رواية عيون قلبي الفصل الخامس عشر 15 - بقلم يارا عبد العزيز

صلى على النبي واذكر الله. نادية، وهي تحتضن عين بدموع: أنا آسفة يا بنتي، سامحيني. عمري ما كنت أم كويسة ليكي، وإنتي طول الوقت كنتي بتستحملي وديماً بتضحي عشان أخواتك وأنا ما كنتش مقدرة. داعين، وهي تبكي وتُقبّل يدها: متعتذريش، أنا مش زعلانة منك. إنتي زي والدتي. نادية: لا يا عين، أنا مش زي والدتك. أنا ماما فعلاً يا حبيبتي. من هنا ورايح أنا أمك ومفيش طنط تاني، أنا ماما، ماشي؟ عين،

وهي تحتضنها وتبكي: بجد شكراً جداً ليكي لأنك حسستيني الإحساس ده. إيمان: دراما كوين أوي يعني. عين، بابتسامة وهي تمسح دموعها: بس يا بت. نادية: طب أسيبكوا أنا بقى، تعقدوا براحتكوا. وخرجت. عين: بقى بتسبيني وتمشي؟ يا ناد’لة الصحاب في إجازة فعلاً. إيمان: معلش بقى يا عين، أمي رنت عليا. المهم، قولولي إيه اللي حصل؟ عين حكت لإيمان كل حاجة. إيمان: كنتي سبتيه عليها؟ عين: إذا كنت أنا زعلت إنه خرجها بالطريقة دي.

إيمان: يختااااااي، دا كانت هتاخد منك جوزك. عين: ربنا يسامحها ويهديها. إيمان، بابتسامة: إلا صحيح يا عين، هو إنتي تعرفي عمر؟ عين: عمر مين؟ إيمان: صاحب آدم اللي كان موجود في كتب كتابك. عين: لا معرفوش، بس بتسألي ليه؟ إيمان: أصلي شفته النهاردة في الشركة. عين، بخبث: وإيه؟ إيمان، بخجل: متتبصليش البصة دي. عين: أووه، دا إيمان وقعت تقريباً. إيمان: الصراحة آه. بس هو فين وأنا فين؟ عين: وإنتي مالك بقى؟

الحب ميعرفش مستوى اجتماعي يا إيمان. بس بلاش تعلقي نفسك بيه لأنه ممكن ميكونش من نصيبك. سلمي أمورك لله، وأكيد ربنا مش هيكتبلك إلا الخير، وبكرة ربنا يبعتلك اللي يستاهلك. إيمان: صح، معاكي حق. طب وإنتي عاملة إيه مع آدم؟ عين، بابتسامة وحب: بيحبني. إيمان، بفرحة: بجد؟ يعني هو اعترفلك؟ عين: آه. إيمان، بفرحة: يرووحى على القمر! وإنتي قولتي له إيه؟ عين: مقولتش حاجة. إيمان: بتهزري صح؟

عين: ما هو أنا مش فاهمة مشاعري ناحيته. محبتش قبل كدا أنا. إيمان: طب إنتي بتحسي بإيه أما بتكوني معاه؟ عين: كل حاجة حلوة. ساعات كتير بحس إني بحبه. إيمان: طب ما تقوليله، مستنية إيه؟ عين: إنتي شايفة كدا؟ إيمان: مش شايفة غير كدا أصلاً. الباب خبط. نادية: يلا يا حلوين، العشا جاهز. عين: تعبتي نفسك ليه يا ماما؟ كنتي ناديتيني أساعدك.

نادية: ولا تعب ولا حاجة. دا إنتي أول مرة تزوريني. إنتي وآدم، بتحبوا بعض أوي يا عين، ربنا يسعدكوا. إيمان، وهي ترفع يدها: آمين يا رب. وقعدوا يتعشوا مع بعض، وكان آدم مرتاح جداً معاهم. آدم: طب نروح إحنا بقى، يلا يا عين. عين: ماشيين. نادية: ما إنتوا قاعدين؟ عين: عشان آدم عنده شغل الصبح. آدم: نبقى نيجي يوم من بدري بإذن الله. يلا سلام. الكل: سلام. إيمان، وهي تحتضن عين: قوليله متنسيش. عين: هحاول. في العربية.

عين كانت بتحاول تقول لآدم. عين: آدم. آدم، بحب: عيونه. عين، بتوتر: كـ كنت عايزة أقولك حاجة. آدم: قوللي يا حبيبي. عين: أنا... أنا جعانة. آدم، بابتسامة: دا كله عشان تقولي أنا جعانة؟ وبعدين ما إحنا لسه واكلين. عين، بتوتر: آه صح، إحنا لسه واكلين. عين: تيجي ننزل نتمشى على الكورنيش شوية وناكل حمص الشام؟ آدم: ماشي. ووقف آدم العربية عند الكورنيش. عين: يلا احكي. آدم: أحكي إيه؟ عين، وهي تشير على قلبه: اللي مخلي دا موجوع.

آدم، وهو يمسك يدها ويُقبّلها: دا مش موجوع طول ما إنتي معايا. عين: يلا يا آدم، أنا سامعة. آدم: طول عمري بعيش على خناقات أمي وأبويا كل يوم. كانا أنا وفرح بنصحى على خناقهم. كان ديما بيضربها قصاد عينينا ومكناش بنعرف نعملها حاجة، وكان طول الوقت بيخونها وكان بيجيب ستات عندنا البيت لحد أما مقدرتش تستحمل. وكمّل بعياط: وانتحرت. ومن ساعتها وفرح دخلت في الحالة اللي كانت فيها، وأنا أنا مكنتش عارف أعملها حاجة.

عين، وهي تأخذه في حضنها وتُطبّط عليه: بس دلوقتي فرح كويسة. آدم: أيوا الحمد لله. معلش نكدت عليكي، بس إنتي اللي كنتي عايزة تسمعي. عين: بطل تقول الكلام دا تاني. إنت جوزي، لو ما كنتش أنا هسمعك وأخفف عنك، مين هيعمل كدا؟ آدم: ربنا يباركلي فيكي. وفضلوا قاعدين شوية، وروحوا الڤيلا. وأول ما فتحوا الباب، لاقوا.