رواية عذراء في الحب الفصل الثالث 3 - بقلم جروح لا تنتهي

عائشه لسه هتتكلم سمعت صوت جواد هز كيانها وهو بينطق اسمها لاول مرة. جواد بغضب: عيشششششششه! عائشه بتوتر: نعم. مندور بخبث: ازيك يا جواد كيف الحال؟ جواد بغيظ: بخير. عن اذنك عايز الدكتورة. مندور: اتفضل طبعًا. جواد أخدها ودخل واتكلم بغضب: انتي كيف هتروحي معاه؟ عائشه بتوتر: بقرة كانت. جواد بصوت عالٍ: كانت ولا مكنتش. مش هشوفك تروحي هناك مرة تانية فاهمة. بيت البهنساوي، اياكي تقربي منه. عائشه بغيظ: ممكن أفهم السبب؟ جواد بصّلها

بصه لو نار كانت حرقتها: أنا بقول كلامي مرة واحدة ومحبش أكرره مرة تانية، فاااهمه؟ عائشه: لا مش فاهمه. واتكلمت بصوت عالٍ: أنا هنا دكتورة بأدي مهنتي، وأي حد محتاجني مش هتأخر عليه. وأي كان اللي بينكم ميخصنيش. جواد بغضب: بتعصدي إيه؟ عائشه بتوتر من نظراته: اللي فهمته. أنا هعالج بقرة مندور. قاطعه جواد: متتطقش اسمه بلسانك تاني، فاااااهمه؟ وأنا حذرتك بيت البهنساوي، اياكي تقربي منه. وسابها ومشى قبل ما يسمع ردها.

عائشه: هو إيه أصله ده؟ إيه اللي بينهم يخليه كدا؟ سيد دخل: دكتورة، الحاجة بعتتني ليكي عشان الغدا. عائشه: حاضر يا عم سيد، رايحة. *** في بيت العمدة. مرام بغيظ: أيوه يما، خضر قالي إنهم بيتقابلوا. الأم: اتصرفي يا بت، هياخد جوزك منك. مرام: إيه يما؟ عملالهم إيه؟ الكل بيحبها ودايب فيها. الأم: أنا هروح للشيخ عوض وأحكيله وأشوفه ينجدنا. مرام بخوف: أيوه يما، اتصرفي. وقفت معاهم ونزلت عالغدا.

الكل قاعد وجواد مضايق ومتعصب، والكل قاعد ومستني عيشه. عائشه: السلام عليكم. معلش أخرت عليكوا. خلف: له يا بتي، تعالي اقعدي. عائشه باصة على جواد اللي مش راضي يبص عليها. أول ما قعدت، جواد قام: الحمد لله. عن إذنكم. مرام: رايح فين يا جواد؟ أنت مأكلتش. جواد: لا شبعت. عن إذنكم. عائشه بصت عليه كتير وبعد كدا بصت عالأكل. بعد الغدا. خلف: خليكي يا بتي معانا شوية. حنين: أيوه يا عيوش، خليكي معانا شوية حتى تتعرفي على خطيبي.

عائشه ببسمة: مش عايزة أتقل عليكوا. هنيه: تقل إيه اللي بتقوليه ده؟ دا انتي تنورينا. مرام بغيظ: أنا طالعة أشوف جواد. حنين: ها يا عيوش. عائشه ببسمة: ماشي. هنيه: إذا كان كده، تعالي معايا أوريكي البط والخرفان والمعيز اللي أنا مربياهم. حنين: إيه يا أمي ده؟ عائشه: لا خليها، أنتي عارفة أنا بحب الحاجات دي أد إيه. حنين وهي بتزقها: روحي يا عيشه، روحي. جاتك البلا في شكلك. عائشه: ههههههه. *** فأسيوط. سهير بهمس: مكلمتيهاش يا بتي.

رنيم بهدوء: يا ماما، اطمنا عليها وخلاص. مش عايزين حد يلاحظ حاجة. سهير بحزن: أعمل إيه يا بتي؟ دي بتي ونور عيني. رنيم: معلش يا ماما، إن شاء الله كل حاجة تتصلح. منير: يا حاجة، يا حاجة. سهير: خير يا حاج. منير: عيشه مكلمتكيش؟ سهير بتوتر: له يا حاج؟ أنتو معرفتوش حاجة عنها؟ خالد بغضب: كأن الأرض انشقت وبلعتها. معتز بغضب: انت السبب في كل اللي احنا فيه. انت عايز إيه تاني؟ منير: عيب يا معتز. خالد بغيظ: عيب إيه بقى؟

البيه مش لاقي أخته الهربانة وبيلوم عليا. معتز بغضب: اياك اياك تتكلم عليها كلمة وحشة. منير: معتززززز، بكفاياك بقى. خلونا في المصيبة دي. معتز: أنا خارج، الجو هنا بقى يخنق. خالد: شوف يا عمي، ابنك بيقول إيه. أيمن ببسمة: متأخذش ببالك يا واد عمي، تعالي نتمشى أنا وانت برة شوية. *** قنا. عائشه بضحك: الله يا خالتي، بجد ربنا يباركلك فيهم. هنيه بضحك: الخروف معيزش يسيبك. عائشه وهي بتجري: طب أروح فين؟ حد يلحقني!

هنيه بضحك: ههههههه، خلي بالك لا تقعي. عائشه وهي بتجري: طب حد يحوشه. ومش واخد باله اتخبطت في حيطة، ولكنها ليست صلبة فهي مليئة بالحنان. آآآه! جواد بخضة: خلى بالك. عائشه وقعت في حضنه وبتبص لعيونه، والاتنين تايهين في عيون بعض. انتبهوا على صوت مرام. مرام بغضب: بتعملي إيه يا دكتورة؟ عائشه بتوتر: احم، أنا آسفة، مكنش قصدي. هنيه: معلش يا بتي، حقك عليا. بس انتي تتحبي لدرجة إن الحيوانات حبتك. عائشه بتوتر: شكراً لحضرتك.

كل ده وهي بتخطف نظرات لجواد اللي بيمثل عدم اهتمامه. مرام بمكر: يلا يا جواد، تعالي نطلع نريح في أوضتنا. عائشه بغصة في قلبها: عن إذنكم، أنا كمان هروح. هنيه: أنتي قلتي هتبقي معانا اليوم. عائشه: معلش، بس تعبانة شوية وعايزة أرتاح. وخبت تغيظ جواد، وفي بقرة لعيلة البهنساوي عدت أشوفها. جواد بصّلها بصه لو نار لحرقتها. عائشه بخوف من بصته هربت من قدامه. *** مر يومين من تجنب جواد لعائشه اللي بتحاول تتكلم معاه وهو مش عاطيها فرصة.

صباح يوم جديد. مرام: أيوه زي ما قولتلك، مش عايزها تطلع سليمة. مجهول: حاضر يا ست مرام. مرام: هي دلوقتي هناك، نفذ دلوقتي، محدش معاها هناك. مجهول: ماشي، سلام. جواد: بتكلمي مين؟ مرام بخضة: جواد! جواد: أيوه، كنتي بتتحدتي مع مين؟ مرام بتوتر: دي البت نور، كانت عايزاني أروحلها لأنها رجعت. بس أنا عرفتها إني مطلعتش من بيتي. جواد: آه. مرام بدلع قربت منه: جواد حبيبي. جواد بجمود: نعم.

مرام: عايزة فلوس، أنزل أشتري شوية حاجات كده لازميني. جواد بغضب: حاجات إيه؟ لسه شاريّة من كام يوم. مرام بزعل: يووووه يا جواد، بتستخسر في مرام حبيبت قلبك. جواد: مستخسرش ولا حاجة، بس الحكاية إنك بتاخدي فلوس كتير. مرام: خلاص يا جواد، معيزاش. أنت عارف إني بسلي حالي بدل ما أنا معنديش عيل أسلي حالي فيه. جواد رأف لحاله: خلاص متزعليش، خدي الفلوس اللي عايزاها من أمي، وأنا لما أرجع هديهالها. مرام بقلق: رايح فين؟

جواد: غريب سؤالك، يعني هكون رايح فين؟ رايح أطل على الأرض. مرام: مغربش ولا حاجة. واتكلمت بإغراء: متسيبك من الأرض وتعالى ريح. جواد: له، أنا لازم أطلع عالأرض. مع السلامة. مرام بغيظ: ماشي يا جواد، ماشي. *** عند عائشه قاعدة في العيادة. نعيم: يا دكتورة، الحقينا يا دكتورة. عائشه بقلق: في إيه؟ وانت مين؟ نعيم: أنا بشتغل عند سي جواد. عائشه: لنفسها، مشفتكش قبل كده. نعيم: الحق، العجل بيموت. عائشه بقلق: عجل إيه؟

نعيم: تعالي معايا وأنا هوديكي ليه. وراحوا ووصلوا عند باب مقفول بالمفتاح. عائشه باستغراب: إيه ده؟ قافلينه بالمفتاح ليه؟ نعيم بتوتر: يعني عشان محدش يسرقه. عائشه بشك: طب افتح الباب، خلينا نشوفه. نعيم فتح الباب وهي دخلت، وهو فضل واقف بعيد عنها. عائشه: العجل كويس. ولفت وشها ليه ملقتوش موجود، وقفل الباب. لسه رايحة بتخبط عالأرض لقت صوت العجل اللي وقع قلبها. لفت وشها ليه لقت العجل مفكوك ورايح عليها ووشه ميبشرش بالخير.

عائشه بتخبط عالأرض بخوف: حد يفتح الباب، حد سامعني؟ افتحولى الباب بسرعة. وكل شوية بتبص على العجل اللي بيقرب. عائشه بخوف: هعمل إيه يا رب؟ وبتخبط عالأرض، حد يفتح الباب بسرعة. والعجل قرب منها وهيضربها براسه. طلعت تجري وهو بيجري وراها. عند جواد راح مشتاق يشوفها بس ملقاهاش. جواد: عم سيد، وين الدكتورة عاد؟ سيد: معرفش يا ابني، أنا سبتها هنا ومغبتش ورحت ملقتهاش. جواد بقلق: راحت فين دي؟

تعالي نشوفها، يمكن تكون عند البهايم ولا الخيول. سيد: بينا. وصلوا هناك ودوروا كتير ومش لاقيينها. ووصلوا عند الباب اللي موجودة فيه. سيد: هتكون راحت فين؟ جواد: لتكون خرجت. سيد: له، الغفير قال مخرجتش. عند عائشه. سامعة صوت جواد بس من التعب مش قادرة تطلع النفس وبتتكلم بالعافية. عائشه بتعب: جواد. جواد حاسس بيها لف ضهره، لقى الباب وسمع صوت العجل الهايج: افتح ياعم سيد الباب ده. سيد: ليه يا ابني؟

أنت عارف، إحنا منفتحش عليه، ليكون هايج ويفك ويأذينا. جواد بغضب: افتح المركوب ده بدل ما أكسره. سيد: حاضر. وبدأ يفتح الباب. وأول ما اتفتح انصدموا من المنظر. جواد بصدمة: عيشه! وطلع يجري عليها. سيد: العجل هايج ومفكوك يا بيه، خلي بالك. جواد مهموش حاجة وطلع يجري عليه وشالها وطلع لبرة. جواد بيخبط على وشها: عيشه، سمعاني؟ عائشه بتعب وألم: جواد، جواد. جواد بخوف: أنا هنا. حاسة بأي؟ عائشه: ألم، ألم في كل حتة بجسمي.

جواد بحب: سلامتك. عائشه: كنت خايفة متجيش. جواد: مقدرش مجيش. أنا جنبك هنا. عائشه: متسبنيش يا جواد، متسبنيش. سيد: يلا يا بيه، العربية جت. جواد شالها وحطها بالعربية وماسك إيدها ومش راضي يسبها. ووصل المستشفى. جواد بغضب: دكتورة، بسرعة. الممرضة: جواد بيه، خير. جواد بغضب: عايز دكتورة، أي معتفهميش. الدكتور: في إيه؟ إيه اللي حاصل ده؟ وبيمد إيده يمشي عليها. مسكها جواد. جواد بغضب: أنا بقول دكتورة. أنت دكتورة.

الدكتور بخوف من هيئته: نادى الدكتورة بسرعة. الدكتورة: أنا جيت أهو، في إيه؟ إيه ده اللي حصلها ده؟ جواد: مش وقته، اتصرفي. الدكتورة: عالعمليات بسرعة. جواد بقلق: عمليات إيه؟ الدكتورة: عندها نزيف داخلي. عن إذنك. ودخلوا العمليات. جواد واقف وهيموت من القلق. معاذ بلهفة: في إيه يا جواد؟ حنين كلمتني وقالتلي أجيك عالمستشفى. جواد بهدوء عكس البركان اللي جواه: مفيش يا معاذ. الدكتورة معرفش إيه اللي حصلها. لقيتها عند العجل.

معاذ: ربنا يستر. حنين قالبة الدنيا، بس أنا منعتها إنها تيجي عشان منعملش زعبيرة. جواد بشرود: زين ما عملت. بعد دقائق الممرضة خرجت. جواد بلهفة: كيفها؟ عاملة إيه؟ الممرضة: الحالة مستقرة، بس محتاجين دم. جواد: أنا هتتبرعلها. معاذ بشك: اهدى يا واد عمي، مالك كده؟ لما نشوف نوع الفصيلة. جواد بتوتر: احم، نوعها إيه؟ الممرضة: A سالب. جواد: أنا نفس فصيلتي. الممرضة: اتفضل معايا. بعد مدة خرجت الدكتورة ووراها عائشه عالنقالة.

جواد بلا وعي طلع يجري عليها. ومعاذ بيتكلم مع الدكتورة، بس شايف اللي بيحصل قدامه. جواد ماسك إيدها ومش راضي يسيبها. دخلوها الأوضة. الممرضة: اتفضل حضرتك برة عشان هنلبسها. جواد خرج برة وسمع صوت معاذ. معاذ: إيه الحكاية يا جواد؟