رواية عطر مسك الفصل الحادي عشر 11 - بقلم زينب محمود

عبده: وإيش دراني إنها معاك أصلًا. نور: بس كده، طيب اصبر. فتحت فيديو كول لمسك. عبده والصدمة على وشه. وبعد كده لقي مسك متربطة بحبل في كرسي وشكلها مغمي عليها، وفي واحد واقف وراها مغمي وشه. عبده: يبنت ال.... سيبيها في حالها، حرام عليكي، هي عملتلك إيه؟ قفلت نور الفيديو كول وكملت كلامها معاه. نور: هي معملتليش حاجة ولا أذتني، لأ، ده أنت اللي أذيتني وأنت اللي وجعتني. عبده: طب أنا اللي أذيتك، هي مالها بقا؟

سيبها في حالها بالله عليكي، وأنا هعملك كل اللي أنتِ عايزاه. نور: متخافش، أنا مش هاذيها ولا هعمل فيها حاجة. أنا كان كل هدفي إني أكسرك وأوجعك زي ما عملت فيا. للدرجادي بتحبها؟ عيط عليها زي النسوان في وسط الشارع؟ شوفت القهرة اللي دقتها؟ تعالي، عاملة إزاي؟ شوفت وجع قلبي ولا لأ؟

على العموم، أنا خلاص خدت بتاري وانتقمت منك خلاص. أما السنيورة دي، معدتش تلزمني في حاجة. بكرة هتلاقيها مرمية على طريق إسكندرية عند الكيلو 60 الساعة 8 الصبح. وقامت عملت له بلوك. عبده: يارب سمحني ورجعها لي سليمة معافاة من أي مكروه، ياربي. *** عند مسك... مسك: وبعدين يا نور، أنتِ هترجعي لوحدك مصر صح؟ نور: مين قال لك كده؟ أنا هبقى معاكي كل ثانية عشان أراقب كل تحركاته وخطواته بالسنتي. مسك: طب وبقية الخطة؟

نور: لا، بقية الخطة دي سيبها عليا، متخافيش. مسك: أنا سيباها عليكي وعلى ربنا والله. نور: طيب، يلا نجهز عشان نلحق نسافر. *** عند ياسين... ياسين: صباح النور على روح قلبي من جوه، صباح الهنا على قلبي. رنا: آه يا وله، أبلغني بقا بكلامك الحلو ده. ياسين: والله مقدر يا قلبي، أنا يلا قومي حضرتك أحلى فطار ملوكي عشان ست الحسن والجمال، رنا هانم. رنا: يارب ميحرمنيش منك يا قلبي. أنا بس عندي طلبي. ياسين: أنتِ تأمري يا قلبي.

رنا: أنا، أنا عايزة أنزل عشان أشتري شوية هدوم، وبعدين أنا بقالي شهر في البيت مطلعتش منه. ياسين: حبيبة قلبي، أنا أخلص علاجها وأخرجه على طول. رنا: متجننيش، أنا خلصت العلاج وفطرت النهاردة. أنا هيجيلي اكتئاب من القعدة، ولا والله أموت نفسي. قام ياسين حط إيده على بقها: تموتي مين؟ بعد الشر عنك، أنتِ عايزة تسبيني تاني؟ ده يرضيك؟ رنا: يا حبيبي، بس أنا زهقت بجد وعايزة أطلع أشم هوا.

ياسين: طب يلا نفطر، وبعدين نشوف الموضوع ده بعدين. *** عند نجوى... محمد: وبعدهالك يا ماما، هتفضلي تعيطي كده عمال على بطال؟ كده غلط على صحتك، وبعدين أنتِ مأكلتيش حاجة من الصبح. نجوى: عايزني آكل ولا أشرب إزاي، وأختك بقالها أسبوع مختفية من البيت، أنت مبتحسش؟ حرام عليكم. محمد: يا ماما نعمل إيه طيب؟ هو أنا ساكت؟ مبقالي أسبوعين لا لقيتها ولا سبت. مستشفى ولا قسم، دورت فيه.

نجوى: انزل دور تاني وتالت، يلا، متقعدش غير لما تجيبلي أختك البيت. محمد: حاضر يا ماما. بعد 15 دقيقة. نجوى: الو، أي يا نوسة؟ عاملة إيه يا قلبي أمك؟ الخطط أخبارها إيه؟ ماشية تمام؟ مسك: آه يا ماما، كل حاجة تمام وعال العال. وحياة أمه، سنية لأدوخها الـ 7 دوخات عليا. نجوى: وبعدين يا بنت بطني، أخوكي يا حبيبة عيني عمال يلف زي الكلب الصعران، عايزة أقوله بس مش قادرة.

مسك: لا يا ماما، أوعي تقولي له حاجة، بالله عليكي، لحسن يموتني فيه. نجوى: طيب يا بنتي، أنتِ هترجعي امتى؟ مسك: كلها يومين يا ماما وأجي. يلا سلام بقا عشان بحضر حجتي.

عدى اليوم على أبطالنا كلهم، وكل واحد فيهم ملهي في مشكلة. إلا عبده، دموعه منشفتش يوم على مسك. وبدأ اليوم الموعود الساعة 7 الصبح. قام عبده لبس وركب العربية ونزل جري على الطريق. بعد نص ساعة سواقة على أقصى سرعة، وصل عبده المكان، بس كانت الصدمة، ملقاش مسك. وفجأة رن تليفونه. محمد: الو، أي يا عبده؟ تعالي، احنا لقينا مسك. عبده: أنا جي حالا، ابعت لي اللوكيشن.

بعد مرور الوقت، وصل عبده في مستشفى سيدي بشر. دخل ولقى الكل متجمع. وفجأة لقي نجوى رقعت بالصوت. نجوى: لا بنتي، لا. ياربي، بنتي. حد يرجع لي بنتي. عبده: في إيه؟ إيه الصوت ده؟ وسعوا كده. وبيحوش الكل، لقي.....