خفيفة على خده، وفضلت مقربة منه تشم ريحته. هو حس بيها، بس مش عايز يحسسها إنه صاحي، مستمتع بقربها منه، فرحان. بس فجأة قامت، وبعدت، وراحت عالسرير وغطت نفسها. جواد فسرها: حاسس بيكي يا روحي، اسمحيلي بس أقرب وأعوضك عن كل حاجة. صباح يوم جديد.

عائشة صحت، بصت على جواد، لقته نايم، ودخلت الحمام، وخرجت، راحت عنده: جواد، جواد. جواد بنوم: امممم. عائشة ببسمة: قوم، الجماعة مستنيينك تحت عال فطار. جواد فتح عينيه، وأول ما شافها ابتسم: صباح الخير. عائشة بتوتر من نظراته: صباح النور. أنا هسبقك تحت. جواد: لا، استنى ننزل سوا. عائشة: ماشي. بعد مدة، خرج جواد وواقف قدام المراية، وهي بصاله وسرحانة فيه، وهو شايفها: أنا جاهز، يلا ننزل. عالفطار. الكل موجود، ما عدا مرام.

جواد: صباح الخير. الجميع: صباح النور. عائشة: صباح الخير. الجميع: صباح النور. هنيه: اقعدي يا بتي، اقعدي. جواد، روح يا ولدي، شوف مراتك، ما عايزاش تنزل. جواد بتنهيدة: ماشي. وسابهم وراح. وبعد مدة نزلوا، بس مرام ماسكة فيه ومش راضية تبعد عنه. مرام بغيظ: ده مكاني يا دكتورة، مكاني جنب جوزي. عائشة بتوتر: معلش، ما كنتش أعرف. ومش قادرة تبصلهم، لأنها غيرانة جداً من قرب مرام من جواد. وقامت وراحت قعدت على كرسي تاني جنب محسن.

مرام: ليه، ابقى اعرفي، محدش ياخد مكاني أبداً. جواد: خلاص يا مرام، خلينا نفطر. محسن: عايزة حاجة من مصر يا عيوش؟ جواد بص له بغيظ إنه بيدلعها. عائشة: أنت ماشي النهارده؟ محسن: أيوه، لازم أمشي، المحاضرات بدأت وفاتني كتير. عائشة بتفكير: اممممم، ما أعتقدش عايزة حاجة. محسن بهزار: فكرتي خلاص. جواد بغيظ: لو عايزة حاجة، تطلبها مني. حنين: ليه يا بيه؟ أنت نازل مصر؟ جواد: أيوه، عندي شغل هناك. مرام بسعادة داخلية: هاجي معاك.

عائشة بصت له بحزن في عينيها، وهو مش باصصلها. جواد: ماشي، اجهزي، هنمشي بالليل. عائشة بخنقة: عن إذنكم، أنا طالعة فوق أشوف جود. هنيه: كيف يا ولدي؟ تهمل مرتك لسه عروسة جديدة. جواد: لازم أروح، عندي مشكلة هناك ولازم أحلاها. خلف: روح يا ولدي، شوف مصالحك، وما تقلقش على مراتك، في عنينا. جواد سابهم وطلع فوق، ولقاها لابسة. جواد: رايح فين؟ عائشة من غير ما تبصله: شغلي. جواد بغيظ: شغل إيه؟ عائشة ببرود: في المزرعة.

جواد بغضب: أنتِ اتجننتي؟ كيف عروسة وتنزلي على شغلك في صباحيتك؟ عائشة بغضب بصت له، وبصوت عالي: ..........